جۇڭگو ۇلگىسىندەگى وسىزامانداندىرۋدى ىلگەرىلەتۋدە بىرنەشە كەلەلى قاتىناستى ويداعىداي ءبىر جاقتى ەتۋ قاجەت
− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
□ حالىق گازەتىنىڭ شولۋشىسى
”جۇڭگو ۇلگىسىندەگى وسىزامانداندىرۋدى ىلگەرىلەتۋ − جۇيەلى ينجەنەريا، ءبىر تۇتاس جوسپارلاپ تەڭ ءمان بەرىپ، جۇيەلى جوسپارلاپ، تۇتاس تۇلعالىق ىلگەرىلەتۋ كەرەك“. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا، باس شۋجي شي جينپيڭ جۇڭگو ۇلگىسىندەگى وسىزامانداندىرۋدى ىلگەرىلەتۋدە ويداعىداي ءبىر جاقتى ەتۋدى قاجەت ەتەتىن بىرنەشە كەلەلى قاتىناستى تەرەڭدەي بايىمداپ، ايقىن تالاپ قويىپ، ماركيستىك ماتەرياليستىك ديالەكتيكا يدەيالىق ءادىستى تولىق بەينەلەدى، بۇل پارتيامىزدىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى تانىمىنىڭ اناعۇرلىم تەرەڭدەتىلۋى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ ۇلى جوباسىن كەسكىندەپ، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. جوعارى دەڭگەيدە جوبالاۋ مەن امالياتتىق ىزدەنىس جاساۋ، ستراتەگيا مەن تاكتيكا، تۋراشىلدىقتان اينىماۋ مەن جاڭالىق اشۋ، ونىمدىلىك پەن ادىلدىك، ومىرشەڭدىك كۇش پەن ءتارتىپ، ءوز كۇشىنە سۇيەنىپ، ءوزىن الۋەتتەندىرۋ مەن سىرتقا ەسىك اشۋ سياقتى ءبىر قىدىرۋ كەلەلى قاتىناستاردى دۇرىس ويداعىداي ءبىر جاقتى ەتۋ بۇكىل پارتيانىڭ جۇڭگو ۇلگىسىندەگى وسىزامانداندىرۋدى دۇرىس ءتۇسىنۋى، ەلىمىزدىڭ دامۋى ءدوپ كەلگەن جاڭا ستراتەگيالىق ورايلارمەن، جاڭا ستراتەگيالىق مىندەتتەرمەن، جاڭا ستراتەگيالىق كەزەڭدەرمەن، جاڭا ستراتەگيالىق تالاپتارمەن، جاڭا ستراتەگيالىق ورتامەن تىعىز بايلانىستىرۋ، جاپپاي سوتسياليستىك وسىزاماندانعان مەملەكەت قۇرۋدىڭ ءتۇرلى نىسانالارىن، مىندەتتەرىن جۇزەگە اسىرۋدىڭ جاپالىلىعىن جانە كۇردەلىلىگىن تەرەڭدەي تانۋ، دايەكتىلەندىرۋ، تياناقتاندىرۋ سانالىلىعى مەن تاباندىلىعىن كۇشەيتۋ، جاڭا جورىقتا پارتيا مەن مەملەكەت ىستەرى دامۋىنىڭ جاڭا جاعدايىن قۇلشىنا اشۋ جونىنەن ەرەكشە ماڭىزدى مانگە يە.
جوعارى دەڭگەيدە جوبالاۋ مەن امالياتتىق ىزدەنىس جاساۋ ديالەكتيكالىق بىرلىككە يە. پارتيا 20 - قۇرىلتايىنىڭ بايانداماسىندا، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگى، ماندىك تالابى، كەلەلى پرينسيبى تەرەڭدەي بايىمدالدى، بۇل جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جوعارى دەڭگەيدە جوبالانۋى. جۇڭگو ۇلگىسىندەگى وسىزامانداندىرۋ كەزەڭگە ءبولىنىپ، سالاعا ءبولىنىپ ىلگەرىلەتىلەدى. ءارقايسى كەزەڭدەگى دامۋ نىساناسىن جۇزەگە اسىرۋ، ءار سالانىڭ دامۋ ستراتەگياسىن تياناقتاندىرۋ بىردەي جوعارى دەڭگەيدە جوبالاۋدى قاجەت ەتەدى. باس شۋجي شي جينپيڭ: ”جوعارى دەڭگەيدە جوبالاۋ جۇرگىزۋدە دۇنيە ءجۇزىنىڭ دامۋ اۋقىمىنا تەرەڭدەي كوز جەتكىزىپ، حالىق بۇقاراسىنىڭ ورتاق تىلەگىن دۇرىس يگەرىپ، ەكونوميكالىق، قوعامدىق دامۋ زاڭدىلىعى جونىندە ىشكەرىلەي ىزدەنىس جاساپ، بەلگىلەنگەن جوبالار مەن ساياسات جۇيەسىنىڭ ءداۋىر ەرەكشەلىگىن ايگىلەۋىنە، زاڭدىلىقتى يگەرۋىنە، جاسامپازدىق سيپاتقا باي بولۋىنا مۇمكىندىك جاساپ، الىس پەن جاقىندى ۇشتاستىرۋدى، جوعارى مەن تومەندى تۇتاستىرۋدى، مازمۇندى سايكەستىرۋدى ورىنداۋ قاجەت“، - دەپ اتاپ كورسەتتى. جۇڭگو ۇلگىسىندەگى وسىزامانداندىرۋدى ىلگەرىلەتۋ − ىزدەنىس سيپاتتى ءىس، تاعى كوپتەگەن بەيمالىم سالالار بار، ءبىزدىڭ اماليات بارىسىندا باتىلدىقپەن ىزدەنىس جاساپ، رەفورما جاساۋ، جاڭالىق اشۋ ارقىلى ىستەرىمىزدىڭ دامۋىن ىلگەرىلەتۋىمىزگە تۋرا كەلەدى، استە سىڭار ەزۋلىككە باسۋعا، تەر توكپەي يگىلىكتەن دامەتۋگە بولمايدى. جەر - جەر، تاراۋلار ءوزىنىڭ ناقتى ءىس جۇزىندىك جاعدايىمەن بايلانىستىرىپ، ءورىس اشا جاڭالىق اشۋ، اسىرەسە، الدىڭعى شەپتەگى امالياتتا، بەيمالىم سالالاردا باتىلدىقپەن ىزدەنىس جاساۋعا، باتىلدىقپەن باستاماشى بولۋعا شابىتتاندىرۋ، جاڭا قايشىلىقتاردى، جاڭا ماسەلەلەردى شەشۋدىڭ ءونىمدى وي جەلىسى مەن ءادىسىن قاراستىرىپ، كوشىرۋگە، جالپىلاستىرۋعا كەلەتىن جاڭا تاجىريبەلەردى قۇلشىنا جاراتۋ كەرەك.
ستراتەگيادان، تاكتيكادان دۇرىس پايدالانۋ − پارتيامىزدىڭ شۇعىلالى تاريح جاراتۋداعى، زامانالىق ۇلى ءىستىڭ تابىسىنا جەتۋدەگى، ءتۇرلى حاۋىپ - قاتەرلەردى، سىن - سايىستاردى جەڭۋدەگى، ۇزدىكسىز جەڭىستەن - جەڭىسكە جەتۋدەگى تابىسقا جەتۋ سىرى. جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوزسىز، وسى تابىسقا جەتۋ سىرىن ويداعىداي قورىتىندىلاۋ، ويداعىداي پايدالانۋ كەرەك. ستراتەگيانىڭ كورەگەندىك سيپاتىن كۇشەيتىپ، ءىستىڭ دامۋ تابيعي بەتالىسىن دالمە - ءدال يگەرىپ، العا باسۋ جولىندا جارىققا شىعۋى مۇمكىن ورايلار مەن سايىستاردى قىراعىلىقپەن قانىق ءبىلىپ، عىلمي ستراتەگيا ارقىلى بولاشاققا بولجاۋ جاساۋ، بولاشاققا جەتەكشىلىك ەتۋ كەرەك؛ ستراتەگيانىڭ جالپى جاعدايلىق سيپاتىن كۇشەيتىپ، ستراتەگيالىق نىسانانى جوسپارلاۋدىڭ، ستراتەگيالىق شارا بەلگىلەۋدىڭ، ستراتەگيالىق ورنالاستىرۋ جاساۋدىڭ بارلىعىندا پارتيا مەن مەملەكەت ىستەرىنىڭ كوركەيۋ - قۇرۋىنا، جەڭىس - جەڭىلىسىنە، بىرەۋى ارقىلى ءبارىن تۇزەتۋگە قاتىستى كەلەلى ماسەلەلەردى شەشۋدى كوزدەۋ كەرەك؛ ستراتەگيانىڭ ورنىقتىلىق سيپاتىن كۇشەيتىپ، ستراتەگيا قالىپتاسقان زامان ۇزاق ۋاقىت تاباندى بولۋ، سوڭىنا دەيىن يگەرۋ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتۋ، بەتالدى وزگەرتپەۋ كەرەك. تاكتيكا − ستراتەگيانىڭ جەتەكشىلىگىندە ستراتەگياعا قىزمەت وتەيدى، ستراتەگيانى اتقارۋدىڭ عىلمي ءادىسى. ستراتەگيانىڭ پرينسيپتىك سيپاتى مەن تاكتيكانىڭ يكەمدىلىك سيپاتىن ورگانيكالى ۇشتاستىرىپ، يكەمدى دە بەيىمدى بولىپ، جاعدايدىڭ وزگەرىسىنە قاراي يكەمدى توتەپ بەرىپ، ۇستىندە كەسىم جاساپ، جەرگىلىكتى جاعدايعا قاراي ىستەۋ، اۋقىمعا قاراي ارەكەتتەنۋ، ۇتىمدى جاعدايعا بەيىمدەلۋ بارىسىندا ستراتەگيالىق ىرىقتىلىقتى يگەرۋ كەرەك.
تۋراشىلدىقتان اينىماي، جاڭالىق اشۋ − پارتيامىزدىڭ جاڭا داۋىردە ەل باسقارۋداعى ماڭىزدى وي جۇگىرتۋ ءادىسى. تۋراشىلدىقتان اينىماعاندا عانا باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا ءداۋىردى يگەرۋگە، داۋىرگە جەتەكشىلىك ەتۋگە بولادى. جۇڭگو ۇلگىسىندەگى وسىزامانداندىرۋعا ىزدەنىس جاساۋ − مۇراگەرلىك ەتۋ بارىسىندا دامۋ، تۋراشىلدىقتان اينىماۋ بارىسىندا جاڭالىق اشۋ تاريحي ءۇردىسى بولىپ تابىلادى. جۇڭگو ۇلگىسىندەگى وسىزامانداندىرۋدى ىلگەرىلەتۋ جاڭا جورىعىندا، الدىمەن جۇڭگو ۇلگىسىندەگى وسىزامانداندىرۋدىڭ توركىنى مەن قاينارىن، تامىرى مەن جانىن ويداعىداي قورعاپ، جۇڭگو ۇلگىسىندەگى وسىزامانداندىرۋدىڭ جۇڭگوشا ەرەكشەلىگىنە، ماندىك تالابىنا، كەلەلى پرينسيبىنە تيتتەي دە اۋىقتىماي تاباندى بولىپ، جۇڭگو ۇلگىسىندەگى وسىزامانداندىرۋدىڭ دۇرىس بەتالىسىنا شىنايى كەپىلدىك ەتۋ كەرەك، سونىمەن بىرگە جاڭالىق اشۋدى مەملەكەتتىڭ دامۋ جالپى جاعدايىندا كورنەكتى ورىنعا قويىپ، ءداۋىردىڭ دامۋ تالابىنا سايكەسىپ، كەلەلى نازاريالىق جانە امالياتتىق ماسەلەلەردى شەشۋدى كوزدەپ، بەلسەنە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، رەفورما جاساۋدى، جاڭالىق اشۋدى كۇش سالا ىلگەرىلەتىپ، دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز سومداپ، جاڭالىق اشۋدى تۇتاس قوعامدا سالتقا اينالدىرۋ كەرەك.
ادىلدىك ونىمدىلىك نەگىزىندە ورناتىلۋى كەرەك، ونىمدىلىك تە ادىلدىكتى العى شارت ەتكەندە عانا جالعاسا الادى. ونىمدىلىك پەن ادىلدىكتىڭ قاتىناسىن ويداعىداي ءبىر جاقتى ەتىپ، بالكۇلشەنى ۇلكەيتۋمەن قاتار، بالكۇلشەنى دۇرىس بولگەندە عانا، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋگە بولادى. جۇڭگو ۇلگىسىندەگى وسىزامانداندىرۋدا ءارى كاپيتاليزمنىڭ ونىمدىلىگىنەن دە اناعۇرلىم جوعارى ونىمدىلىك جاراتۋ، ءارى اناعۇرلىم ءونىمدى تۇردە قوعامدىق ادىلدىكتى قورعاۋ، ونىمدىلىك پەن ادىلدىككە تەڭ ءمان بەرۋدى، ولاردىڭ ءوزارا جەبەۋىن، ءوزارا بىرلىگىن اناعۇرلىم ويداعىداي جۇزەگە اسىرۋ كەرەك. سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تاباندىلىقپەن بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تاباندىلىقپەن دەم بەرىپ، قولداۋ كورسەتىپ، جەتەكشىلىك ەتىپ، بازاردىڭ بايلىقتى جايعاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، بۇكىل ەل بويىنشا ءبىر تۇتاس ءىرى بازار قۇرىپ، فاكتورلاردى بازارلاندىرۋ رەفورماسىن تەرەڭدەتىپ، جوعارى ولشەمدى بازار جۇيەسىن قۇرىپ، بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق - ساۋدا ورتاسىن قالىپتاستىرىپ، تولىق فاكتورلى ءوندىرىس ونىمدىلىگىن كۇش سالا ارتتىرىپ، ۇقىق - مۇددە ادىلدىگىن، وراي ادىلدىگىن، قاعيدا ادىلدىگىن باستى مازمۇن ەتكەن قوعامدىق ادىلدىكتى قامتاماسىز ەتۋ جۇيەسىن جەدەل ورناتىپ، حالىقتىڭ تەپە - تەڭ قاتىناسۋ، تەپە - تەڭ دامۋ ۇقىق - مۇددەسىنە كەپىلدىك ەتىپ، جالپى حالىقتىڭ بىرگە بايۋىنىڭ اناعۇرلىم كورنەكتى ماندىك ىلگەرىلەۋشىلىككە قول جەتكىزۋىن تىڭعىلىقتى ىلگەرىلەتۋ كەرەك.
وسىزاماندانعان قوعام ومىرشەڭدىككە باي بولۋى ءارى وندا تاماشا ءتارتىپ بولۋى، ومىرشەڭدىك پەن ءتارتىپتىڭ ورگانيكالىق بىرلىگىن ايگىلەۋى كەرەك. جۇڭگو ۇلگىسىندەگى وسىزامانداندىرۋ بەيبەرەكەت ەمەس، رەتتى، جاندى دا ءتارتىپتى قوزعالىس تەپە - تەڭدىگىن جۇزەگە اسىرۋى كەرەك، جۇزەگە اسىرا الادى دا. ءارقايسى جاقتاعى ءتۇزىلىس - مەحانيزم رەفورماسىن تەرەڭدەتىپ، تۇتاس قوعامنىڭ جاسامپازدىق كومەسكى قۋاتىن تولىق كادەگە جاراتىپ، عالىم، كاسىپورىنشى، كوركەمونەرشى سياقتى ءار جاقتاعى دارىندىلاردى، اسىرەسە، جاس دارىندىلاردى جاڭالىق اشۋعا، جاسامپازدىق جاراتۋعا شابىتتاندىرۋ كەرەك. شىنايى دا ءونىمدى شارا قولدانىپ، جاۋاپكەرشىلىك ارقالاعىسى كەلمەۋ، جاۋاپكەرشىلىك ارقالاۋعا باتىلدىق ەتپەۋ، جاۋاپكەرشىلىك ارقالاۋعا ەبى بولماۋ سياقتى ماسەلەلەردى شەشىپ، قالىڭ پارتيالى كادرلاردىڭ ءىس تىندىرىپ، ناتيجە جاراتۋ بەلسەندىلىگىن تولىق اتتانىسقا كەلتىرۋ كەرەك. ەڭبەك بايلىق جاراتادى، ناقتى ىستەۋ ناتيجە جاراتادى، كۇرەس جۇرگىزۋ باقىت جاراتادى دەيتىن دۇرىس باعدار قالىپتاستىرىپ، تۇتاس قوعامنىڭ جاسامپازدىق ومىرشەڭدىگىن تولىق قاۋلاتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، مەملەكەت حاۋىپسىزدىگى جۇيەسىن اقاۋسىزداندىرىپ، مەملەكەت حاۋىپسىزدىگىن قورعاۋ قابىلەتىن كۇشەيتىپ، مەملەكەتتىڭ بيلىك حاۋىپسىزدىگىن، ءتۇزىم حاۋىپسىزدىگىن، يدەولوگيا حاۋىپسىزدىگىن جانە ءتۇيىندى سالالار حاۋىپسىزدىگىن باتىل قورعاۋ كەرەك.
جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوزسىز، دەربەس بولۋعا، وزىنە - ءوزى قوجايىن بولۋعا، ءوز كۇشىنە سۇيەنىپ، ءوزىن الۋەتتەندىرۋگە تاباندى بولۋ، مەملەكەت پەن ۇلتتىڭ دامۋىندا ءوز كۇش - قاۋقارىن تياناق ەتۋگە تاباندى بولۋ، ەلىمىزدىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋگە تاباندى بولۋ كەرەك. جاڭا دامۋ ارناسىن قالىپتاستىرۋدى جەدەلدەتىپ، ەلىمىزدىڭ ەكونوميكالىق دامۋ نەگىزىن بەكەمدەپ، دامۋدىڭ حاۋىپسىزدىك سيپاتىن، ورنىقتىلىق سيپاتىن كۇشەيتىپ، ەلىمىزدىڭ ءومىر ءسۇرۋ قابىلەتىن، باسەكەلىك قابىلەتىن، دامۋ قابىلەتىن، باياندى جالعاستىرۋ قابىلەتىن كۇشەيتۋ كەرەك. بۇكىل مەملەكەت بويىنشا جۇمىلاتىن جاڭاشا ءتۇزىلىستى اقاۋسىزداندىرىپ، مەملەكەتتىڭ ستراتەگيالىق عىلىم - تەحنيكا قۋاتىن نىعايتىپ، عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋ اياق الىسىن جەدەلدەتىپ، شەتەل ”قىسپاققا الىپ وتىرعان“ ماسەلەلەردى شەشۋ كەرەك. جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، الەمدىك كاسىپ سالاسى جۇمىس ءبولىسى مەن سەلبەستىگىنە ىشكەرىلەي ات سالىسىپ، ەل ءىشى، حالىقارا سىندى ەكى بايلىقتان ويداعىداي پايدالانىپ، جۇڭگو ۇلگىسىندەگى وسىزامانداندىرۋدىڭ دامۋ كەڭىستىگىن كەڭەيتۋ كەرەك.
باس شۋجي شي جينپيڭ: ”جۇڭگو ۇلگىسىندەگى وسىزامانداندىرۋ − ءبىزدىڭ قايتكەندە ’ۇيقىداعى ارىستاندى‘ وياتۋعا، ۇلتتىڭ گۇلدەنۋىن جۇزەگە اسىرۋعا بولاتىندىعى سىندى وسى كەلەلى تاريحي تاقىرىپقا بەرگەن جاۋابىمىز، ءوز جولىمىزدى تاڭداپ، ءوز ءىسىمىزدى ىستەۋىمىز“، - دەپ اتاپ كورسەتتى. جاڭا جورىق داڭق پەن ارمانعا تولى ۇزاق جورىق. جاڭا نىسانانى كوزدەپ، جورىققا ەكپىندەي قايتا اتتانعاندا، ءبىز ەرىك - جىگەردى وزگەرتپەيتىن تاباندىلىقپەن، جولدى وزگەرتپەيتىن بەكىممەن ءوزىمىز تاڭداعان دۇرىس جولدا قاسقايا ارشىندى قاداممەن جۇرە بەرۋىمىز، كوزدەگەن ماقساتىمىزدان اينىماي، جىگەرلى دە جالىندى بولىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى بۇلجىماي جاپپاي ىلگەرىلەتۋىمىز كەرەك. ءبىز ۇزدىكسىز وسىزاماندانۋعا بەت العان جۇڭگونىڭ، ءسوزسىز، دۇنيە جۇزىنە اناعۇرلىم كوپ وراي ازىرلەيتىندىگىنە، حالىقارالىق سەلبەستىككە اناعۇرلىم كۇشتى قوزعاۋشى كۇش ۇستەيتىندىگىنە، بۇكىل ادامزاتتىڭ العا باسۋىنا اناعۇرلىم زور ۇلەس قوساتىندىعىنا كامىل سەنەمىز!
(شينحۋا اگەنتتىگىنىڭ 2 - ايدىڭ 12 - كۇنى بەيجيڭنەن بەرگەن حابارى)
