− اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۋىل - قىستاقتى گۇلدەندىرۋدى جاپپاي ىلگەرىلەتۋ − اۋىل شارۋاشىلىعىندا قۋاتتى رايون قۇرۋدى جەدەلدەتۋدەگى ماڭىزدى مىندەت. اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسى جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسى اۋىل شارۋاشىلىعىندا قۋاتتى رايون قۇرۋ نىساناسىن كوزدەپ، نازاردى مەملەكەتتىڭ استىق حاۋىپسىزدىگى مەن ماڭىزدى اۋىل شارۋاشىلىق ونىمدەرىمەن قامداۋدى قامتاماسىز ەتۋگە شينجياڭ ۇلەسىن قوسۋدىڭ ستراتەگيالىق بورىشىنا شوعىرلاندىرىپ، 2023 - جىلى اۋىل - قىستاقتى دامىتۋدى، اۋىل - قىستاق قۇرىلىسىن، اۋىل - قىستاقتى باسقارۋدى تىڭعىلىقتى ىلگەرىلەتۋدىڭ ءتۇرلى ءتۇيىندى قىزمەتتەرىن ورنالاستىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، اۋىل شارۋاشىلىعىندا قۋاتتى رايون قۇرۋدى جەدەلدەتۋگە ايقىن جول كورسەتىپ، بويسۇنۋ ولشەمىن ازىرلەدى.
اۋىل شارۋاشىلىعىندا قۋاتتى رايون قۇرۋدى جەدەلدەتۋ مەن اۋىل - قىستاقتى گۇلدەندىرۋ، اۋىل شارۋاشىلىعىن، اۋىل - قىستاقتى وسىزامانداندىرۋ − ءبىر - بىرىنە سۇيەنەتىن، ءبىر - بىرىمەن بايلانىستى جۇيەلى ينجەنەريا. اۋىل - قىستاقتى گۇلدەندىرۋدى وزەكتى ءتۇيىن ەتكەن اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ ءۇشىن، ءسوز جوق، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، استىق ءوندىرۋ قۋاتىن ورنىقتى ارتتىرىپ، استىق حاۋىپسىزدىگىنە شىنايى كەپىلدىك ەتۋ، كولەمدى قايتا كەدەيلەسۋدەن ساقتانۋ سياقتى تومەنگى شەكتى بەرىك ساقتاپ، وسى زامانعى اۋىل شارۋاشىلىعى كاسىپ سالاسى جۇيەسىن كۇش سالا قۇرىپ، قالا مەن اۋىلدىڭ توعىسىپ دامۋىن ىلگەرىلەتىپ، عىلىم - تەحنيكادا جاڭالىق اشۋ مەن تۇزىمدە جاڭالىق اشۋدى كۇشەيتىپ، اۋىل - قىستاقتى دامىتۋ، اۋىل - قىستاق قۇرىلىسى، اۋىل - قىستاقتى باسقارۋ سياقتى ءتۇيىندى قىزمەتتەردى تىڭعىلىقتى ىلگەرىلەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ كەرەك.
اۋىل شارۋاشىلىعىنداعى قۋاتتى رايون قۇرۋدىڭ ءتۇيىنى نەگىزدى كۇشەيتىپ، ءتۇبىردى بەكەمدەۋدە. استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋ قاشاندا اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس، استىق جانە ماڭىزدى اۋىل شارۋاشىلىق ونىمدەرىن ءوندىرۋ قۋاتىن بار كۇشپەن جوعارىلاتىپ، مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامداۋ ماڭىزدى بازاسىن قۇرۋ − شينجياڭنىڭ اۋىل شارۋاشىلىعىنداعى قۋاتتى رايون قۇرۋىنداعى ەڭ ماڭىزدى ءتۇيىن. ءبىز ەگىن، ورمان، مال، بالىق شارۋاشىلىعى، استىق، ەكونوميكالىق داقىلدار، جەم - ءشوپ ءوندىرىس قۇرىلىمىن جانە وڭىرلىك ورنالاسىمىن ءبىر تۇتاس جوسپارلاپ، ساپالىلاندىرىپ، اۋىل شارۋاشىلىعىنىڭ جالپىلىق ءوندىرىس قۋاتىن ۇزدىكسىز ارتتىرىپ، مەملەكەتتىڭ استىق حاۋىپسىزدىگىن قامتاماسىز ەتۋ جانە ماڭىزدى اۋىل شارۋاشىلىعى ونىمدەرىمەن قامداۋداعى ۇلەس دەڭگەيىن ۇزدىكسىز جوعارىلاتۋىمىز كەرەك. سۋ بايلىعىن ساپالى ۇلەستىرۋدى كۇشەيتىپ، جوعارى ولشەمدى ەگىنجاي قۇرىلىسىن تىڭعىلىقتى ىلگەرىلەتىپ، اۋىل شارۋاشىلىعىن دامىتۋ كومەسكى كۇشىن تولىق اشىپ جانە ىسكە قوسىپ، اۋىل شارۋاشىلىعىندا قۋاتتى رايون قۇرۋعا اناعۇرلىم پارمەندى بايلىق قامتاماسىزدىعىن جانە فاكتور تىرەگىن ازىرلەۋ كەرەك.
اۋىل شارۋاشىلىعىنىڭ قۋاتتى بولۋ - بولماۋىندا اۋىل شارۋاشىلىق وندىرگىش كۇشىنىڭ قۋاتتى بولعان - بولماعاندىعىنا، اۋىل - قىستاق وندىرىستىك قاتىناسىنىڭ ساپالى بولعان - بولماعاندىعىنا قاراۋ كەرەك. اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋدە عىلىم - تەحنيكا مەن رەفورما سىندى قوس جەتەككە سۇيەنۋىمىز ءارى شينجياڭ ەرەكشەلىگىندەگى وسى زامانعى اۋىل شارۋاشىلىعى كاسىپ سالاسى جۇيەسىن جەدەل تۇلعالاۋىمىز كەرەك. ءبىز ءتۇيىندى سالالاردا عىلىم - تەحنيكادا جاڭالىق اشۋدى، اۋىل شارۋاشىلىعىنا عىلىم - تەحنيكالىق قىزمەت وتەۋدى كۇشەيتۋدى، اۋىل - قىستاق رەفورماسىن تەرەڭدەتۋدى، كوپ نەگىزدى ۇسىنىلىم مەحانيزمىن اقاۋسىزداندىرۋدى ۇزدىكسىز ىلگەرىلەتىپ، اۋىل شارۋاشىلىعىن، اۋىل - قىستاقتى دامىتۋدىڭ قوزعاۋشى كۇشىن، ومىرشەڭدىك قۋاتىن كۇش سالا تاسقىنداتۋىمىز؛ ەرەكشە، باسىمدىققا يە كاسىپ سالالارىن كولەمدەندىرىپ، قۋاتتاندىرىپ، اۋىل شارۋاشىلىعىنا قاتىستى كاسىپ سالاسى شوعىرى قۇرىلىسىن كورنەكتى تۇردە مىقتى يگەرىپ، جەتەكشى كاسىپورىنداردى الۋەتتەندىرىپ، تىزبەكتى تولىقتاپ، كاسىپ كۇيىن وركەندەتىپ، ماركا جاراتىپ، اۋىل - قىستاق كاسىپ سالاسى تۇتاس تىزبەگىنىڭ دارەجەسىن جوعارىلاتۋدى ىلگەرىلەتىپ، كاسىپ سالاسىن گۇلدەندىرۋ ارقىلى اۋىل - قىستاقتى گۇلدەندىرۋگە جەتەكشىلىك ەتۋىمىز كەرەك.
حالىقتى وزەك ەتۋگە تاباندى بولۋ − ەلىمىزدىڭ اۋىل شارۋاشىلىعىن، اۋىل - قىستاقتى وسىزامانداندىرۋ قۇرىلىسىنىڭ نەگىزى جانە تابان تىرەر تياناعى، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ − اۋىل شارۋاشىلىعىندا قۋاتتى رايون قۇرۋدى جەدەلدەتۋدىڭ ءتيىستى مازمۇنى. ءبىز كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، كەڭەيتىپ، كولەمدى قايتا كەدەيلەسۋ تۋىلماۋدىڭ تومەنگى شەگىن باتىل ساقتاۋىمىز؛ شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتىپ، شارۋالاردىڭ كىرىستى ءۇرتىس ارتتىرۋىن امالدىڭ بارىنشا جەبەپ، حالىق تۇرمىسى ىرىس - قۇتىن ۇزدىكسىز ارتتىرۋىمىز؛ اۋىل - قىستاقتى وسىزامانداندىرۋدىڭ نەگىزگى تالابىن مىقتى يگەرىپ، قىستاقتاردىڭ ورنالاسۋىن عىلمي جوبالاپ، اۋىل - قىستاق قونىس ورتاسىن رەتتەۋ - وڭاۋدى، دەڭگەيىن جوعارىلاتۋدى تىڭعىلىقتى ىلگەرىلەتىپ، جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن شىن مانىندە ويداعىداي يگەرىپ، دامۋ جەتىستىكتەرىنەن بۇقارانى اناعۇرلىم ويداعىداي يگىلىكتەندىرىپ، جۇرت تىلەگىن ۇيىستىرۋىمىز؛ پارتيا ۇيىمى باسشىلىق ەتكەن اۋىل - قىستاقتى باسقارۋ جۇيەسىن ۇزدىكسىز اقاۋسىزداندىرىپ، ومىرشەڭدىك كۇشكە تولى، جاراسىمدى، ءتارتىپتى، شەبەرلىكپەن باسقارىلاتىن اۋىل - قىستاق قۇرىپ، اۋىل - قىستاقتى باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن ۇزدىكسىز جوعارىلاتىپ، ادامداردىڭ اۋىل - قىستاقتا تۇراقتاپ تۇرۋىنا، اۋىل شارۋاشىلىعىنىڭ ادامداردى باۋراۋىنا، اناعۇرلىم كوپ ”جاڭا شارۋالاردىڭ“ ءۇمىت اتىزىندا تەر توگىپ، كورىكتى اۋىل - قىستاق قۇرۋىنا مۇمكىندىك جاساۋىمىز كەرەك.
بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، اۋىل - قىستاقتى گۇلدەندىرۋدى ءتۇيىن ەتكەن اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدە ايرىقشا كەلەلى مانگە يە. ءبىز نىسانانى كوزدەپ، شىنايى يگەرىپ، ناقتى ىستەپ، ىنتىماقتاسا ەكپىندەي ىلگەرىلەپ، ءورىس اشا جاڭالىق اشىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل شارۋاشىلىعىندا قۋاتتى رايون قۇرۋدى جەدەلدەتىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاپ، قادامىن جاقسى تاستاۋعا بەلسەندى ۇلەس قوسۋىمىز كەرەك.
