ورتالىقتىڭ 1 - ءنومىرلى حۇجاتى اۋىل شارۋاشىلىعىندا قۋاتتى ەل قۇرۋدى جەدەلدەتۋ سيگنالىن تاراتتى
□ شينحۋا اگەنتتىگىنىڭ تىلشىلەرى
2023 - جىلعى ورتالىقتىڭ 1 - ءنومىرلى حۇجاتى 2 - ايدىڭ 13 - كۇنى جاريالاندى. حۇجات اۋىل - قىستاقتى گۇلدەندىرۋدى جاپپاي ىلگەرىلەتۋدىڭ ءتۇيىندى قىزمەتتەرىن ورنالاستىرىپ ءارى اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ جالپى تۇلعالىق تالابى مەن ناقتى ورنالاستىرۋىن ورتاعا قويىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ سيگنالىن تاراتتى.
مەملەكەتتى قۇدىرەتتەندىرۋدە، الدىمەن، ءسوز جوق، اۋىل شارۋاشىلىعىن كۇشەيتۋ كەرەك، اۋىل شارۋاشىلىعى كۇشەيسە عانا، مەملەكەت قۇدىرەتتەنەدى. استىق حاۋىپسىزدىگى، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق، شارۋالاردىڭ كىرىسىن ارتتىرىپ، بايىتۋ سياقتى بۇقارا كوڭىل ءبولىپ وتىرعان تاقىرىپتى ارقاۋ ەتىپ، 2 - ايدىڭ 14 - كۇنى ورتالىق اۋىل - قىستاق قىزمەتى باسشىلىق گرۋپپاسى كەڭسەسىندەگى، اۋىل شارۋاشىلىعى، اۋىل - قىستاق مينيسترلىگىندەگى، مەملەكەتتىك اۋىل - قىستاقتى گۇلدەندىرۋ مەكەمەسىندەگى قاتىستى جاۋاپتى جولداستار مەملەكەتتىك كەڭەستىڭ اقپارات كەڭسەسى وتكىزگەن اقپار جاريالاۋ ماجىلىسىندە جالپى بەتتىك تۇسىنىك جاسادى.
استىق حاۋىپسىزدىگىنىڭ نەگىزىن جان - جاقتى بەكەمدەۋ
پارتيانىڭ 20 - قۇرىلتايى بايانداماسىندا اۋىل شارۋاشىلىعىندا قۋاتتى ەل قۇرۋدى جەدەلدەتۋ ورتاعا قويىلدى. ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگىنىڭ مينيسترى تاڭ رىنجيان ماجىلىستە اۋىل شارۋاشىلىعىندا قۋاتتى ەل بولۋ مازمۇنىن تانىستىردى.
”اۋىل شارۋاشىلىعىندا قۋاتتى ەل بولۋ مازمۇنى ءارى وندىرگىش كۇشتەردىڭ دامۋىن قامتيدى، ءارى وندىرىستىك قاتىناس وزگەرىسىن قامتيدى؛ ءارى اۋىل شارۋاشىلىعىنىڭ دەڭگەيىن جاپپاي جوعارىلاتۋدى قامتيدى، ءارى اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن قامتيدى“. تاڭ رىنجيان بىلاي دەدى: قامداۋدى قامتاماسىز ەتۋى قۋاتتى، عىلىم - تەحنيكالىق جابدىقتالۋى قۋاتتى، تيجارات جۇيەسى قۋاتتى، كاسىپ سالاسى سەرپىمدىلىگى كۇشتى، باسەكەلىك قابىلەتى قۋاتتى اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك.
استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىز ەتۋ − اۋىل شارۋاشىلىعىندا قۋاتتى ەل قۇرۋداعى ماڭداي الدى ءىرى ءىس. بيىلعى ورتالىقتىڭ 1 - ءنومىرلى حۇجاتىندا مىنالار باسا دارىپتەلدى: استىق جانە ماڭىزدى اۋىل شارۋاشىلىق ونىمدەرىن ءوندىرۋدى ورنىقتىرۋ، قامداۋدى قامتاماسىز ەتۋدى مىقتى، ويداعىداي يگەرىپ، بۇكىل ەلدىڭ استىق ءونىم مولشەرىنىڭ ءبىر تريلليون 300 ميلليارد جىڭنىڭ ۇستىندە بولۋىن ساقتاۋعا شىنايى كەپىلدىك ەتۋ كەرەك.
بىلتىر ىندەت جانە اپات ارالاسقان، قاباتتاسقان سياقتى كوپ قاباتتى ىقپال الدىندا، ەلىمىز استىق وندىرىسىندە تاعى دا مول ءونىم الىپ، ءۇرتىس 8 جىل ءبىر تريلليون 300 ميلليارد جىڭنان استام دەڭگەيدە ورنىقتىرىپ، ەكونوميكالىق دامۋعا ماڭىزدى تىرەك ازىرلەدى. تاڭ رىنجيان كەلەر قادامدا كوپ شارانى قاتار قولدانۋ ارقىلى استىق حاۋىپسىزدىگىنىڭ نەگىزىن جان - جاقتى بەكەمدەيتىندىكتەرىن ءبىلدىردى:
− نىسانا جاعىندا، جەر اۋدانىن ورنىقتىرۋ، بىرلىك ونىمنەن قامال الۋ، ءونىمدى كوبىرەك ارتتىرۋعا قۇلشىنۋ. وڭتۇستىك جاقتاعى ولكەلەردىڭ بىرنەشە رەت ەگىلەتىن استىق ءوندىرىسىن دامىتىپ، سويا بۇرشاق، جۇگەرىنىڭ ءبىرلىك ءونىمىن جوعارىلاتۋ ينجەنەرياسىن اتقارىپ، توننالىق استىق اتىزىن قۇرۋدى ورىستەتىپ، سويا بۇرشاق، مايلى داقىلداردى ەگۋ كولەمىن ارتتىرۋعا كۇش سالىپ، سويا بۇرشاقتى، جۇگەرىنى بەلدەۋلەپ ارالاستىرا ەگۋدى تىڭعىلىقتى ىلگەرىلەتىپ، شىعىس سولتۇستىك، حۋاڭحى وزەنى، حۋايحى وزەنى، حايحى وزەنى وڭىرلەرىنىڭ استىق پەن بۇرشاقتى كەزەكتەستىرىپ ەگۋدى جۇرگىزۋىن قولداپ، سورتاڭ جەرلەرگە سويا بۇرشاق ەگۋدى ورنىقتى قاداممەن اشىپ پايدالانۋ؛ جاڭا كەزەكتى 100 ميلليارد جىڭدىق استىق ءوندىرىس قۋاتىن ءوسىرۋ ارەكەتىن جەدەل باستاپ اتقارۋ؛ كوپ نەگىزدى استىقپەن قامداۋ جۇيەسىن جەدەل ورناتۋ.
− شارا جاعىندا، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدىڭ ماتەريالدىق نەگىزىن كۇشەيتۋ. نەگىزدىك قۇرىلعىلار قۇرىلىسىن كۇشەيتىپ، ءبىر ميلليارد 800 ميلليون مۋلىق ەگىستىك جەر قىزىل سىزىعىن باتىل ساقتاپ، جوعارى ولشەمدى ەگىستىكتەردى جاڭادان قۇرۋ جانە جاڭالاۋ، دارەجەسىن كوتەرۋ جىلدىق مىندەتىن ورىنداپ، ماڭگىلىك نەگىزگى ەگىس اتىزدارىنىڭ ءبارىن جوعارى ولشەمدى ەگىس اتىزىنا بىرتىندەپ وزگەرتۋدىڭ اتقارۋ جوباسىن جىلدام جاساۋ. عىلىم - تەحنيكالىق جابدىقتاردى تىرەك ەتۋدى كۇشەيتىپ، اۋىل شارۋاشىلىعىنىڭ شەشۋشى، وزەكتى تەحنيكالارىنان قامال الۋدى ىلگەرىلەتىپ، ەگىمشىلىكتى گۇلدەندىرۋ ارەكەتىن ىشكەرىلەي اتقارىپ، عىلىم - تەحنيكا ارقىلى ءتۇسىمدى ارتتىرۋ، ءوندىرىس قۋاتىن ارتتىرۋ كەرەك.
− ساياسات جاعىندا، شارۋالار استىق ەگۋدەن اقشا تاۋىپ، پايدا تۇسىرەتىن، جەرگىلىكتى ورىن استىقتى يگەرىپ، جاۋاپكەرشىلىك ارقالاپ، بورىشىن ادا ەتەتىن مەحانيزم قامتاماسىزدىعىن اقاۋسىزداندىرۋ. ءبيدايدىڭ ەڭ تومەنگى ساتىپ الۋ باعاسىن ۇزدىكسىز جوعارىلاتىپ، كۇرىشتىڭ ەڭ تومەنگى ساتىپ الۋ باعاسىن ۇيلەسىمدى تۇراقتاندىرىپ، جۇگەرى، سويا بۇرشاق وندىرۋشىلەرگە بەرىلەتىن قوسىمشا قاراجاتتى كەمەلدەندىرىپ، سويا بۇرشاققا قوسىمشا قاراجات بەرۋ تەبىنىن جوعارىلاتىپ، سويا بۇرشاقتى ساياساتتىق ساتىپ الۋدى، ساقتاۋدى جانە بازارلانعان ساتىپ الۋدى كەڭەيتۋدى ىلگەرىلەتىپ، كۇرىشتىڭ، ءبيدايدىڭ، جۇگەرىنىڭ تولىق وزىندىك قۇنىن قامسىزداندىرۋ مەن ەگىمشىلىك كىرىسىن قامسىزداندىرۋىن اتقارۋ كولەمىن بىرتىندەپ كەڭەيتۋ. استىق ءوندىرۋ نىسانا - مىندەتتەرىن ۇزدىكسىز ءارقايسى ولكە، رايون، قالالارعا ءتۇسىرىپ، ولكە دارەجەلى پارتكوم مەن ۇكىمەتتىڭ ەگىستىك جەردى قورعاۋ جانە استىق حاۋىپسىزدىگى جاۋاپكەرشىلىك ءتۇزىمىن باعالاۋدى قاتايتۋ كەرەك.
قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋدى تىڭعىلىقتى ىلگەرىلەتۋ
قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاق قۇرۋ − اۋىل شارۋاشىلىعىندا قۋاتتى ەل بولۋداعى تيەسىلى بورىش. ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ ورىنباسار مەڭگەرۋشىسى، مەملەكەتتىك اۋىل - قىستاقتى گۇلدەندىرۋ مەكەمەسىنىڭ باستىعى ليۋ حۋانشين ماجىلىستە كورىكتى اۋىل - قىستاقتان قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاققا دەيىن اۋىل - قىستاق قۇرىلىسى مازمۇنى مەن نىساناسىنىڭ اناعۇرلىم بايىتىلۋى مەن كەڭەيتىلۋى ەكەندىگىن ءبىلدىردى.
”اۋىل - قىستاق قۇرىلىسىندا ءارى زاتتى كورنەكتىلەندىرۋ، ءارى ادامدى كورنەكتىلەندىرۋ كەرەك، ءارى وبرازدى، ءارى رۋحتى سومداۋ كەرەك، ءارى زاتتىق وركەنيەتتى يگەرۋ، ءارى رۋحاني وركەنيەتتى يگەرۋ كەرەك، اۋىل - قىستاقتىڭ سىرتقى كورىنىسى مەن ىشكى ءمانىن، سىرتقى كەلبەتى مەن رۋحىن جان - جاقتى جوعارىلاتۋدى جۇزەگە اسىرۋ“. ليۋ حۋانشين: بيىلعى ورتالىقتىڭ 1 - ءنومىرلى حۇجاتىندا قاتتى بولشەك، جۇمساق بولشەك قاتار يگەرىلىپ، اۋىل - قىستاق قۇرىلىسى جونىندە ناقتى ورنالاستىرۋ جاسالدى، - دەدى.
ليۋ حۋانشين مىنالاردى ءبىلدىردى: قاتتى بولشەك قۇرىلىسى جاعىندا، اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋىنە بىرتىندەپ مۇمكىندىك جاساپ، اۋىل - قىستاقتىڭ قونىس ورتاسىن رەتتەۋ - وڭاۋ، ونىڭ دارەجەسىن جوعارىلاتۋ، اۋىل - قىستاق نەگىزدىك قۇرىلعى قۇرىلىسى، نەگىزگى الەۋمەتتىك قىزمەت وتەۋ قابىلەتىن جوعارىلاتۋ سياقتىلاردى ءتۇيىن ەتۋ ءارى جوباسى ارقىلى جەتەكتەۋ، كەلبەتى ارقىلى جەتەكشىلىك ەتۋ، شارۋالار ات سالىسۋ سىندى 3 مەحانيزمدى كۇش سالا قۇرۋ كەرەك. ”شارۋالاردىڭ تىلەگىنە قۇرمەت ەتۋ، شارۋالاردى اۋىل - قىستاق قۇرىلىسىنا جالپى بارىستىق ات سالىسۋعا جەتەكتەۋ نەگىزىندە، قالا - اۋىل ارناسى، اۋىل - قىستاق فورماتسياسى وزگەرىسىنە ۇيلەسىپ، العاشقى ەكولوگيالىق جەرگىلىكتى ەرەكشەلىگىن ايگىلەۋ، وسى زامانعى تۇرمىس فاكتورلارىن توعىستىرۋ، اۋىل كەلبەتىن، اۋىل اۋەنىن، اۋىل ساعىنىشىن ساقتاپ قالۋ كەرەك.
جۇمساق بولشەك قۇرىلىسى جاعىندا، جايدارى دا اق پەيىل، بەرەكەلى دە تىنىش اۋىل - قىستاق رۋحاني كەلبەتىن كۇش سالا تۇلعالاۋ. ليۋ حۋانشين بىلاي دەپ اتاپ كورسەتتى: ەلىمىز ەجەلدەن ”تاتۋلىق“ ۇستانىمىن قاستەرلەپ كەلەدى، “تاتۋلىق“ ۇستانىمىن اۋىل - قىستاق قۇرىلىسىنىڭ تۇتاس بارىسىنا ساباقتاستىرىپ، جۇرت جۇرەگىن نارلەندىرۋ، جۇرت كوڭىلىن مورالمەن توعىستىرۋ، جۇرت تىلەگىن ۇيىستىرۋ كەرەك.
ليۋ حۋانشين بىلاي دەپ تانىستىردى: دانەكەرلەردى بىرىكتىرىپ، اۋىل - قىستاقتى باسقارۋدى كۇشەيتۋدە جانە جاقسارتۋدا ءارقايسى تاراۋلاردىڭ كۇشىن ءبىر تۇتاس جوسپارلاپ، اۋىل - قىستاقتى باسقارۋ يقۋاتىن جوعارىلاتۋ؛ جاڭالىق اشۋدى تۇتقا ەتىپ، اۋىل - قىستاق رۋحاني وركەنيەت قۇرىلىسىن كۇشەيتىپ، ەگىستىك جۇمىسىنا، ەگىس تاتىمدىلىعىنا، ەگىس قىزىعىنا باي، جاراسىمدىلىقتى، تاتۋلىقتى، كوركەمدىكتى ايگىلەيتىن اۋىل - قىستاق مادەنيەت ونىمدەرىمەن جانە قىزمەت وتەۋىمەن قامداۋدى ارتتىرىپ، اۋىل - قىستاقتىڭ ەسكى سالت - سانانى وزگەرتۋىن ءۇرتىس ىلگەرىلەتۋ كەرەك.
كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ
جاپپاي سوتسياليستىك وسىزاماندانعان مەملەكەت قۇرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ اۋىل - قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى.
2022 - جىل − كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى تەرەڭدەتكەن جىل بولدى. ليۋ حۋانشين بىلاي دەدى: ءار جاقتىڭ بىرگە قۇلشىنۋى ارقىلى كەدەيلىكتەن ارىلتۋدان قامال الۋ جەتىستىكتەرى اناعۇرلىم بەكەمدەلدى، كەڭەيتىلدى، مۇندا نەگىزىنەن كولەمدى قايتا كەدەيلەسۋ جايتى تۋىلماۋ، كەدەيلىكتەن ارىلعان ەڭبەككۇشتەردى جۇمىستاندىرۋ جاعدايى ورنىقتى بولۋدى ساقتاۋ، كەدەيلىكتەن ارىلعان وڭىرلەر مەن كەدەيلىكتەن ارىلعان جان سانىنىڭ كىرىسى ءبىرشاما تەز ارتۋ سىندى 3 جاقتان بەينەلەندى.
پارتيا 20 - قۇرىلتايىنىڭ بايانداماسىندا بىلاي دەپ اتاپ كورسەتىلدى: كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، كەدەيلىكتەن ارىلعان وڭىرلەر مەن كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن ارتتىرۋ كەرەك. بيىل ورتالىقتىڭ 1 - ءنومىرلى حۇجاتى كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەۋدى، كەڭەيتۋدى تومەنگى شەكتەگى مىندەتتەردىڭ ءبىرى ەتۋدى باسا دارىپتەپ، ورنالاستىرۋ جاسادى. ”ءبىز پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ جەتىستىگىن بەكەمدەۋدىڭ، كەڭەيتۋدىڭ ءتۇرلى قىزمەتتەرىن ۇزدىكسىز مىقتى، ويداعىداي يگەرىپ، كەدەيلىكتەن ارىلعان بۇقارانىڭ تۇرمىسىن اناعۇرلىم تىڭ ساتىعا كوتەرۋگە قۇلشىنامىز“، - دەدى ليۋ حۋانشين.
تانىستىرۋعا قاراعاندا، الداعى جەردە مىناداي ءۇش جاقتان شارا قولدانىلادى ەكەن: قاداعالاۋ - تەكسەرۋدى، كومەكتەسۋ - سۇيەمەلدەۋدى تياناقتاندىرۋدى يگەرىپ، قاداعالانىپ تەكسەرىلەتىن وبيەكتىلەردى ۇدايىلاندىرىپ قاداعالاۋ - تەكسەرۋ جانە شوعىرلى ءبىر - بىرلەپ تەكسەرۋ ورىستەتىپ، تۇرگە ءبولىپ كومەكتەسۋ - سۇيەمەلدەۋدى اتقارۋ؛ دامۋ قوزعاۋشى كۇشىن جەتىلدىرۋدى يگەرىپ، كەدەيلىكتەن ارىلعان بۇقارانىڭ كىرىسىن ارتتىرۋدى ءتۇبىرلى شارا، كەدەيلىكتەن ارىلعان اۋدانداردىڭ جەدەل دامۋىن جەبەۋدى نەگىزگى قامال الۋ باعىتى ەتىپ، ورتالىق قازىنانىڭ اۋىل - قىستاقتى گۇلدەندىرۋدى ىلگەرىلەتۋ قوسىمشا قاراجاتىمەن ۇشتاسۋىنان ويداعىداي پايدالانىپ، شىعىس، باتىس بولىكتەردىڭ ەڭبەك سەلبەستىگىن تەرەڭدەتۋ؛ كومەكتەسۋ - سۇيەمەلدەۋ ساياساتىن كەمەلدەندىرۋدى يگەرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ ساياساتىن جاپپاي تياناقتاندىرۋ.
شارۋالاردىڭ كىرىستى ارتتىرىپ، بايۋ ارناسىن كەڭەيتۋ
بىلتىر جىل سوڭىندا اشىلعان ورتالىقتىڭ اۋىل - قىستاق قىزمەتى ماجىلىسىندە شارۋالاردىڭ كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، شارۋالاردىڭ كىرىستى ارتتىرۋ، بايۋ ارنالارىن مۇمكىندىكتىڭ بارىنشا كەڭەيتۋ باسا دارىپتەلدى. ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ ارناۋلى ورىنباسار مەڭگەرۋشىسى، اۋىل شارۋاشىلىعى، اۋىل - قىستاق مينيسترلىگى پارتيا باسشىلىق گرۋپپاسىنىڭ مۇشەسى ۋ حۇڭياۋ بىلاي دەپ تانىستىردى: بيىلعى ورتالىقتىڭ 1 - ءنومىرلى حۇجاتى جۇمىستاندىرۋدى ورنىقتىرىپ، كىرىستى ارتتىرۋ، تيجارات ونىمدىلىگىن جوعارىلاتىپ، دەڭگەيىن ءوسىرۋ، مال - مۇلىك كىرىسىن اشۋ، باسقا سالاعا ويىستىرىپ كىرىستى ارتتىرۋ سىندى ءتورت جاقتان ورنالاستىرۋ جاسادى.
”اۋقىمعا ۇيلەسىپ، سالىستىرمالى باسىمدىعى كورنەكتى، جەتەكتەۋ قۋاتى كۇشتى، جۇمىستاندىرۋ سيىمدىلىعى زور اۋدان وڭىرىندەگى حالىقتى بايىتۋ كاسىپ سالاسىن دامىتىپ، شارۋالاردى جاقىن ماڭدا، ءوز جەرىندە جۇمىستانۋعا، شارۋاشىلىق قۇرۋعا جەتەكتەۋ كەرەك“. ۋ حۇڭياۋ مىنانى ءبىلدىردى: جۇمىس ورنىن ورنىقتىرىپ، قيىنشىلىقتان قۇتىلدىرۋ ساياساتىن تياناقتاندىرۋدى كۇشەيتىپ، جۇمىستانۋ شەبەرلىگىن جوعارىلاتىپ، جۇمىس ورنىن ارتتىرىپ، جۇمىستانۋ ورايىن جاراتىپ، شارۋا جۇمىسكەرلەردىڭ جۇمىستانۋىن ورنىقتىرامىز.
تانىستىرۋعا قاراعاندا، كەلەسى قادامدا ەلىمىز جاڭاشا اۋىل شارۋاشىلىق تيجارات تۇلعالارىنىڭ دەڭگەيىن جوعارىلاتۋ ارەكەتىن ىشكەرىلەي ورىستەتىپ، ۇساق شارۋا وتباسىلارىنىڭ سەلبەسىپ تيجارات جۇرگىزۋىنە، كىرىستى بىرگە ارتتىرۋىنا قوزعاۋشىلىق ەتەدى؛ اۋىل - قىستاق جەر ءتۇزىمى رەفورماسىن تەرەڭدەتىپ، ۇقىقتى ايقىنداۋدى تىڭعىلىقتى جۇرگىزىپ، ۇقىق بەرۋدى ورنىقتى ىلگەرىلەتىپ، ۇقىقتان جاندى پايدالانۋدى تارتىپپەن جۇزەگە اسىرىپ، شارۋالاردىڭ رەفورمانىڭ پايداسىنان اناعۇرلىم كوپ يگىلىكتەنۋىنە مۇمكىندىك جاسايدى؛ اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى بايىتۋ ساياساتىنىڭ تەبىنىن ۇزدىكسىز ارتتىرىپ، اۋىل - قىستاقتاردىڭ قوعامدىق قامتاماسىزداندىرۋ دەڭگەيىن بىرتىندەپ جوعارىلاتادى ەكەن.
(تىلشىلەر يان فۋجيڭ، يۇي ۋىنجيڭ، حوۋ شۋەجيڭ، چىن دۇڭشۋ)
(شينحۋا اگەنتتىگىنىڭ 2 - ايدىڭ 14 - كۇنى بەيجيڭنەن بەرگەن حابارى)
