«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
كەزەكتەگى ەكونوميكالىق قىزمەتتەگى بىرنەشە كەلەلى ماسەلە
شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى. 2 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 4 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2022 - جىلى 12 - ايدىڭ 15 - كۇنى اشىلعان ورتالىقتىڭ ەكونوميكالىق قىزمەت ماجىلىسىندەگى ماڭىزدى ءسوزىنىڭ ءبىر بولەگى «كەزەكتەگى ەكونوميكالىق قىزمەتتەگى بىرنەشە كەلەلى ماسەلەنى» جاريالايدى.
ماقالادا مىنالار باسا دارىپتەلدى: 2023 - جىلى ەكونوميكالىق قىزمەت كۇردەلى بولادى، ستراتەگيالىق جالپى جاعدايدى نەگىزگە الىپ، باستى قايشىلىقتى يگەرىپ، قوعامدىق پسيحيكالىق مەجەنى جاقسارتۋدان، دامۋ سەنىمىن سەرپىلتۋدەن باستاپ كىرىسىپ، ەلەۋلى، شەشۋشى بۋىنداردى مىقتى يگەرىپ، قىزمەتتەردى ارقاۋدى تۇزەپ وزگەسىن وڭاۋ ارقىلى ويداعىداي ىستەۋ كەرەك.
ماقالادا مىنالار اتاپ كورسەتىلدى: ىشكى سۇرانىستى كۇش سالا كەڭەيتۋ كەرەك. جالپى سۇرانىستىڭ جەتكىلىكسىز بولۋى − كەزەكتەگى ەكونوميكالىق اينالىم ءدوپ كەلىپ وتىرعان كورنەكتى قايشىلىق. ءسوز جوق، ىشكى سۇرانىستى كەڭەيتۋ ستراتەگياسىن زور كۇشپەن اتقارىپ، اناعۇرلىم پارمەندى شارا قولدانىپ، قوعامدىق قايتالاي وندىرىستە ۇتىمدى اينالىمدى جۇزەگە اسىرۋ كەرەك. ساياساتتاردى، شارالاردى ساپالىلاندىرىپ، تۇتىنۋدىڭ نەگىزدىك رولى مەن قارجىلاندىرۋدىڭ شەشۋشى رولىن تولىق ساۋلەلەندىرۋ كەرەك. بىرىنشىدەن، تۇتىنۋدى قالپىنا كەلتىرۋدى جانە كەڭەيتۋدى الدىڭعى ورىنعا قويۋ كەرەك. ەكىنشىدەن، ۇكىمەتتىك قارجى قوسۋ مەن ساياساتتىق ىنتالاندىرۋ ارقىلى تۇتاس قوعام قارجى قوسۋدى ءونىمدى جەتەكتەۋ كەرەك. ەكسپورتتىڭ ەكونوميكا جونىنەن تىرەكتىك رولىن ۇزدىكسىز ساۋلەلەندىرىپ، ساۋدا جاعىندا قۇدىرەتتى مەملەكەت قۇرۋدى جەدەلدەتۋ كەرەك.
ماقالادا مىنالار اتاپ كورسەتىلدى: وسىزاماندانعان كاسىپ سالاسى جۇيەسىن جەدەل قۇرۋ كەرەك. ىشكى قۋاتىمىزدى جاقسى دايىنداپ، بىلق ەتپەي مىقتى تۇرۋىمىز كەرەك. ەلىمىزدە دۇنيە ءجۇزى بويىنشا ەڭ كەمەلدى كاسىپ سالاسى جۇيەسى جانە كومەسكى قۋاتى ەڭ ۇلكەن ىشكى سۇرانىس بازارى بار، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپىسىزدىك ورەسىن شىن مانىندە جوعارىلاتىپ، ولقىلىقتاردى تولىقتاپ، ارتىقشىلىقتاردى ساۋلەلەندىرۋدى مىقتى يگەرۋ كەرەك. بىرىنشىدەن، حالىق شارۋاشىلىعى اينالىمىنىڭ ىركىلىسسىزدىگىنە شىنايى كەپىلدىك ەتۋ كەرەك. ەلىمىزدىڭ ەكونوميكاسى، ءسوز جوق، مەملەكەتتىڭ حاۋىپسىزدىگىنە شىنايى كەپىلدىك ەتۋى، نەگىزگى حالىق تۇرمىسىنا شىنايى كەپىلدىك ەتۋى، نەگىزدىك قۇرىلعىلاردىڭ، نەگىزدىك كاسىپ سالاسىنىڭ جالپى تۇلعالىق قالىپتى اينالىمىنا شىنايى كەپىلدىك ەتۋى كەرەك. ەكىنشىدەن، كاسىپ سالاسى جۇيەسىنىڭ دارەجەسىن ءوسىرىپ، دامىتۋدى جەدەل جۇزەگە اسىرۋ كەرەك. ءتۇيىندى سالالاردا الدىن الا ورنالاستىرىپ، كاسىپ سالاسى جۇيەسىنىڭ وسىزاماندانۋ دەڭگەيىن جاپپاي جوعارىلاتىپ، ءداستۇرلى باسىمدىققا يە كاسىپ سالاسىنىڭ الدىڭعى ورىندا تۇرۋىن بەكەمدەۋمەن بىرگە، تىڭ باسەكە باسىمدىعىن دا جاراتۋ كەرەك.
ماقالادا مىنالار اتاپ كورسەتىلدى: ”ەكىدەن تيتتەي دە اۋىتقىماۋدى“ شىن مانىندە تياناقتاندىرۋ كەرەك. ءبىز، ءسوز جوق، ايقىن پوزيتسيا كورسەتىپ، تيتتەي دە كۇمىلجىمەي، سوتسياليستىك بازار شارۋاشىلىعى رەفورماسى بەتالىسىنا باستان - اياق تاباندى بولۋىمىز كەرەك، ”ەكىدەن تيتتەي دە اۋىتقىماۋعا“ تاباندى بولامىز. بىرىنشىدەن، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، مەملەكەت مەنشىگىندەگى كاسىپورىنداردىڭ وزەكتى باسەكەلىك قۋاتىن جوعارىلاتۋ كەرەك. ەكىنشىدەن، حالىقتىق كاسىپورىنداردىڭ دامۋ ورتاسىن ساپالىلاندىرىپ، حالىقتىق شارۋاشىلىقتىڭ دامۋىن، نىعايۋىن جەبەۋ كەرەك.
ماقالادا مىنالار اتاپ كورسەتىلدى: شەتەل كاپيتالىن اناعۇرلىم زور سەرپىنمەن باۋراۋ جانە ودان پايدالانۋ كەرەك. دۇنيە جۇزىنە كوز جىبەرسەك، دامىعان ەلدەر مەن جاڭادان گۇلدەنگەن ەكونوميكالىق تۇلعالاردىڭ بارلىعى شەتەل كاپيتالىن باۋراۋ جانە ودان پايدالانۋدى كەلەلى مەملەكەت ساياساتى ەتىپ وتىر، ساۋداگەر شاقىرىپ، قارجى ەنگىزۋدىڭ حالىقارالىق باسەكەسى بارعان سايىن كۇشەيۋدە. جوعارى دەڭگەيدە سىرتقا ەسىك اشۋدى ىلگەرىلەتۋدە، ەلىمىزدىڭ اسا ءىرى كولەمدەگى بازار باسىمدىعىنا سۇيەنىپ، ەل ءىشى ۇلكەن اينالىمى ارقىلى دۇنيە جۇزىنەن بايلىق فاكتورلارىن باۋراۋ كەرەك، قولدا بار ساپالى شەتەل كاپيتالىن ساقتاپ قالۋمەن بىرگە، اناعۇرلىم كوپ جوعارى ساپالى شەتەل كاپيتالىن باۋراپ، ساۋدا مەن قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتۋ كەرەك. بىرىنشىدەن، بازارعا كىرۋگە رۇقسات ەتۋدى كەڭەيتۋ كەرەك. ەكىنشىدەن، شارۋاشىلىق - ساۋدا ورتاسىن جاپپاي ساپالىلاندىرۋ كەرەك. ۇشىنشىدەن، شەتەل قارجىلاندىرعان كاسىپورىندارعا قىزمەت وتەۋ قىزمەتىن باعىتتامالى تۇردە ويداعىداي ىستەۋ كەرەك.
ماقالادا مىنالار اتاپ كورسەتىلدى: ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانۋ جانە ولاردى جويۋ كەرەك. ءسوز جوق، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، ۇزاق بولاشاق پەن جاقىن بولاشاقتى بىرلەستىرۋگە تاباندى بولىپ، جۇيەلىك حاۋىپ - قاتەر تۋىلماۋ سىندى تومەنگى شەكتى مىقتاپ ساقتاۋىمىز كەرەك. بىرىنشىدەن، قورا - جاي كاسىپورىندارىنىڭ جۇيەلىك حاۋىپ - قاتەر تۋدىرۋىنان ساقتانۋ كەرەك. ەكىنشىدەن، فينانس حاۋىپ - قاتەرىنەن ساقتانۋ جانە ونى جويۋ كەرەك. ۇشىنشىدەن، جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانۋ جانە ونى جويۋ كەرەك.
ماقالادا مىنالار باسا دارىپتەلدى: 2023 - جىلى تاعى دا كوپتەگەن ماڭىزدى قىزمەتتەردى ىستەۋىمىز كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، كولەمدى قايتا كەدەيلەسۋدىڭ تۋىلۋىنان باتىل ساقتانۋ كەرەك. جاڭا كەزەكتى رەفورمانى جاپپاي تەرەڭدەتۋدى جوسپارلاۋ كەرەك. ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن جەبەۋ كەرەك. وڭىرلىك كەلەلى ستراتەگيا مەن وڭىرلىك سايكەستى دامۋ ستراتەگياسىن ىشكەرىلەي اتقارۋ كەرەك. ەكونوميكالىق، قوعامدىق دامۋدىڭ جاسىلعا ويىسۋىن ىلگەرىلەتىپ، كورىكتى جۇڭگو قۇرۋ كەرەك.
