انار بۇلت \ شينجياڭ گازەتىنىڭ ءتىلشىسى حي حۇڭۋي 2 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، تاياۋدا «اۆتونوميالى رايوننىڭ سىرتقى ساۋدانىڭ ورنىقتى دامۋىن قولداۋ جونىندەگى ءبىرقانشا شاراسى» (تومەندە قىسقارتىلىپ «ءبىرقانشا شارا دەلىنەدى») باسىپ تاراتىلعان، مۇندا كاسىپورىنداردىڭ وندىرىسكە كەپىلدىك ەتۋىنە، تاپسىرىسقا كەپىلدىك ەتۋىنە، بازاردى كەڭەيتۋىنە كۇش سالا كومەكتەسۋ، سەنىمدىلىك قامسىزداندىرۋىن قولداۋ تەبىنىن كۇشەيتۋ، ساۋدانىڭ ىركىلىسسىزدىگىن جەبەۋ سياقتى جاقتاردان 8 ءتۇرلى شارا شىعارىپ، سىرتقى ساۋدانىڭ دامۋىن ورنىقتىرعان.
«ءبىرقانشا شارادا» مىنالار العا قويىلدى: كاسىپورىنداردىڭ وندىرىسكە كەپىلدىك ەتۋىنە، تاپسىرىسقا كەپىلدىك ەتۋىنە، بازاردى كەڭەيتۋىنە كۇش سالا كومەكتەسىپ، اۆتونوميالى رايوننىڭ سىرتقى ساۋدانى ورنىقتىرۋ، شەتەل قارجىسىن ورنىقتىرۋ قىزمەتىن سايكەستىرۋ مەحانيزمىنىڭ رولىن ساۋلەلەندىرىپ، سىرتقى ساۋدا كاسىپورىندارىن ەنەرگيا پايدالانۋ، قىزمەتشى قابىلداۋ سياقتى جاقتاردان قامتاماسىز ەتۋدى كۇشەيتىپ، تاپسىرىسى بار كاسىپورىندارعا قاراتا زات اينالىمى، قارجى قۇراۋ، سالىق اقىسى سياقتى جاقتاردا قولداۋ جانە قامتاماسىز ەتۋ تەبىنىن كۇشەيتىپ، سىرتقى ساۋدا تاپسىرىستارىنىڭ دەر كەزىندە ۋادەنى ورىنداپ، تاپسىرىلۋىنا شىنايى كەپىلدىك ەتۋ كەرەك.
ەكسپورت سەنىمدىلىك قامسىزداندىرۋىن قولداۋ تەبىنىن كۇشەيتۋ سياقتى جاقتاردا «ءبىرقانشا شارادا» مىنالار العا قويىلدى: ەكسپورت سەنىمدىلىك قامسىزداندىرۋىنىڭ رايونىمىزدىڭ باسىمدىققا يە ونىمدەرىن قامسىزداندىرۋ، قامتاماسىزداندىرۋ رولىن تولىق ساۋلەلەندىرىپ، ساۋدا قامسىزداندىرۋىنىڭ قامسىزداندىرۋعا الۋىنا قىزمەت وتەۋ، قولداۋ دەڭگەيىن جوعارىلاتۋ؛ كاسىپورىنداردىڭ ءتۇرلى كورمەلەرگە قاتىناسىپ تاپسىرىستارعا يە بولۋىن كۇش سالا قولداپ، كورمەگە قاتىناسۋ ساپاسى مەن ونىمدىلىگىن جوعارىلاتىپ، ناقتى تۇلعالى ساۋدانى جەبەۋ قيمىلى مەن بۇلتتا تانىستىرۋدى، كەلىسۋدى توعىستىرا دامىتۋدى ىلگەرىلەتىپ، كاسىپورىنداردىڭ ينتەرنەت جەلىسىندە، ينتەرنەت جەلىسىنەن تىس كەلىسۋدى ورىستەتۋىن، تاپسىرىستارعا يە بولۋىن قولداۋ كەرەك.
سىرتقى ساۋدانىڭ جاڭا كاسىپ كۇيىنىڭ دامۋىن جەبەۋ سياقتى جاقتاردا «ءبىرقانشا شارادا» مىنالار العا قويىلدى: سىرتقى ساۋدادا جاڭالىق اشۋ تۇعىرىنىڭ رولىن ساۋلەلەندىرۋىنە كۇش سالا جەتەكشىلىك ەتىپ، شەكارا وتكەلدەرىنىڭ شەكارا اتتاعان ەلەكتروندى ساۋداسىنىڭ ىقپالداسىپ دامۋىن ءبىر تۇتاس جوسپارلاپ ىلگەرىلەتۋ؛ شەكارا اتتاعان ەلەكتروندى ساۋدانىڭ سىرتقى ساۋدانى ورنىقتىرۋ رولىن كۇش سالا ساۋلەلەندىرىپ، قىزمەت وتەۋ ساۋداسىنىڭ، جاڭالىق اشا دامۋىنا جەتەكشىلىك ەتۋ قورىنىڭ رولىن تولىق ساۋلەلەندىرىپ، شەكارا اتتاعان ەلەكتروندى ساۋدا، شەتەلدەگى قامبالار، سيفرلى ساۋدا سياقتى سىرتقى ساۋدانىڭ جاڭا كاسىپ كۇيىندە، جاڭا ۇلگىدە جاڭالىق اشا دامۋىن قولداۋ كەرەك.
ىركىلىسسىزدىككە كەپلدىك ەتۋدە، شەكارا وتكەلى ورتاسىن جاقسارتۋ جاعىندا «ءبىرقانشا شارادا» مىنالار العا قويىلدى: ساۋدانىڭ ىركىلىسسىزدىگىن كۇش سالا جەبەپ، شەكارا وتكەلى زات تاسىمالىندا ”توتە جەتكىزۋ“ قىزمەتىن قالپىنا كەلتىرۋدى جەدەل ىلگەرىلەتىپ، رايونىمىز شەكارا وتكەلدەرىنىڭ جولاۋشىلاردىڭ، جۇكتەردىڭ شەكارادان ءوتۋىن جاپپاي ءتارتىپتى قالپىنا كەلتىرۋىنە شىنايى كەپلدىك ەتۋ؛ شەكارا وتكەلىنىڭ شارۋاشىلىق - ساۋدا ورتاسىن كۇش سالا جاقسارتىپ، شەكارا وتكەلىنىڭ بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ۇزدىكسىز تۇلعالاپ، شەكارا وتكەلىنىڭ كەدەننەن ءوتۋ ساياساتتارىن ۇگىتتەۋدى، تانىستىرۋدى كۇشەيتىپ، كاسىپورىنداردىڭ قاجەتىن ۇعىسىپ، كاسىپورىنداردان امال - شارا قابىلداپ، قىزمەت وتەۋ دەڭگەيىن جوعارىلاتۋ كەرەك.
«ءبىرقانشا شارادا» تاعى مىنالار العا قويىلدى: جۇڭگو شينجياڭى مەن توڭىرەكتەگى ەلدەردىڭ جەرگىلىكتى ۇكىمەتتەرى اراسىنداعى سەلبەستىكتى نىعايتۋعا كۇش سالىپ، ورتا ازياداعى ەلدەرمەن اۋىس - كۇيىستى، سەلبەستىكتى ونان ارى تەرەڭدەتىپ، ەكونوميكا - ساۋدا اۋىس - كۇيىسىن، سەلبەستىگىن ۇزدىكسىز تەرەڭدەتۋ كەرەك.
