− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
حالىق گازەتىنىڭ شولۋشىسى
”جۇڭگو ۇلگىسىندەگى وسىزامانداندىرۋ نازارياسىن جيناقتاي ورتاعا قويۋ ءارى ىشكەرىلەي بايانداۋ − پارتيا 20 - قۇرىلتايىنىڭ ءبىر كەلەلى نازاريالىق جاسامپازدىعى، عىلمي سوتسياليزمنىڭ ەڭ جاڭا كەلەلى جەتىستىگى“. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى ستراتەگيالىق تۇرعىسىنان جۇڭگو ۇلگىسىندەگى وسىزامانداندىرۋدىڭ ءبىر قىدىرۋ كەلەلى نازاريالىق جانە امالياتتىق ماسەلەلەرىن تەرەڭدەي باياندادى. باس شۋجي شي جينپيڭنىڭ ماڭىزدى ءسوزىنىڭ ويى ورەلى، نازار اياسى كەڭ، يدەياسى تەرەڭ، مازمۇنى باي، ول جۇڭگو ۇلگىسىندەگى وسىزامانداندىرۋ نازارياسىنىڭ اسا زور بايىتىلۋى جانە دامىتىلۋى، وتە كۇشتى ساياسي سيپاتقا، نازاريالىق سيپاتقا، باعىتتامالىلىق سيپاتقا، جەتەكشىلىك سيپاتقا يە، بۇكىل پارتيانىڭ جۇڭگو ۇلگىسىندەگى وسىزامانداندىرۋدى دۇرىس ءتۇسىنىپ، پارتيا 20 - قۇرىلتايىنىڭ رۋحىن جاپپاي ۇيرەنىپ، جاپپاي يگەرىپ، جاپپاي تياناقتاندىرىپ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن اشۋعا قۇلشىنۋىندا ماڭىزدى ءمان الادى.
تاياۋ زاماننان كەيىن مەملەكەت قورلىققا ۇشىراپ، حالىق سەرگەلدەڭگە ءتۇسىپ، وركەنيەت زوبالاڭعا كىرىپتار بولدى، جۇڭحۋا ۇلتى بۇرىن بولىپ كورمەگەن اۋىر الاپاتتى باسىنان كەشىردى. ۇلتتى جويىلۋ حاۋپىنەن قۇتقارۋ ءۇشىن، سانسىزداعان ارداگەر ازامات جان ۇشىرا ۇرانداپ، مەملەكەتتى قۇتقارۋدىڭ ءتۇرلى جوبالارى ىركەس - تىركەس العا قويىلعانىمەن، بارلىعى جەڭىلىسپەن تىندى. جۇڭگونىڭ وسىزاماندانۋ جولى جونىندە ىزدەنىس جاساۋ اۋىر مىندەتى تاريحي تۇردە جۇڭگو كوممۋنيستىك پارتياسىنا جۇكتەلدى. 100 جىلدان بەرى پارتيامىز جۇڭگو حالقىن ىنتىماقتاستىرىپ، باستاپ جۇرگىزگەن كۇرەستىڭ بارلىعى ەلىمىزدى وسىزاماندانعان قۇدىرەتتى مەملەكەت ەتىپ قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولدى. جاڭا دەموكراتيالىق توڭكەرىس كەزەڭىندە پارتيامىز حالىقتى ىنتىماقتاستىرىپ، باستاپ، قان كەشە شايقاس جۇرگىزىپ، قايىسپاس قايسارلىق كورسەتىپ، حالىق قوجايىن بولعان جۇڭحۋا حالىق رەسپۋبليكاسىن قۇردى، ۇلتتىڭ تاۋەلسىزدىگىن، حالىقتىڭ ازاتتىعىن جۇزەگە اسىردى، وسىزامانداندىرۋدى جۇزەگە اسىرۋعا ءتۇبىرلى قوعامدىق شارت - جاعداي جاراتتى. جاڭا جۇڭگو قۇرىلعاننان كەيىن، پارتيامىز حالىقتى ىنتىماقتاستىرىپ، باستاپ، سوتسياليستىك توڭكەرىس جۇرگىزىپ، سوتسياليستىك نەگىزگى ءتۇزىم ورناتىپ، دەربەس، ءبىرشاما كەمەلدى بولعان ونەركاسىپ جۇيەسىن جانە حالىق شارۋاشىلىعى جۇيەسىن ورناتتى، وسىزامانداندىرۋ قۇرىلىسىنا ءتۇبىرلى ساياسي العى شارت جانە باعالى تاجىريبە، نازاريالىق دايىندىق، ماتەريالدىق نەگىز ازىرلەدى. رەفورما جاساۋدىڭ، ەسىك اشۋدىڭ جانە سوتسياليستىك قۇرىلىستىڭ جاڭا كەزەڭىندە پارتيامىز پارتيا مەن مەملەكەت قىزمەتىنىڭ وزەگىن ەكونوميكالىق قۇرىلىسقا ويىستىرۋ، رەفورما جاساۋ، ەسىك اشۋ سىندى تاريحي سيپاتتى شەشىم جاساپ، امالياتتى نەگىز ەتە وتىرىپ نازاريادا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا جاقتاردا جاڭالىق اشۋدى كۇش سالا ىلگەرىلەتىپ، سوتسياليستىك بازار شارۋاشىلىعى ءتۇزىلىسىن اتقارىپ، جۇڭگو ۇلگىسىندەگى وسىزامانداندىرۋعا تىڭ ومىرشەڭدىك كۇشكە تولى تۇزىلىستىك كەپىل جانە جەدەل دامىعان ماتەريالدىق شارت - جاعداي ازىرلەدى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ ۇدەرە العا تارتىپ، جاڭا جۇڭگو قۇرىلعاننان، اسىرەسە، رەفورما جاساعاننان، ەسىك اشقاننان بەرى ۇزاق ۋاقىتتىق ىزدەنۋ جانە اماليات نەگىزىندە ۇزدىكسىز العا باسىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتتى جانە كەڭەيتتى. تانىمدى ۇزدىكسىز تەرەڭدەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ورناتىپ، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىرىپ، جۇڭگو ۇلگىسىندەگى وسىزامانداندىرۋعا ءتۇبىرلى بويسۇنۋ ولشەمىن ازىرلەدى؛ جۇڭگو ۇلگىسىندەگى وسىزامانداندىرۋدىڭ مازمۇنى مەن ءمانى جونىندەگى تانىمدى اناعۇرلىم تەرەڭدەتىپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە كەلەلى پرينسيبىن جيناقتاپ قالىپتاستىرىپ، جۇڭگو ۇلگىسىندەگى وسىزامانداندىرۋدىڭ نازاريالىق جۇيەسىن العاشقى قادامدا ورناتىپ، جۇڭگو ۇلگىسىندەگى وسىزامانداندىرۋدىڭ اناعۇرلىم ايقىن، اناعۇرلىم عىلمي، اناعۇرلىم سۇيىسپەنشىلىككە تولى بولۋىنا، ىسكە اساتىن بولۋىنا مۇمكىندىك جاسادى. ستراتەگيالىق جاقتا ۇزدىكسىز كەمەلدەنىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسى، دارىندىلار جاعىندا قۋاتتى ەل ستراتەگياسى، اۋىل - قىستاقتى گۇلدەندىرۋ ستراتەگياسى سياقتى ءبىر قىدىرۋ كەلەلى ستراتەگيالاردى ىشكەرىلەي اتقارىپ، جۇڭگو ۇلگىسىندەگى وسىزامانداندىرۋعا مىعىم ستراتەگيالىق تىرەك ازىرلەدى. اماليات جاعىندا ۇزدىكسىز بايىتىپ، ءبىر قىدىرۋ وزگەرىس سيپاتتى امالياتتى ىلگەرىلەتىپ، ءبىر قىدىرۋ سەرپىلىستىك ىلگەرىلەۋشىلىكتى جۇزەگە اسىرىپ، ءبىر قىدىرۋ بەلگى سيپاتتى جەتىستىككە قول جەتكىزدى، پارتيا مەن مەملەكەت ىستەرىندە تاريحي سيپاتتى تابىسقا قول جەتكىزۋدى، تاريحي سيپاتتى وزگەرىس تۋدىرۋدى ىلگەرىلەتتى، اسىرەسە، مۇلدەم كەدەيلىك ماسەلەسىن جويىپ، جاپپاي دوڭگەلەك داۋلەتتى قوعام ورناتىپ، جۇڭگو ۇلگىسىندەگى وسىزامانداندىرۋعا اناعۇرلىم كەمەلدى تۇزىمدىك كەپىل، اناعۇرلىم بەرىك ماتەريالدىق نەگىز، اناعۇرلىم ىرىقتى رۋحاني كۇش ازىرلەدى.
باس شۋجي شي جينپيڭ: ”جۇڭگو ۇلگىسىندەگى وسىزامانداندىرۋ − پارتيامىزدىڭ بۇكىل ەلدەگى ءار ۇلت حالقىنا باسشىلىق ەتىپ ۇزاق ۋاقىتتىق ىزدەنۋ جانە امالياتتان وتكىزۋ بارىسىندا سان قيلى قيىندىقتى باستان كەشىرىپ، زور بوداۋ بەرىپ قول جەتكىزگەن كەلەلى جەتىستىگى، ءبىز، ءسوز جوق، ايرىقشا قاستەرلەۋىمىز، باستان - اياق تاباندى بولۋىمىز، ۇزدىكسىز كەڭەيتۋىمىز جانە تەرەڭدەتۋىمىز كەرەك“، - دەپ تەرەڭ اتاپ كورسەتتى. جاڭا داۋىرگە وتكەندە، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى، شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنى تۇراقتاندىرىلعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان، پارتيا پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، ەسەن - امان بولۋىنا ىقپال ەتەتىن كورنەكتى قايشىلىقتار مەن ماسەلەلەردى كۇش سالا شەشىپ، جۇڭحۋا ۇلتىنىڭ ۇلى گۇلدەنۋىنىڭ بوگەۋ بەرمەس تاريحي ۇردىسكە اينالۋىنا تۇبىرىنەن شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋ ءساتتى تۇردە ىلگەرىلەتىلدى جانە كەڭەيتىلدى. اماليات ”ەكىنى تۇراقتاندىرۋ“ جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك ەكەندىگىن، جاڭا داۋىردە پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋى تاريحي ءۇردىسىن ىلگەرىلەتۋدە شەشۋشى مانگە يە ەكەندىگىن تولىق بەينەلەدى. جاڭا جورىقتا ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، جولدى وزگەرتپەۋگە، مۇراتتى وزگەرتپەۋگە تاباندى بولىپ، مەملەكەت پەن ۇلتتىڭ دامۋىندا ءوز كۇش - قاۋقارىن تياناق ەتۋگە، جۇڭگونىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋگە تاباندى بولىپ، جۇڭگو ۇلگىسىندەگى وسىزامانداندىرۋدىڭ داڭعىل جولىن بويلاپ ارشىندى قاداممەن العا ىلگەرىلەسەك بولعانى، ءسوز جوق، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت ەتىپ قۇرىپ شىعا الامىز.
پارتيا 20 - قۇرىلتايى جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىن، ماندىك تالابىن جانە، ءسوزسىز، مىقتاپ يگەرەتىن كەلەلى پرينسيپتەرىن تەرەڭدەي ءتۇسىندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ۇلى جوباسىن كەسكىندەپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ نسانالارىن، مىندەتتەرىن ايقىنداپ، جاڭا جورىقتا ەكپىندەي ىلگەرىلەۋدىڭ داۋىرلىك دابىلىن قاقتى. باس شۋجي شي جينپيڭ وسى رەتكى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى سوزىندە ”پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭعى ءساتتى - ساتسىزدىگىنە تىكە قاتىستى ەكەندىگىن“، ”جۇڭگو ۇلگىسىندەگى وسىزامانداندىرۋدا ءار ەلدىڭ وسىزاماندانۋىنداعى ورتاق ەرەكشەلىگى بولۋمەن قاتار، ءوز ەلىنىڭ جاعدايىن نەگىز ەتۋ ايقىن ەرەكشەلىگى دە بار ەكەندىگىن“، ”جۇڭگو ۇلگىسىندەگى وسىزامانداندىرۋ قالىڭ وركەندەپ كەلە جاتقان ەلدەردىڭ دەربەس، ءوز كۇشىنە سۇيەنىپ وسىزاماندانۋعا قادام تاستاۋىنا تيپتىك ۇلگى ورناتىپ، ولارعا شىت جاڭا تاڭداۋ ازىرلەگەندىگىن“ ىشكەرىلەي اتاپ كورسەتتى، ”جۇڭگو ۇلگىسىندەگى وسىزامانداندىرۋدى ىلگەرىلەتۋ − جۇيەلى ينجەنەريا، ءبىر تۇتاس جوسپارلاپ، تەڭ ءمان بەرىپ، جۇيەلى جوسپارلاپ، تۇتاس تۇلعالىق ىلگەرىلەتۋ كەرەكتىگىن“ باسا دارىپتەدى، ”ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، باتىلدىقپەن كۇرەس جاساپ، شەبەرلىكپەن كۇرەس جاساپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋ كەرەكتىگىن“ تالاپ ەتتى. ءبىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ءوز ءوڭىرىمىزدىڭ، ءوز تاراۋىمىزدىڭ، ءوز ورنىمىزدىڭ ءتۇرلى قىزمەتتەرىن تىڭعىلىقتى ويداعىداي يگەرىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، پارتيا 20 - قۇرىلتايىندا العا قويىلعان نىسانالاردى، مىندەتتەردى بۇلجىماي ناقتى تياناقتاندىرۋىمىز كەرەك.
جۇڭگو ۇلگىسىندەگى وسىزامانداندىرۋ − پارتيامىزدىڭ حالىققا باسشىلىق ەتىپ ۇزاق ۋاقىتتىق ىزدەنۋ جانە اماليات بارىسىندا قول جەتكىزگەن كەلەلى جەتىستىگى، ۇلى دا جاپالى ءىس. جاپالى بولعاندىعى سەبەپتى ۇلى؛ جاپالى بولعاندىعى سەبەپتى اناعۇرلىم داڭقتى. قازىر بۇكىل پارتيا، بۇكىل ەلىمىزدەگى ءار ۇلت حالقى قايراتتانا جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا قاراي شەرۋ تارتىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو ۇلگىسىندەگى وسىزامانداندىرۋ سىندى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ وسى بىردەن - ءبىر دۇرىس جولىمەن مىزعىماي ءجۇرىپ، سەنىمدى بەكەمدەپ، ىنتىماقتاسا كۇرەس جۇرگىزىپ، شىندىققا جۇگىنىپ، ناقتى ىستەپ، قايسارلىقپەن سايىسىپ، جاڭا داۋىردەگى جۇڭگوشا سوتسياليزمنىڭ جاڭا تاراۋىن ۇزدىكسىز جازىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قۇلشىنا قول جەتكىزەيىك!
(شينحۋا اگەنتتىگىنىڭ 2 - ايدىڭ 8 - كۇنى بەيجيڭنەن بەرگەن حابارى)
