جاڭا وقۋ ماۋسىمىندا جاڭا وقۋشىلاردى قارسى الۋدىڭ سالتتىق اۋانى قويۋ بولدى
□ انار بۇلت \ شينجياڭ گازەتىنىڭ ءتىلشىسى شىن زۋشياۋ
2 - ايدىڭ 12 - كۇنى، تولى اۋداندىق 2 - ورتا مەكتەپتىڭ وقىتۋشى - وقۋشىلارى مەكتەپ اۋلاسىندا ايداعار ءبيىن بيلەپ، جاڭا وقۋ ماۋسىمىن كوتەرىڭكى كوڭىلمەن قارسى الدى. سول كۇنى تولى اۋدانىنداعى 16 ورتا، باستاۋىش مەكتەپتەگى 14 مىڭنان استام وقۋشى جاڭا وقۋ باستاۋ ماۋسىمىن قارسى الدى، مەكتەپتەر وقۋشىلاردىڭ مەكتەپكە ورالۋىن سالتاناتپەن قارسى الدى.
□ سۋرەتتى ۋاڭ شۇيدۇڭ تۇسىرگەن
”وقيتىن بولدىق، وقيتىن بولدىق“! كوز الدا رايونىمىزدىڭ جەر - جەرىندەگى ورتا، باستاۋىش مەكتەپتەر جاڭا وقۋ ماۋسىمىن قارسى الدى. 1 - كلاس وقيتىن بالاقايلار مەكتەپ اۋلاسىنا دەگەن ۇمىتكە تولى سەزىممەن مەكتەپ تابالدىرىعىن اتتاپ، باستاۋىش مەكتەپ ءومىرىن باستادى. بالاقايلاردى قارسى الۋ ءۇشىن، ءارقايسى مەكتەپتەر سالتتىق اۋانى قويۋ قارسى الۋ سالتىن وتكىزدى.
”پاي - پاي، مەكتەپ اۋلاسى نەدەگەن كوركەم“، ”مۇعالىم، ءسىزدى اقىرى كوردىم عوي“! 2 - ايدىڭ 13 - كۇنى مەكتەپ اۋلاسىندا الدىڭعى ماۋسىمدا ينتەرنەت جەلىسىندە ساباق وتكەن وقىتۋشىسىنا جولىققان ءۇرىمجى قالالىق 113 - ورتا مەكتەپتىڭ باستاۋىش 1 - كلاس وقۋشىسى ي چاڭزو وقىتۋشىسىنا تۇڭعىش كەزىككەندە، جاتسىنعاندى قويىپ ءتىپتى دە جاقىن سەزىندى.
جاڭادان وقۋعا تۇسكەن باستاۋىش مەكتەپ وقۋشىلارىن قارسى الۋ ءۇشىن، ءۇرىمجى قالالىق 113 - ورتا مەكتەپتىڭ وقىتۋشىلارى مەكتەپ اۋلاسى مەن ساباقحانالاردى جاڭاشا ورنالاستىردى. 1 - جىلدىق 6 - كلاستىڭ كلاس جەتەكشىسى جاڭ ناي - ي جاڭا وقۋشىلارمەن كەزدەسۋ جيىنىن ۇيىمداستىرىپ، ءاربىر وقۋشىعا وزدەرىن تانىستىرۋ ورايىن بەردى، وقۋشىلار اتتارىن جازىپ الدىن الا دايىندالعان جاسىل شىرشاعا جاپسىرىپ، اعاشقا ىلىنگەن ءشي كامپيتكە بىردەن يە بولدى. ”اتتارىپ جازىپ كلاستاعى جاسىل شىرشاعا جاپسىرىپ قويۋ ءوزارا كومەكتەسۋ، دوستىق، ىنتىماقتاسا العا باسۋ مانىنە يە، وقىتۋشىلاردىڭ دەن قويا ماپەلەۋىندە، بالدىرعاندار كوكتەمنىڭ مايساسىنداي ەسەيىپ - ەرجەتەدى“، - دەدى جاڭ ناي - ي.
ۇستازدى ۇلاعاتتاپ، جول - جوسىنعا مۇراگەرلىك ەتتى. سول كۇنى ءۇرىمجى قالالىق 113 - ورتا مەكتەپتىڭ كلاس جەتەكشىلەرى وقۋشىلاردى باستاپ، ”ۇستازعا قۇرمەت ەتۋ سالتىن“ وتكىزدى. ءاربىر وقۋشى تىك تۇرىپ، جاعا - جەڭدەرىن تۇزەپ، وقىتۋشىعا بايسالدى تۇردە 3 رەت قۇرمەت ءبىلدىردى، وقىتۋشىلار دا ىزەتپەن وقۋشىلاردى جاقسى وقۋعا شابىتتاندىردى.
”مۇعالىم، مەنى سۋرەتكە ءتۇسىرىپ قويىڭىزشى“! 2 - ايدىڭ 11 - كۇنى مەكتەپ قاقپاسىنان كىرە بەرە، ءۇرىمجى قالالىق 3 - باستاۋىش مەكتەپ 1 - جىلدىق وقۋشىسى جاڭ چينيۇي قۋانىشپەن وقىتۋشىدان ءوزىن سۋرەتكە ءتۇسىرىپ قويۋدى ءوتىندى.
اقىل ەسىگىنەن اتتاۋ، جاعا - جەڭدى تۇزەۋ، تىلەك ءبىلدىرۋ، قۇت بەلگىسىن ۇستاۋ، جوسا جاعۋ، قالام ۇستاۋ، دابىل قاعۋ... سول كۇنى ءۇرىمجى قالالىق 3 - باستاۋىش مەكتەپ ”جاڭا وقۋشىلاردى شىن جۇرەكتەن قارسى الۋ، ارمانعا قۇلاش سەرمەۋ“ اتىندا 1 - جىلدىقتىڭ وقۋعا ءتۇسۋ سالتىن وتكىزىپ، جاڭا وقۋشىلاردى قارسى الدى.
الما، اپەلسين، سارىمساق ۇستاۋ... جاڭا وقۋ ماۋسىمىندا ”امان - ەسەن بولۋ، ويلاعان ءىسى ورىندالۋ، العىر بولۋ“ دەگەن ماعىنانى بىلدىرەدى، مەكتەپ بالالار ءۇشىن ”قۇت بەلگى“ دايىنداپ، سۇيىسپەنشىلىككە تولى سالت وتكىزىپ، بالالارعا جاڭا وقۋ ماۋسىمىنىڭ باستالعاندىعىن ءبىلدىردى.
”دۇڭ - دۇڭ - چياڭ! دۇڭ - دۇڭ - چياڭ“! 2 - ايدىڭ 12 - كۇنى وقۋ باستالعان العاشقى كۇنى، سانجى قالالىق 14 - باستاۋىش مەكتەپتىڭ مەكتەپ اۋلاسى شات مەرەيگە شومدى، دابىل ۇنىمەن بىرگە 4 ارىستان ارلى - بەرلى قايشالىسىپ، ويناقتاپ سەكىرىپ، بالالاردىڭ كەلۋىن قىزۋ قارسى الدى.
ارىستان ءبيى باقىتقا بولەيدى. وقۋ باستالعان كۇنگى ارىستان ءبيىن بيلەۋ مەكتەپ قوعامدىق ۇيىمىنىڭ ”ەرەن ونەرىن“ ايگىلەپ، 1 - جىلدىق وقۋشىلارى كورۋ، ۇستاۋ ارقىلى، جۇڭحۋانىڭ ءداستۇرلى سالت - ساناسىن ۇعىنىپ، جاڭا وقۋ ماۋسىمىنداعى ۇيرەنۋلەرىن، تۇرمىستارىن جاڭا جىلدا جاڭا بەينەمەن باستادى.
”وقۋ باستالعاندا جاڭا وقۋشىلاردى قارسى الۋ ءۇشىن، ءبىز ارىستان بيىنە جاڭالىق ەنگىزدىك، ونداعى ماقساتىمىز بالالاردى شاتتىققا بولەپ، جاڭا وقۋ ماۋسىمىندا جاڭا بەينەمەن بالالارعا بەيزاتتىق حالىقتىق كوركەمونەردىڭ تارتىمدىلىعىن سەزىندىرۋ“، - دەدى سانجى قالالىق 14 - باستاۋىش مەكتەپتىڭ باستىعى چىن شياۋحۇي.
