تيانشان تورى
تيانشان تورى   ›   جاڭالىقتار   ›   ماڭىزدى حابارلار

ىزگى نيەتپەن، يگى ونەرمەن جەرگىلىكتى حالىقتى باقىتقا كەنەلتىپ، ءىس جۇزىندىك ارەكەتتەرىڭىزبەن جۇڭگو حيكاياسىن ويداعىداي بايانداڭىزدار

شي جينپيڭ جاۋاپ حات جازىپ، ورتا افريكاعا كومەككە بارعان جۇڭگو ەمدەۋ اترەتىنىڭ مۇشەلەرىن جىگەرلەندىردى

ىزگى نيەتپەن، يگى ونەرمەن جەرگىلىكتى حالىقتى باقىتقا كەنەلتىپ، ءىس جۇزىندىك ارەكەتتەرىڭىزبەن جۇڭگو حيكاياسىن ويداعىداي بايانداڭىزدار

جاۋاپ حات

ورتا افريكاعا كومەككە بارعان 19 - توپتاعى جۇڭگو ەمدەۋ اترەتىندەگى جولداستارعا:

  سالەمەتسىزدەر مە! حاتتارىڭىزدى تاپسىرىپ الدىم. سىزدەر ورتا افريكادا قىزمەتتەگى، تۇرمىستاعى قيىنشىلىقتاردى جەڭىپ، جەرگىلىكتى جۇرتشىلىققا دەن قويا قىزمەت وتەدىڭىزدەر ءارى اجالعا اراشاشى، جارالىعا مەدەت بولعان اق حالاتتى پەرىشتە، ءارى سۇيىسپەنشىلىكتى جەتكىزەتىن دوستىق ەلشىسى بولدىڭىزدار. بيىل جۇڭگونىڭ ەمدەۋ جاعىندا شەتەلگە كومەكتەسۋ اترەتىن جىبەرگەنىنە 60 جىل بولدى، قازىر جانە كەزىندە ەمدەۋ جاعىندا شەتەلگە كومەكتەسۋ مىندەتىن اتقارعان جولداستاردان شىنايى حال سۇرايمىن.

  جۇڭگو حالقى بەيبىتشىلىكتى قىزۋ سۇيەدى، ءومىردى قاستەرلەيدى، ەمدەۋ جاعىندا شەتەلگە كومەكتەسۋ ونىڭ جاندى بەينەسى. سىزدەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپادان قورىقپاۋ، ۇلەس قوسۋعا پەيىل بولۋ، اجالعا اراشاشى، جارالىعا مەدەت بولۋ، شەكسىز سۇيىسپەنشىلىك ارناۋ سىندى جۇڭگو ەمدەۋ اترەتى رۋحىن زور كۇشپەن اسقاقتاتىپ، ىزگى نيەتپەن، يگى ونەرمەن جەرگىلىكتى حالىقتى باقىتقا كەنەلتىپ، ءىس جۇزىندىك ارەكەتتەرىڭىزبەن جۇڭگو حيكاياسىن ويداعىداي بايانداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋلارىڭىزدى ءۇمىت ەتەمىن.

شي جينپيڭ

2023 - جىلى 2 - ايدىڭ 9 - كۇنى

(شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 2 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتا افريكا رەسپۋبليكاسىنا كومەككە بارعان 19 - توپتاعى جۇڭگو ەمدەۋ اترەتىنىڭ مۇشەلەرىنە 2 - ايدىڭ 9 - كۇنى جاۋاپ حات جازىپ، ولارعا جانە شەتەلگە كومەككە جىبەرىلگەن قالىڭ ەمدەۋ اترەتىنىڭ مۇشەلەرىنە سالەم جولدادى ءارى ىقىلاستى ءۇمىت ارتتى.

  شي جينپيڭ جاۋاپ حاتىندا بىلاي دەدى: سىزدەر ورتا افريكادا قىزمەتتەگى، تۇرمىستاعى قيىنشىلىقتاردى جەڭىپ، جەرگىلىكتى جۇرتشىلىققا دەن قويا قىزمەت وتەدىڭىزدەر ءارى اجالعا اراشاشى، جارالىعا مەدەت بولعان اق حالاتتى پەرىشتە، ءارى سۇيىسپەنشىلىكتى جەتكىزەتىن دوستىق ەلشىسى بولدىڭىزدار. بيىل جۇڭگونىڭ ەمدەۋ جاعىندا شەتەلگە كومەكتەسۋ اترەتىن جىبەرگەنىنە 60 جىل بولدى، قازىر جانە كەزىندە ەمدەۋ جاعىندا شەتەلگە كومەكتەسۋ مىندەتىن اتقارعان جولداستاردان شىنايى حال سۇرايمىن.

  شي جينپيڭ بىلاي دەپ اتاپ كورسەتتى: جۇڭگو حالقى بەيبىتشىلىكتى قىزۋ سۇيەدى، ءومىردى قاستەرلەيدى، ەمدەۋ جاعىندا شەتەلگە كومەكتەسۋ ونىڭ جاندى بەينەسى. سىزدەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپادان قورىقپاۋ، ۇلەس قوسۋعا پەيىل بولۋ، اجالعا اراشاشى، جارالىعا مەدەت بولۋ، شەكسىز سۇيىسپەنشىلىك ارناۋ سىندى جۇڭگو ەمدەۋ اترەتى رۋحىن زور كۇشپەن اسقاقتاتىپ، ىزگى نيەتپەن، يگى ونەرمەن جەرگىلىكتى حالىقتى باقىتقا كەنەلتىپ، ءىس جۇزىندىك ارەكەتتەرىڭىزبەن جۇڭگو حيكاياسىن ويداعىداي بايانداپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋلارىڭىزدى ءۇمىت ەتەمىن.

  ەمدەۋ جاعىندا شەتەلگە كومەكتەسۋ − ەلىمىزدىڭ شەتەلگە كومەكتەسۋ قىزمەتىنىڭ ماڭىزدى مازمۇنى. 1963 - جىلى ەلىمىز الجيرياعا 1 - توپتاعى ەمدەۋ جاعىندا شەتەلگە كومەكتەسۋ اترەتىن جىبەرگەن. 60 جىلدان بەرى افريكا، ازيا، امەريكا، ەۆروپا جانە وكەانيا ماتەريكتەرىندەگى 76 مەملەكەتكە جانە رايونعا جىبەرىلگەن ەمدەۋ اترەتتەرىنىڭ مۇشەلەرى جيىنى 30 مىڭ ادام - رەت، دياگنوز قويىلىپ، ەمدەلگەن ناۋقاستار جيىنى 290 ميلليون ادام - رەت بولىپ، حالىقارالىق قوعامنىڭ جاپپاي القاۋىنا يە بولدى. قازىر ەمدەۋ جاعىندا شەتەلگە كومەكتەسۋ اترەتى دۇنيە جۇزىندەگى 56 مەملەكەتتەگى 115 ەمدەۋ تۇيىنىندە قىزمەت ىستەيدى، مۇنىڭ تەڭ جارتىسىنا جۋىعى شەتكەرى - شالعاي، جاپالى وڭىرلەردە. تاياۋدا ورتا افريكاعا كومەككە بارعان 19 - توپتاعى جۇڭگو ەمدەۋ اترەتىنىڭ 11 مۇشەسى باس شۋجي شي جينپيڭگە حات جازىپ، پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ، جەرگىلىكتى جۇرتشىلىققا ەمدەۋ جاعىندا قىزمەت وتەۋ سياقتى احۋالداردان مالىمەت بەرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋگە ەسە قوسۋ بەكىمدەرىن ءبىلدىردى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.