پارتيا 20 - قۇرىلتايىنىڭ رۋحىن دايەكتىلەندىرۋ، تياناقتاندىرۋ، اۆتونوميالى رايوندىق 10 - كەزەكتى پارتكومنىڭ جەتىنشى جالپى ماجىلىسىندەگى جانە «ۇكىمەت قىزمەتىنەن بايانداماداعى» ورنالاستىرۋلاردى تياناقتاندىرۋ ءۇشىن، قوعامنىڭ ءار سالاسىنان ۇسىنىس - پىكىر الۋ نەگىزىندە، اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى اقىلداسۋ ارقىلى 2023 - جىلى حالىق تۇرمىسىنا قاتىستى مىناداي 10 ناقتى ءىستى اتقارۋدى ۇيعاردى:
ءبىرىنشى، قامتاماسىزداندىرۋ سيپاتتى تۇرعىن ءۇي قۇرىلىسىن جۇرگىزۋ. قامتاماسىزداندىرۋ سيپاتتى جالعا بەرىلەتىن 41 مىڭ تۇرعىن ءۇيدىڭ، الەۋمەتتىك جالعا بەرىلەتىن 13 مىڭ ءۇيدىڭ قۇرىلىسىن باستاۋ، قالا - قالاشىقتارداعى لاشىقتى وڭىرلەردە 49 مىڭ ءۇيدى جاڭالاۋ، كونە تۇرعىندار اۋماقتارىنداعى 219 مىڭ 100 وتباسىنداعى تۇرعىنداردى قامتىعان 1152 تۇرعىندار اۋماعىن جاڭالاۋ.
ەكىنشى، ”كومىردى ەلەكترگە وزگەرتۋ“ (ەكىنشى كەزەڭدىك) ينجەنەريا قۇرىلىسىن ىلگەرىلەتۋ. ”كومىردى ەلەكترگە وزگەرتۋ“ (ءبىرىنشى كەزەڭدىك) ينجەنەرياسىن بەكەمدەپ جوعارىلاتۋ، ”كومىردى ەلەكترگە وزگەرتۋ“ (ەكىنشى كەزەڭدىك) ينجەنەرياسىندا 279 مىڭ 500 وتباسىن جاڭالاۋ مىندەتىن ورىنداۋ، 110 كيلوۆولتتىق جانە ودان جوعارى كەرنەۋلى ەلەكتر تورىنىڭ 32 نىسانىن سايكەستىرىپ سالۋ.
ءۇشىنشى، قارتتاردى كۇتىمدەۋ، بالا باعۋ قىزمەت وتەۋى، قالالارداعى ۇكىمەت اشقان بالاباقشالارىنىڭ بالا قابىلداۋى جاقتارىندا ساندى ارتتىرۋ. قالالارداعى الەۋمەتتىك اۋماقتاردا قارتتاردى كۇتىمدەۋ بويىنشا ”التىن ءتۇستى كەشكى شاپاق“ ينجەنەرياسىن اتقارۋ، 100 الەۋمەتتىك اۋماقتاعى قارتتارعا كۇندىز قاراۋ ورتالىعىن جاڭادان سالۋ نەمەسە جاڭالاپ سالۋ، قالا رايوندارىندا قارتتاردى ۇيىندە كۇتىمدەۋ بويىنشا ”شەرىك ساعاتتىق“ قىزمەت وتەۋ شەڭبەرىن جەدەل قۇرۋ. الەۋمەتتىك اۋماقتاردا ەمدەۋ مەن كۇتىمدەۋدى ۇشتاستىرۋ قابىلەتىن جوعارىلاتۋ ينجەنەرياسىن اتقارۋ، ءبىرتالاي الەۋمەتتىك اۋماقتىڭ (اۋىل - قالاشىق) ەمدەۋ مەن كۇتىمدەۋ ۇشتاستىرىلعان قىزمەت وتەۋ ورتالىعىن جاڭالاپ، كەڭەيتىپ سالۋ، قاۋقارسىز، جاسى ەگدەلەگەن، مۇگەدەك قارتتارعا دياگنوز قويىپ ەمدەۋ، ساۋىقتىرۋ كۇتىمدەۋى، ۇزاق ۋاقىت كۇتۋ، تىنىقتىرىپ ەمدەۋ نەگىز ەتىلگەن ەمدەۋ مەن كۇتىمدەۋدى ۇشتاستىرۋ ارقىلى ءتۇيىندى تۇردە قىزمەت وتەۋ. جالپىعا ءتيىمدى بالا باعۋ قىزمەت وتەۋى ارناۋلى ارەكەتىن ورىستەتىپ، اۋدانداردىڭ (قالا، رايون) ％65ىندە بالا باعۋدا ۇلگى كورسەتەتىن كەمىندە ءبىر قۇرىلىم قۇرۋدى جۇزەگە اسىرۋ، بالاباقشالارىندا 2 − 3 جاستاعى سابيلەردى باعۋ كلاسىن اشۋ قىزمەتىن ىلگەرىلەتۋ. ۇكىمەت اشقان بالاباقشالارىنىڭ سالىستىرماسى ％50تەن تومەن قالالاردا ۇكىمەت اشقان ءبىرتالاي بالاباقشا سالىپ، ۇكىمەت اشقان بالاباقشالارىنا قابىلداناتىن بالا سانىن كەمىندە 4000 بالا ارتتىرىپ، قالالارداعى ۇكىمەت اشقان بالاباقشالارىنىڭ قابىلدايتىن بالا سانى جەتىسپەۋ جانە ساپالى وقۋ - اعارتۋ بايلىعىنىڭ بىركەلكى بولماۋى، جەتكىلىكتى بولماۋى سىندى قيىن ماسەلەنى بىرتىندەپ شەشۋ.
ءتورتىنشى، جۇمىستانۋعا كومەكتەسىپ مەيىرگە بولەۋ قيمىلىن ورىستەتۋ. كەدەيلىكتەن ارىلعاندار قاتارىنداعى جۇمىس ىستەۋشىلەر سانى ءبىر ميلليون 87 مىڭ ادامنان تومەن بولماۋىن جۇزەگە اسىرۋ. جۇمىسسىزداردان 160 مىڭ ادامنىڭ جۇمىستانۋىن جەبەۋ، قالا - قالاشىقتارداعى جۇمىستانۋى قيىنعا سوققان 29 مىڭ ادامنىڭ جۇمىستانۋىنا كومەكتەسۋ، قالا - قالاشىقتارداعى بىردە - ءبىر ادامى جۇمىستانباعان وتباسىلاردى يكەمدى نولگە ءتۇسىرۋدى جۇزەگە اسىرۋ. ”شينجياڭ قۇرىلىس ۇستالارىن“ باۋلۋ، جۇمىستاندىرۋ ارەكەتىن باستاپ، 125 مىڭ ادام - رەت باۋلۋ جانە 100 مىڭ ادامدى جۇمىستاندىرۋ مىندەتىن ورىنداۋ.
بەسىنشى، اكىمشىلىك قىزمەت وتەۋدەگى ”ءبىر جەلىدە ءبىر تۇتاس ءبىتىرۋدى“، ”ءبىر ءىستى بىرلەسىپ ءبىتىرۋدى“ تەرەڭدەتۋ. وزگە جەردە ەمدەلۋدى ەستەلىككە الدىرۋ بارىسىن ساپالىلاندىرىپ، وزگە جەردە ەمدەلۋدەگى ەسەپ جابۋ كولەمىن كەڭەيتىپ، ينتەرنەتتە ەسەپ جابۋ سالىستىرماسىن ۇزدىكسىز جوعارىلاتىپ، ولكە اتتاپ وزگە جەردە ەمدەلۋشىلەردىڭ ”اقشاسىن ءوزى تولەي تۇرۋ“ جانە ”سابىلۋ“ ماسەلەلەرىن ءونىمدى شەشۋ. ”شينجياڭ قوعام حاۋىپسىزدىگى ميكرو ساقشى ىستەرى“ شاعىن باعدارلاماسىن سۇيەنىش ەتىپ، قوعام حاۋىپسىزدىگى جۇيەسىنىڭ اناعۇرلىم كوپ اكىمشىلىك قىزمەت وتەۋ جۇمىستارىن ”ءبىر جەلىدە ءبىر تۇتاس ءبىتىرۋىن“، ”الاقاندا ويداعىداي ءبىتىرۋىن“ ىلگەرىلەتۋ، بۇقارانىڭ ”ۇيىنەن شىقپاي - اق “ قوعام حاۋىپسىزدىگىنە قاتىستى ىستەردى بىتىرە الاتىن بولۋىن جۇزەگە اسىرۋ. شينجياڭ ىشىندە ازاماتتىق كۋالىك سياقتى 6 ءتۇرلى قوعام حاۋىپسىزدىگى ەلەكتروندىق كۋالىك سۋرەتىن جالپىلاستىرىپ قولدانىپ، بۇقارانىڭ اكىمشىلىك قىزمەت وتەۋ، زاڭ اتقارۋ تەكسەرۋى سياقتى كەزدەردە ەلەكتروندىق كۋالىك سۋرەتىن ناقتى كۋالىك ورنىنا قولدانۋىن جۇزەگە اسىرۋ. باسقا جەردە تۋىلعان بالالاردى نوپوسقا قوندىرۋ، تۇرعىندار باسقا جەردە ازاماتتىق كۋالىگىن الۋدى تۇڭعىش رەت ءوتىنىش ەتۋ سياقتى اناعۇرلىم كوپ جوعارى جيىلىكتى اكىمشىلىك قىزمەت وتەۋ ىستەرىن ”ولكە اتتاپ ءبىر تۇتاس ءبىتىرۋدى“ ۇزدىكسىز ىلگەرىلەتۋ. جىلجىمايتىن مۇلىكتى تىزىمگە الدىرۋدى ”ءبىر تەرەزەدە قابىلداۋ، قاتار ءبىتىرۋ“، ”ينتەرنەتتە ءىس ءبىتىرۋ زالى“ جاقتارىنداعى قىزمەت وتەۋ ونىمدىلىگىن ساپالىلاندىرىپ، جىلجىمايتىن مۇلىكتى وتكەرمەلەگەندە تىزىمگە الدىرۋدى جانە سۋ، توك، تابيعي گازدى بىرگە وتكىزىپ بەرۋدى، سونداي - اق كاسىپورىندارعا ساياتىن جىلجىمايتىن مۇلىكتى تىزىمگە الدىرۋدى ءبىر جۇمىس رەتىندە بىرگە ءبىتىرۋدى كەمەلدەندىرىپ جالپىلاستىرۋ.
التىنشى، مادەنيەت، دەنە تاربيە جاعىندا حالىقتى يگىلىككە كەنەلدىرۋ قيمىلىن ورىستەتۋ. ”جۇلدىزدار تيانشاندى نۇرلاندىردى“، ”قوس ءجۇز“ قيمىلى، كوپشىلىك بىرگە ءان ايتۋ، الاڭ ءبيى سياقتى بۇقارالىق مادەنيەت قيمىلدارىن ۇيىمداستىرىپ ورىستەتۋ. ”انار ءدانى“ مادەنيەت - كوركەمونەر شاعىن اترەتى، كاسىپتىك ورىندار مەن ۇيىرمەلەردىڭ حالىققا تيىمدىلىك جەتكىزۋ بويىنشا كونسەرت قويۋى سياقتى رايون، ايماق، اۋدان ءۇش دارەجەلى ادەبيەت - كوركەمونەردى نەگىزگى ساتىعا جەتكىزۋ كونسەرت قيمىلىن ۇزدىكسىز ورىستەتۋ. ”ءان - ءبيلى تەاتردى اۋىل - قىستاققا جەتكىزۋ“ نىسانىن ءتۇيىندى تۇردە ىلگەرىلەتىپ، بۇكىل شينجياڭنىڭ 39 اۋدان - قالاسىنداعى 458 اۋىل - قالاشىقتا ءان - ءبيلى تەاتردى اۋىل - قىستاققا جەتكىزۋ بويىنشا ءارقايسى اۋىل - قالاشىقتا جىلىنا 6 رەت كونسەرت قويۋ. شينجياڭ چۇيزى وپەراسى، سىبە ۇلتىنىڭ ”حاندۋ كوكتەمى“ سياقتى جويىلۋعا اينالعان درامالىق جانرلار ارقىلى حالىققا تيىمدىلىك جەتكىزۋ بويىنشا كونسەرت قويۋ قىزمەتىن ورىستەتۋ. جالپى حالىقتىق كىتاپ وقۋ جەلىلەس قيمىلىن جانە ”جىلجىمالى مۇراجايدى“ ارالاي كورمەلەۋ قىزمەتىن ورىستەتۋ. ايماق، وبلىس، قالالاردا 10 دەنە تاربيە باقشاسىن، ءبىر جالپى حالىقتىق دەنە شىنىقتىرۋ ورتالىعىن، 36 قوعامدىق فۋتبول الاڭىن سالۋدى ىلگەرىلەتۋ، بۇكىل شينجياڭداعى 77 ۇلكەن دەنە تاربيە الاڭ - سارايىن اقىسىز نەمەسە ارزان اقىمەن قوعامعا اشۋدى ىلگەرىلەتۋ. جاستار مەن ورەندەردىڭ قار - مۇز سپورتىن جالپىلاستىرۋ قىزمەتىن ورىستەتۋ، جەلىلەس قار - مۇز قىسقى لاگەرى قيمىلىن ورىستەتۋ، دەنە تاربيەدە ءداستۇرلى ەرەكشەلىككە يە 50 مەكتەپ ورنالاستىرۋ.
جەتىنشى، ”تورتتە جاقسى اۋىل - قىستاق جولى“ قۇرىلىسىن جانە اۋىل - قىستاق اۋىز سۋ ينجەنەرياسىن جوندەۋ، قورعاۋ نىسانىن اتقارۋ. جالپى ۇزىندىعى 6000 كيلومەتر كەلەتىن اۋىل - قىستاق تاس جولىن تىڭنان نەمەسە جاڭالاپ سالۋ، اۋىل - قىستاق تاس جولىنىڭ ىركىلىسسىزدىك دەڭگەيىن ونان ارى جوعارىلاتۋ. جالپى ۇزىندىعى 5000 كيلومەتر كەلەتىن اۋىل - قىستاق تاس جولىندا حاۋىپسىزدىك ينجەنەرياسىن اتقارىپ، 100 حاۋىپتى كوپىردى جاڭالاپ، اۋىل - قىستاق تاس جولىنىڭ حاۋىپسىزدىگىن قامتاماسىزداندىرۋ دەڭگەيىن ونان ارى جوعارىلاتىپ، حالىق بۇقاراسىنىڭ حاۋىپسىزدىك سەزىمىن جوعارىلاتۋ. 30 اۋداندا (قالا) 539 ورىنداعى اۋىل - قىستاق اۋىز سۋ ينجەنەرياسىن جوندەۋ، قورعاۋ مىندەتىن ورىنداۋ، اۋىل - قىستاقتاعى 2 ميلليون 30 مىڭ ادامنىڭ سۋمەن قامدالۋىن قامتاماسىز ەتۋ دەڭگەيىن بەكەمدەپ، جوعارىلاتۋ.
سەگىزىنشى، شارۋا جۇمىسكەرلەردىڭ ەڭبەكاقىسىن ۋاعىندا بەرىپ الاڭسىز ەتۋ ينجەنەرياسىن اتقارۋ. ينجەنەريا قۇرىلىسى سالاسى سياقتى ەڭبەكاقىعا قارىزدار بولۋ جايتى وڭاي تۋىلاتىن، كوپ تۋىلاتىن سالالار مەن كاسىپورىنداردى ءتۇيىن ەتىپ، ۇكىمەت قارجى قوسقان ينجەنەريا نىساندارىن، مەملەكەت مەنشىگىندەگى كاسىپورىنداردىڭ قۇرىلىس نىساندارىن جانە قوعامداعىلار قارجى قوسقان قورا - جاي اشۋ نىساندارىن كورنەكتىلەندىرىپ، شارۋا جۇمىسكەرلەردىڭ ەڭبەكاقىسىن ۋاعىندا، تولىق الۋىنا شىنايى كەپىلدىك ەتىپ، شارۋا جۇمىسكەرلەردىڭ ەڭبەكاقى جاعىنداعى ۇقىق - مۇددەسىن شىن مانىندە قورعاۋ. شينجياڭداعى شارۋا جۇمىسكەرلەردىڭ ەڭبەكاقىسىن بەرۋدى باقىلاۋ - مەڭگەرۋ، ساقتاندىرۋ تۇعىرىن جالپى بەتتىك قۇرۋ جانە ىسكە قوسۋ ارقىلى ينجەنەريا قۇرىلىسى سالاسىنىڭ جۇمىسشى ىستەتۋ جانە ەڭبەكاقى تاراتۋ جالپى بارىسىن باقىلاپ - باسقارىپ، ەڭبەكاقىعا قارىزدار بولۋ ماسەلەسىنەن قاينار كوزىنەن ساقتانۋ. ەڭبەكاقىعا قارىزدار بولىپ اۋىر دارەجەدە زاڭعا قايشىلىق جاساۋ ارەكەتتەرىن قوعامعا جاريالاۋ، سەنىمىنەن ايرىلعانداردى بىرلەسىپ جازالاۋدى، ەسكەرتۋدى كۇشەيتۋ.
توعىزىنشى، ”ءۇرىمجى − سانجى − شىحىزى“ ءوڭىرىنىڭ اتموسفەرا ورتاسىن وڭاۋدى ىلگەرىلەتۋ. بيڭتۋان مەن جەرگىلىكتى ورىن ءبىر تۇلعا بولۋعا، بىرلەسىپ ساقتانىپ، بىرلەسىپ تىزگىندەۋگە تاباندى بولىپ، ءتۇيىندى سالالارداعى كوپتەگەن لاس زاتتاردى سايكەسە جونگە سالۋدى ىلگەرىلەتىپ، ”ءۇرىمجى − سانجى − شىحىزى“ وڭىرىندەگى اتموسفەرانىڭ لاستانۋى ماسەلەسىن كۇش سالا شەشىپ، اتموسفەرا ساپاسىنىڭ كورنەكتى جاقسارۋىن جەبەۋ. جاسىل ءجۇرىس - تۇرىستى ”ءۇرتىس ءجۇرۋ ينجەنەرياسىن“ اتقارىپ، ءتۇيىندى جوعارى جىلدامدىقتى تاس جولداردا، ادەتتەگى مەملەكەت، ولكە نەگىزگى جەلى تاس جولدارىنداعى قىزمەت وتەۋ اۋماقتارىندا زاريادتاۋ باعاناسىن، زاريادتاۋ پۋنكتىن قۇرىپ، حالىق بۇقاراسىنىڭ جاسىل ءجۇرىس - تۇرىسىنا قولايلىلىق تۋدىرۋ.
ونىنشى، قيىنشىلىعى بار سالماقتى مۇگەدەكتەردىڭ ءۇيىن مۇگەدەكتەرگە ىڭعايلى ەتىپ جاڭالاۋ نىسانىن اتقارۋ. قيىنشىلىعى بار 6300دەن استام سالماقتى مۇگەدەكتىڭ ءۇيىن مۇگەدەكتەرگە ىڭعايلى ەتىپ جاڭالاۋ، قاجەتىنە قاراي الاسا قازاندىق، كولبەۋ جول، جاقتاۋ سياقتى مۇگەدەكتەرگە ىڭعايلى قۇرىلعىلار ورناتىپ، ۇيىندەگى اسحانا، تازالىق بولمەسى سياقتى تۇرمىستىق قۇرىلعىلاردى جاڭالاپ، مۇگەدەكتەردىڭ كۇندەلىكتى تۇرمىسىنا جانە دەربەس تۇرمىس كەشىرۋىنە قولايلىلىق تۋدىرۋ.
اۆتونوميالى رايوندىق حالىق ۇكىمەتى حالىق تۇرمىسىنا قاتىستى وسى 10 ناقتى ءىستى بىتىرۋگە قاداعالاي قۋزاۋشىلىق ەتىپ، ۋادەنى ورىندايدى. قوعامنىڭ ءار سالاسىنداعىلار مەن جالپى جۇرتتىڭ بەلسەنە ات سالىسىپ جانە باقىلاپ، قۇندى ۇسىنىس - پىكىر بەرىپ، ناقتى ىستەردى ويداعىداي ىستەۋگە، يگى ىستەردى ناقتى ىستەۋگە شىنايى مۇمكىندىك جاساۋىن ءۇمىت ەتەدى.
وسىنى ەرەكشە حابارلاندىرامىز.
شينجياڭ ۇيعۇر اۆتونوميالى رايوندىق حالىق ۇكىمەتى
2023 - جىلى 2 - ايدىڭ 9 - كۇنى
