انار بۇلت \ شينجياڭ گازەتىنىڭ ءتىلشىسى ۋاڭ يايۇن 2 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىمىزشا، تاياۋدا جاراتىلىستىق بايلىق مينيسترلىگى تۇڭعىش توپتاعى ”جاراتىلىستىق بايلىقتى ۇنەمدى، شوعىرلى پايدالانۋدان ۇلگى كورسەتەتىن اۋداندى (قالا)“ جاريالاعان، شينجياڭداعى 7 جەر داڭق تاقتاسىنان ورىن العان، ولار جەكە - جەكە مىنالار: چارقىلىق اۋدانى، باعراش اۋدانى، كۇنەس اۋدانى، موڭعۇلكۇرە اۋدانى، ساۋان قالاسى، كوكتوعاي اۋدانى، قابا اۋدانى.
”جاراتىلىستىق بايلىقتى ۇنەمدى، شوعىرلى پايدالانۋدان ۇلگى كورسەتەتىن اۋدان (قالا) بولىپ باعالانۋ رايونىمىزدىڭ بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىن تياناقتاندىرۋدا، جاراتىلىستىق بايلىقتان ۇنەمدى، شوعىرلى پايدالانۋدىڭ قوعامدىق رايىن قالىپتاستىرىپ، جاراتىلىستىق بايلىقتى جالپى بەتتىك ۇنەمدەۋدى جانە جوعارى ءونىمدى پايدالانۋدى ىلگەرىلەتۋدە، ەكولوگيالىق وركەنيەت قۇرىلىسىن جانە ەكونوميكانىڭ، قوعامنىڭ جوعارى ساپالى دامۋىن جەبەۋدە بەلسەندى ۇلگىلىك، جەتەكشىلىك رول اتقارادى“، - دەدى اۆتونوميالى رايوندىق جاراتىلىستىق بايلىق مەڭگەرمەسى جاراتىلىستىق بايلىقتى اشۋ، پايدالانۋ باسقارماسىنىڭ باستىعى جاڭ ۋي.
ءتىلشىنىڭ ۇعىسۋىنشا، باعراش اۋدانى، كۇنەس اۋدانى، موڭعۇلكۇرە اۋدانى جانە ساۋان قالاسى جەر بايلىعىنان ۇنەمدى، شوعىرلى پايدالانۋ بارىسىندا جەردەن ۇنەمدى پايدالانۋ، جەر مولشەرىن ازايتىپ پايدالانۋ، جەردەن پايدالانۋ قۇرىلىمى مەن ورنالاسىمىن ساپالىلاندىرۋ، ىركىندى جەردى اينالىمعا سالىپ پايدالانۋ تەبىنىن ارتتىرۋ، جەردەن پايدالانۋ كۇشەمەلىلىگى مەن ونىمدىلىگىن جوعارىلاتۋ جاقتارىندا جەرگىلىكتى ورىن تاجىريبەسىن قالىپتاستىرعان. كەن بايلىعىنان ۇنەمدى، شوعىرلى پايدالانۋ بارىسىندا چارقىلىق اۋدانى، كوكتوعاي اۋدانى جانە قابا اۋدانى كەن بايلىعىن اشۋدا، پايدالانۋدا زياندى ازايتۋدى ىلگەرىلەتۋ، كەن بايلىعىنىڭ سارىپ بولۋىن ازايتۋ، بىرلىك GDPدەگى كەن بايلىعىنىڭ سارىپ بولۋىن تومەندەتۋ سياقتى جاقتاردا تيپتىك جەتەكشىلىك ەتۋ جانە ۇلگى كورسەتۋ، باستاماشىلدىق رولىن ساۋلەلەندىرگەن.
تۇڭعىش توپتاعى مەملەكەت بويىنشا جاراتىلىستىق بايلىقتى ۇنەمدى، شوعىرلى پايدالانۋدان ۇلگى كورسەتەتىن اۋدان (قالا) 300 بولىپ، ۇلگى كورسەتۋ مەرزىمى 2023 - جىلدان 2025 - جىلعا دەيىن بولادى. ۇلگى كورسەتەتىن اۋدان (قالا) بولىپ باعالانعان اۋداندار (قالالار)ۇلگى كورسەتۋ مەرزىمى ىشىندە قولداۋ ساياساتىنان يگىلىكتەنىپ، جاراتىلىستىق بايلىقتى ۇنەمدى، شوعىرلى پايدالانۋ ۇلگىسىندە، تەحنيكاسىندا، ساياساتىندا، مەحانيزمىندە جاڭالىق اشۋدىڭ سىناق ءتۇيىنى رەتىندە، مەملەكەت دارەجەلى جاسىل كەن قۇرىلىسىن الدىمەن ورىستەتىپ، قالا - قالاشىقتارداعى تومەن ونىمدىلىكتى جەردەن الدىمەن پايدالانىپ، ەكولوگيالىق قورشاعان ورتانى قورعاۋعا، قالپىنا كەلتىرۋگە قاتىستى ينجەنەريا نىساندارىن الدىمەن ءوتىنىش ەتۋىنە بولادى. سونىمەن بىرگە قارجى ءبولىسى، جەردەن پايدالانۋ كورسەتكىشىن ورنالاستىرۋ سياقتى جاقتاردا الدىمەن قولداۋ كورسەتىلەدى، ت.ب.
