ما شيڭرۇي، ەركىن تۇنياز ءىشىنارا ورتالىق كاسىپورىندارىنىڭ جاۋاپتىلارىمەن كەزدەسىپ، سەلبەستىكتى ءتۇيىلىستىردى
دامۋ ورايىنان بىرگە يگىلىكتەنىپ، سەلبەستىكتىڭ ساپاسىن، ونىمدىلىگىن جوعارىلاتىپ، ورتالىق كاسىپورىندارى مەن جەرگىلىكتى ورىندار قول ۇستاسا ءوزارا تيىمدىلىك جەتكىزىپ، تەڭ يگىلىككە كەنەلەتىن تاماشا جاعداي قالىپتاستىرۋ كەرەك
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 17 - كۇنى ۇرىمجىدەن حابارلايدى. تاياۋدا جۇڭگو يادرو ونەركاسىبى توبى، جۇڭگو عارىش عىلىم - تەحنيكاسى توبى، جۇڭگو حۋاديان توبى، جۇڭگو چاڭجياڭ سانشيا توبى سياقتى ورتالىق كاسىپورىندارىنىڭ جاۋاپتىلارى شينجياڭعا كەلىپ، نىسان سەلبەستىگىن جانە ىرگە تەۋىپ قۇرىلىس جۇرگىزۋ ىستەرىن ءتۇيىلىستىردى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە ولارمەن جەكە - جەكە كەزدەسىپ، ورتالىق كاسىپورىندارى مەن جەرگىلىكتى ورىننىڭ سەلبەستىك سالاسىن ونان ارى كەڭەيتىپ، كەلەلى نىسانداردىڭ تياناقتانىپ اتقارىلۋىن ىلگەرىلەتۋ، ورتالىق كاسىپورىندارى مەن جەرگىلىكتى ورىننىڭ ءوزارا تيىمدىلىك جەتكىزىپ، تەڭ يگىلىككە كەنەلۋىن جۇزەگە اسىرۋ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا دەم بەرۋ توڭىرەگىندە ىشكەرىلەي پىكىرلەستى جانە سەلبەستىكتى ءتۇيىلىستىردى.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان جۇڭگو يادرو ونەركاسىبى توبىنىڭ، جۇڭگو عارىش عىلىم - تەحنيكاسى توبىنىڭ، جۇڭگو حۋاديان توبىنىڭ جانە جۇڭگو چاڭجياڭ سانشيا توبىنىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا زور كۇشپەن قولداۋ كورسەتكەندىگىنە العىس ايتتى. ما شيڭرۇي بىلاي دەدى: كەزەكتە شينجياڭ پارتيانىڭ 20 - قۇرىلتايى ورنالاستىرعان ستراتەگيالىق مىندەتتەر مەن كەلەلى شارالاردى جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىن كوزدەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جەدەل ىلگەرىلەتۋدە. شينجياڭنىڭ جاعراپيالىق ورنى، بايلىق ارتىقشىلىعى، دامۋ ساياساتى سياقتى باسىمدىقتارى كورنەكتى، مەملەكەتتىڭ كەلەلى ستراتەگياسىنا قىزمەت ەتۋ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ، سىرتقا ەسىك اشۋدىڭ ءىرى ارناسىن تۇلعالاۋ سياقتى سالالاردا كومەسكى كۇشى زور، بولاشاعى نۇرلى. اسىرەسە، جاڭا دامۋ ارناسىنا قىزمەت ەتۋ جانە ونىمەن توعىسۋ، جىبەك جولى ەكونوميكالىق بەلدەۋى وزەكتى رايونىنىڭ جوعارى ساپالى دامۋىن ىلگەرىلەتۋ بارىسىندا شينجياڭ عىلىم - تەحنيكادا جاڭالىق اشۋ تىرەگىن كۇشەيتىپ، ”سەگىز ءىرى كاسىپ سالاسى شوعىرىن“ تىرەك ەتكەن وسىزاماندانعان كاسىپ سالاسى جۇيەسىن ورناتۋدى جەدەلدەتتى، ورتالىق كاسىپورىندارىمەن ءوزارا تولىقتاۋ سيپاتى كۇشتى، سەلبەستىك اياسى كەڭ. ورتالىق كاسىپورىندارىنىڭ كاسىپ سالاسى، عىلىم - تەحنيكا، دارىندىلار سياقتى جاقتارداعى ىرىقتى باسىمدىعىن اناعۇرلىم ويداعىداي ساۋلەلەندىرىپ، شينجياڭنىڭ دامۋىنا بۇرىنعىداي قولداۋ كورسەتىپ، شينجياڭدا قارجى قوسۋ سەرپىنىن ارتتىرىپ، نىسانداردىڭ تياناقتانىپ اتقارىلۋىن جەدەلدەتىپ، شينجياڭنىڭ جوعارى ساپالى دامۋىنا اناعۇرلىم پارمەندى تىرەك ازىرلەۋىن ءۇمىت ەتەمىز. شينجياڭ ورتالىق كاسىپورىندارىنىڭ شينجياڭدا دامۋىنا بار كۇشپەن قولداۋ كورسەتىپ، شارۋاشىلىق - ساۋدا ورتاسىن ساپالىلاندىرۋ، قىزمەت وتەۋدى، قامتاماسىز ەتۋدى كۇشەيتۋ، ءىس جۇزىندىك ماسەلەلەردى شەشۋ سياقتى جاقتاردا اناعۇرلىم كوپ شىنايى، ناقتى ءادىس - امالداردى شىعارىپ، كاسىپورىنداردىڭ شينجياڭدا كۇشەيۋىنە، ساپالىلانۋىنا، زورايۋىنا تاماشا شارت - جاعداي ازىرلەۋگە قۇلشىنادى.
كەڭەستە ورتالىق كاسىپورىندارىنىڭ جاۋاپتىلارى جەكە - جەكە ءوز كاسىپورىندارىنىڭ دامۋ ستراتەگياسى، شينجياڭداعى كاسىپ سالاسىنىڭ ورنالاسۋى، ورتالىق كاسىپورىندارى مەن جەرگىلىكتى ورىننىڭ سەلبەستىك جەتىستىكتەرى سياقتىلاردى تانىستىردى، شينجياڭنىڭ جاپپاي سوتسياليستىك وسىزاماندانعان مەملەكەت قۇرۋداعى ستراتەگيالىق ورنىن تياناق ەتىپ، نازاردى شينجياڭنىڭ ”سەگىز ءىرى كاسىپ سالاسى شوعىرى“ قۇرىلىسى، جىبەك جولى ەكونوميكالىق بەلدەۋى وزەكتى رايونى قۇرىلىسى سياقتى ءتۇيىندى سالالارعا شوعىرلاندىرىپ، قارجى قوسۋ سەلبەستىگى سەرپىنىن ارتتىرىپ، ءتۇيىندى نىسانداردىڭ اتقارىلۋىن ىلگەرىلەتىپ، ءوزارا تيىمدىلىك جەتكىزىپ، تەڭ يگىلىككە كەنەلەتىن دامۋدى جۇزەگە اسىراتىندىقتارىن ءبىلدىردى.
جۇڭگو يادرو ونەركاسىبى توبىنىڭ القا باستىعى يۇي جيانفىڭ مىنالاردى ءبىلدىردى: جۇڭگو يادرو ونەركاسىبى توبى شينجياڭمەن سەلبەستىكتى ونان ارى تەرەڭدەتىپ، شينجياڭداعى نىسانداردىڭ جەدەل سالىنۋىن سايكەسە ىلگەرىلەتىپ، ءىرى تازا ەنەرگيا بازاسى قۇرىلىسى جانە يادرو تەحنيكاسىن قولدانۋ، سيفرلى ينفورماتسيا كاسىپ سالاسى سياقتىلاردى ارقاۋ ەتىپ، سەلبەستىك سالاسىن ۇزدىكسىز كەڭەيتىپ، شينجياڭنىڭ ەرەكشە، باسىمدىققا يە كاسىپ سالالارىن زورايتۋىنا دەم بەرىپ، ورتا ازياداعى جانە ”ءبىر بەلدەۋ، ءبىر جولداعى“ ەلدەرمەن سەلبەستىك دەڭگەيىن جوعارىلاتىپ، مەملەكەتتىڭ ەنەرگيا حاۋىپسىزدىگىن قورعاۋعا ۇلەس قوسادى.
جۇڭگو عارىش عىلىم - تەحنيكا توبىنىڭ القا باستىعى ۋ يانشىڭ مىنالاردى ءبىلدىردى: عارىش جوعارى تەحنيكاسى جاعىنداعى باسىمدىقتى تولىق ساۋلەلەندىرىپ، ”شينجياڭدى عىلىم - تەحنيكا ارقىلى گۇلدەندىرۋگە“، ”ساپا جاعىندا قۋاتتى رايون“ بولۋعا بەلسەنە قىزمەت وتەپ، جاساندى سەرىكتەن پايدالانۋ، جوعارى ءونىمدى، تازا ەنەرگيا، وزىق جابدىق، ەنەرگيا ۇنەمدەپ، قورشاعان ورتانى قورعاۋ سياقتى سالالاردا شينجياڭمەن كەڭ كولەمدە سەلبەستىكتى ۇزدىكسىز كەڭەيتىپ، بەلگى سيپاتتى، جەتەكشى سيپاتتى ماڭىزدى جەتىستىكتەر مەن كەلەلى نىسانداردان ءبىر توبىن تۇلعالاۋعا قۇلشىنىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم ويداعىداي قىزمەت ەتەمىز.
جۇڭگو حۋاديان توبىنىڭ القا باستىعى جياڭ ي مىنالاردى ءبىلدىردى: شينجياڭنىڭ جوعارى ساپالى دامۋ ورايىن مىقتاپ يگەرىپ، ەنەرگيا حاۋىپسىزدىگى بويىنشا قامداۋدى قامتاماسىز ەتۋدى بار كۇشپەن ويداعىداي ىستەپ، شينجياڭنىڭ ءىرى تازا ەنەرگيا بازاسى قۇرىلىسىن جانە وڭتۇستىك شينجياڭداعى كاسىپ سالالارىنىڭ دامۋىن ىلگەرىلەتىپ، جاڭادان گۇلدەنگەن كاسىپ سالالارىن اشۋدى بەلسەنە جەبەپ، ورتا ازيامەن ەنەرگيا، ەلەكتر قۋاتى سەلبەستىگىن ورىستەتىپ، شينجياڭنىڭ جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي ىلگەرىلەتۋىنە دەم بەرىپ، بۇكىل ەلدىڭ ەنەرگيا جانە بايلىق ستراتەگيالىق قامتاماسىزدىعى بازاسىن تۇلعالايمىز.
جۇڭگو چاڭجياڭ سانشيا توبىنىڭ القا باستىعى لەي ميڭشان مىنالاردى ءبىلدىردى: چاڭجياڭ سانشيا توبىنىڭ شينجياڭمەن باسىمدىقتار ارقىلى ءبىرىن - ءبىرى تولىقتاۋىن، سەلبەستىكتى كەڭەيتۋىن بەلسەنە ىلگەرىلەتىپ، شينجياڭنىڭ ەنەرگيادان تازا، جوعارى ءونىمدى پايدالانۋىنا ات سالىسىپ، جەل ەنەرگياسىنا، فوتوۆولتقا، وت ەلەكترىنە، ەنەرگيا ساقتاۋعا قاتىستى نىسانداردى جوبالاۋدى، سالۋدى زور كۇشپەن ىلگەرىلەتىپ، ”شينجياڭنىڭ ەلەكترىن سىرتقا جەتكىزۋ“ اياسىن كەڭەيتۋدى، قۋاتىن جوعارىلاتۋدى ۇزدىكسىز جەبەپ، مەملەكەتتىڭ ەنەرگيا حاۋىپسىزدىگىن بار كۇشپەن قامتاماسىز ەتىپ، جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن جەدەل ورناتۋعا بەلسەنە ۇلەس قوسامىز.
چىن ۋيجۇن، ياڭ فاسىن، ءيۇسۇپجان مامەت، قادەن كابەن، ۋاڭ گاڭ، لي يۇڭحۇڭ، جۇڭگو حۋاديان توبىنىڭ باس ديرەكتورى يە شياڭدۇڭ، جۇڭگو چاڭجياڭ سانشيا توبىنىڭ باس ديرەكتورى حان جۇن قاتارلىلار قاتىستى كەزدەسۋگە قاتىناستى.
