تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ مەن گانسۋ سەلبەستىكتى تەرەڭدەتىپ، ىقپالداسا دامۋدى ىلگەرىلەتىپ، بىرگە قۇرۋ، بىرگە ورتاقتاسۋ، بىرگە يگىلىككە كەنەلۋ جاڭا ارناسىن قالىپتاستىرادى

  اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسى گانسۋ ولكەسىندە ۇيرەنۋدە، تەكسەرۋدە بولدى

  شينجياڭ مەن گانسۋ سەلبەستىكتى تەرەڭدەتىپ، ىقپالداسا دامۋدى ىلگەرىلەتىپ، بىرگە قۇرۋ، بىرگە ورتاقتاسۋ، بىرگە يگىلىككە كەنەلۋ جاڭا ارناسىن قالىپتاستىرادى

  ەكى ولكە، رايون قىزمەت ىستەستىگى اڭگىمە ءماجىلىسىن اشتى ءارى ستراتەگيالىق سەلبەستىك جۇلگەلىك كەلىسىمىنە قول قويدى

  ما شيڭرۇي، حۋ چاڭشىڭ، رىن جىنحى، ەركىن تۇنياز، لي يفي، حى جۇڭيوۋ قيمىلعا قاتىناستى

  2 - ايدىڭ 14 - كۇنى شينجياڭ ۇيعۇر اۆتونوميالى رايونى· گانسۋ ولكەسىنىڭ قىزمەت ىستەستىگى اڭگىمە ءماجىلىسى لانجوۋدا اشىلدى. گانسۋ ولكەلىك پارتكومنىڭ ورىنباسار شۋجيى، ولكە باستىعى رىن جىنحى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ەكى ولكە، رايون اتىنان «شينجياڭ ۇيعۇر اۆتونوميالى رايوندىق حالىق ۇكىمەتىنىڭ، گانسۋ ولكەلىك حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» قول قويدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 14 - كۇنى لانجوۋدان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 - ايدىڭ 14 - كۇنى اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ، گانسۋ ولكەسىندە ۇيرەنۋدە، تەكسەرۋدە بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ، ”ءبىر بەلدەۋ، ءبىر جولدى“ بىرگە قۇرۋدى قول ۇستاسا ىلگەرىلەتۋ، جاڭا دامۋ ارناسىنا قىزمەت وتەۋ جانە توعىسۋ، ەكى ولكە، رايون سەلبەستىگىن تەرەڭدەتۋ، بۇكىل ەل بويىنشا ءبىر تۇتاس ۇلكەن بازار قۇرۋ سياقتىلار جونىندە تەكسەرۋ جۇرگىزدى، اۋىس - كۇيىس جاسادى ءارى لانجوۋدا شينجياڭ ۇيعۇر اۆتونوميالى رايونى · گانسۋ ولكەسىنىڭ قىزمەت ىستەستىگى اڭگىمە ءماجىلىسىن اشىپ، ستراتەگيالىق سەلبەستىك جۇلگەلىك كەلىسىمىنە قول قويدى. گانسۋ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى حۋ چاڭشىڭ قيمىلعا قاتىناستى.

  گانسۋ ولكەلىك پارتكومنىڭ ورىنباسار شۋجيى، ولكە باستىعى رىن جىنحى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز؛ اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار قيمىلعا قاتىناستى.

  ۋاكىلدەر ۇيىرمەسىندەگىلەر ىلگەرىندى - كەيىندى لانشى توبى شەكتى سەرىكتەستىگى، لانجوۋ كىجينتايجي جاڭا تەحنيكا شەكتى جاۋاپكەرشىلىك سەرىكتەستىگى سياقتى كاسىپورىندارعا بارىپ، مۇناي، مۇناي حيميا، ەنەرگيا جابدىقتارى، اۋىر يون عىلىم - تەحنيكاسى سياقتى ءتۇيىندى نىسانداردى ارالاپ، لانجوۋ جاڭا رايونى وسى زامانعى اۋىل شارۋاشىلىعى گۇل ەگىمشىلىگى بازاسىندا ەرەكشە اۋىل شارۋاشىلىعى كاسىپ سالاسىنىڭ دامۋى، شارۋالاردىڭ كىرىستەرىن ارتتىرۋىنا كومەكتەسۋ سياقتى قىزمەتتەردى تەكسەردى، لانجوۋ قالاسى چىڭگۋان رايونىنداعى ۋاڭحىتيىڭعا بارىپ حۋاڭحى وزەنىنىڭ ەكولوگياسىن قورعاۋ، جونگە سالۋ جاعدايىن ۇعىستى.

  اڭگىمە ماجىلىسىندە ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان گانسۋ ولكەسىنىڭ تالاي جىلداردان بەرى شينجياڭعا كورسەتكەن قولداۋىنا، كومەگىنە شىن جۇرەكتەن العىس ايتتى. ول بىلاي دەدى: گانسۋ پارتيا مەن مەملەكەت ىستەرىنىڭ جالپى جاعدايىندا ماڭىزدى ورىندا تۇرادى، گانسۋ ولكەلىك پارتكوم، ولكەلىك ۇكىمەت باس شۋجي شي جينپيڭنىڭ گانسۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، حالىقتى بايىتىپ، گانسۋدى گۇلدەندىرۋ جاڭا جاعدايىن اشتى، گانسۋدىڭ بايتاق دالاسىنىڭ بار الابىنان ەكپىندەي ارىنداعان، ءىس تىندىرىپ، شارۋاشىلىق قۇرعان، گۇلدەنىپ - كوركەيگەن بەينە جارىققا شىقتى. ءبىز گانسۋ ولكەسىنىڭ رەفورما، دامۋ، ورنىقتىلىق ىستەرىندە قول جەتكىزگەن تابىستارىنا شىن كوڭىلدەن قۋانىپ وتىرمىز.

  ما شيڭرۇي مىنالاردى ءبىلدىردى: گانسۋ مەن شينجياڭ تاۋ - وزەندەرى تۇتاسقان، ەتەنە بايلانىسقان باۋىرلاس ولكە، رايون. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەكى ولكە، رايوننىڭ ستراتەگيالىق ورنى بارعان سايىن ايقىندالىپ، ارتىقشىلىقتارى، كومەسكى كۇشتەرى اناعۇرلىم كورنەكتىلەنىپ، رەفورمانىڭ، دامۋدىڭ التىن وراي مەزگىلىن قارسى الدى، ەكى جاقتىڭ سەلبەستىك نەگىزى تاماشا، بولاشاعى نۇرلى. ەكى جاقتىڭ پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرۋدى، تياناقتاندىرۋدى وراي ەتىپ، جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرۋدى، جاڭا دامۋ ارناسىن قالىپتاستىرۋدى، جوعارى ساپالى دامۋدى ىلگەرىلەتۋدى ارقاۋ ەتىپ، ”ءبىر بەلدەۋ، ءبىر جول“ قۇرىلىسى ورايىن مىقتاپ يگەرىپ، ستراتەگيالىق جاقتان ۇشتاسۋدى، دامۋ جاعىندا بىرلەسىپ ارەكەتتەنۋدى كۇشەيتىپ، ەكى ولكە، رايوننىڭ نەگىزدىك قۇرىلعىلار جانە زات اينالىمىن ءبىر تۇلعالاندىرۋ قۇرىلىسىن جەدەل ىلگەرىلەتىپ، ەنەرگيا، وسى زامانعى اۋىل شارۋاشىلىعى، جاڭا ماتەريال، بيولوگيالىق ءدارى - دارمەك سياقتى كاسىپ سالاسى سەلبەستىگىن تەرەڭدەتىپ، ”ءبىر بەلدەۋ، ءبىر جول“ بويىنداعى ەلدەردىڭ جانە ەل ءىشىنىڭ ۇلكەن بازارىن قول ۇستاسا اشىپ، مادەنيەت - ساياحات كاسىپ سالاسىنىڭ توعىسا دامۋىن جەبەپ، ىشكە، سىرتقا ەسىك اشۋ دارەجەسى مەن دەڭگەيىن ۇزدىكسىز جوعارىلاتىپ، جاپپاي سەلبەستىكتىڭ، جاپپاي بىرلەسىپ ارەكەتتەنۋدىڭ، جاپپاي دامۋدىڭ بىرگە قۇراتىن، بىرگە ورتاقتاساتىن، بىرگە يگىلىككە كەنەلەتىن جاڭا ارناسىن قالىپتاستىرۋدى ىلگەرىلەتىپ، پارتيا مەن مەملەكەت قىزمەتى كەلەلى جاعدايىنا قىزمەت وتەۋگە اناعۇرلىم زور ۇلەس قوسۋىن ءۇمىت ەتەمىن.

  حۋ چاڭشىڭ ولكەلىك پارتكوم، ولكەلىك ۇكىمەت جانە بۇكىل ولكە حالقى اتىنان شينجياڭ ۇيعۇر اۆتونوميالى رايونىنىڭ پارتيا، ۇكىمەت ۋاكىلدەر ۇيىرمەسىنىڭ گانسۋعا كەلىپ تەكسەرۋ جۇرگىزگەندىگىن قىزۋ قارسى الاتىندىعىن ءبىلدىردى، شينجياڭنىڭ ۇزاق ۋاقىتتان بەرى، گانسۋدى زور كۇشپەن قولداعاندىعىنا شىن جۇرەكتەن العىس ايتتى. ول بىلاي دەدى: شينجياڭ ۇيعۇر اۆتونوميالى رايوندىق پارتكوم، ۇكىمەت پارتيا 20 - قۇرىلتايىنىڭ رۋحىن ىشكەرىلەي تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جەتەكشى ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن باتىل دايەكتىلەندىرىپ، ءتۇرلى ىستەردە ادامدى سۇيىندىرەتىن تابىستارعا قول جەتكىزدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، گانسۋ ولكەلىك پارتكوم، ولكەلىك ۇكىمەت باس شۋجي شي جينپيڭنىڭ گانسۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءۇش جاڭا، ءبىر جوعارى“ باعدارىن مىقتاپ يگەرىپ، جوعارى ساپالى دامۋدى باستان - اياق ماڭداي الدى مىندەت ەتىپ، ءتۇرلى ىستەردىڭ جاڭا ىلگەرىلەۋشىلىككە قول جەتكىزۋىن جەبەپ، جاپپاي سوتسياليستىك وسىزاماندانعان باقىتتى، كورىكتى جاڭا گانسۋ قۇرۋدىڭ تىڭ بەينەسىن جارىققا شىعارىپ، جۇڭگو ۇلگىسىندەگى وسىزامانداندىرۋدىڭ گانسۋ امالياتىندا تىڭ قادام تاستادى. گانسۋ مەن شينجياڭ − جىبەك جولىنداعى ەكى جارقىراعان مەرۋەرت، بەكەم دە تاماشا سەلبەستىك قاتىناسى بار. ەكى ولكە، رايوننىڭ مەملەكەتتىڭ دامۋ ستراتەگياسىنا قول ۇستاسا توعىسىپ، اركىم ءوزىنىڭ سالىستىرمالى ارتىقشىلىعىن ساۋلەلەندىرىپ، اۋىس - كۇيىستى، سەلبەستىكتى ۇزدىكسىز تەرەڭدەتىپ، ەنەرگيا بايلىعى، ەرەكشە كاسىپ سالاسى، ۇلاستىرۋ - تۇتاستىرۋ، گۋمانيتارلىق اۋىس - كۇيىس سياقتى سالالارداعى سەلبەستىك دەڭگەيىن ونان ارى جوعارىلاتىپ، سەلبەسە دامۋدىڭ، ءوزارا پايدا جەتكىزىپ، بىرگە يگىلىككە كەنەلۋدىڭ جاڭا تاراۋىن بىرگە جازۋىن ءۇمىت ەتەمىن.

  ماجىلىستە رىن جىنحى، ەركىن تۇنياز جەكە - جەكە گانسۋ مەن شينجياڭنىڭ ەكونوميكالىق، قوعامدىق دامۋ جاعدايىن تانىستىردى، ەكى ولكە، رايون اتىنان «شينجياڭ ۇيعۇر اۆتونوميالى رايوندىق حالىق ۇكىمەتىنىڭ، گانسۋ ولكەلىك حالىق ۇكىمەتىنىڭ ستراتەگيالىق سەلبەستىك جۇلگەلىك كەلىسىمىنە» قول قويدى.

  گانسۋ ولكەسىنىڭ باسشىلارىنان ۋاڭ فۋ، شى موۋجۇن، جۋ تيانشۋ، چىڭ شياۋبو، سۇن شۋەتاۋ، جاڭ يۇڭشيا، جاڭ ۋي، حۋاڭ رۇيشۋە، چىن دىشين، شىن جيان، اۆتونوميالى رايوننىڭ باسشىلارىنان تيان شياڭلي، چىن ۋيجۇن، ياڭ فاسىن، ءيۇسۇپجان مامەت، قادەن كابەن، گاۋ جيميڭ قاتارلىلار قيمىلعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.