مەملەكەتتىك ەنەرگيا توبى شينجياڭ سەرىكتەستىگىندە
1 - ايداعى كومىر ءونىم مولشەرى ％6. 15 ارتتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ليۋ شياۋلۇڭ 2 - ايدىڭ 13 - كۇنى ۇرىمجىدەن حابارلايدى. 1 - ايدا مەملەكەتتىك ەنەرگيا توبى شينجياڭ ەنەرگيا شەكتى جاۋاپكەرشىلىك سەرىكتەستىگى 7 ميلليون 400 مىڭ توننا كومىر ءوندىرىپ، جوسپاردان 200 مىڭ توننا اسىرىپ، سايكەس مەزگىلدەگىدەن ％15.6 ارتتىردى؛ وزدەرى وندىرگەن كومىردىڭ ساتىلۋ مولشەرى 7 ميلليون 360 مىڭ توننا بولىپ، جوسپاردان 160 مىڭ توننا اسىپ، سايكەس مەزگىلدەگىدەن ％15.5 ارتتى.
1 - ايدا مەملەكەتتىك ەنەرگيا توبى شينجياڭ سەرىكتەستىگى ناشار اۋا رايىنىڭ ىقپالىن جەڭىپ، كوكتەم مەرەكەسى كەزىندە ءۇستى اشىق كەندەر ءوندىرىستى توقتاتپادى، ءونىم مولشەرىن ازايتپادى، ءوندىرىس حاۋىپسىزدىگى، جۇمىس اتقارۋ قىزمەتى ورنىقتى اينالىمدى ساقتاپ، رايونىمىزدىڭ جىلۋمەن قامداۋدى، ەلەكتر قۋاتى جانە ءتۇيىندى كاسىپورىنداردى كومىرمەن قامداۋدى ءونىمدى قامتاماسىز ەتتى.
كوكتەم مەرەكەسى كەزىندە، بۇل سەرىكتەستىكتىڭ وندىرگەن كومىرى ءبىر ميلليون 678 مىڭ توننا بولىپ، بىلتىرعى كوكتەم مەرەكەسى كەزىندەگىدەن 240 مىڭ توننا كوبەيىپ، ％7. 16 ارتتى؛ ساتىلعان كومىر ءبىر ميلليون 701 مىڭ توننا بولىپ، بىلتىرعى كوكتەم مەرەكەسى كەزىندەگىدەن 249 مىڭ توننا كوبەيىپ، ％1. 17 ارتتى.
كومىر تاسىمالىن قامتاماسىز ەتۋ ءۇشىن، بۇل سەرىكتەستىك تاسىمال قۇرىلىمىن ساپالىلاندىرىپ، تەمىر جول، ءدالىز، اۆتوكولىك تاسىمالى جۇيەسىنىڭ جوعارى ءونىمدى ۇشتاسۋىنا شىنايى كەپىلدىك ەتتى. مەرەكەدەگى تاسىمال قۋاتىنىڭ تاپشى بولۋ ماسەلەسىنە مەڭزەس، سەرىكتەستىك تەمىر جول تاراۋلارىمەن كەڭەسۋدى، سايكەسۋدى كۇشەيتىپ، پويەزبەن جونەلتۋدى ورنىقتىرىپ، تۇتىنۋشىلاردى كومىرمەن ورنىقتى قامداۋدى قامتاماسىز ەتتى.
”حالىق تۇرمىسىن قامتاماسىز ەتۋ، ەلەكتر قۋاتىن قامتاماسىز ەتۋ، جىلۋمەن قامداۋدى قامتاماسىز ەتۋ“ پرينسيبى بويىنشا، مەملەكەتتىك ەنەرگيا توبىنىڭ شينجياڭ سەرىكتەستىگى جىلۋمەن قامداۋدى، ەلەكتر قۋاتى كاسىپورىندارىن كومىرمەن قامداۋدى الدىمەن قامتاماسىز ەتتى، سەرىكتەستىك قامداۋدى قامتاماسىز ەتكەن ەلەكتر تاراتۋ كاسىپورىندارىنىڭ وتىندىق كومىردەن پايدالانۋ كۇن سانى ورتا ەسەپپەن 15 كۇننىڭ ۇستىندە بولىپ، ەلەكتر تاراتۋ، جىلۋمەن قامداۋ كاسىپورىندارىنىڭ وتىندىق كومىر زاپاسىنىڭ حاۋىپسىزدىگىنە شىنايى كەپىلدىك ەتىلدى.
