جاڭ چۇنلين حوتان قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
وقۋ - اعارتۋدىڭ جوعارى ساپالى دامۋىن كۇش سالا ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 2 - ايدىڭ 16 - كۇنى حوتاننان حابارلايدى. 2 - ايدىڭ 14 - كۇنى اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين حوتان قالاسىندا وقۋ - اعارتۋ قىزمەتى جونىندە تەكسەرۋ - زەرتتەۋ ورىستەتتى. جاڭ چۇنلين ىلگەرىندى - كەيىندى حوتان قالاسى چاۋياڭ وقۋ - اعارتۋ باقشا رايونىنداعى 3 - ورتا مەكتەپ، حوتان قالالىق ورتا دارەجەلى كاسىپتىك تەحنيكا مەكتەبى، حوتان قالاسى بەيجيڭ حايديان باستاۋىش مەكتەبى، حوتان ايماقتىق وقۋ - اعارتۋ مەكەمەسى سياقتى ورىندارعا بارىپ، ءار ۇلت وقىتۋشى - وقۋشىلارىمەن ىقىلاستى تۇردە اڭگىمەلەسىپ، وقۋ - وقىتۋ قىزمەتىنىڭ ورىستەتىلۋ جاعدايى، وقىتۋشىلار قوسىنى قۇرىلىسى سياقتىلاردى ەگجەي - تەگجەيلى ۇعىستى.
جاڭ چۇنلين مىنالاردى باسا دارىپتەدى: وقۋ - اعارتۋ جۇيەسىندەگى قالىڭ كادر، جۇمىسشى - قىزمەتكەر جانە وقۋ - اعارتۋ قىزمەتكەرلەرى ساياسي دەڭگەيدى ونان ارى جوعارىلاتىپ، پارتيا 20 - قۇرىلتايىنىڭ رۋحىن ويداعىداي جاپپاي ۇيرەنىپ، جالپى بەتتىك يگەرىپ، جان - جاقتىلى تياناقتاندىرىپ، تاباندى تۇردە شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتەردى ىلگەرىلەتۋى كەرەك. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، سوتسياليستىك وقۋ جۇرگىزۋ بەتالىسىنا باستان - اياق تاباندى بولىپ، ونەگە كورسەتىپ، ادام تاربيەلەۋ ءتۇبىرلى مىندەتىن جاپپاي تياناقتاندىرىپ، ۇلتتى گۇلدەندىرۋ ماڭىزدى مىندەتىن ارقالاي الاتىن اناعۇرلىم كوپ ءداۋىر جاڭا ادامدارىن باۋلۋ كەرەك. اۋدان وڭىرىندەگى مىندەتتى وقۋ - اعارتۋدىڭ ساپالى، بىركەلكى قالىپتاسۋىن تىڭعىلىقتى ىلگەرىلەتىپ، وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، وقۋ جۇرگىزىپ، ادام تاربيەلەۋ ساپاسى مەن دەڭگەيىن تىنباي جوعارىلاتۋ؛ مەملەكەتتە ءبىر تۇتاس قولدانىلاتىن ءتىل - جازۋ تاربيەسىن جانە ونى جالپىلاستىرىپ قولدانۋدى ۇزدىكسىز كۇشەيتىپ، مۇراجايدىڭ، ەسكەرتكىش سارايىنىڭ تاربيەلىك يقۋاتىن تولىق ساۋلەلەندىرىپ، ءار ۇلت وقىتۋشى - وقۋشىلارىنىڭ ”بەستى شىنايى مويىنداۋىن“ تىنباي كۇشەيتىپ، جۇڭحۋا ۇلتى ورتاق تۇلعا تانىمىن ونان ارى بەرىك ورناتۋ كەرەك. كاسىپتىك مەكتەپتەردىڭ وقىتۋ شارت - جاعدايىن ولشەمگە جەتكىزۋ ينجەنەرياسىن زور كۇشپەن اتقارىپ، كاسىپتىك وقۋ - اعارتۋدىڭ وقىتۋ نەگىزدىك قابىلەتىن كۇشەيتىپ، جۇمىستاندىرۋدى جانە كاسىپ سالاسىن باعدار ەتكەن كاسىپتىك وقۋ - اعارتۋدى زور كۇشپەن دامىتىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتىپ، وقۋشىلاردىڭ امالياتتا ىستەۋ قابىلەتىن جوعارىلاتىپ، ەكونوميكانىڭ، قوعامنىڭ دامۋىنا اناعۇرلىم ويداعىداي قىزمەت ەتۋ كەرەك. ىندەتتەن ساقتانۋ - تىزگىندەۋ مەن وقۋ - وقىتۋدى ءبىر تۇتاس جوسپارلاپ ويداعىداي ىستەپ، مەكتەپتەردىڭ قالىپتى وقىتۋ ءتارتىبىن قورعاپ، وقۋ - اعارتۋدىڭ جوعارى ساپالى دامۋىن جەبەۋ كەرەك.
