انار بۇلت \ شينجياڭ گازەتىنىڭ حابارى (ءتىلشى گى يوۋجۇن، ەرىكتى ءتىلشى لياڭ حۇڭتاۋ حابارلايدى) قارلى دالادا قۇيعىتقان سايگۇلىكتەر، قولدان - قولعا وتكەن كوكپار، الاقايلاعان جۇرت ... 2 - ايدىڭ 12 - كۇنى تۇستەن بۇرىن سانجى قالاسى اشىلى قازاق اۋىلى نۇرجا قىستاعىندا وتكىزىلگەن ەگىنشى - مالشىلار ەرەكشە سپورت جينالىسىندا قىز قۋار، قارلى القاپتاعى كۇرەس، تەڭگە ءىلۋ، قارلى القاپتاعى كوكپار سياقتى ويىن تۇرلەرى تاماشالاۋشىلاردى وسىندا كەلىپ ەرەكشەلىككە يە حالىقتىق سالت - سانا قيمىلدارىنىڭ كەرەمەتىن كورۋگە باۋرادى.
2 - ايدىڭ 12 - كۇنى تۇستەن بۇرىن سانجى قالاسى اشىلى قازاق اۋىلى نۇرجا قىستاعىندا وتكىزىلگەن ەگىنشى - مالشىلار ەرەكشە سپورت جينالىسىندا، مالشىلار قارلى القاپتا كوكپار تارتتى. سۋرەتتى لياڭ حۇڭتاۋ تۇسىرگەن
قيمىلدىڭ ناق مايدانىندا تورەشى قولىنداعى جالاۋدى بۇلعاپ قالىپ ەدى، قارلى القاپتا كوكپاردىڭ دوداسى باستالىپ تا كەتتى. شاباندوزدار اتتارىنا قامشى باسىپ، ءبىر - بىرىنەن قالىسپاي كۇش سىناسىپ، ات ۇستىندەگى ”قارقىن مەن جالىندى“ بەينەلەدى. مايدان سىرتىنداعى كورەرمەندەر الاقايلاپ تاڭدانىستارىن ءبىلدىرىپ، جابال سۋرەتكە ءتۇسىپ وسى ءبىر جان تەبىرەنتەر ءساتتى ەستەلىككە الدى.
2 - ايدىڭ 12 - كۇنى تۇستەن بۇرىن سانجى قالاسى اشىلى قازاق اۋىلى نۇرجا قىستاعىندا وتكىزىلگەن ەگىنشى - مالشىلار ەرەكشە سپورت جينالىسىندا، مالشىلار تەڭگە ءىلىپ ونەر كورسەتتى. سۋرەتتى لياڭ حۇڭتاۋ تۇسىرگەن
”مۇنداي كورىنىس وتە كەرەمەت ەكەن!“. نۇرجا قىستاعىنا تۋىسشىلاي كەلگەن شونجى اۋدانىنىڭ تۇرعىنى ليۋ يۋانتيڭ قىستاقتا ەگىنشى - مالشىلار ەرەكشە سپورت جينالىسى وتكىزىلىپ جاتقانىن ەستىپ، ارناۋلى تۇردە ناق مايدانعا كەلىپ تاماشالادى. ”جاڭا عانا كوپتەگەن كورىنىستەردى ەستەلىككە الىپ، دوستار شەڭبەرىمە شىعارىپ قويدىم، ءتىپتى دە كوپ ادامدار كوز مەيىرىن قاندىرسا ەكەن دەيمىن“،- دەدى ول.
2 - ايدىڭ 12 - كۇنى تۇستەن بۇرىن سانجى قالاسى اشىلى قازاق اۋىلى نۇرجا قىستاعىندا وتكىزىلگەن ەگىنشى - مالشىلار ەرەكشە سپورت جينالىسىندا، مالشىلار قىز قۋار ويىنىنا قاتىناستى. سۋرەتتى لياڭ حۇڭتاۋ تۇسىرگەن
نۇرجا قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى ءماريامحان تانىستىرىپ بىلاي دەدى: نۇرجا قىستاعىنىڭ جاعراپيالىق ورنى ابزالدىلىققا يە، قىستاقتىڭ ىرگەسىندە سانجى قالاسى وسىزامانعى مال شارۋاشىلىق كاسىپ سالاسى باقشاسى بار، سانجى قالاسىنىڭ ايگىلى نۇرجا شاتقالى قىستاقتى ەندەي ءوتىپ جاتىر. سوڭعى جىلدارى نۇرجا قىستاعى ەرەكشە اۋىل - قىستاق ساياحاتىن دامىتۋ ارقىلى جىل سايىن ون مىڭنىڭ ۇستىندەگى ساياحاتشىنى وسىندا كەلىپ شاڭعى تەبۋگە، تاشامالاۋعا باۋراپ، جۇرتشىلىقتىڭ كىرىسىن ارتتىردى. 2022 - جىلى نۇرجا قىستاعىنداعى ەگىنشى - مالشىلاردىڭ ادام باسىندىق كىرىسى 17 مىڭ 313 يۋانعا جەتتى.
”وسى قيمىلدى ۇيىمداستىرۋ ارقىلى ەگىنشى - مالشىلاردىڭ جاڭا وبرازىن كوپشىلىككە تانىتساق دەپ ويلادىق، سونىمەن قاتار وسىنداي ەرەكشە حالىقتىق سالت - سانا قيمىلدارى ارقىلى ءتىپتى دە كوپ ساياحاتشىلاردى قىستاعىمىزعا كەلىپ تاماشالاۋعا باۋراپ، اۋىل - قىستاق ساياحاتىنىڭ دامۋىنا جەتەكشىلىك ەتۋدى ءۇمىت ەتەمىز“،- دەدى ءماريامحان.
