تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭدا اۋىل شارۋاشىلىعىندا باسىمدىققا، ەرەكشەلىككە يە 6 كاسىپ سالاسى شوعىرىنىڭ ءونىم قۇنى دەرلىك 10 ميلليارد يۋاننان استى

  انار بۇلت \ شينجياڭ گازەتىنىڭ ءتىلشىسى ليۋ ي 2 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، سوڭعى جىلدارى شينجياڭ ورتالىق قازىنانىڭ قولداۋىنا بەلسەنە قول جەتكىزىپ، ىلگەرىندى - كەيىندى شينجياڭ جۇقا قابىقتى جاڭعاعى، كورلا المۇرتى، شينجياڭ ءجۇزىمى، ىلە تۇلپارى، شينجياڭ ماقتاسى، شينجياڭ قوڭىر سيىرى سياقتى اۋىل شارۋاشىلىعىنداعى باسىمدىققا، ەرەكشەلىككە يە 6 كاسىپ سالاسى شوعىرى قۇرىلىسىن باستاعان. قازىر بۇل باسىمدىققا، ەرەكشەلىككە يە وسى 6 كاسىپ سالاسى شوعىرىنىڭ تۇتاس كاسىپ سالاسى تىزبەگىنىڭ ءونىم قۇنى دەرلىك 10 ميلليارد يۋاننان اسىپ، وزەكتى باسەكەلىك قۋاتقا يە ءتۇيىندى كاسىپ سالاسى تىزبەگىن قالىپتاستىرعان.

  تانىستىرۋعا قاراعاندا، باسىمدىققا، ەرەكشەلىككە يە 6 كاسىپ سالاسى شوعىرى قۇرىلىسىن ىلگەرىلەتۋ بارىسىندا جەر - جەر ءوندىرىس بازاسى، قامبادا جاڭا كۇيىندە ساقتاۋ، اۋىل شارۋاشىلىعى ونىمدەرىن مانەرلەۋ، اينالىمعا سالۋ، ايگىلى ماركا قۇرىلىسى، بازار ءورىسىن كەڭەيتۋ، اۋىل شارۋاشىلىعى مەن ساياحاتتىڭ توعىسۋى سياقتى تۇتاس كاسىپ سالاسى تىزبەگى بۋىنىن ولشەمدەستىرۋدى ارقاۋ ەتىپ، شارۋالارمەن بىرلەسۋ، شارۋالاردى باستاۋ بويىنشا مۇددەنى بايلانىستىرۋ مەحانيزمىن ورناتۋدى ماڭىزدى ءتۇيىن ەتۋگە تاباندى بولىپ، ”باستاماشى كاسىپورىن + سەلبەستىك كووپەراتيۆى + بازا + شارۋا“ نەگىز ەتىلگەن كەلىسىم ۇلگىسىندەگى مەحانيزمدى جالپىلاستىرىپ، باستاماشى كاسىپورىندار جەتەكشىلىك ەتەتىن، شارۋالار سەلبەستىك كووپەراتيۆى مەن وتباسىلىق ەگىس الاڭى سياقتى جاڭاشا اۋىل شارۋاشىلىعى تيجارات تۇلعالارى جۇمىستى ءبولىسىپ سايكەسىپ، قالىڭ شاعىن شارۋا وتباسىلارىن كاسىپ سالاسى تيجاراتىمەن شۇعىلدانۋعا باستايتىن اۋىل شارۋاشىلىعىن كاسىپ سالالاندىرۋ بىرلەسكەن تۇلعاسىن قۇرۋدى ىلگەرىلەتىپ، 2 -، 3 - كاسىپتى اۋىل - قىستاقتا قالدىرىپ، تۇتاس كاسىپ تىزبەگىنىڭ ارتقان قۇن پايداسىن جانە جۇمىستانۋ ورنىن شارۋالارعا قالدىرعان.

  اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل - قىستاق كاسىپ سالاسىن دامىتۋ باسقارماسىنىڭ باستىعى جاڭ حۋ بىلاي دەپ تانىستىردى: قازىر رايونىمىزداعى باسىمدىعى بار 6 ەرەكشە كاسىپ سالاسى شوعىرى اۋىل شارۋاشىلىعىن كاسىپ سالالاندىرۋداعى ءار دارەجەلى 270 نەشە باستاماشى كاسىپورىن، شارۋالار كاسىپتىك سەلبەستىك كووپەراتيۆى سياقتى ءتۇرلى تيجارات تۇلعالارىن جانە 45 عىلمي زەرتتەۋ قۇرىلىمىن، ءىسورىندارىن جانە قوعامدىق توپتاردى قۇرىلىسقا بىرگە قاتىسۋعا باۋراپ، جەرگىلىكتى ورىن مەن قوعامدىق كاپيتالدىڭ جيىنى 3 ميلليارد يۋاننان ارتىق قارجىسىنا يە بولعان. شارۋالارمەن بىرلەسۋ، شارۋالاردى باستاۋ بويىنشا مۇددەنى بايلانىستىرۋ مەحانيزمىنىڭ كۇننەن - كۇنگە كەمەلدەنۋى رايونىمىز اۋىل - قىستاقتارىنداعى كاسىپ سالاسىنىڭ ساپاسى مەن ونىمدىلىگىنىڭ ۇزدىكسىز ءوسۋىن پارمەندى تۇردە ىلگەرىلەتۋدە.

  تولىقسىز ساناققا قاراعاندا، باسىمدىعى بار 6 ەرەكشە كاسىپ سالاسى شوعىرى 200 نەشە مىڭ شارۋانى ءوز جەرىندە، جاقىن ماڭدا جۇمىستانۋعا، شارۋاشىلىق قۇرۋعا جانە اۋىل شارۋاشىلىعىن كاسىپ سالالاندىرۋ تيجاراتىمەن شۇعىلدانۋعا جەتەكتەپ، كاسىپ سالاسى دامۋىنىڭ يگىلىگىنە كەنەلدىرگەن.

  ”بيىل ءبىز اۆتونوميالى رايوننىڭ كۇشتى شوعىرلاندىرا وتىرىپ، ’سەگىز ءىرى كاسىپ سالاسى شوعىرىن‘ تۇلعالاۋىن وراي ەتىپ، استىق - ماي، ماقتا جانە توقىماشىلىق، كيىم - كەشەك، جاسىل ورگانيكالى جەمىس - جيدەك، كوكونىس، ساپالى مال شارۋاشىلىق ونىمدەرى سىندى ءتورت ءىرى كاسىپ سالاسى شوعىرى قۇرىلىسىن تىڭعىلىقتى ىلگەرىلەتىپ، شينجياڭ ەرەكشەلىگىنە يە وسى زامانعى اۋىل شارۋاشىلىعى كاسىپ سالاسى جۇيەسىن ۇزدىكسىز ورناتامىز“، - دەدى جاڭ حۋ، - بۇكىل رايون اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگىن كۇش سالا جەتىلدىرىپ، ءار دارەجەلى اۋىل شارۋاشىلىعىن وسىزامانداندىرۋ كاسىپ سالاسى باقشاسىن جەدەل قۇرىپ، اۋىل شارۋاشىلىعىنىڭ كوپ ءتۇرلى يقۋاتىن كەڭەيتۋدەن، اۋىل - قىستاقتىڭ كوپ نەگىزدى قۇنىن بايقاۋدان ونىمدىلىككە قول جەتكىزەدى، 1 - ، 2 - ، 3 - كاسىپتىڭ توعىسا دامۋىنان ونىمدىلىككە قول جەتكىزەدى. جالپىلىق ءونىم قۇنى 100 ميلليارد يۋاننان اساتىن اۋىل شارۋاشىلىعى كاسىپ سالاسى شوعىرىن جانە 10 ميلليارد يۋاننان اساتىن ءتۇيىندى تىزبەكتى قۇلشىنا تۇلعالاپ، اۋىل - قىستاقتى جاپپاي گۇلدەندىرۋگە، اۋىل شارۋاشىلىعىندا قۋاتتى رايون قۇرۋدى جەدەلدەتۋگە كۇش - قۋات قوسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.