− اۆتونوميالى رايوندىق پارتكومنىڭ اۋىل - قىستاق قىزمەتى ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ تەتىگى پارتيادا. پارتيانىڭ جالپى جاعدايدى مەڭگەرۋ، ءار جاقتى سايكەستىرۋ رولىن تولىق ساۋلەلەندىرىپ، ءار جاقتاعى بايلىقتى، كۇشتەردى توپتاعاندا عانا، اۋىل شارۋاشىلىعى، اۋىل - قىستاق، شارۋالار قىزمەتىن تىزە قوسا ويداعىداي يگەرۋدىڭ قۋاتتى بىرىككەن كۇشىن قالىپتاستىرۋدى ىلگەرىلەتۋگە بولادى. اۆتونوميالى رايوندىق پارتكومنىڭ اۋىل - قىستاق قىزمەتى ماجىلىسىندە جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىندا پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىنا تاباندى بولىپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ىستەۋ سىندى تاڭداۋلى ستيلدى اسقاقتاتىپ، اۋىل شارۋاشىلىعىندا قۋاتتى رايون قۇرۋدى جەدەلدەتۋگە بەرىك كەپىل ازىرلەۋ كەرەكتىگى باسا دارىپتەلدى.
ءبىز ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدىك، ودان قازىر اۋىل شارۋاشىلىعىنىڭ، اۋىل - قىستاقتىڭ بۇرىن بولىپ كورمەگەن دامۋ بولاشاعىن قارسى الدىق، مۇنىڭ ءبارى − پارتيانىڭ پارمەندى باسشىلىعىنىڭ ارقاسى. اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ول پارتكوم جاپپاي ءبىر تۇتاس باسشىلىق ەتەتىن، ۇكىمەت جاۋاپتى بولاتىن، پارتكومنىڭ اۋىل - قىستاق قىزمەتى تاراۋى ءبىر تۇتاس جوسپارلاپ سايكەستىرەتىن اۋىل - قىستاق قىزمەتى باسشىلىق مەحانيزمىن اقاۋسىزداندىرىپ، جاڭا داۋىردە پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە باسشىلىق ەتۋ قابىلەتى مەن دەڭگەيىن جوعارىلاتۋعا تىپتەن مۇقتاج.
اۋىل - قىستاقتى گۇلدەندىرۋدى جاپپاي ىلگەرىلەتۋدە، ەڭ اۋەلى، جاۋاپكەرشىلىكتى ناقتىلاندىرۋ كەرەك. 5 دارەجەلى شۋجيلەردىڭ اۋىل - قىستاقتى گۇلدەندىرۋدى يگەرۋ قىزمەت مەحانيزمىن كەمەلدەندىرۋ، تياناقتاندىرۋ كەرەك. ءار دارەجەلى پارتكومدار مەن ۇكىمەتتەر اۋىل - قىستاقتى گۇلدەندىرۋدى ماڭىزدى كەڭەستىك كۇن تارتىپكە ەنگىزىپ، ادام كۇشى ۇسىنىلىمىن، زات كۇشىنىڭ ورنالاستىرىلۋىن، قازىنا كۇشىمەن قامتاماسىز ەتۋدى اۋىل - قىستاقتى گۇلدەندىرۋگە شىن مانىندە ويىستىرۋى كەرەك. ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار − ءبىرىنشى جاۋاپتى ادام، ولار جالپى جاۋاپكەرشىلىكتى ارقالاپ، تىكە يگەرۋلەرى كەرەك، وتە - موتە، اۋداندىق، قالالىق پارتكومداردىڭ شۋجيلەرى جاۋپكەرشىلىكتەرىن ارقالاپ، اۋىل - قىستاقتى گۇلدەندىرۋدىڭ ”ءبىرىنشى شەپتەگى باس قولباسشىسى“ مىندەتىن ويداعىداي وتەۋلەرى كەرەك؛ ءار دارەجەلى پارتكومداردىڭ اۋىل - قىستاق قىزمەتى باسشىلىق گرۋپپالارى باستاماشىلدىقپەن نەگىزگى جاعىن يگەرۋ، ءبىر تۇتاس جوسپارلاپ، سايكەستىرۋ رولدارىن ساۋلەلەندىرىپ، ءىس قاراۋدى، سايكەستىرۋدى ارناعا ءتۇسىرۋ، تۇزىمدەندىرۋ قۇرىلىسىن ىلگەرىلەتۋى قاجەت؛ ءار دارەجەلى پارتكومداردىڭ اۋىل - قىستاق قىزمەتى باسشىلىق گرۋپپاسىنىڭ كەڭسەلەرى شەشىم جاساۋعا اقىل - كەڭەس بەرۋ، ءبىر تۇتاس جوسپارلاپ سايكەستىرۋ، ساياساتتىق جەتەكشىلىك ەتۋ، تياناقتاندىرۋدى ىلگەرىلەتۋ، قۋزاۋشىلىق ەتىپ تەكسەرۋ سياقتى فۋنكتسيالارىن ويداعىداي جۇرگىزىپ، ءار جاقتىڭ بەلسەندىلىگىن ءونىمدى جۇمىلدىرۋلارى كەرەك؛ باسشىلىق گرۋپپاسىنا مۇشە ورىندار ءوز مىندەتتەرىن اتقارىپ، تىعىز سايكەسىپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ قۋاتتى بىرىككەن كۇشىن قالىپتاستىرۋلارى كەرەك.
اۋىل - قىستاقتى جاپپاي گۇلدەندىرۋدە كادر - دارىندىلار − تەتىك. ءار دارەجەلى پارتكومدار اۋىل شارۋاشىلىعى، اۋىل - قىستاق، شارۋالار قىزمەتى كادرلارىن باۋلۋ تەبىنىن ارتتىرىپ، كادرلاردىڭ ساياساتتىق دەڭگەيىن جانە قابىلەتىن، ونەرىن ۇزدىكسىز ۇشتاپ، جوعارى ساپالى، ماماندانعان اۋىل شارۋاشىلىعى، اۋىل - قىستاق، شارۋالار قىزمەتى قوسىنىن قۇرىپ، اۋىل شارۋاشىلىعى، اۋىل - قىستاق، شارۋالار قىزمەتىنىڭ مايتالماندارىن جەتىلدىرۋى كەرەك؛ كادرلاردى اۋىل - قىستاقتى گۇلدەندىرۋدىڭ الدىڭعى شەبىندە جەتىلدىرىپ، شىنىقتىرىپ، قالىڭ كادر - دارىندىلاردى جۇيە كوزقاراسىن، تومەنگى شەك ويىن، زاڭمەن باسقارۋ تانىمىن كۇشەيتۋگە جەتەكتەپ، اۋىل شارۋاشىلىعى، اۋىل - قىستاق، شارۋالار سالاسىنداعى ءتۇيىندى حاۋىپ - قاتەرلەردەن، كومەسكى قاتەرلەردەن ءونىمدى ساقتانىپ جانە ونى ارىلتىپ، قىزمەتتىڭ ىرىقتىلىق ۇقىعىن مىقتاپ يگەرۋ كەرەك؛ ءتۇرلى دارىندىلاردى اۋىل - قىستاقتى گۇلدەندىرۋدىڭ كەڭ ورىسىندە ءوزىن ارناۋعا باستاپ، اۋىل شارۋاشىلىعىن تۇسىنەتىن، اۋىل - قىستاقتى سۇيەتىن، شارۋالاردى سۇيەتىن اۋىل شارۋاشىلىعى، اۋىل قىستاق، شارۋالار قىزمەتى قوسىنىن باۋلىپ جەتىلدىرۋ كەرەك.
اۋىل - قىستاقتى گۇلدەندىرۋدى جاپپاي ىلگەرىلەتۋدە، ءسوز جوق، شىنايى يگەرىپ، ناقتى ىستەيتىن تاڭداۋلى ستيلدى امالياتتا ايگىلەۋ كەرەك. دۇرىس ناتيجە كوزقاراسىن مىقتاپ ورناتىپ، حالىقتى باقىتقا كەنەلتۋدى ەڭ زور ناتيجە ساناۋدان جازباي، ”ءاردايىم قام جەپ تۇراتىن“ جاۋاپكەرشىلىك سەزىمدى كۇشەيتىپ، بارىندە ناقتى جاعدايدى شىعار ءتۇيىن ەتىپ، نەگىز قالايتىن، ۇزاق بولاشاققا پايدالى قىزمەتتەردى كوبىرەك ىستەپ، ”ءبىر شىبىقپەن ايداۋدى“، قارابايىرلىق ىستەۋدى باتىل تيىپ، فورماشىلدىققا، تورەشىلدىككە باتىل قارسى تۇرۋ كەرەك؛ تەكسەرۋ - زەرتتەۋ ستيلىن جاپپاي ساۋلەلەندىرىپ، شارۋالاردىڭ قاجەتىن، اۋىل - قىستاقتىڭ ناقتى جاعدايىن شىعار ءتۇيىن ەتىپ، اۋىل شارۋاشىلىعى، اۋىل - قىستاق، شارۋالار سالاسىنداعى ءتۇيىندى، قيىن ماسەلەلەردى شەشۋدى ىلگەرىلەتۋ قاجەت؛ شىندىققا جۇگىنىپ، ناقتى ءىس ىستەپ، تياناقتاندىرۋدى يگەرۋگە تاباندى بولۋ كەرەك، ءار دارەجەلى باسشى كادرلار قيىن جۇمىستان تايساقتاماي، جاۋاپكەرشىلىكتەن قاشقالاقتاماي، جۇرەكتىلىكپەن يدەيانى ازات ەتىپ، ويلاۋ قالىبىن بۇزىپ، باتىلدىقپەن جاۋاپتى بولىپ، ىرىقتىلىقپەن ىسكەرلىك كورسەتىپ، ناقتى ناتيجە ارقىلى حالىقتىڭ سەنىمىنە يە بولۋلارى كەرەك؛ نەگىزگى ساتىنىڭ اۋىرتپالىعىن جەڭىلدەتۋدىڭ باياندى مەحانيزمىن تياناقتاندىرىپ، كوز الداعى پايداعا جۇگىرۋدەن، ساتى - ساتى بويىنشا اۋىرتپالىق قوسۋدان باتىل ساقتانىپ، نەگىزگى ساتى كادرلارىنىڭ زەيىن - زەردەسىن شارۋا قاۋىمىنا قىزمەت وتەۋدىڭ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇرلى قىزمەتتەرىنە كوبىرەك جۇمساۋىنا مۇمكىندىك جاساۋ كەرەك.
ءبىز مىنانى، ءسوز جوق، جەتە تانۋىمىز كەرەك: نىسانا نەعۇرلىم ۇلى، مىندەت نەعۇرلىم جاپالى بولعان سايىن، پارتيانىڭ بەتالىستى يگەرۋ، كەلەلى جاعدايدى كوزدەۋ، ساياسات بەلگىلەۋ، رەفورمانى جەبەۋ سىندى ساياسي باسىمدىعى مەن ساياسي كەپىلىن سولعۇرلىم ساۋلەلەندىرۋ، ءار جاقتىڭ كۇشىن ۇيىستىرىپ، تاسقىنداعان قايرات - جىگەردى ساقتاۋ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ، اۋىل شارۋاشىلىعىندا قۋاتتى رايون قۇرۋدى جەدەلدەتۋدىڭ تىڭعىلىقتى، نىق قاداممەن ىلگەرىلەۋىنە شىنايى كەپىلدىك ەتىپ، اۋىل شارۋاشىلىعىندا قۋاتتى ەل قۇرۋعا شينجياڭ كۇشىن بەلسەنە قوسۋىمىز كەرەك.
