شينحۋا اگەنتتىگىنىڭ 2 - ايدىڭ 15 - كۇنى بەيجيڭنەن بەرگەن حابارى. جۋىقتا ورتالىق كوميتەت كەڭسەسى، مەملەكەتتىك كەڭەس كەڭسەسى «قازىنا - بۇعالتىرلىق باقىلاۋ قىزمەتىن اناعۇرلىم كۇشەيتۋ جونىندەگى پىكىردى» باسىپ تاراتتى ءارى حابارلاندىرۋ تاراتىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ دەن قويا دايەكتىلەندىرۋدى، تياناقتاندىرۋدى تالاپ ەتتى.
«پىكىردە» ايقىندالعان جەتەكشى يدەيا: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى كۇش سالا ىلگەرىلەتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، پارتيا مەن مەملەكەتتىڭ باقىلاۋ جۇيەسىن كەمەلدەندىرۋدى شىعار ءتۇيىن ەتۋگە تاباندى بولىپ، پارتيا ىشىندەگى باقىلاۋدى جەتەكشى ەتىپ، ساياسي سيپاتىن كورنەكتىلەندىرىپ، قازىنا - ەكونوميكا ءتارتىبىن قاتايتىپ، قازىنا - بۇعالتىرلىق باقىلاۋ جۇيەسىن اقاۋسىزداندىرىپ، قىزمەت مەحانيزمىن كەمەلدەندىرىپ، قازىنا - بۇعالتىرلىق باقىلاۋ ونىمدىلىگىن جوعارىلاتىپ، قازىنا - بۇعالتىرلىق باقىلاۋدىڭ باسقا دا ءتۇرلى باقىلاۋمەن ساباقتاسۋىن، سايكەسۋىن جەبەپ، پارتيا ءبىر تۇتاس باسشىلىق ەتەتىن، جاپپاي قامتيتىن، بەدەلدى، جوعارى ءونىمدى باقىلاۋ جۇيەسىن اقاۋسىزداندىرۋدى ىلگەرىلەتۋ.
«پىكىردە» العا قويىلعان باستى نىسانا: 2025 - جىلعا بارعاندا قازىنا تاراۋى نەگىزگى جاۋاپتى بولىپ باقىلايتىن، قاتىستى تاراۋلار جاۋاپكەرشىلىك بويىنشا باقىلايتىن، ورىندار ىشكى جاقتا باقىلايتىن، قاتىستى دەلدال قۇرىلىمدار جۇمىس جۇرگىزۋدى باقىلايتىن، كاسىپتىك قوعامدار ءوزىن تەجەۋ بويىنشا باقىلايتىن قازىنا - بۇعالتىرلىق باقىلاۋ جۇيەسىن ورناتۋ؛ ءتۇرلى باقىلاۋ تۇلعالارى جان - جاقتىلى سايكەسەتىن، ورتالىق پەن جەرگىلىكتى ورىن ىشكەرىلەي بىرگە قيمىلدايتىن، قازىنا - بۇعالتىرلىق باقىلاۋ باسقا دا ءتۇرلى باقىلاۋمەن ساباقتاساتىن، سايكەسەتىن قىزمەت مەحانيزمىن نەگىزىنەن ورناتۋ؛ قازىنا - بۇعالتىرلىق باقىلاۋ زاڭ - ءتۇزىمىن اناعۇرلىم اقاۋسىزداندىرۋ، ينفورماتسيالانۋ دەڭگەيىن كورنەكتى جوعارىلاتۋ، باقىلاۋ قوسىنىنىڭ ساپاسىن ۇزدىكسىز جوعارىلاتۋ، قازىنا، قازىنا ىستەرىن باسقارۋدى ارناعا ءتۇسىرۋ، بۇعالتىرلىق ينفورماتسيا ساپاسىن جوعارىلاتۋ، قازىنا - ەكونوميكا ءتارتىبى مەن بازار ەكونوميكاسى ءتارتىبىن قورعاۋ سياقتى جاقتاردا ماڭىزدى قامتاماسىزدىق رول ساۋلەلەندىرۋ.
«پىكىردە» قازىنا - بۇعالتىرلىق باقىلاۋ جۇيەسىن اناعۇرلىم اقاۋسىزداندىرۋ، قازىنا - بۇعالتىرلىق باقىلاۋ قىزمەت مەحانيزمىن كەمەلدەندىرۋ، ءتۇيىندى سالالاردا قازىنا - بۇعالتىرلىقتى باقىلاۋ سەرپىنىن ارتتىرۋ جانە قامتاماسىز ەتۋ شارالارى جونىندە ايقىن تالاپتار قويىلدى.
