انار بۇلت \ شينجياڭ گازەتىنىڭ حابارى (ءتىلشى حۋاڭ شيڭ حابارلايدى). 2 - ايدىڭ 11 - كۇنى 2022 - جىلعى اۆتونوميالى رايوندىق جاستار مەن ورەندەردىڭ ۋشۋ سايىسكەرلىگى، ۋشۋ جەلىلەس ونەرى جۇلدەلى جارىسى قوبىقسارى موڭعۇل اۆتونوميالى اۋدانىندا اياقتادى. ءۇرىمجى ۋاكىلدەر كومانداسى 11 التىن مەدال، بۇراتالا موڭعۇل اۆتونوميالى وبلىستىق ۋاكىلدەر كومانداسى 9 التىن مەدال، قۇمىل ۋاكىلدەر كومانداسى 5 التىن مەدال الىپ، جالپى ناتيجەدەگى الدىڭعى 3 ورىندى يەلەدى.
سپورتشىلار ۋشۋ جەلىلەس ونەرى بويىنشا جارىسقا قاتىناسۋدا. سۋرەتتى قوبىقسارى اۋداندىق پارتكوم ۇگىت ءبولىمى بەرگەن
بۇل رەتكى جارىستى اۆتونوميالى رايوندىق دەنە تاربيە مەكەمەسى مەن اۆتونوميالى رايوندىق وقۋ - اعارتۋ مەڭگەرمەسى باس بولىپ ۇيىمداستىردى، اۆتونوميالى رايوندىق دەنە تاربيە مەكەمەسىنىڭ تايكوندو، ۋشۋ، تىنىستىق جاتتىعۋدى باسقارۋ ورتالىعى، تارباعاتاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى، قوبىقسارى اۋداندىق حالىق ۇكىمەتى مىندەتىنە الىپ وتكىزدى. 2 ـ ايدىڭ 8 ـ كۇنى جارىس باستالعاننان بەرى، بۇكىل شينجياڭداعى 13 ايماق، وبلىس، قالا ۋاكىلدەر كومانداسىنان كەلگەن 283 سپورتشى جارىسقا قاتىناستى.
سايىسكەرلىك جارىسىنداعى ايەل شەبەرلەر. سۋرەتتى قوبىقسارى اۋداندىق پارتكوم ۇگىت ءبولىمى بەرگەن
اۆتونوميالى رايوندىق ۋشۋ قوعامىنىڭ ورىنباسار ءتوراعاسى چۋ حۇڭگو تىلشىگە بىلاي دەدى: ”ەكى كۇندىك باسەكە ارقىلى سپورتشىلار ءوز ونەرلەرىن ايگىلەدى، بۇدان بىلاي وسىنداي جارىستاردى ۇزدىكسىز وتكىزىپ، رايونىمىزداعى ۋشۋ سپورتشىلارىنىڭ تاڭداۋلىسىن سارالاپ، مەملەكەتتىك جاس وسپىرىمدەر ۋشۋ سايىسكەرلىك جانە ۋشۋ جەلىلەس ونەرى جارىسىنا شينجياڭ اتىنان قاتىناستىرامىز“.
