تيانشان تورى
تيانشان تورى   ›   جاڭالىقتار   ›   سۋرەتتى حابار

ولقىلىقتاردى تولىقتاپ، جەدەل قۋىپ جەتىپ، بىرگە قۇرۋ مىندەتىن مىقتى، ناقتى يگەرۋ، جوعارى ساپالى ءبىلىم مەنشىك ۇقىعى قىزمەتى ارقىلى شينجياڭنىڭ جوعارى ساپالى دامۋىنا تىرەك بولۋ كەرەك

  مەملەكەتتىك ءبىلىم مەنشىك ۇقىعى مەكەمەسى، شينجياڭ ۇيعۇر اۆتونوميالى رايونى جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونىن بىرگە قۇرۋدى ىلگەرىلەتۋ جينالىسىن اشتى

  ولقىلىقتاردى تولىقتاپ، جەدەل قۋىپ جەتىپ، بىرگە قۇرۋ مىندەتىن مىقتى، ناقتى يگەرۋ، جوعارى ساپالى ءبىلىم مەنشىك ۇقىعى قىزمەتى ارقىلى شينجياڭنىڭ جوعارى ساپالى دامۋىنا تىرەك بولۋ كەرەك

  ما شيڭرۇي، شىن چاڭيۇي ءسوز سويلەدى، ەركىن تۇنياز باسقاردى، لي يفي قاتىناستى

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 17 - كۇنى ۇرىمجىدەن حابارلايدى. 2 - ايدىڭ 17 - كۇنى تۇستەن بۇرىن مەملەكەتتىك ءبىلىم مەنشىك ۇقىعى مەكەمەسىنىڭ، شينجياڭ ۇيعۇر اۆتونوميالى رايونىنىڭ جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونىن بىرگە قۇرۋدى ىلگەرىلەتۋ جينالىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي، مەملەكەتتىك ءبىلىم مەنشىك ۇقىعى مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى شىن چاڭيۇي جينالىسقا قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جينالىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي جينالىسقا قاتىناستى.

  ما شيڭرۇي بىلاي دەپ اتاپ كورسەتتى: پارتيا 18 - قۇرىلتايىنان بەرى، باس شۋجي شي جينپيڭ ءبىلىم مەنشىك ۇقىعى قىزمەتى جونىندە ءبىر قىدىرۋ ماڭىزدى بايىمداۋ جاسادى، پارتيا 20 - قۇرىلتايى ءبىلىم مەنشىك ۇقىعى قىزمەتى جونىندە ستراتەگيالىق ورنالاستىرۋ جاساپ، جاڭا داۋىردەگى ءبىلىم مەنشىك ۇقىعى ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدى. پارتيا 20 - قۇرىلتايىنىڭ رۋحىن جانە باس شۋجيدىڭ ءبىلىم مەنشىك ۇقىعى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، ساياسي جانە جالپى جاعداي بيىگىنەن ءبىلىم مەنشىك ۇقىعىنىڭ جۇڭگو ۇلگىسىندەگى وسىزامانداندىرۋ قۇرىلىسىنداعى يقۋاتتىق ورنىن دۇرىس يگەرىپ، سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن تياناق ەتىپ، جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونىن قۇرۋ جاۋاپكەرشىلىگى مەن بورىشىن باتىل ارقالاپ، ءبىلىم مەنشىك ۇقىعىن جوعارى ساپامەن جاراتۋ، جوعارى ونىمدىلىكپەن قولدانۋ، جوعارى ولشەممەن قورعاۋ، جوعارى دەڭگەيدە قىزمەت وتەۋ قابىلەتىن جاپپاي جوعارىلاتىپ، جاپپاي ءبىلىم مەنشىك ۇقىعىندا قۋاتتى ەل قۇرۋعا شينجياڭنىڭ كۇش - قۋاتىن ارناۋىمىز كەرەك. شينجياڭدى زاڭمەن باسقارۋ تالابىن جاپپاي دايەكتىلەندىرىپ، جاسامپازدىقتى قورعايتىن جانە جاڭالىق اشۋعا ىنتالاندىراتىن ءبىلىم مەنشىك ۇقىعى زاڭ - ءتۇزىمىن اقاۋسىزداندىرىپ، ءبىلىم مەنشىك ۇقىعىنىڭ ساياسات، قىزمەت وتەۋ، تىرەك جۇيەسىن كەمەلدەندىرىپ، ءبىلىم مەنشىك ۇقىعى قىزمەتىنىڭ زاڭمەن باسقارىلۋ دەڭگەيىن جالپى بارىس بويىنشا جوعارىلاتۋ كەرەك. شينجياڭعا كومەكتەسۋ تۇعىرى ساياساتىنان ويداعىداي پايدالانىپ، ءبىلىم مەنشىك ۇقىعى ابزال بايلىعىنىڭ شوعىرلانۋىن ىلگەرىلەتىپ، ”سەگىز ءىرى كاسىپ سالاسى شوعىرى“ قۇرىلىسى سياقتى ءتۇيىندى سالالاردى ارقاۋ ەتىپ، ساندى مالىمەت قويماسى، جۇمىس جۇرگىزۋ ورتالىعى سياقتى قۇرىلىستاردىڭ ورنالاسۋىن جەدەلدەتىپ، ءوندىرۋ، وقىتۋ، زەرتتەۋ ىستەرىنىڭ ىشكەرىلەي توعىسۋى مەن كاسىپورىنداردىڭ جاڭالىق اشۋ قاجەتىن تىعىز ۇشتاستىرىپ، ءتۇرلى بازار تۇلعالارىنىڭ جاڭالىق اشا دامۋداعى جالىندى كۇشىن، قوزعاۋشى كۇشىن تاسقىنداتۋ كەرەك. ”ءبىر بەلدەۋ، ءبىر جول“ بويىنداعى ەلدەرمەن ءبىلىم مەنشىك ۇقىعى سەلبەستىگىن، اۋىس - كۇيىسىن تەرەڭدەتىپ، ەل ءىشى - سىرتىنداعى ءتۇرلى بازار تۇلعالارىنىڭ ءبىلىم مەنشىك ۇقىعىن زاڭ بويىنشا تەڭ تۇرعىدا قورعاپ، بىردەي قارايتىن، ءادىل مامىلە جاسايتىن جاڭالىق اشۋ ورتاسىن جانە شارۋاشىلىق - ساۋدا ورتاسىن قالىپتاستىرىپ، جوعارى دەڭگەيدە سىرتقا ەسىك اشۋعا اناعۇرلىم ويداعىداي قىزمەت ەتۋ كەرەك. جەر - جەر، تاراۋلار ءبىلىم مەنشىك ۇقىعى قىزمەتىن كورنەكتى ورىنعا قويىپ، جۇيەلى جوبالاۋدى كۇشەيتىپ، جاۋاپكەرشىلىكتى ساتىلار بويىنشا ناقتىلاندىرىپ، ءبىلىم مەنشىك ۇقىعىندا قۋاتتى رايون قۇرۋداعى ءتۇرلى مىندەتتەردىڭ جوعارى ولشەممەن اتقارىلۋىن، جوعارى ساپالى تياناقتانۋىن ىلگەرىلەتۋى كەرەك. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان، مەملەكەتتىك ءبىلىم مەنشىك ۇقىعى مەكەمەسىنىڭ ۇزاق ۋاقىتتان بەرى شينجياڭ قىزمەتىنە كوڭىل ءبولىپ، قولداۋ كورسەتكەندىگىنە العىس ايتتى، مەملەكەتتىك ءبىلىم مەنشىك ۇقىعى مەكەمەسىنىڭ شينجياڭ قىزمەتىنە بۇرىنعىداي كوڭىل ءبولىپ، نازار اۋدارىپ، جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونىن ويداعىداي قۇرۋدى ىلگەرىلەتۋىن ءۇمىت ەتتى.

  شىن چاڭيۇي بىلاي دەپ اتاپ كورسەتتى: شينجياڭ باس شۋجي شي جينپيڭنىڭ ماڭىزدى نۇسقاۋى مەن پارتيا ورتالىق كوميتەتىنىڭ ءبىلىم مەنشىك ۇقىعى قىزمەتى جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ءتۇرلى قىزمەتتە ارشىندى قاداممەن العا باسىپ، ءبىلىم مەنشىك ۇقىعىندا قۋاتتى رايون قۇرۋعا بەرىك نەگىز قالادى. مەملەكەتتىك ءبىلىم مەنشىك ۇقىعى مەكەمەسى باس شۋجي شي جينپيڭنىڭ ءبىلىم مەنشىك ۇقىعى قىزمەتى جانە شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، ماڭىزدى بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنداعى ستراتەگيالىق ورنالاستىرۋلاردى جاپپاي تياناقتاندىرىپ، ءبىلىم مەنشىك ۇقىعىندا قۋاتتى ەل قۇرۋ باعدارلاماسىن جانە ”14 - بەسجىلدىق“ جوبانىڭ اتقارىلۋىن ىلگەرىلەتۋدى ارقاۋ ەتىپ، جاڭا داۋىردەگى ءبىلىم مەنشىك ۇقىعى قىزمەتى جونىندەگى جاڭا ورنالاستىرۋلاردى، جاڭا تالاپتاردى ءداپ باسىپ يگەرىپ، جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونى قۇرىلىسىن شينجياڭمەن بىرگە ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن جازۋعا ءبىلىم مەنشىك ۇقىعى جاعىندا ەسە قوسادى. مەملەكەتتىڭ كەلەلى جاعدايىنا قىزمەت ەتۋ جاعىندا اناعۇرلىم كوپ ۇلەس قوسىپ، كەلەلى جاعدايمەن ىرىقتىلىقپەن توعىسىپ، شينجياڭنىڭ ءىس جۇزىندىك جاعدايىن تياناق ەتىپ، ەرەكشە، باسىمدىققا يە كاسىپ سالالارىنىڭ تيبىن وزگەرتىپ، دارەجەسىن جوعارىلاتۋعا قىزمەت وتەپ، جۇڭگو − ورتا ازيا ەكونوميكا - ساۋدا جانە عىلىم - تەحنيكا، مادەنيەت اۋىس - كۇيىسىنە تىرەك بولىپ، ”ءبىر بەلدەۋ، ءبىر جولدىڭ“ جوعارى ساپالى دامۋىنا دەم بەرەدى. وڭىرلىك دامۋدى جەبەۋ جاعىندا اناعۇرلىم كوپ ەرەكشەلىك قالىپتاستىرىپ، شينجياڭنىڭ وڭىرلىك ورىن باسىمدىعى مەن بايلىق ارتىقشىلىعىن تياناق ەتىپ، ەرەكشە كاسىپ سالاسىن دامىتۋ، اۋىل - قىستاقتى گۇلدەندىرۋ سياقتى ءتۇيىندى قىزمەتتەردى ارقاۋ ەتىپ، ءوز جاعدايىنا قاراي سەلبەستىك نىساندارىن بەلگىلەپ، بىرگە قۇرۋ مىندەتىن ناقتى، ويداعىداي يگەرىپ، جالپى تۇلعالىق ونىمدىلىككە قول جەتكىزۋگە، شينجياڭ ەرەكشەلىگىن قالىپتاستىرۋعا شىنايى كەپىلدىك ەتەدى. ءبىلىم مەنشىك ۇقىعىندا قۋاتتى رايون قۇرىلىسىن ىلگەرىلەتۋدە اناعۇرلىم كوپ تىرەك ءتۇيىنىن تۇلعالاپ، اناعۇرلىم كوپ بايلىقتىڭ، نىساننىڭ، ساياساتتىڭ شينجياڭعا بەيىمدەلۋىن ىلگەرىلەتىپ، ساياسات پەن سىناق ءتۇيىنى نىساندارىنىڭ تياناقتانۋىن بەلسەنە ىلگەرىلەتىپ، ايماق - وبلىس، قالالار، اۋدان - قالا، رايوندار ءوز ارتىقشىلىقتارىن ايگىلەپ، باسەكەلەسە داميتىن ءبىلىم مەنشىك ۇقىعىندا قۋاتتى رايون قۇرىلىسىنىڭ جاڭا جاعدايىن قۇلشىنا قالىپتاستىرىپ، ءبىلىم مەنشىك ۇقىعىندا قۋاتتى ەل قۇرۋعا بەلسەندى ۇلەس قوسادى.

  جينالىستا جىبەك جولى ەكونوميكالىق بەلدەۋى ءبىلىم مەنشىك ۇقىعىندا قۋاتتى رايونى قۇرىلىسىنا قاتىستى قىزمەت جاعدايى تانىستىرىلدى. اۆتونوميالى رايوندىق بازاردى باقىلاۋ - باسقارۋ مەكەمەسى (ءبىلىم مەنشىك ۇقىعى مەكەمەسى) قارامايلى قالاسىمەن، سانجى حۇيزۋ اۆتونوميالى وبلىسىمەن سەلبەستىك كەلىسىمىنە قول قويىستى. كەلىسىمگە قول قويىسقان جاقتارداعى جانە شينتى ەنەرگياسىنداعى، شينجياڭ تيانيە توبىنداعى قاتىستى جاۋاپتى جولداستار پىكىر اۋىستىرىپ، ءسوز سويلەدى.

     چىن ۋيجۇن، ياڭ فاسىن، يۇسۇپجان مامەت، قادەن كابەن، مۇقيات جارمۇقامەت، شۇي شيان - ي، مەملەكەتتىك ءبىلىم مەنشىك ۇقىعى مەكەمەسىنىڭ ورىنباسار باستىعى لۋ پىڭچي جانە قاتىستى تاراۋلارداعى جاۋاپتى جولداستار، اۆتونوميالى رايوننىڭ قاتىستى تاراۋلارىنداعى، مەكەمە - ورىندارىنداعى نەگىزگى جاۋاپتى جولداستار، مەملەكەتتىك ءبىلىم مەنشىك ۇقىعىندا ۇلگى كورسەتەتىن كاسىپورىنداردىڭ ۋاكىلدەرى قاتارلىلار جينالىسقا قاتىناستى. وسى رەتكى جينالىس تەلەۆيزور - تەلەفون جينالىسى فورماسىندا اشىلدى، ايماق - وبلىس، قالالار مەن بيڭتۋان ورگاندارىندا، شى - قالالاردا بولىمشە جينالىس الاڭدارى ورنالاستىرىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.