مەملەكەتتىك ۇيىمداستىرۋ ءبولىم باستىقتارى ءماجىلىسىنىڭ جانە قارت كادرلار مەكەمەسى باستىقتارى ءماجىلىسىنىڭ رۋحىن جەتكىزدى، دايەكتىلەندىردى، جەرگىلىكتى زاڭ ەرەجە شىعارۋ قىزمەتىن ويداعىداي ىستەۋدى اقىلداستى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 2 - ايدىڭ 11 - كۇنى تۇستەن بۇرىن ءماجىلىس اشىپ، شي جينپيڭنىڭ زاڭمەن باسقارۋ يدەياسىن جانە باس شۋجي شي جينپيڭنىڭ پارتيا قۇرىلىسى جانە ۇيىمداستىرۋ قىزمەتى، قارت كادرلار قىزمەتى سياقتىلار جونىندەگى ماڭىزدى بايىمداۋلارى مەن قاتىستى ماڭىزدى بەكىتۋلەرىنىڭ رۋحىن ىشكەرىلەي ۇيرەندى، دايەكتىلەندىردى، مەملەكەتتىك ۇيىمداستىرۋ ءبولىم باستىقتارى ءماجىلىسىنىڭ، مەملەكەتتىك قارت كادرلار مەكەمەسى باستىقتارى ءماجىلىسىنىڭ رۋحىن جەتكىزدى، ۇيرەندى، 28 - رەتكى مەملەكەتتىك جەرگىلىكتى زاڭ ەرەجە شىعارۋ قىزمەتى اڭگىمە ءماجىلىسىنىڭ قاتىستى تالاپتارىن ۇيرەنىپ، دايەكتىلەندىرىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: پارتيا 20 - قۇرىلتايىنىڭ، باس شۋجي شي جينپيڭنىڭ پارتيا قۇرىلىسى جانە ۇيىمداستىرۋ قىزمەتى جونىندەگى ماڭىزدى بايىمداۋلارىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيا قۇرىلىسىنىڭ باس تالابى مەن جاڭا داۋىردەگى پارتيانىڭ ۇيىمدىق لۋشيانىن ىشكەرىلەي تياناقتاندىرىپ، مەملەكەتتىك ۇيىمداستىرۋ ءبولىم باستىقتارى ءماجىلىسىنىڭ رۋحىن مۇقيات دايەكتىلەندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ پارتيانىڭ ءار جاقتاعى قۇرىلىسىن ىلگەرىلەتىپ، بۇكىل رايونداعى ءار ۇلت پارتيا مۇشەلەرى مەن كادرلارىن ”ەكىنى تۇراقتاندىرۋدىڭ“ شەشۋشى ءمانىن تەرەڭ تۇسىنۋگە، ”ەكىنى قورعاۋدى“ باتىل ورىنداۋعا جەتەكتەپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋحتى سومداۋعا تاباندى بولىپ، باس شۋجي نۇسقاعان دۇرىس بەتالىسپەن بۇلجىماي العا ىلگەرىلەۋ كەرەك. جاڭا داۋىردەگى جاقسى كادر ولشەمى مەن ۇلتتىق وڭىرلەردەگى كادرلاردىڭ ”ءتورت ەرەكشە“ ولشەمىن مۇقيات تياناقتاندىرىپ، كادرلاردى تاڭداۋ، جەتىلدىرۋ، باسقارۋ، ىستەتۋ قىزمەتىن ساپالىلاندىرىپ، كادرلاردىڭ ماماندانۋ قابىلەتىن جوعارىلاتىپ، شينجياڭنىڭ ”8 ءىرى كاسىپ سالاسى شوعىرى“ قۇرىلىسىن جانە ءتۇيىندى كاسىپ سالالارىنىڭ دامۋ قاجەتىن ارقاۋ ەتىپ، دارىندى تاربيەلەۋ، دارىندى ەنگىزۋ قىزمەتىن كۇشەيتىپ، جوعارى ساپالى دامۋدىڭ دارىندىلار تىرەگىن كۇشەيتۋ كەرەك. نەگىزگى ساتىنى بارىنشا يگەرۋدىڭ ايقىن بەتالىسىن ورناتىپ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسىن ۇزدىكسىز كۇشەيتىپ، بۇكىل رايونداعى قالىڭ پارتيا مۇشەلەرى مەن كادرلاردى جاڭا جورىقتا ەرلىكپەن الدا جۇرۋگە ۇمتىلىپ، ۇلەس قوسىپ، ەڭبەك ءسىڭىرىپ، كورىكتى شينجياڭ قۇرۋعا قۇلشىنۋعا جۇمىلدىرۋ كەرەك.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ قارت كادرلار قىزمەتى جونىندەگى ماڭىزدى بايىمداۋلارىن مۇقيات ۇيرەنىپ، دايەكتىلەندىرىپ، جاڭا داۋىردەگى، جاڭا كەزەڭدەگى قارت كادرلار قىزمەتىنىڭ جاڭا تالاپتارىن جەتە تانىپ، دۇرىس يگەرىپ، قۇرمەت سەزىمىن ساقتاپ، قامقورلىق سۇيىسپەنشىلىگىن ارناپ، ناقتى ىستەردى كوبىرەك ىستەپ، قارت كادرلار قىزمەتىن دەن قويا، سۇيىسپەنشىلىكپەن ويداعىداي ىستەپ، دەمالىسقا، زەينەتكە شىققان كادرلارعا ساياتىن پارتيا قۇرىلىسىن، رولىن ساۋلەلەندىرۋدى، قىزمەت وتەۋ، باسقارۋدى جانە قارت كادرلار قىزمەتى تاراۋلارىنىڭ وزىندىك قۇرىلىسىن ءبىر تۇلعالى ىلگەرىلەتىپ، قارت كادرلاردىڭ باسىمدىعى مەن رولىن ۇزدىكسىز ويداعىداي ساۋلەلەندىرىپ، شينجياڭنىڭ رەفورما، دامۋ، ورنىقتىلىق قىزمەتتەرىنە ءتىپتى جاقسى قىزمەت وتەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اقىل - پاراسات پەن كۇش - قۋات ارناۋىن قولداۋ كەرەك.
ءماجىلىس مىنالاردى باسا دارىپتەدى: شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى زاڭمەن باسقارۋدى جاپپاي تەرەڭدەتىپ، زاڭدى عىلمي جولمەن شىعارۋ، زاڭدى دەموكراتيالىق جولمەن شىعارۋ، زاڭدى زاڭ بويىنشا شىعارۋ قىزمەت مەحانيزمىن ۇزدىكسىز اقاۋسىزداندىرىپ، كەمەلدەندىرىپ، نازاردى باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋگە شوعىرلاندىرىپ، قوعامدىق باسقارۋ، ۇلتتار ىنتىماعى جانە ءدىن جاراسىمدىلىعى، ەكونوميكانىڭ جوعارى ساپالى دامۋى، شينجياڭدى مادەنيەتپەن نارلەندىرۋ، حالىق تۇرمىسىن جاقسارتۋ سياقتى ءتۇيىندى سالالاردا، جاڭادان گۇلدەنگەن سالالاردا زاڭ شىعارۋدى كۇشەيتىپ، زاڭ شىعارۋدىڭ ەگجەي - تەگجەيلى، دالمە - ءدال بولۋ دەڭگەيىن ۇزدىكسىز جوعارىلاتىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا پايدالى بولۋ رولىن اناعۇرلىم ويداعىداي ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن جازۋعا مىعىم زاڭمەن باسقارۋ قامتاماسىزدىعىن ازىرلەۋ كەرەك.
