جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 2 - ايدىڭ 11 - كۇنى تۇستەن كەيىن ۇرىمجىدە شينجياڭعا ەكسكۋرسيالاي، ساپارلاي كەلگەن ءبىر ءبولىم وركەندەپ كەلە جاتقان ەلدەردىڭ جەنەۆاداعى تۇراقتى ەلشىلەرى ۋاكىلدەر ۇيىرمەسىندەگىلەرمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ۋاكىلدەر ۇيىرمەسىندەگىلەردى قىزۋ قارسى الاتىندىعىن ءبىلدىردى ءارى شينجياڭنىڭ ەكونوميكالىق، قوعامدىق دامۋ جاعدايىن تانىستىردى. ما شيڭرۇي بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، شينجياڭدى زاڭمەن باسقارۋدى، شينجياڭدى ىنتىماقتاسا ورنىقتىرۋدى، شينجياڭدى مادەنيەتپەن نارلەندىرۋدى، حالىقتى بايىتىپ، شينجياڭدى گۇلدەندىرۋدى، شينجياڭدى باياندى كوركەيتۋدى ءبىر تۇتاس جوسپارلاپ ىلگەرىلەتتى. ءبىز ءار ۇلت حالقىنىڭ تاماشا تۇرمىسقا تالپىنىسىن كۇرەس نىسانامىز ەتۋدەن جازباي، قوعام ورنىقتىلىعىن زاڭ بويىنشا قورعاپ، ەكونوميكانىڭ جوعارى ساپالى دامۋىن ىلگەرىلەتىپ، ۇلتتار ىنتىماعىن بەكەمدەپ، دامىتىپ، ءدىني سەنىم ەركىندىگىن تولىق قامتاماسىز ەتىپ، حالىق تۇرمىسىن زور كۇشپەن قامتاماسىز ەتىپ جانە جاقسارتىپ، شينجياڭنىڭ ەكونوميكالىق، قوعامدىق جانە ادامدىق ۇقىق ىستەرىن دامىتۋدا بۇرىن بولىپ كورمەگەن تابىستارعا قول جەتكىزدىك، ءار ۇلت حالقى جاراسىمدى، تىنىش، تاماشا تۇرمىس كەشىرۋدە. ءبىز جۇڭگو كوممۋنيستىك پارتياسىنىڭ 20 - قۇرىلتايىنداعى ءتۇرلى شەشىمدەر مەن ورنالاستىرۋلاردى ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جەدەل ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن جازۋدامىز. وسى رەتكى ساپاردا، كوپشىلىك شينجياڭنىڭ جەر - جەرىندەگى تىنىش، بەرەكەلى، قارىشتاپ دامىعان جاڭا بەينەنى سول جەردىڭ وزىندە كورىپ، ءار ۇلت حالقىنىڭ باقىتتى تۇرمىسىن تىكە سەزىنىپ، شينجياڭ جونىندە اناعۇرلىم تەرەڭ تانىم مەن تۇسىنىككە يە بولدى. كوپشىلىكتىڭ جەنەۆاداعى كوپ جاق مىنبەسى ارقىلى شينجياڭنىڭ ەكونوميكالىق، قوعامدىق دامۋىنىڭ جانە ادامدىق ۇقىقتى قامتاماسىز ەتۋىنىڭ شىنايى جاعدايىن اناعۇرلىم كوپ ادامعا تانىستىرىپ، حالىقارالىق قوعامنىڭ جۇڭگونىڭ شينجياڭىن ءتىپتى دە جان - جاقتى، وبيەكتيۆ تۇسىنۋىنە مۇمكىندىك جاساۋىن ءۇمىت ەتەمىن. كوپشىلىكتىڭ شينجياڭعا كوبىرەك كەلىپ ارالاپ كورۋىن، اۋىس - كۇيىستى ءتىپتى دە ىلگەرىلەتىپ، دوستىقتى كۇشەيتۋىن، ءار ەلدىڭ جەرگىلىكتى ۇكىمەتتەرى مەن جۇڭگونىڭ شينجياڭىنىڭ ءار سالاداعى ناقتى سەلبەستىگىن تەرەڭدەتۋىن، ءوزارا پايدا جەتكىزىپ، تەڭ يگىلىكتەنۋدى جەبەۋىن ىلگەرىلەتۋدى شىن پەيىلمەن قارسى الامىز. شينجياڭ ”شاقىرىپ اكەلۋ“، ”سىرتقا شىعارۋ“ تەبىنىن ءۇرتىس ارتتىرىپ، جۇڭگونىڭ شينجياڭىنىڭ حيكاياسىن ويداعىداي بايانداپ، حالىقارالىق اۋىس - كۇيىستى، سەلبەستىكتى تەرەڭدەتىپ، اناعۇرلىم مول جەتىستىكتەرگە جەتۋدى ىلگەرىلەتىپ، ەكى جاقتىڭ حالقىنا اناعۇرلىم ويداعىداي باقىت جاراتادى.
كۋبا، سۋدان، سەنەگال، كوتديۆۋار، كامەرۋن سياقتى ەلدەردىڭ جەنەۆاداعى تۇراقتى ەلشىلەرى جۇڭگونىڭ شينجياڭىنىڭ ەكونوميكالىق، قوعامدىق دامۋى مەن ادامدىق ۇقىق ىستەرىندە قول جەتكىزگەن وراسان زور تابىسىنا جوعارى باعا بەردى. ولار مىنالاردى ءبىلدىردى: وسى رەت شينجياڭعا ساپارلاي كەلىپ، قوعامىنىڭ جاراسىمدى، ورنىقتى ەكەندىگىن، ەكونوميكاسىنىڭ كوركەيىپ، دامىعاندىعىن، ۇلتتار ىنتىماعى جانە ءدىن جاراسىمدىلىعى سياقتى جاقتارداعى شىنايى احۋالداردى جانە ءار ۇلت حالقىنىڭ باقىتتى، تاماشا تۇرمىسىن ءوز كوزىمىزبەن كوردىك، جۇڭگو ۇكىمەتىنىڭ شينجياڭنىڭ گۇلدەنۋىن، ورنىقتىلىعىن، دامۋىن ىلگەرىلەتۋدە جاساعان قۇلشىنىستارىنا القاۋ ايتامىز. ەلشىلەر مىنالاردى ءبىلدىردى: ءار ەلدىڭ ادامدىق ۇقىقتى دامىتۋ جولىن دەربەس ءوزى تاڭداۋ ۇقىعى بار، امەريكانىڭ، باتىستاعى ءىشىنارا مەملەكەتتەردىڭ جۇڭگونىڭ شينجياڭىنىڭ ادامدىق ۇقىق جاعدايى جونىندەگى ايىپتاۋلارى وتىرىك - وسەككە جانە سىڭار جاقتىلىققا تولى بولىپ، ادامدىق ۇقىق ماسەلەسىن جەلەۋ ەتىپ جۇڭگونىڭ ىشكى ىسىنە كيلىگۋ، جۇڭگونىڭ ورنىقتىلىعى مەن دامۋىنا جانە ۇلتتار ىنتىماعىنا زيان جەتكىزۋ سىندى ساياسي ماقساتىن ايپاراداي اشىپ تاستادى. ادامدىق ۇقىق ماسەلەسىن ساياسيلاندىرۋعا قارسى تۇرامىز، ءارقانداي سىرتقى كۇشتەردىڭ جۇڭگونىڭ ىشكى ىسىنە كيلىگۋىنە قارسى تۇرامىز. ەلشىلەر تاعى وزدەرى تۇرعان مەملەكەتتەردىڭ جۇڭگومەن ەكى جاقتى قارىم - قاتىناستى تەرەڭدەتۋىن اناعۇرلىم ىلگەرىلەتۋ، اۋىس - كۇيىستى، سەلبەستىكتى جەبەۋ تىلەگىن ءبىلدىردى، ”ءبىر بەلدەۋ، ءبىر جولدى“ بىرگە قۇرۋ سياقتى تۇعىردان پايدالانىپ، جۇڭگونىڭ شينجياڭىمەن ورنىقتىلىقتى قورعاۋ، كەدەيلىكتى ازايتۋ، وسى زامانعى اۋىل شارۋاشىلىعى، عىلىم - تەحنيكا سياقتى جاقتارداعى سەلبەستىك اياسىن ۇزدىكسىز كەڭەيتىپ، ەكى جاقتىڭ حالقىنا اناعۇرلىم مول قۇت - ىرىس الا كەلۋدى ءۇمىت ەتتى.
چىن ۋيجۇن، سىرتقى ىستەر مينيسترلىگىنىڭ قاتىستى تاراۋلارىنداعى جاۋاپتى جولداستار، ت.ب كەزدەسۋگە قاتىناستى.
