جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، ۇلى كۇرەس جۇرگىزۋ كەرەك
− باس شۋجي شي جينپيڭنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىنداعى ماڭىزدى ءسوزىن ىشكەرىلەي ۇيرەنۋ، ءتۇسىنۋ جونىندە
حالىق گازەتىنىڭ شولۋشىسى
”جۇڭگو ۇلگىسىندەگى وسىزامانداندىرۋدى ىلگەرىلەتۋ − بۇرىنعىلار ىستەپ كورمەگەن نەگىز قالاۋ سيپاتتى ءىس، وندا مەجەلەۋگە بولاتىن جانە مەجەلەۋ قيىن ءتۇرلى حاۋىپ - قاتەرلەر مەن سايىستارعا، جاپاعا، قيىندىققا، قاتەرگە، كەدەرگىگە، اۋەلى، داۋىلدى تولقىندارعا جولىعاتىندىعىمىز تابيعي“. ورتالىق كوميتەتكە جاڭادان كىرگەن مۇشەلەردىڭ، كانديدات مۇشەلەردىڭ جانە ولكە، مينيسترلىك دارەجەلى نەگىزگى باسشى كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ سالتىندا باس شۋجي شي جينپيڭ حالىقارا، ەل ءىشى ۇلكەن اۋقىمىنا تەرەڭدەي تالداۋ جاساپ، ءبىز ءدوپ كەلىپ وتىرعان ستراتەگيالىق ورايلار مەن حاۋىپ - قاتەرلەردى، سايىستاردى عىلمي يگەرىپ: ”ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، زەينەتتى كۇندە بەينەتتى كۇننىڭ بولارىن ويلاپ، كۇن ىلگەرى قامدانىپ، باتىلدىقپەن كۇرەس جاساپ، شەبەرلىكپەن كۇرەس جاساپ، قايسارلىقپەن كۇرەس جۇرگىزۋ ارقىلى ىستەردى دامىتۋدىڭ جاڭا ءورىسىن اشۋ كەرەك“، - دەپ باسا دارىپتەدى.
باتىلدىقپەن كۇرەس جاساۋ، باتىلدىقپەن جەڭىسكە قول جەتكىزۋ − پارتيامىزدىڭ ايقىن قاسيەتى، پارتيا مەن حالىقتىڭ جەڭىلمەس قۋاتتى رۋحاني كۇشى. تاريح مىنانى قايتا - قايتا دالەلدەدى: كۇرەس جاساۋ ارقىلى حاۋىپسىزدىككە ۇمتىلعاندا، حاۋىپسىزدىك ءومىر سۇرەدى، جول بەرۋ ارقىلى حاۋىپسىزدىككە ۇمتىلعاندا، حاۋىپسىزدىك جويىلادى؛ كۇرەس جاساۋ ارقىلى دامۋعا تالپىنعاندا، دامۋ گۇلدەنەدى، جول بەرۋ ارقىلى دامۋعا تالپىنعاندا، دامۋ قۇلدىرايدى. پارتيامىز كۇرەس جاساۋدىڭ ارقاسىندا بۇگىنگى كۇنگە جەتتى ءارى تابيعي تۇردە كۇرەس جاساۋعا سۇيەنىپ بولاشاققا قول جەتكىزەدى. جۇڭگو ۇلگىسىندەگى وسىزامانداندىرۋدى ىلگەرىلەتۋدە جاڭا ۇلى كۇرەستەردىڭ تاريحي ەرەكشەلىگىن يگەرىپ، كۇرەسكەرلىك رۋحتى اسقاقتاتىپ، كۇرەسكەرلىك ەرىك - جىگەردى بەكەمدەپ، كۇرەس جاساۋ قابىلەتىن كۇشەيتىپ، كۇرەس جاساۋ ىرىقتىلىق ۇقىعىن يگەرىپ، ەلەۋلى سايىستارعا ءونىمدى توتەپ بەرىپ، ەلەۋلى حاۋىپ - قاتەرلەرگە قارسى تۇرىپ، ەلەۋلى توسقاۋىلداردى جويىپ، ەلەۋلى قايشىلىقتاردى شەشىپ، العا باسۋ جولىنداعى بارلىق جاپانى، قيىندىق، قاتەردى، كەدەرگىلەردى جەڭىپ، جاڭا داۋىردەگى ۇلى كۇرەستىڭ تىڭ جەڭىسىنە ۇزدىكسىز قول جەتكىزۋ كەرەك.
ستراتەگيالىق سەرگەكتىكتى ساقتاپ، ءتۇرلى حاۋىپ - قاتەرلەر مەن سايىستار جونىندە كوڭىلدە سان بولۋ كەرەك. جاڭا داۋىردەگى جاڭا جورىقتا ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلدى. كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، عاسىرلىق ىندەتتىڭ ىقپالى تەرەڭدەپ، جاھاندانۋعا قارسى نىساي باس كوتەرىپ، سىڭار جاقتىلىق، قورعامپازدىق كورنەكتى كۇشەيىپ، دۇنيە ءجۇزى ەكونوميكاسىنىڭ جاندانۋى دارمەنسىزدىك تانىتىپ، ءىشىنارالىق قاقتىعىس پەن الاساپىراندىق ءجيى تۋىلىپ، الەمدىك ماسەلە ۋشىعىپ، دۇنيە ءجۇزى جاڭا الاساپىراندىق وزگەرىس مەزگىلىنە ءوتتى، سىرتتان كەلگەن حاۋىپ - قاتەر، سايىس باستان - اياق ورىن تەبۋدە ءارى كۇن سايىن كورنەكتىلەنۋدە. ەلىمىزدىڭ رەفورمادا، دامۋدا، ورنىقتىلىقتا ءدوپ كەلگەن كوپتەگەن تەرەڭ قاتپارلى قايشىلىقتارىنان تايساۋعا، اينالىپ وتۋگە كەلمەيدى، پارتيا قۇرىلىسى، اسىرەسە، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسى كوپتەگەن قيىن، ءجيى تۋىلاتىن ماسەلەلەرگە ءدوپ كەلدى. ەلىمىزدىڭ دامۋى ستراتەگيالىق وراي مەن حاۋىپ - قاتەر، سايىستار قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءتۇرلى ”قاراقۋ“، ”سۇرى ءمۇيىزتۇمسىق“ ۋاقيعالارى كەز كەلگەن ۋاقىتتا تۋىلۋى مۇمكىن، توتەپ بەرۋگە تۋرا كەلەتىن حاۋىپ - قاتەر، سايىستار، ساقتاناتىن، شەشەتىن قايشىلىق، ماسەلەلەر بۇرىنعىدان ارى قاتاڭ دا كۇردەلى بولادى. ءبىز قاي - قاشان دا قام جەپ تۇراتىن جاۋاپكەرشىلىك تانىمدى جانە تارتىلعان ساداقتاي سوعىسقا دايىندالۋ كۇيىن باستان - اياق ساقتاپ، ءتۇرلى قايشىلىق، ماسەلە جانە ەلەۋلى حاۋىپ - قاتەر، سايىس الدىندا بەتالىستى ايقىنداۋدى، وي - سانانى سەرگەك ۇستاۋدى، توتەپ بەرۋدە شارا بولۋدى، ارەكەت پارمەندى بولۋدى باستان - اياق ورىنداۋىمىز كەرەك.
ستراتەگيالىق سەنىمدىلىكتى ساقتاپ، كۇرەس جىگەرىن كۇشەيتۋ كەرەك. جاڭا داۋىرگە اياق باسقاندا، پارتيا مەن مەملەكەت ءدوپ كەلگەن جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتتەرىنىڭ جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىز حالىققا تىعىز ارقا سۇيەپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەرلەر مەن سايىستارعا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرى باستىرىپ، قاراماققا قامال الۋعا بولمايتىن قيىن وتكەلدەردەن، قاتەرلەردەن، كەدەرگىلەردەن قامال الدىق، پارتيا مەن مەملەكەت ىستەرىندە تاريحي سيپاتتى تابىسقا قول جەتتى، تاريحي سيپاتتى وزگەرىس تۋىلدى، ول پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە، پارتيا، جۇڭگو حالقى، سوتسياليستىك وسىزامانداندىرۋ قۇرىلىسى، عىلمي سوتسياليزمنىڭ 21 - عاسىرداعى جۇڭگوداعى دامۋى جونىنەن تەرەڭ ىقپالعا يە. ادىلەت جولىمەن جۇرسەڭ، دۇنيەدە تەڭدىك ورنايدى. ءبىز تاباندىلىقپەن تاريحتىڭ دۇرىس جاعىندا تۇرىپ، ادامزات وركەنيەتىنىڭ العا باسۋى جاعىندا تۇرىپ، ءومىردىڭ دۇرىس جولىمەن ءجۇرىپ، ادىلەتتى ءىس ىستەپ، دۇنيە ءجۇزىنىڭ بەيبىتشىلىگى مەن دامۋىن باتىل قورعاۋ بارىسىندا وزىندىك دامۋعا تالپىندىق ءارى وزىندىك دامۋ ارقىلى دۇنيە ءجۇزىنىڭ بەيبىتشىلىگى مەن دامۋىن اناعۇرلىم ويداعىداي قورعادىق. بولاشاقتى بەتكە الساق، وراي مەن ءتيىمدى جاعداي ءبىز جاقتا تۇر، بۇل − ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ دە تياناعى. ءبىز ستراتەگيالىق سەنىمدىلىكتى بەكەمدەپ، ءسوزسىز، جەڭىسكە جەتۋ نانىمىنان جازباي، جاڭا داۋىردەگى پارتيانىڭ جاسامپاز نازارياسى مەن ستراتەگيالىق ورنالاستىرۋلارىنا، ستراتەگيالىق شاراسىنا تاباندى بولۋدان اۋىتقىماي، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرىپ، جولدى وزگەرتپەۋگە، مۇراتتى وزگەرتپەۋگە تاباندى بولىپ، ءوز جولىمىزبەن بۇلجىماي جاقسى ءجۇرىپ، ءوز ءىسىمىزدى بار ىنتا - پەيىلىمىزبەن ويداعىداي ىستەپ، ىستەرىمىز دامۋىنىڭ جاڭا جاعدايىن قۇلشىنا اشۋىمىز كەرەك. العا باسۋ جولىندا جارىققا شىعۋى مۇمكىن ورايلار مەن سايىستاردى قىراعىلىقپەن قانىق ءبىلىپ، كۇرەسكەرلىك جىگەردى، نامىستى، قايراتتى نىعايتىپ، زۇلىمدىقتان تايسالماي، سۇرقيا كۇشتەن قورىقپاي، قىسىمنان جاسقانباي، قيىندىقتارعا قارسى اتتانىپ، قيىنشىلىققا مويىماي، ءارقانداي داۋىل مەن نوسەرگە جۇرەكتىلىكپەن بەتپە - بەت توتەپ بەرىپ، ءارقانداي داۋىلدى تولقىنداردى جەڭىپ، ەلىمىزدىڭ دامۋ، العا باسۋ تاعدىرىن ءوز قولىمىزدا مىقتاپ يگەرۋىمىز كەرەك.
ستراتەگيالىق ىرىقتىلىقتى ساقتاپ، كۇرەس جاساۋ قابىلەتىن كۇشەيتۋ كەرەك. كەزەكتە دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن بولىپ كورىلمەگەن تاسىلدە جۇرىلۋدە، بۇل رەفورما جاساعاننان، ەسىك اشقاننان بەرى كەزدەسىپ كورمەگەن، ول ەلىمىزدىڭ وسىزامانداندىرۋ قۇرىلىسىنا ءبىر قىدىرۋ جاڭا تاقىرىپتاردى، جاڭا سايىستاردى العا قويدى، ءبىزدىڭ كۇرەس جاساۋ باتىلدىعىمىزدى، ستراتەگيالىق قابىلەتىمىزدى، توتەپ بەرۋ ورەمىزدى تىكە سىننان وتكىزەدى. باسشى كادرلار ءشوپتىڭ سىبدىرىنان بۇعىنىڭ وتكەنىن ءبىلۋ، قاراعايدىڭ گۋىلىنەن جولبارىستىڭ كەلگەنىن ءبىلۋ، جاپىراقتىڭ ءتۇسىنىڭ وزگەرۋىنەن كۇز تۇسكەنىن ءبىلۋ سىندى تيتتەي قىلاڭنان توركىنىن اڭدايتىن قابىلەت ازىرلەپ، كۇشتى تاۋقىمەت تانىمىن، حاۋىپ - قاتەر تانىمىن ساقتاپ، ءتۇرلى حاۋىپ - قاتەرلەر، كومەسكى كىناراتتار جونىندە تۇجىرىم جاساۋدى كۇشەيتىپ، جوبانى تولىق جاساپ، العاشقى قادامدى جاقسى باسىپ، ىرىقتىلىق شايقاسىن ويداعىداي جۇرگىزىپ، دەر كەزىندە دالمە - ءدال الاستاپ، حاۋىپ - قاتەردەن ساقتانۋ جانە ونى جويۋ تانىمى مەن قابىلەتىن كۇشەيتۋى كەرەك. قابىلەتتى ءوسىرۋدى كۇشەيتىپ، باسشى كادرلاردىڭ، اسىرەسە، جاس كادرلاردىڭ قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان، كاسىپتىك جاتتىعۋدان سۇرىنبەي ءوتىپ، كۇردەلى دە قاتاڭ كۇرەس بارىسىندا بوران - شاشىندى باسىنان وتكەرۋىنە، ومىرگە بويلاۋىنا، تولىسا شىمىرلانۋىنا، قابىلەتىن ارتتىرۋىنا مۇمكىندىك جاساۋ كەرەك. قاتاڭ دا كۇردەلى كۇرەس بارىسىندا كادرلاردى تەكسەرۋگە، پارىقتاۋعا باسا ءمان بەرىپ، باتىلدىقپەن، شەبەرلىكپەن كۇرەس جاسايتىن، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن، باتىلدىقپەن يگەرىپ، شەبەرلىكپەن باسقارىپ، ادامداردى رەنجىتۋدەن قورىقپايتىن كادرلاردى قولداپ، جىگەرلەندىرىپ، جارامدى دەپ قاراعانداردى جۇرەكتىلىكپەن ىستەتۋ كەرەك.
باس شۋجي شي جينپيڭ بىلاي دەپ باسا دارىپتەدى: ”جۇڭگو ۇلگىسىندەگى وسىزامانداندىرۋدى ىلگەرىلەتۋدە، ءسوز جوق، باستاما جىلداعى قىزمەتتەردى ويداعىداي يگەرۋ كەرەك“. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى. باستاما جالپى جاعدايعا سايادى، العاشقى قادام سوڭعى بارىستى بەلگىلەيدى. ءبىز كۇرەسكەرلىك رۋحپەن سايىستى قارسى الىپ، ەكپىندەي ىلگەرىلەۋ رۋحىمەن بولاشاقتى اشىپ، تۇتاس جىلدىق نىسانا - مىندەتتەردى ورىنداپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشىپ، قادامىن جاقسى باسىپ، ەكىنشى 100 جىلدىق كۇرەس نىساناسىن جۇزەگە اسىرۋعا تاماشا نەگىز قالاۋىمىز كەرەك. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن“ قاھارماندىق جىگەردى ساقتاپ، ”اي - كۇنگە ءامىر شاشا الامىز، جاڭارتۋعا كوك ءجۇزىن“ دەيتىن اسقاق جاۋىنگەرلىك ارىندى ساقتاپ، باتىلدىقپەن كۇرەس جاساپ، شەبەرلىكپەن كۇرەس جاساپ، تاۋ كەزىكسە جول سالىپ، وزەن كەزىكسە كوپىر سالىپ، العا باسۋ جولىنداعى ءتۇرلى قيىنشىلىقتار مەن سايىستاردى كۇش سالا جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە ۇزدىكسىز قول جەتكىزىپ، جاڭا داۋىردەگى جۇڭگوشا سوتسياليزمنىڭ اناعۇرلىم ايشىقتى تاراۋىن قۇلشىنا جازايىق!
(شينحۋا اگەنتتىگىنىڭ 2 - ايدىڭ 13 - كۇنى بەيجيڭنەن بەرگەن حابارى)
