شينجياڭ بيىل استىق ەگۋ اۋماعىن 4 ميلليون 800 مىڭ مۋ ارتتىرادى
تۇتاس جىلداعى استىقتىڭ جالپى ءونىم مولشەرىن 20 ميلليون تونناعا جەتكىزۋگە قۇلشىنادى
انار بۇلت \ شينجياڭ گازەتىنىڭ ءتىلشىسى ليۋ ي 2 - ايدىڭ 17 - كۇنى ۇرىمجىدەن حابارلايدى. تۇتاس رايوندىق اۋىل شارۋاشىلىعى، اۋىل - قىستاق مەكەمە باستىقتارى ماجىلىسىنەن ۇعىسۋعا قاراعاندا، بيىل شينجياڭ استىق ەگۋ اۋماعىن 4 ميلليون 800 مىڭ مۋ ارتتىرادى ەكەن. كەزەكتە اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى استىق ەگۋ اۋماعى، ءونىم مولشەرى جونىندەگى كورسەتكىش مىندەتتەرىن جەر - جەرگە ءتۇسىرىپ بەرىپتى. جەر - جەر مىندەتتى جەدەل اشالاپ، جاۋاپكەرشىلىكتى ناقتىلاندىرىپ، تۇتاس جىلداعى استىقتىڭ ءونىم مولشەرىن 20 ميلليون تونناعا جەتكىزۋگە قۇلشىنادى ەكەن.
تانىستىرۋعا قاراعاندا، بيىل تۇتاس رايون ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ ستراتەگياسىن ىشكەرىلەي اتقارىپ، ”رايون ىشىندە ىركىندى قالۋ، مەملەكەتتى قامداۋ“ سىندى استىق قىزمەتىنىڭ جاڭا باعىت تالابى بويىنشا، استىق ءوندىرىسى ورنالاسىمىن جانە ەگىنشىلىك قۇرىلىمىن ونان ارى ساپالىلاندىرىپ، استىق وندىرىسىنە پايدالانىلاتىن سۋدى جەتكىلىكتى قامتاماسىز ەتىپ، استىق ءوندىرۋ قۋاتىن جوعارىلاتۋ ارەكەتىن جانە ءبيدايدى، جۇگەرىنى ءتۇيىن ەتكەن استىقتىڭ بىرلىك ءونىمىن جوعارىلاتۋ ينجەنەرياسىن اتقارىپ، استىق وندىرىسىندە جوعارى ساپالى، جوعارى ءونىمدى ”توننالىق استىق اتىزىن“ قۇرۋدان ۇلگى كورسەتۋ قىزمەتىن بەلسەنە ورىستەتىپ، استىقتان مول ءونىم الۋ نەگىزىن بەكەمدەيدى.
اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ باستىعى قۇربانجان قۇتلۇق بىلاي دەپ تانىستىردى: بيىل رايونىمىز ەگىستىك جەردى قورعاۋ جانە كوركەيتۋ سەرپىنىن ۇزدىكسىز ارتتىرىپ، قۇرىلىس ۇسىنىلىمىن كوپ نەگىزدى مولايتىپ، تىڭنان قوسىلعان قۇرىلىس مىندەتىن سول جىلى نىسانعا ەنگىزىپ، سول جىلى جۇمىس اياقتاتۋعا شىنايى كەپىلدىك ەتەدى. جەر - جەر جوعارى ولشەمدى ەگىنجاي قۇرىلىسىن تۇيىندە سىناق ەتۋ نىسانىن تۇتاس ءوڭىر بويىنشا ىلگەرىلەتۋ تالابى بويىنشا، 1 − 2 وڭىردە كوپ تۇردەگى وزەكتى ۇلگى كورسەتۋ ءوڭىرىن بەلسەنە تۇلعالاپ، ماڭگىلىك نەگىزگى ەگىنجايلاردى تۇگەلدەي جوعارى ولشەمدى ەگىنجايلار ەتىپ بىرتىندەپ قۇرىپ شىعادى، سونداي - اق تەحنيكالىق جابدىقتاردى زەرتتەپ اشۋدى، قولدانۋدى ىلگەرىلەتىپ، تۇقىم شارۋاشىلىعىن گۇلدەندىرۋ ارەكەتىن ىشكەرىلەي اتقارىپ، ساۋدالىق ساپالى تۇقىم جەتىلدىرۋ جۇيەسىن جەدەل ورناتىپ، ءداندى جۇگەرى سياقتى ”قابىلەتتىلەر باستاماشى بولۋ“ بويىنشا 3 تەحنيكالىق قامال الۋ نىسانىن باستاپ اتقارىپ، وزىق اۋىل شارۋاشىلىعى ماشينالارىن زەرتتەپ اشۋدى، جالپىلاستىرۋدى جەدەلدەتىپ، زەردەلى اۋىل شارۋاشىلىعىن زور كۇشپەن دامىتىپ، استىق ءوندىرۋ قۋاتىن جوعارىلاتۋعا عىلىم - تەحنيكالىق تىرەك ازىرلەيدى.
استىق ءوندىرىسىنىڭ نەگىزىن اناعۇرلىم ويداعىداي ورنىقتىرىپ، شارۋالاردىڭ استىق ەگۋ تابىسىن جوعارىلاتۋ ءۇشىن، رايونىمىز تاعى ورتالىق پەن اۆتونوميالى رايوننىڭ استىق ەگەتىن ءىرى اۋدانداردى سيلاۋىنان ويداعىداي پايدالانىپ، وتباسىلىق ەگىس الاڭى سياقتى جاڭاشا شارۋاشىلىق تۇلعالارىن جەتىلدىرىپ، زورايتىپ، الۋان فورمالى استىق ءوندىرىسىنىڭ لايىقتى كولەمدى شارۋاشىلىعىن، جالپى بارىستىق ماشينالانعان جۇمىس ىستەۋدى جانە قوعامدانعان قىزمەت وتەۋدى جەدەل دامىتىپ، ”قۇنارلى ەگىنجايدىڭ، ساپالى تۇقىمنىڭ، ءونىمدى ءتاسىلدىڭ، تاماشا ورايدىڭ“ جاندى توعىسۋىن ىلگەرىلەتىپ، ءبيداي، جۇگەرى سياقتى داقىلداردىڭ ءونىم مولشەرىن جوعارىلاتۋدى، وزىندىك قۇندى ۇنەمدەپ، ونىمدىلىگىن ارتتىرۋدى ىلگەرىلەتىپ، شارۋالاردىڭ پايدا تابۋ قابىلەتىن كۇشەيتەدى.
