− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
□ حالىق گازەتىنىڭ شولۋشىسى
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جول ەڭ ءتۇبىرلى ماسەلە. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىندا باس شۋجي شي جينپيڭ: ”جۇڭگو ۇلگىسىندەگى وسىزامانداندىرۋدا ءار ەلدىڭ وسىزاماندانۋىنداعى ورتاق ەرەكشەلىگى بولۋمەن قاتار، ءوز ەلىمىزدىڭ جاعدايىن نەگىز ەتكەن ايقىن ەرەكشەلىك تە بار“، - دەپ تەرەڭ اتاپ كورسەتىپ، ”جۇڭگو ۇلگىسىندەگى وسىزامانداندىرۋدىڭ ىسكە اساتىندىعىن، باياندى بولاتىندىعىن، قۇدىرەتتى ەل قۇرۋدىڭ، ۇلتتى گۇلدەندىرۋدىڭ بىردەن - ءبىر دۇرىس جولى ەكەندىگىن“ باسا دارىپتەدى.
وسىزامانداندىرۋ بىرەۋىن تاڭداۋ سۇراۋى ەمەس. تاريحي شارت - جاعدايدىڭ الۋان تۇرلىلىگى ءار ەل تاڭداعان دامۋ جولىنىڭ الۋان تۇرلىلىگىن بەلگىلەيدى. ءبىر ەل وسىزاماندانۋعا بەت الۋدا وسىزاماندانۋدىڭ جاي زاڭدىلىعىنا بويسۇنۋى، ونان دا ماڭىزدىسى، ءوز ەلىنىڭ ءىس جۇزىندىگىنە ۇيلەسۋى، ءوز ەلىنىڭ ەرەكشەلىگىنە يە بولۋى كەرەك. ءبىر ەلدىڭ ءجۇرىپ كەلە جاتقان جولىنىڭ جاقسى - جامان ەكەندىگىن ءبىلۋ ءۇشىن، باستىسى، ونىڭ ءوز ەلىنىڭ مەملەكەت جاعدايىنا ۇيلەسكەن - ۇيلەسپەگەندىگىنە، ءداۋىردىڭ دامۋ اعىمىنا ۇيلەسكەن - ۇيلەسپەگەندىگىنە، ەكونوميكاعا دامۋ، قوعامعا العا باسۋ، حالىق تۇرمىسىنا جاقسارۋ، قوعامعا ورنىقتىلىق اكەلگەن - اكەلمەگەندىگىنە، حالىقتىڭ قولداۋى مەن قۋاتتاۋىنا يە بولعان - بولماعاندىعىنا، ادامزاتتىڭ العا باسۋ ىستەرىنە ۇلەس قوسقان - قوسپاعاندىعىنا قاراۋ كەرەك. جۇڭگو ۇلگىسىندەگى وسىزامانداندىرۋ − پارتيامىزدىڭ حالىققا باسشىلىق ەتىپ ۇزاق ۋاقىتتىق ىزدەنۋ جانە اماليات بارىسىندا قول جەتكىزگەن كەلەلى جەتىستىگى، جۇڭگونىڭ ءىس جۇزىندىگىنە ۇيلەسەدى، جۇڭگو حالقىنىڭ قالاۋىن اڭعارتادى، ءداۋىردىڭ دامۋ تالابىنا سايكەسەدى ءارى سوتسياليستىك قۇرىلىس زاڭدىلىعىن بەينەلەيدى، ءارى ادامزات قوعامىنىڭ دامۋ زاڭدىلىعىن بەينەلەيدى، سوتسياليستىك وسىزاماندانداندىرۋدى جۇزەگە اسىرۋدا، ءسوزسىز، باسىپ وتەتىن جول، حالىقتى تاماشا تۇرمىسقا كەنەلتۋدە، ءسوزسىز، باسىپ وتەتىن جول، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول.
ءوز جولىمەن ءجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى. 100 جىلدان بەرى، پارتيامىزدىڭ كۇرەس نىساناسى باستان - اياق جالعاسىپ، ۇرپاقتان - ۇرپاققا ۇتىلامالى ىلگەرىلەتىلدى. ءبىز بۇراڭ جولدارمەن جۇرگەنبىز، ويلاماعان قيىنشىلىقتار مەن ساتسىزدىكتەرگە دە كەزدەسكەنبىز، الايدا، سوتسياليستىك وسىزاماندانعان مەملەكەت قۇرۋداعى ەرىك - جىگەرىمىز بەن بەكىمىمىزدەن باستان - اياق اۋىتقىمادىق. جاڭا جۇڭگو قۇرىلعاننان، اسىرەسە، رەفورما جاساعاننان، ەسىك اشقاننان بەرى، ءبىز نەشە 10 جىل ۋاقىت جۇمساپ، باتىستاعى دامىعان ەلدەردىڭ نەشە 100 جىل باسقان ونەركاسىپتەنۋ بارىسىن ورىنداپ، ەكونوميكا جىلدام دامىعان جانە قوعام ۇزاق ۋاقىت ورنىقتى بولعان كەرەمەتتى جاراتىپ، جۇڭگو ۇلگىسىندەگى وسىزامانداندىرۋ جولىمەن ءساتتى ءجۇرىپ، جۇڭحۋا ۇلتىنىڭ ۇلى گۇلدەنۋىنە كەڭ بولاشاق اشتىق. پارتيا 18 - قۇرىلتايىنان بەرى، پارتيامىز قازىرگى نەگىزدە ۇزدىكسىز العا باسىپ، تانىمدا ۇزدىكسىز تەرەڭدەپ، ستراتەگيادا ۇزدىكسىز كەمەلدەنىپ، امالياتتا ۇزدىكسىز بايىپ، نازاريادا جانە امالياتتا جاڭالىق اشۋدى، سەرپىلىس جاساۋدى ۇزدىكسىز جۇزەگە اسىرىپ، جۇڭگو ۇلگىسىندەگى وسىزامانداندىرۋدى تابىستى تۇردە ىلگەرىلەتتى جانە كەڭەيتتى. ۇدەرە العا تارتقان 10 جىلدا، ءبىز دوڭگەلەك داۋلەتتىلىككە جەتۋ سىندى جۇڭحۋا ۇلتىنىڭ مىڭ جىلدىق ارمانىن جۇزەگە اسىرىپ، ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، مۇلدەم كەدەيلىك ماسەلەسىن تاريحي تۇردە شەشتىك؛ حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم تولىق، اناعۇرلىم قامتاماسىز، اناعۇرلىم باياندى بولىپ، بىرگە بايۋدا تىڭ ناتيجەگە قول جەتكىزدىك؛ جۇڭگو حالقىنىڭ العا باسۋ قوزعاۋشى كۇشى اناعۇرلىم قۇدىرەتتەنىپ، كۇرەس جۇرگىزۋ رۋحى اناعۇرلىم اسقاقتاپ، ءسوزسىز جەڭىسكە جەتۋ سەنىمى اناعۇرلىم نىعايىپ، اناعۇرلىم كۇشتى تاريحي سانالىلىق پەن ىرىقتىلىق رۋحىن تاسقىنداتتى؛ ەكولوگيالىق ورتانى قورعاۋدا تاريحي سيپاتتى، بۇرىلىس سيپاتتى، جالپى جاعداي سيپاتتى وزگەرىس تۋىلىپ، وتانىمىزدىڭ اسپانى اناعۇرلىم اشىق، تاۋى اناعۇرلىم جاسىل، سۋى اناعۇرلىم تۇنىق بولدى؛ ەلىمىزدىڭ حالىقاراداعى ىقپال قۋاتى، باۋراۋ قۋاتى، سومداۋ قۋاتى كورنەكتى جوعارىلاپ، ادامزات ءدوپ كەلىپ وتىرعان ورتاق ماسەلەلەردى شەشۋ ءۇشىن اناعۇرلىم كوپ، اناعۇرلىم جاقسى جۇڭگو پاراساتىن، جۇڭگو جوباسىن، جۇڭگو كۇشىن ازىرلەدى. اماليات جۇڭگو ۇلگىسىندەگى وسىزامانداندىرۋ جولىمەن دۇرىس، ىركىلىسسىز عانا ەمەس ءارى ورنىقتى دا جاقسى ءجۇرۋىمىز كەرەك ەكەندىگىن دالەلدەدى!
پارتيا 20 - قۇرىلتايىنىڭ بايانداماسى جۇڭگو ۇلگىسىندەگى وسىزامانداندىرۋدىڭ 5 جاقتاعى جۇڭگو ەرەكشەلىگىن ايقىن جيناقتاپ، جۇڭگو ۇلگىسىندەگى وسىزامانداندىرۋدىڭ عىلمي ءمانىن تەرەڭ اشىپ كورسەتتى. باس شۋجي شي جينپيڭ وسى رەتكى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى سوزىندە: ”بۇل ءارى نازاريالىق جيناقتاۋ، ءارى امالياتتىق تالاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا داڭعىل جول نۇسقادى“ دەپ اتاپ كورسەتتى. جان سانى كولەمى وراسان زور بولعان وسىزامانداندىرۋ، بۇل − جۇڭگو ۇلگىسىندەگى وسىزامانداندىرۋدىڭ كورنەكتى ەرەكشەلىگى. ءبىز نەشە ءجۇز مىڭ، نەشە ميلليون، نەشە ون ميلليون ادامنىڭ وسىزاماندانۋىنا ۇقسامايمىز، قايتا ءبىر ميلليارد 400 ميلليوننان استام حالىقتىڭ وسىزاماندانۋىن جۇرگىزىپ وتىرمىز، كولەمى قازىر بار دامىعان ەلدەر جان سانىنىڭ جالپى جيىنتىعىنان اسىپ كەتەدى، بۇل ءارى ەڭ قيىنى، ءارى ەڭ ۇلىسى. تەك، باستان - اياق مەملەكەت جاعدايىن نەگىزگە الا ماسەلەگە وي جۇگىرتىپ، شەشىم جاساپ، ءىس ءبىتىرىپ، ورنىقتىلىق بارىسىندا ىلگەرىلەۋگە، رەتىنە قاراي بىرتىندەپ ىلگەرىلەتۋگە، ۇزدىكسىز ىلگەرىلەتۋگە تاباندى بولعاندا عانا، ءبىر ميلليارد 400 ميلليوننان استام حالىقتىڭ تولىعىمەن وسىزاماندانعان قوعامعا قادام تاستاۋىنا مۇمكىندىك جاساۋعا بولادى. جالپى حالىق بىرگە باييتىن وسىزامانداندىرۋ، بۇل − جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى. حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋدى وسىزامانداندىرۋ قۇرىلىسىنىڭ شىعار ءتۇيىنى مەن تابان تىرەر تياناعى ەتۋگە تاباندى بولىپ، قوعامدىق ادىلدىكتى، تۋراشىلدىقتى كۇش سالا قورعاعاندا جانە جەبەگەندە عانا، جالپى حالىقتىڭ بىرگە بايۋىن جەبەۋگە بولادى. ماتەريالدىق وركەنيەت پەن رۋحاني وركەنيەتتى ءوزارا سايكەستىرەتىن وسىزامانداندىرۋدا ءارى زاتتىق ماتەريال جەتكىلىكتى، ءارى رۋحاني جاقتا باي بولۋ − جۇڭگو ۇلگىسىندەگى وسىزامانداندىرۋدىڭ وسكەلەڭ تالپىنىسى سانالادى. تەك وسىزاماندانۋدىڭ زاتتىق نەگىزىن ۇزدىكسىز بەكەمدەپ، حالىقتىڭ كۇن سايىن ارتىپ وتىرعان رۋحاني مادەنيەت قاجەتىن ۇزدىكسىز قاناعاتتاندىرعاندا عانا، زاتتىڭ جالپى بەتتىك مولايۋىن جانە ادامنىڭ جان - جاقتى دامۋىن جەبەۋگە بولادى. ادام مەن تابيعات جاراسىمدى قاتار ءومىر سۇرەتىن وسىزامانداندىرۋدا تابيعاتقا قۇرمەت ەتۋ، تابيعاتقا سايكەسۋ، تابيعاتتى قورعاۋ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ − جۇڭگو ۇلگىسىندەگى وسىزامانداندىرۋدىڭ ايقىن ەرەكشەلىگى سانالادى. تەك ماتەريالدىق وركەنيەت قۇرىلىسى مەن ەكولوگيالىق وركەنيەت قۇرىلىسىن قاتار ىلگەرىلەتىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن بۇلجىماي جۇرگەندە عانا، جۇڭحۋا ۇلتىنىڭ باياندى دامۋىن جۇزەگە اسىرۋعا بولادى. بەيبىت دامۋ جولىمەن جۇرەتىن وسىزامانداندىرۋدا بەيبىت دامۋعا تاباندى بولۋ، دۇنيە ءجۇزىنىڭ بەيبىتشىلىگى مەن دامۋىن باتىل قورعاۋ بارىسىندا ءوزىمىزدى دامىتۋعا تالپىنۋ، سونداي - اق ءوزىمىزدى دامىتۋ ارقىلى دۇنيە ءجۇزىنىڭ بەيبىتشىلىگى مەن دامۋىن اناعۇرلىم ويداعىداي قورعاۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ − جۇڭگو ۇلگىسىندەگى وسىزامانداندىرۋدىڭ كورنەكتى ەرەكشەلىگى سانالادى. تەك تاريحتىڭ دۇرىس جاعىندا، ادامزات وركەنيەتىنىڭ العا باسۋ جاعىندا بەرىك تۇرىپ، بەيبىتشىلىك، دامۋ، سەلبەستىك، تەڭ يگىلىككە كەنەلۋ تۋىن بيىك ۇستاعاندا عانا، تاريح تەگەرشىگىنىڭ نۇرلى بولاشاققا قاراي العا باسۋىن ىلگەرىلەتۋگە بولادى.
جۇڭگو ۇلگىسىندەگى وسىزامانداندىرۋ ۇلى دا جاپالى ءىس. جاپالى بولعاندىعى سەبەپتى ۇلى؛ جاپالى بولعاندىعى سەبەپتى اناعۇرلىم داڭقتى. قازىر دۇنيە جۇزىندە 100 جىلدا بولماعان زور وزگەرىس جەدەل دامىپ، ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە دايىندالۋىمىز كەرەك. العا باسۋ جولىندا، ءبىز پارتيانىڭ جالپى بەتتىك باسشىلىعىنا باستان - اياق تاباندى بولىپ جانە ونى كۇشەيتىپ، پارتيانىڭ باسشىلىعىن پارتيا مەن مەملەكەت ىستەرىنىڭ ءار سالاسىندا، ءار جاعىندا، ءار بۋىنىندا تياناقتاندىرىپ، ەلىمىزدىڭ سوتسياليستىك وسىزامانداندىرۋ قۇرىلىسىنىڭ دۇرىس بەتالىسىنا شىنايى كەپىلدىك ەتۋىمىز؛ جۇڭگوشا سوتسياليزم جولىنا تاباندى بولىپ، ەرىك - جىگەردى وزگەرتپەيتىن، جولدى وزگەرتپەيتىن بەكىمدى بەكەمدەپ، ەلىمىزدىڭ دامۋ، العا باسۋ تاعدىرىن ءوز قولىمىزدا بەرىك ۇستاۋىمىز؛ حالىقتى وزەك ەتكەن دامۋ يدەياسىنا تاباندى بولىپ، دامۋدىڭ حالىق ءۇشىن بولۋىن، دامۋدا حالىققا سۇيەنۋدى، دامۋ جەتىستىكتەرىنەن حالىقتىڭ تەڭ يگىلىكتەنۋىن ۇزدىكسىز جۇزەگە اسىرىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتىڭ اناعۇرلىم كوپ، اناعۇرلىم ءادىل يگىلىكتەنۋىنە مۇمكىندىك جاساۋىمىز؛ رەفورما جاساۋدى، ەسىك اشۋدى تەرەڭدەتۋگە تاباندى بولىپ، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭدىك كۇشىن ۇزدىكسىز كۇشەيتىپ، ەلىمىزدىڭ ءتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋىمىز؛ كۇرەسكەرلىك رۋحتى ساۋلەلەندىرۋگە تاباندى بولىپ، العا باسۋ جولىنداعى ءتۇرلى قيىنشىلىقتار مەن سىن - سايىستاردى كۇش سالا جەڭىپ، قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا تىڭ ءورىس اشۋىمىز كەرەك.
داڭعىل جول ساپارى كەڭ دە شەكسىز؛ داڭعىل جولدا قايراتتانعان شەكسىز جول باسادى. جۇڭگو ۇلگىسندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە بىزدە شەكسىز كەڭ ساحنا، شەكسىز تەرەڭ تاريحي نەگىز، شەكسىز قۇدىرەتتى العا باسۋ تاباندىلىعى بار. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، ءوز جولىمىزبەن بۇلجىماي جاقسى ءجۇرىپ، ءوز ءىسىمىزدى بار ىنتا - پەيىلىمىزبەن ويداعىداي ىستەسەك، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى!
(شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى)
