− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
حالىق گازەتىنىڭ شولۋشىسى
پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ جۇڭگو كوممۋنيستىك پارتياسىنىڭ باسشىلىعىنداعى سوتسياليستىك وسىزامانداندىرۋ ەكەندىگى باسا دارىپتەلدى. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ پارتيانىڭ جۇڭگو ۇلگىسىندەگى وسىزامانداندىرۋ قۇرىلىسىنداعى باسشىلىق ورنىن ىشكەرىلەي بايىمداپ، ”پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى بەتالىسىنا، بولاشاق تاعدىرىنا، ەڭ سوڭعى ءساتتى - ساتسىزدىگىنە تىكە قاتىستى“ دەپ تەرەڭ اتاپ كورسەتتى.
100 جىلدىق بارىسقا قايىرىلا قاراساق، جۇڭگو كوممۋنيستىك پارتياسى جۇڭگو ۇلگىسىندەگى وسىزامانداندىرۋ جولى جونىندە ىزدەنىس جاساۋ اۋىر مىندەتىن ارقالاپ، حالىقتى ىنتىماقتاستىرىپ جانە باستاپ، قاجىماي - تالماي كۇرەس جۇرگىزۋ ارقىلى تاياۋ زاماننان كەيىنگى جۇڭحۋا ۇلتى دامۋىنىڭ بەتالىسى مەن ءۇردىسىن تەرەڭدەي وزگەرتتى، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن تەرەڭدەي وزگەرتتى، دۇنيە ءجۇزى دامۋىنىڭ اۋقىمى مەن ارناسىن تەرەڭدەي وزگەرتتى. جۇڭحۋا وركەنيەتىنىڭ 5000 جىلدان استام ۋاقىتتىق تاريحىنا كوز جىبەرسەك، ەشقانداي ءبىر ساياسي كۇش جۇڭحۋا ۇلتىنىڭ دامۋ ءۇردىسىن جۇڭگو كوممۋنيستىك پارتياسىنداي تەرەڭ، تاريحي سيپاتتى ىلگەرىلەتە العان جوق. تەك جۇڭگو كوممۋنيستىك پارتياسىنىڭ باسشىلىعىندا عانا، ەلىمىز جوقشىلىق پەن دارمەنسىزدىك جايلاعان بەت - بەينەسىن تۇبەگەيلى وزگەرتىپ، وسىزامانداندىرۋ نىساناسىنا قاراي ارشىندى قادام تاستادى، ۇلتىمىز كىرىپتارلىقتان تۇبەگەيلى ەڭسە كوتەرىپ، ۇلى گۇلدەنۋدىڭ نۇرلى بولاشاعىن قارسى الدى، حالقىمىز قانالعان، ەزىلگەن ورنىنان تۇبەگەيلى قۇتىلىپ، ءوز تاعدىرىن شىنداپ يگەردى. تاريح پەن اماليات مىنانى تولىق دالەلدەدى: جۇڭگو ۇلگىسىندەگى وسىزامانداندىرۋدىڭ كەلەلى جەتىستىگىنە ءدال پارتيامىزدىڭ بۇكىل ەلدەگى ءار ۇلت حالقىنا باسشىلىق ەتىپ ۇزاق ۋاقىتتىق ىزدەنۋ جانە امالياتتان وتكىزۋ بارىسىندا قول جەتتى، سان قيلى قيىندىقتى باستان كەشىرىپ، زور بوداۋ بەردى. تاريح پەن حالىق جۇڭگو كوممۋنيستىك پارتياسىن تاڭدادى، جۇڭگو كوممۋنيستىك پارتياسى دا تاريح پەن حالىقتىڭ تالعامىن اقتادى.
جۇڭگو كوممۋنيستىك پارتياسى ەڭ جوعارى ساياسي باسشى كۇش، جۇڭگو كوممۋنيستىك پارتياسىنىڭ باسشىلىعى پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىنە بايلانىستى، تاعدىرىنا بايلانىستى. پارتيانىڭ سيپاتى مەن باس ماقساتى، اۋەلگى ماقساتى مەن بورىشى، سەنىمى مەن نانىمى، ساياساتتىق قۋاتتاماسى جۇڭگو ۇلگىسىندەگى وسىزامانداندىرۋدىڭ باسقا ەشقانداي وسىزامانداندىرۋ ەمەس، سوتسياليستىك وسىزامانداندىرۋ ەكەندىگىن بەلگىلەدى. پارتيامىز قاي - قاشان دا جۇڭگوشا سوتسياليزم ۇلى تۋىن بيىك ۇستاپ، ءارى عىلمي سوتسياليزمنىڭ نەگىزگى پرينسيبىنە تاباندى بولىپ، ءارى ۇزدىكسىز وعان ايقىن جۇڭگوشا ەرەكشەلىك جانە داۋىرلىك ءمان ۇستەپ، جۇڭگوشا سوتسياليزم جولىمەن بۇلجىماي ءجۇرىپ، جۇڭگو ۇلگىسىندەگى وسىزامانداندىرۋدىڭ دۇرىس ارنادا ءساتتى ىلگەرىلەۋىنە شىنايى كەپىلدىك ەتتى. پارتيامىز ماركسيزمدى ءتۇبىرلى جەتەكشى يدەيا ەتۋگە تاباندى بولىپ، كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى ۇزدىكسىز تەرەڭدەتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشىپ، جۇڭگو ۇلگىسىندەگى وسىزامانداندىرۋعا عىلمي جەتەكشىلىك ازىرلەدى. پارتيامىز جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ۇزدىكسىز ىلگەرىلەتىپ، جۇڭگوشا سوتسياليزم ءتۇبىرلى ءتۇزىمىن، نەگىزگى ءتۇزىمىن، ماڭىزدى ءتۇزىمىن قامتىعان كەمەلدى ءتۇزىم جۇيەسىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن العا ىلگەرىلەۋىنە پارمەندى تۇزىمدىك كەپىلدىك ازىرلەدى. پارتيامىز جۇڭگوشا سوتسياليستىك مادەنيەتكە تاباندى بولىپ جانە ونى دامىتىپ، جالپى ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن قاۋلاتىپ، جۇڭگو ۇلگىسىندەگى وسىزامانداندىرۋعا قۇدىرەتتى رۋحاني كۇش - قۋات ازىرلەدى.ءدال باس شۋجي شي جينپيڭ باسا دارىپتەگەندەي: ”پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ ءتۇبىرلى سيپاتىن بەلگىلەيدى، پارتيانىڭ باسشىلىعىنا تيتتەي دە اۋىقتىماي تاباندى بولعاندا عانا، جۇڭگو ۇلگىسىندەگى وسىزامانداندىرۋ جارقىن بولاشاققا يە بولادى، گۇلدەنىپ - كوركەيەدى؛ ايتپەگەندە، باعداردان اداسىپ، رۋحتان ايرىلادى، اۋەلى، اۋدارىپ تاستاۋ سيپاتتى قاتەلىك تۋىلادى“.
پارتيا 20 - قۇرىلتايىنىڭ بايانداماسىندا جۇڭگو ۇلگىسىندەگى وسىزامانداندىرۋدىڭ ماندىك تالابى ايقىن العا قويىلدى، مۇندا ەڭ ماڭىزدىسى، ”جۇڭگو كوممۋنيستىك پارتياسىنىڭ باسشىلىعىنا تاباندى بولۋ“؛ جۇڭگو ۇلگىسىندەگى وسىزامانداندىرۋ، ءسوز جوق، مىقتى يگەرەتىن كەلەلى پرينسيپ ايقىن العا قويىلدى، مۇنىڭ ءبىرىنشى تارماعى ”پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ“. مىنانى تەرەڭ تانىپ جەتۋ كەرەك: 100 جىلدان بەرى، پارتيامىزدىڭ حالىقتى ىنتىماقتاستىرىپ جانە باستاپ، جۇرگىزگەن بارلىق كۇرەسى ەلىمىزدى وسىزاماندانعان قۇدىرەتتى مەملەكەت ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن بولىپ كەلەدى. مەيلى جاعداي مەن مىندەت قالاي وزگەرسىن، مەيلى قانداي تار جول، تايعاق كەشۋلەر بولسىن، پارتيامىز بارلىعىندا باستان - اياق تاريح ىرىقتىلىعىن يگەرىپ، كۇرەس نىساناسىنان جازباي، دۇرىس بەتالىستى بويلاپ باتىل العا باستى، ۇرپاقتان - ۇرپاققا ۇتىلامالى ىلگەرىلەپ، الەمدى جالت قاراتقان، تاريحقا جازىلعان شۇعىلالى ناتيجەگە قول جەتكىزىلدى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدىڭ كۇرەس نىساناسىن كوزدەپ، ورنىقتى قاداممەن الىسقا جەتۋىنە شىنايى كەپىلدىك ەتەدى. مىنانى تەرەڭ تانىپ جەتۋىمىز كەرەك: جۇڭگو ۇلگىسىندەگى وسىزامانداندىرۋ − بۇرىنعىلار ىستەپ كورمەگەن جاسامپازدىق ءىس، ءبىزدىڭ ىزدەنىس جاساۋىمىزدى، جاڭالىق اشۋىمىزدى قاجەت ەتەدى. پارتيامىز جۇرەكتىلىكپەن رەفورما جاساپ، جاڭالىق اشىپ، ءار جاقتاعى تۇزىلىستىك، مەحانيزمدىك كىناراتتاردى ۇزدىكسىز جويىپ، جۇڭگو ۇلگىسىندەگى وسىزامانداندىرۋعا سارقىلماس قوزعاۋشى كۇش ۇستەدى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ قۋاتتى قوزعاۋشى كۇشىن تاسقىنداتتى. ىنتىماقتىڭ كۇش ەكەندىگىن، ىنتىماقتاسقاندا عانا جەڭىسكە جەتۋگە بولاتىندىعىن تەرەڭ تانىپ جەتۋ كەرەك. جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، ميلليارد حالىقتىڭ جاسامپازدىق ۇلى كۇشىن تولىق ساۋلەلەندىرۋ كەرەك. پارتيامىز پارتيانىڭ بۇقارالىق لۋشيانىنا باستان - اياق تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، جالپى بارىستىق حالىق دەموكراتياسىن دامىتىپ، جالپى حالىقتىڭ قوجايىندىق رۋحىن تولىق تاسقىنداتتى. اماليات مىنانى تولىق دالەلدەدى: پارتيانىڭ باسشىلىعى جۇڭگو ۇلگىسىندەگى وسىزامانداندىرۋدى كوركەيتۋدىڭ تەلەگەي كۇشىن ۇيىستىردى. العا باسۋ جولىندا تەك پارتيانىڭ جاپپاي باسشىلىعىنا بۇلجىماي تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا باسشىلىعىن پارتيا مەن مەملەكەت ىستەرىنىڭ ءارقايسى سالاسىندا، ءارقايسى جاعىندا، ءارقايسى بۋىنىندا تياناقتاندىرىپ، پارتيانى باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالدىرعاندا عانا، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس باعدارىنا، ءسوز جوق، شىنايى كەپىلدىك ەتىپ، ىنتىماقتاسا كۇرەس جۇرگىزەتىن قۋاتتى ساياسي ۇيىسۋ كۇشىنە، دامۋ سەنىمىنە يە بولۋىنا شىنايى كەپىلدىك ەتىپ، جالپى جۇرت ءبىر نيەتتە بولىپ، تىزە قوسا ۋاقىتشا قيىنشىلىقتى جەڭۋدىڭ تەلەگەي كۇشىن ۇيىستىرۋعا بولادى.
وتكەن كۇرەس جولىنا قايىرىلا كوز جىبەرسەك، پارتيامىز حالىقتى ىنتىماقتاستىرىپ جانە باستاپ، جاڭا دەموكراتيالىق توڭكەرىستىڭ، سوتسياليستىك توڭكەرىس پەن قۇرىلىستىڭ، رەفورمالاۋ، ەسىك اشۋ مەن سوتسياليستىك وسىزامانداندىرۋ قۇرىلىسىنىڭ ۇلى جەڭىستەرىنە قول جەتكىزىپ، جۇڭگوشا سوتسياليزمنىڭ جاڭا ءداۋىرىن اشتى. الدىڭعى جاقتاعى ەكپىندەي ىلگەرىلەۋ جولىنا كوز سالساق، جاڭا جورىق داڭق پەن ارمانعا تولى ۇزاق جورىق، پارتيانىڭ 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى ىلگەرىلەتۋدىڭ ايبىندى جوباسىن جاسادى، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ تەتىگى پارتيادا. جاڭا نىسانانى بەتكە الىپ، قايراتتانا تاعى اتتانىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاريح سەنىمىن بەكەمدەپ، تاريحي ىرىقتىلىقتى كۇشەيتىپ، ويدى ءبىر جەرگە شوعىرلاندىرىپ، كۇشتى ءبىر جەرگە جۇمساپ، العان بەتتەن قايتپايتىن تاباندىلىقپەن بەلگىلەنگەن نىسانانى قۇلشىنا جۇزەگە اسىرىپ، جۇڭگو ۇلگىسىندەگى وسىزامانداندىرۋ سىندى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ وسى بىردەن - ءبىر دۇرىس جولىن بويلاپ، ارشىندى قاداممەن العا ىلگەرىلەيىك!
(شينحۋا اگەنتتىگىنىڭ 2 - ايدىڭ 9 - كۇنى بەيجيڭنەن بەرگەن حابارى)
