مايتاۋ — كۇشار تاس جولى، ياعني 217 - مەملەكەت تاس جولىنىڭ مايتاۋدان كۇشارعا دەيىنگى بولىگىن مەڭزەيدى، ول شينجياڭنىڭ وڭتۇستىگى مەن سولتۇستىگىن تۇتاستىراتىن مەملەكەت تاس جولى 217 جەلىسىنىڭ وڭتۇستىك بولىگى، تيانشان تاۋىن ەندەي ءوتىپ جاتقان سوڭ تيانشان تاس جولى دەپ تە اتالادى، سولتۇستىكتە مۇناي قالاسى مايتاۋدان باستالىپ، تيانشاننىڭ وڭتۇستىك بوكتەرى، تارىم ويپاتىنىڭ سولتۇستىك جيەگىندەگى كۇشار قالاسىنا دەيىن سوزىلىپ جاتىر، جاعراپيالىق كورديناتاسى شىعىس بويلىق '55°82 ~ '58°84 ، سولتۇستىك ەندىك '42°41 ~ '19°44، جالپى ۇزىندىعى 561 كيلومەتر.
مايتاۋ — كۇشار تاس جولى اتى زاتىنا ساي كورىنىس تاماشالاۋ داڭعىلى، باستالۋ ءتۇيىنى مايتاۋ ۇلكەن اڭعارىنان باستاپ جول بويىنداعى نارات، بايىنبۇلاق ساحاراسى، ودان ارى قارايعى اياقتالۋ تۇيىنىندەگى كۇشار تيانشان ءتىلسىم ۇلكەن اڭعارىنا دەيىن اتاۋعا بولادى. مايتاۋ — كۇشار تاس جولى ارقىلى ەرەنقابىرعا، بولەكنۇر تاۋى، ابىرالى تاۋى،نارات تاۋى، ەربەڭ تاۋى، حالىق تاۋى، قۇلجا جانە كۇشار ويپاتتارىنان كەسىپ وتۋگە بولادى.
