شىنايى تۇردە ناقتى ىستەردى ويداعىداي ىستەۋ، يگى ىستەردى ناقتى ىستەۋ كەرەك
− اۆتونوميالى رايوننىڭ 2023 - جىلعى حالىق تۇرمىسىنا قاتىستى 10 ناقتى ءىسى جونىندە تۇسىنىك
□ انار بۇلت \ شينجياڭ گازەتىنىڭ ءتىلشىسى ليۋ شياڭ
جۋىقتا اۆتونوميالى رايون 2023 - جىلعى حالىق تۇرمىسىنا قاتىستى ناقتى ءىس نىساندار ءتىزىمىن جاريالادى، حالىق تۇرمىسىنا قاتىستى وسى 10 ناقتى ءىس جۇرت نازارىن اۋداردى.
حالىق تۇرمىسىنا قاتىستى 10 ناقتى ءىستىڭ شىعارىلۋىنىڭ ارتقى كورىنىسى قالاي؟ قانداي ەرەكشەلىكتەرى بار؟ شينجياڭ شىنايى تۇردە ناقتى ىستەردى ويداعىداي ىستەۋ، يگى ىستەردى ناقتى ىستەۋ ءۇشىن نەندەي شارالار قولدانادى؟ 2 - ايدىڭ 15 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان اۆتونوميالى رايوننىڭ 2023 - جىلعى حالىق تۇرمىسىنا قاتىستى 10 ناقتى ءىسى جونىندەگى اقپار جاريالاۋ ماجىلىسىندە قاتىستى ورىندارداعى جاۋاپتى جولداستار بۇعان جاۋاپ بەردى.
حالىق رايىن، حالىق پاراساتىن تولىق بەينەلەدى
بىلتىر 7 - ايدا باس شۋجي شي جينپيڭ شينجياڭدى كوزدەن كەشىرگەندە بىلاي دەپ اتاپ كورسەتتى: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ تىعىز بايلانىسىن جىعا تانىپ، دامۋ جەتىستىكتەرىمەن حالىق تۇرمىسىنا تيىمدىلىك جاساۋدى، جۇرت تىلەگىن ۇيىستىرۋدى ىلگەرىلەتۋ كەرەك.
پارتيا 20 - قۇرىلتايىنىڭ بايانداماسىندا بىلاي دەپ باسا دارىپتەلدى: دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا، ءسوز جوق، تاباندى بولىپ، تىزە قوسا كۇرەس جۇرگىزىپ، تاماشا تۇرمىس جاراتۋعا دەم بەرىپ، حالىقتىڭ تاماشا تۇرمىسقا تالپىنىسىن ۇزدىكسىز جۇزەگە اسىرۋ كەرەك.
”اۆتونوميالى رايوندىق پارتكوم مەن ۇكىمەت حالىق تۇرمىسى قىزمەتىنە ايرىقشا ءمان بەرىپ، حالىق تۇرمىسى قۇت - ىرىسىن ارتتىرۋدى، حالىقتىڭ تۇرمىس ساپاسىن جوعارىلاتۋدى باستان - اياق ماڭداي الدى ءىرى ءىس رەتىندە يگەرىپ، قازىنالىق كىرىستىڭ ％70ىنەن استامىن حالىق تۇرمىسى سالالارىنا جۇمساۋعا تاباندى بولىپ، حالىق تۇرمىسىنىڭ ۇزدىكسىز جاقسارۋىن ىلگەرىلەتىپ، قالىڭ حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىق، اناعۇرلىم قامتاماسىز، اناعۇرلىم باياندى ەتۋگە قۇلشىندى“، - دەدى اۆتونوميالى رايوندىق حالىق ۇكىمەتىنىڭ ورىنباسار باس حاتشىسى، كەڭسە مەڭگەرۋشىسى جوۋ شۇييۇڭ.
پارتيا 20 - قۇرىلتايىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ ىقىلاستى تاپسىرماسىن امالياتتا ايگىلەپ، حالىقتى وزەك ەتكەن دامۋ يدەياسىن تياناقتاندىرىپ، ءار ۇلت بۇقاراسى ەڭ كوڭىل بولگەن، ەڭ تىكە، ەڭ رەال مۇددە ماسەلەلەرىن شىنداپ ويداعىداي شەشىپ، شينجياڭداعى ءار ۇلت حالقىنىڭ حالىق تۇرمىسى قۇت - ىرىسىن تىنباي جوعارىلاتۋ ءۇشىن، اۆتونوميالى رايوندىق پارتكوم مەن ۇكىمەت وتكەن جىلدىڭ كەيىنگى جارتىسىنان باستاپ، 2023 - جىلعى حالىق تۇرمىسىنا قاتىستى ناقتى ىستەردى جوسپارلاي باستاعان بولاتىن.
اۆتونوميالى رايوندىق پارتكوم مەن ۇكىمەتتىڭ نەگىزگى باسشىلارى وزدەرى جوسپارلاپ، تالاي رەت نۇسقاۋ بەرىپ، ورنالاستىرۋ جاساپ، تالاي رەت نەگىزگى ساتىنى ىشكەرىلەي ارالاپ، بۇقارا اراسىنا ىشكەرىلەي بارىپ تەكسەرۋ - زەرتتەۋ جۇرگىزىپ، كەڭ كولەمدە پىكىر الىپ، حالىقتىڭ قاجەتىن ۇعىستى، حالىقتىڭ قامىن ويلادى، حالىقتان كەڭەس الدى. اۆتونوميالى رايوندىق حالىق ۇكىمەتى حالىق تۇرمىسىنا قاتىستى ناقتى ىستەردى اتقارۋدى 2023 - جىلعى ۇكىمەت قىزمەتىنەن بايانداماعا ەنگىزىپ، اۆتونوميالى رايوندىق ەكى ماجىلىستە بۇكىل رايون حالقىنا ۋادە بەردى ءارى حالىق قۇرىلتايى ۋاكىلدەرىنىڭ، ساياسي كەڭەس مۇشەلەرىنىڭ پىكىر - ۇسىنىستارىن مۇقيات تىڭدادى.
”حالىق تۇرمىسىنداعى ناقتى ىستەردىڭ بۇقارانىڭ تىلەگىن بارىنشا بەينەلەۋى ءۇشىن، ءبىز تاعى تۇڭعىش رەت ينتەرنەتتىك تۇعىر ارقىلى قوعامداعى ءار سالادان حالىق تۇرمىسىنا قاتىستى ناقتى ىستەر جونىندە پىكىر - ۇسىنىستاردى اشىق جينادىق“. اۆتونوميالى رايوندىق حالىق ۇكىمەتى زەرتتەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى ۋاڭ پيڭشىڭ بىلاي دەپ تانىستىردى: 1 - ايدىڭ 14 - كۇنىنەن 30 - كۇنىنە دەيىن، اۆتونوميالى رايوندىق حالىق ۇكىمەتى اۆتونوميالى رايوندىق حالىق ۇكىمەتىنىڭ پورتالى، حالىق سايتى، انار بۇلت سياقتى ينتەرنەتتىك تۇعىرلار ارقىلى قوعامداعى ءار سالادان قالىڭ حالىق بۇقاراسىنىڭ 2023 - جىلعى حالىق تۇرمىسىنا قاتىستى ناقتى ىستەر جونىندەگى پىكىر - ۇسىنىستارىن اشىق جينادى، جيىنى 907 ۇسىنىس جينالدى، مۇنىڭ ىشىندە تۇرعىن ۇيمەن قامتاماسىزداندىرۋ تۇرىندەگى ۇسىنىستار ％34.18ىن، قاتىناس، ءجۇرىس - تۇرىس تۇرىندەگىلەر ％16.87ىن، وقۋ - اعارتۋ، ەمدەۋ تۇرىندەگىلەر ％12.57ىن، جۇمىستاندىرۋ، شارۋاشىلىق قۇرۋ جاعىندا قىزمەت كورسەتۋ تۇرىندەگىلەر مەن قالا - اۋىل قۇرىلىسى تۇرىندەگىلەردىڭ ءارقايسىسى جەكە - جەكە ％10كە تاياۋىن يەلەدى. سونىمەن بىرگە 2022 - جىلعى 12345 ىستىق لەنياسى تۇعىرىنداعى تالاپ - تىلەكتەر مەن ۇسىنىستاردى دا سالالادى جانە ولارعا تالداۋ جاسادى.
اۆتونوميالى رايوندىق حالىق ۇكىمەتى ءار جاقتاعى پىكىر - ۇسىنىستاردى كەڭ كولەمدە جيناۋ نەگىزىندە، تالاي رەت ارناۋلى تاقىرىپتا ءماجىلىس اشىپ، عىلمي دالەلدەۋ، مۇقيات زەرتتەۋ ارقىلى قىزمەت جوباسىن العا قويدى. اۆتونوميالى رايوندىق پارتكوم تۇراقتى كوميتەتىنىڭ ماجىلىسىندە زەرتتەۋ ارقىلى وسىنىڭ ىشىندەگى 10 ءتۇرى اۆتونوميالى رايوننىڭ 2023 - جىلعى حالىق تۇرمىسىنا قاتىستى ناقتى ىستەر ەتىپ تۇراقتاندىرىلدى ءارى 2 - ايدىڭ 9 - كۇنى حابارلاندىرۋ جاريالانىپ، شەشۋ جۇمىسى ءتۇيىندى تۇردە ىلگەرىلەتىلدى.
كوپ ساندى بۇقاراعا تيىمدىلىك جەتكىزۋگە دەن قويدى
ءار ۇلت بۇقاراسىنىڭ قاجەتى الۋان ءتۇرلى، كەيبىرەۋى ناقتى ەرەكشە قيىنشىلىق، كەيبىرەۋى ءار ۇلت بۇقاراسى جاپپاي ءدوپ كەلىپ وتىرعان ماسەلەلەر، كەيبىرەۋى بيىل شەشىلەتىندەر، كەيبىرەۋى ۇزاق ۋاقىتتىق قۇلشىنىستى قاجەت ەتەدى.
2023 - جىلعى حالىق تۇرمىسىنا قاتىستى 10 ءىرى ناقتى ءىستىڭ ءتىزىمىن اقتارعاندا مىنانى بايقاۋ قيىنعا سوقپايدى: وسى ناقتى ىستەردىڭ ءبارى ءار ۇلت بۇقاراسىنىڭ ءتول مۇددەسىنە ساياتىن، كوپ ساندى بۇقاراعا تيىمدىلىك جەتكىزە الاتىن ناقتى ىستەر ەسەپتەلەدى. ايتالىق، قارتتاردى كۇتىمدەۋ، بالا باعۋ قىزمەت وتەۋى، قالالارداعى ۇكىمەت اشقان بالاباقشالارىنىڭ بالا قابىلداۋى جاقتارىندا ساندى ارتتىرۋ؛ اۋىل - قىستاق اۋىز سۋى ينجەنەرياسىن جوندەۋ، قورعاۋ نىسانى ارقىلى اۋىل - قىستاقتاعى 2 ميلليون 30 مىڭ ادامدى يگىلىككە كەنەلدىرۋ؛ جۇمىستانۋعا كومەكتەسىپ مەيىرگە بولەۋ قيمىلى ارقىلى كەدەيلىكتەن ارىلعاندار قاتارىنداعى جۇمىس ىستەۋشىلەر سانى ءبىر ميلليون 87 مىڭ ادامنان تومەن بولماۋىن جۇزەگە اسىرۋ، جۇمىسسىزداردان 160 مىڭ ادامنىڭ جۇمىستانۋىن جەبەۋ؛ ”كومىردى ەلەكترگە وزگەرتۋ“ (2 - كەزەڭدىك) ينجەنەريا قۇرىلىسىندا 279 مىڭ 500 وتباسىنداعى تۇرعىنداردى قامتۋ؛ قامتاماسىزداندىرۋ سيپاتتى تۇرعىن ءۇي قۇرىلىسىندا 219 مىڭ 100 وتباسىنداعى تۇرعىنداردى قامتۋ؛ ”شينجياڭ قۇرىلىس شەبەرلەرىن“ باۋلۋ، جۇمىستاندىرۋ ارەكەتىندە 125 مىڭ ادام - رەت باۋلۋ، 100 مىڭ ادامدى جۇمىستاندىرۋ سياقتىلار.
مەكتەپكە دەيىنگى تاربيەدەن يگىلىكتەنە الۋدان ساپالى تاربيە الۋعا دەيىن بالالاردى ءومىر ساپارىن باقىتتى باستاتۋعا مۇمكىندىك جاساۋ − ءاربىر اتا - انانىڭ تاماشا تىلەگى.
اۆتونوميالى رايوندىق حالىق ۇكىمەتىنىڭ مەكتەپ ينسپەكتورى، اۆتونوميالى رايوندىق وقۋ - اعارتۋ مەڭگەرمەسىنىڭ 1 - دارەجەلى شارلاۋشىسى حان چۇنشي مىنالاردى ءبىلدىردى: بيىل ورتالىقتىڭ مەكتەپكە دەيىنگى تاربيەنىڭ دامۋىن قولداۋ قارجىسىنان ويداعىداي پايدالانىپ، 182 ميلليون يۋان قارجى جۇمساۋ ارقىلى ءۇرىمجى قالاسىنىڭ، قۇمىل قالاسى يجوۋ رايونىنىڭ، سانجى قالاسىنىڭ، كورلا قالاسىنىڭ، قۇلجا قالاسىنىڭ ۇكىمەت باسقارۋىنداعى 11 بالاباقشانى جاڭادان سالۋىنا قولداۋ كورسەتىپ، ۇكىمەت باسقارۋىنداعى بالاباقشالارىنا قابىلداناتىن بالا سانىن كەمىندە 4000 بالا ارتتىرىپ، قالالارداعى ۇكىمەت باسقارۋىنداعى بالاباقشالارىندا ورىن سانى جەتىسپەۋ جانە ساپالى وقۋ - اعارتۋ بايلىعىنىڭ بىركەلكى بولماۋى، جەتكىلىكتى بولماۋى سىندى قيىن ماسەلەنى بىرتىندەپ شەشەمىز.
قوعامنىڭ باقىتتى بولۋ - بولماۋى، ەڭ ماڭىزدىسى، قارتتاردىڭ باقىتتى بولۋ - بولماۋىندا. قارتتاردى كۇتىمگە الۋ، بالا باعۋ قىزمەت وتەۋىنىڭ اقاۋسىز دامۋىن جەبەۋ − حالىق تۇرمىسىن قامتاماسىز ەتۋ مەن جاقسارتۋدىڭ ماڭىزدى مازمۇنى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، جوسپارلى تۋىت قوعامىنىڭ ارناۋلى مىندەتتەگى ورىنباسار باستىعى حۋ جىچۇن بىلاي دەدى: بيىل رايونىمىز 18 ميلليون يۋان نىسان قارجىسىن ىسكە قوسىپ، ءۇرىمجى قالاسىندا، ىلە قازاق اۆتونوميالى وبلىسىندا، قارامايلى قالاسىندا، بۇراتالا موڭعۇل اۆتونوميالى وبلىسىندا، سانجى حۇيزۋ اۆتونوميالى وبلىسىندا، اقسۋ ايماعىندا الەۋمەتتىك اۋماقتاردىڭ ەمدەۋ مەن كۇتىمدەۋدى ۇشتاستىرۋ قابىلەتىن جوعارىلاتۋ ينجەنەرياسى نىسانىن اتقارىپ، 9 ەمدەۋ قۇرىلىمىنىڭ ىشكى جاقتا جاڭالاۋ، كەڭەيتىپ سالۋ، قۇرىلعىلاردى قارتتارعا ۇيلەستىرىپ جاڭالاۋ، ەمدەۋ مەن كۇتىمدەۋدى ۇشتاستىرۋ دارىندىلارىن باۋلۋدى ورىستەتۋ سياقتى تاسىلدەر ارقىلى الەۋمەتتىك اۋماقتىڭ (اۋىل - قالاشىق) ەمدەۋ مەن كۇتىمدەۋ ۇشتاستىرىلعان قىزمەت وتەۋ ورتالىعىن قۇرۋىنا قولداۋ كورسەتەدى.
جۇمىستاندىرۋ − حالىق تۇرمىسىنىڭ نەگىزى، ءاربىر ەڭبەكشىنىڭ ءومىر ءسۇرۋىنىڭ ەكونوميكالىق نەگىزى جانە نەگىزگى كەپىلى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ورىنباسار باستىعى گاۋ فىڭ مىنالاردى ءبىلدىردى: بيىل بۇكىل رايون جۇمىستاندىرۋدى حالىق تۇرمىسىنا قاتىستى ناقتى ىستەردەگى ماڭىزدى ءىس رەتىندە قاراپ، نازاردى كەدەيلىكتەن ارىلعان حالىق، تىزىمگە الىنعان جۇمىسسىزدار، مۇگەدەكتەر، كىرىسى تومەن قاۋىم، مەكتەپتەن قول ۇزگەننەن كەيىن جۇمىستانباعان جوعارى مەكتەپ تۇلەكتەرى، بىردە - ءبىر ادامى جۇمىستانباعان وتباسىلار سياقتى جۇمىستانۋى قيىنعا سوققان قاۋىمعا ۇزدىكسىز شوعىرلاندىرىپ، ”ساياسات جاعىندا مەيىر جەتكىزۋ، باۋلۋ جاعىندا مەيىر جەتكىزۋ، قىزمەت وتەۋ جاعىندا مەيىر جەتكىزۋ“ ارقىلى جۇمىستانۋعا كومەكتەسىپ مەيىرگە بولەۋ قيمىلىن ويداعىداي ورىستەتىپ، جۇمىستانۋى قيىنعا سوققان اناعۇرلىم كوپ قاۋىمنىڭ جۇمىستانىپ كىرىس ارتتىرىپ، ەڭبەكشىل قوس قولدارىمەن تاماشا تۇرمىسقا جەتۋىنە كومەكتەسەدى.
ايتقانىن، ءسوز جوق، ورىنداۋعا، ىستەگەنىنەن، ءسوز جوق، ناتيجە شىعارۋعا تاباندى بولدى
بيىلعى حالىق تۇرمىسىنا قاتىستى 10 ناقتى ءىس نەگىزگى الەۋمەتتىك قىزمەت وتەۋ جۇيەسىن اقاۋسىزداندىرۋدى، الەۋمەتتىك قىزمەت وتەۋ دەڭگەيىن جوعارىلاتۋدى، بىركەلكىلىك پەن قولجەتىمدىلىكتى كۇشەيتۋدى، بىرگە بايۋدى تىڭعىلىقتى ىلگەرىلەتۋدى باعدار ەتىپ، بار كۇشپەن ىستەۋگە، شاماعا قاراي ىستەۋگە تاباندى بولىپ، ايتقانىن، ءسوز جوق، ورىنداۋعا، ىستەگەنىنەن، ءسوز جوق، ناتيجە شىعارۋعا تاباندى بولىپ، جىل باسىندا ورنالاستىرۋ جاساپ، جىل ىشىندە تياناقتاندىرىپ، جىل سوڭىندا جاۋاپناما تاپسىرىپ، تەكسەرىپ وتكىزىپ الادى، بۇقارانىڭ قاجەتى مەن ەكونوميكالىق، قوعامدىق دامۋدىڭ ناقتى جاعدايىن ءبىر تۇتاس ەسكەرىپ، فۋنكتسيالىق تاراۋلار مەن كاسىپتىك قۇرىلىمدار جان - جاقتىلى زەرتتەۋ، دالەلدەۋ ارقىلى ءبىر - بىرلەپ بايلانىس جاساپ، ءتۇيىلىستىرىپ، ءبىر اۋىزدى پىكىرگە كەلىپ، شىن مانىندە اتقارۋعا شىنايى كەپىلدىك ەتەدى.
”اۆتونوميالى رايوندىق پارتكوم مەن ۇكىمەت ءىس ۇقىعى بويىنشا ايىرىپ، قارجى توپتاۋ ارقىلى ’ءىس بىتىرەتىن اقشا بولۋ‘ ماسەلەسىن ويداعىداي شەشتى؛ ۇيىمدىق سايكەستىرۋدى كۇشەيتىپ، ’ءىستى ويداعىداي تىندىرۋ‘ ماسەلەسىن ويداعىداي شەشتى“، - دەدى جوۋ شۇييۇڭ.
ايتالىق، حالىق تۇرمىسىنا قاتىستى 10 ناقتى ءىستىڭ ىشىندە ”قامتاماسىزداندىرۋ سيپاتتى تۇرعىن ءۇي قۇرىلىسىن جۇرگىزۋ“ جوسپارى بويىنشا قامتاماسىزداندىرۋ سيپاتتى جالعا بەرىلەتىن 41 مىڭ تۇرعىن ءۇي سالۋ جوسپارلانعان، وسى شاراعا مەڭزەس، ۇكىمەت بازار تۇلعالارىنا قاراتىلعان قاتىستى ساياساتتاردى شىعاردى.
”ەڭ اۋەلى، جەرمەن قولداۋ ساياساتى، كوللەكتيۆ شارۋاشىلىق جۇرگىزۋ سيپاتتى قۇرىلىسقا پايدالانىلاتىن جەردەن، كاسىپورىندار مەن ءىسورىندارىنىڭ ءوز جەرىنەن، كاسىپ سالاسى باقشالارىنىڭ سايكەستى جەرىنەن پايدالانىپ قامتاماسىزداندىرۋ سيپاتتى جالعا بەرىلەتىن تۇرعىن ءۇي سالۋ، سونداي - اق قونىستاناتىن ۇيلەردەن باسقا ىركىندى ۇيلەردى قامتاماسىزداندىرۋ سيپاتتى جالعا بەرىلەتىن تۇرعىن ۇيگە وزگەرتىپ سالۋ سياقتىلار جونىنەن جەردىڭ سيپاتىن وزگەرتپەۋىنە بولادى، جەردى وتكەرمەلەۋ اقىسىن تاپسىرماۋىنا بولادى. ونان قالسا، تەكسەرىپ بەكىتۋ بارىسى ىقشامدالدى، قامتاماسىزداندىرۋ سيپاتتى جالعا بەرىلەتىن تۇرعىن ءۇي سالۋدا قالالىق، اۋداندىق ۇكىمەتتەر قاتىستى تاراۋلاردى قۇرىلىس جوباسىن بىرلەسىپ تەكسەرۋگە ۇيىمداستىرۋعا بولادى، قامتاماسىزداندىرۋ سيپاتتى جالعا بەرىلەتىن تۇرعىن ءۇي نىسانى ۇيعارىم حاتىن العاننان كەيىن، قاتىستى تاراۋلار نىسان تۇرعىزۋ، جەردەن پايدالانۋ، جوبالاۋ، قۇرىلىس جۇرگىزۋ، ءورت ءوشىرۋ، ورتتەن ساقتانۋ سياقتى راسمياتتاردى ىقشامداپ بىتىرەدى“، - دەدى اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ ورىنباسار باستىعى لي لينيۇي، - بۇدان سىرت، قازىنا، سالىق اقى، فينانس، سۋ، ەلەكتر، تابيعي گاز باعاسى سياقتى جاقتارداعى ساياساتتىق قولداۋ سەرپىنىن ارتتىرىپ، قامتاماسىز ەتۋ سيپاتتى جالعا بەرىلەتىن تۇرعىن ءۇي قۇرىلىسى مەن جۇمىس جۇرگىزۋ وزىندىك قۇنىن تومەندەتتى.
جوۋ شۇييۇڭ بىلاي دەدى: ”اۆتونوميالى رايوننىڭ 2023 - جىلعى حالىق تۇرمىسىنا قاتىستى ناقتى ىستەردىڭ تياناقتانۋىن، ەگجەي - تەگجەيلىلەنۋىن، ناقتىلانۋىن ىلگەرىلەتۋ ءۇشىن، ءبىز قىزمەت جوباسىن زەرتتەپ جاساپ، مىندەتتەردى ەگجەي - تەگجەيلى جىكتەۋ، سوڭىنا ءتۇسىپ ورنالاستىرۋدى قاتايتۋ، قۋزاۋشىلىق ەتۋدى، سايكەستىرۋدى كۇشەيتۋ ارقىلى دەر كەزىندە ورىنداۋعا شىنايى كەپىلدىك ەتىپ، حالىق تۇرمىسىنا قاتىستى 10 ناقتى ءىستى ءاربىر ۋادەدەن، ءاربىر ساندى مالىمەتتەن بۇقارا سەزىنە الاتىن تاماشا تۇرمىسقا اينالدىرامىز“.
