2 - ايدىڭ 11 - كۇنى تۇستەن بۇرىن حىبەي ولكەسىنىڭ 10 – توپتاعى شينجياڭعا كومەكتەسەتىن 113 وقىتۋشىسى كورلا اۋەجايىنا جەتتى، ولار بايىنعولين موڭعۇل اۆتونوميالى وبلىسى مەن بيڭتۋان 2 - شىسىندا 3 جىلدىق شينجياڭعا كومەكتەسۋ قىزمەتىن باستايدى. سۋرەتتى ياۋ زىڭحۇي تۇسىرگەن
انار بۇلت / شينجياڭ گازەتىنىڭ حابارى (ٴتىلشى دۋ جيانحۇي، ەرىكتى ٴتىلشى ۋاڭ شينۋىن حابارلايدى). 2 - ايدىڭ 11 - كۇنى تۇستەن بۇرىن حىبەي ولكەسىنىڭ 10 - توپتاعى شينجياڭعا كومەكتەسەتىن 113 وقىتۋشىسى كورلا اۋەجايىنا جەتتى، ولار بايىنعولين موڭعۇل اۆتونوميالى وبلىسى مەن بيڭتۋان 2 - شىسىندا 3 جىلدىق شينجياڭعا كومەكتەسۋ قىزمەتىن باستايدى.
ۇعىسۋىمىزشا، حىبەي ولكەسىنىڭ 10 ـ توپتاعى شينجياڭعا كومەكتەسەتىن وقىتۋشىلارى وسى ولكەدەگى 106 مەكتەپتەن كەلگەن، تۇگەلدەي تولىق كۋرستان جوعارى ماعلۇماتقا جانە ورتا دارەجەلىدەن جوعارى كاسىپتىك اتاققا يە، ٴارقايسى مەكتەپتەردە تۇگەلدەي ٴبىرىنشى شەپتەگى وقىتۋ تىرەكتىلەرى نەمەسە ورتا دارەجەلىدەن جوعارى باسشى مىندەتىن اتقارعان، ولاردىڭ اراسىندا كەزىندە شينجياڭعا كومەكتەسۋ قىزمەتىنە قاتىناسقانداردان 10 ادام بار، بارلىعى مىقتى كاسىپتىك ساپاعا جانە مول وقىتۋ تاجىريبەسىنە يە. ولار شينجياڭ عىلىم - تەحنيكا شۋەيۋانىنا جانە بايىنعولين موڭعۇل اۆتونوميالى وبلىسىنىڭ، بيڭتۋان 2 - شىسىنىڭ 22 مەكتەبىنە باعىتتامالى كومەكتەسەدى.
حىبەي ولكەسىنىڭ 10 ـ توپتاعى شينجياڭعا كومەكتەسەتىن وقىتۋشىلارىن تاڭداپ جىبەرۋ قىزمەتىن ويداعىداي ىستەۋ ٴۇشىن، حىبەي ولكەلىك پارتكوم ۇيىمداستىرۋ ٴبولىمى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جاڭا كەزەكتى شينجياڭعا باعىتتامالى كومەكتەسەتىن وقۋ ـ اعارتۋ دارىندىلارىن تاڭداپ ٴوسىرۋ شارتىنا ساي، كەڭ كولەمدە اتتانىسقا كەلتىرۋ، جەكەلەر ٴوتىنىش ەتۋ، مەكتەپ كورسەتۋ، ۇيىمدىق تەكسەرۋ سياقتى تارتىپتەردەن وتكىزۋ ارقىلى جاقسىلارى اراسىنان ۇزدىكتەرىن تاڭداپ، ۇزدىكتەرى اراسىنان مىقتىلارىن تاڭداپ، ەڭ سوڭىندا شينجياڭعا باعىتتامالى كومەكتەسەتىن وقىتۋشىلاردى تۇراقتاندىردى.
”شينجياڭعا باعىتتامالى كومەكتەسۋدىڭ 3 جىلدىق جولى ارقىلى حىبەي مەن شينجياڭ اراسىندا ماڭگىلىك سۇيىسپەنشىلىك ورناتامىز. ٴبىز، ٴسوز جوق، شينجياڭدى مادەنيەتپەن نارلەندىرۋدىڭ ەلشىسى بولىپ، شينجياڭدىق بالالاردى تاربيەلەۋگە قۇلشىنامىز جانە تەر توگەمىز“. شينجياڭعا كومەكتەسەتىن وقىتۋشىلاردىڭ ۋاكىلى، شىجياجۋاڭ قالالىق 2 - ورتا مەكتەپ تاجىريبە مەكتەبىنىڭ ورىنباسار باستىعى، كورلا قالالىق 21 - ورتا مەكتەپتىڭ باستىعى سۇن جىچياڭ مىنانى ٴبىلدىردى: وقۋ - اعارتۋ ارقىلى شينجياڭعا كومەكتەسۋگە قاتىناسۋدى وتاندى ٴسۇيىپ، ۇلەس قوساتىن، ۇيرەنىپ شىڭدالاتىن تۇعىر ەتىپ، جاۋاپكەرشىلىك ارقالاپ، ىسكەرلىك كورسەتىپ، ٴىس جۇزىندىك ارەكەتىمىز ارقىلى ۇلتتار ىنتىماعىنىڭ ەلشىسى، حىبەي مەن شينجياڭنىڭ مادەنيەت اۋىس - كۇيىسىنىڭ كوپىرى بولىپ، ناقتى ٴىس، ناقتى ناتيجە، ناقتى ونىمدىلىك ارقىلى ۇيىمنىڭ ماڭىزدى تاپسىرماسىن جانە اۋىلداعى جاقىندارىمىزدىڭ ٴۇمىتىن اقتاپ، حىبەي ولكەسىنىڭ وقۋ - اعارتۋ ارقىلى شينجياڭعا باعىتتامالى كومەكتەسۋىنىڭ تىڭ داستانىن جازامىز.
ۇعىسۋىمىزشا، حىبەي ولكەسى 1998 - جىلدان باستاپ بايىنعولين وبلىسىنا، بيڭتۋان 2 - شىسىنا باعىتتامالى كومەكتەسكەننەن بەرى، قازىر 9 توپتاعى 1300دەن استام وقىتۋشىنى وقۋ - اعارتۋ ارقىلى شينجياڭعا كومەكتەسۋ قىزمەتىنە قاتىناسۋعا تاڭداپ جىبەرگەن؛ 2018 - جىلدان باستاپ وقۋ - اعارتۋ مينيسترلىگىنىڭ ”10 مىڭ وقىتۋشى شينجياڭعا كومەكتەسۋ“ جوسپارى بويىنشا، ٴار جىلى 200دەن استام وقىتۋشىنى شينجياڭعا باعىتتامالى كومەكتەسۋگە تاڭداپ جىبەرگەن، بۇدان سىرت، شينجياڭعا يكەمدى كومەكتەسۋ، قىسقا مەرزىمدى شينجياڭعا كومەكتەسۋ سياقتى جولدار ارقىلى وقىتۋشىلاردى شينجياڭعا كومەكتەسۋگە تاڭداپ جىبەرگەن.
كوپ جىلدان بەرى، حىبەيدەن شينجياڭعا كومەككە كەلگەن توپ - توپ وقىتۋشىلار بار ىنتا - پەيىلدەرىمەن قىزمەتكە كىرىسىپ، ٴتۇيىندى قۇرىلىستان ۇلگى كورسەتەتىن مەكتەپتەردى تۇتقا ەتىپ، ”ۇيىرمە قۇرۋ ۇلگىسى“، ”اماناتتاپ باسقارۋ ۇلگىسى“ تاسىلدەرىمەن وزىق وقۋ - اعارتۋ ۇستانىمىن تاراتىپ، حىبەيدىڭ وقۋ - اعارتۋ ارقىلى شينجياڭعا كومەكتەسۋىنىڭ ”قان قۇيۋدان“ ”قان جاساۋعا“ قاراي بۇرىلىس جاساۋىن ىلگەرىلەتىپ، بالاباقشادان داشۋەنىڭ تولىق كۋرس وقۋ - اعارتۋىنا دەيىنگى كوپ ساتىلى، كوپ ارنالى، كوپ فورمالى وقۋ - اعارتۋ ارقىلى شينجياڭعا كومەكتەسۋدىڭ ”حىبەي ۇلگىسىن“ العاشقى قادامدا قالىپتاستىرىپ، كومەك قابىلداۋشى جەردەگى مەكتەپتەردىڭ وقۋ - اعارتۋ، وقىتۋ دەڭگەيىن جاپپاي جوعارىلاتۋىنا جەتەكشىلىك ەتتى.
اۋدارعان: قادىر ماقان
