تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ بيىلعى تۇڭعىش اسقىن جوعارى كەرنەۋلى ەلەكتر تورى ينجەنەرياسىندا جۇمىس قالپىنا كەلدى

  انار بۇلت \ شينجياڭ گازەتىنىڭ ءتىلشىسى چىن چياڭۋي 2 - ايدىڭ 17 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 2 - ايدىڭ 15 - كۇنى شيحۋ 750 كيلوۆولتتىق كەرنەۋ وزگەرتۋ پۋنكتى 3 - مەرزىمدىك كەڭەيتىپ سالۋ ينجەنەرياسىنىڭ جۇمىسى قالپىنا كەلتىرىلگەن. بۇل − شينجياڭ ەلەكتر تورىنىڭ بيىلعى تۇڭعىش جۇمىسى قالپىنا كەلتىرىلگەن اسقىن جوعارى كەرنەۋلى ەلەكتر تورى قۇرىلىسى ينجەنەرياسى. بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى مەجەمەن 4 ميلليارد 813 ميلليون يۋان قارجى قوسىپ، شينجياڭنىڭ اسقىن جوعارى كەرنەۋلى ەلەكتر تورىن قۇرۋعا جۇمسايدى ەكەن.

  شيحۋ 750 كيلوۆولتتىق كەرنەۋ وزگەرتۋ پۋنكتىنىڭ 3 - مەرزىمدىك كەڭەيتىپ سالۋ ينجەنەرياسى ىلە − بۇراتالا وبلىسى − شيحۋ − فىڭحۋاڭⅡكونتۋر 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ ماڭىزدى قۇرامداس بولىگى. ينجەنەريا سالىنىپ بولعاننان كەيىن ىلە قازاق اۆتونوميالى وبلىسىنان ۇرىمجىگە دەيىنگى ەلەكتر تورىنىڭ، تيانشان باتىس بولىك اينالمالى تورىنىڭ تور جۇلگەسى قۇرىلىمىن ساپالىلاندىرىپ، ىلەدەن ءۇرىمجى − سانجىعا دەيىنگى ەلەكتر قۋاتى كوتەرىمدىلىك ورتالىعىنىڭ ەلەكتر جەتكىزۋ قۋاتى ءونىمدى جوعارىلاتىلادى، اۆتونوميالى رايوننىڭ ەلەكتر تورىنىڭ ەلەكتر قۋاتى كوتەرىمدىلىك قاجەتىن قاناعاتتاندىرىپ، ايماق، وبلىس اتتاعان ەنەرگيا بايلىعىن ساپالى جايعاستىرۋ جۇزەگە اسىرىلىپ، شينجياڭ ەلەكتر تورىنىڭ ورنىقتى اينالىم دەڭگەيى جوعارىلاتىلادى.

  ”قازىر ينجەنەريانىڭ نەگىزگى تۇلعالىق قۇرىلىس مىندەتى ورىندالىپ بولدى، 6 - ايدا ىسكە قوسىلادى. قازىر قۇرىلىستىڭ شەشۋشى كەزەڭىنە وتتىك، وسىدان كەيىن ءبىز ەلەكتر كابەلىن جاتقىزۋ، 2 - رەت سىم جالعاۋ سياقتى قىزمەتتەردى ءتارتىپتى ورىستەتەمىز“، - دەدى شيحۋ 750 كيلوۆولتتىق كەرنەۋ وزگەرتۋ پۋنكتى 3 - مەرزىمدىك كەڭەيتىپ سالۋ ينجەنەرياسى شارۋاشىلىق قوجايىنى نىسان ديرەكتورى لي جانچۇن.

  بيىل مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 15 ءتۇرلى ەرەكشە جوعارى كەرنەۋلى ەلەكتر تورى نىسانىن جاڭادان سالۋدى، جالعاستى سالۋدى جوسپارلادى، جاڭادان سالىنعان ەلەكتر جەلىسىنىڭ ۇزىندىعى 4. 3158 كيلومەتر، كەرنەۋ وزگەرتۋ سيىمدىلىعى 21 ميلليون كيلوۆولت - امپەر بولىپ، قۇرىلىس مىندەتىنىڭ مولشەرى تاريحتاعى ەڭ جوعارى شەككە جەتتى. مۇنىڭ ىشىندە بايىنعولين وبلىسى − تىكەنلىك − چارقىلىق، كۇشار − ارال − مارالباسى سياقتى 4 ءتۇرلى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ جۇمىسىن باستاۋ، گانچۋانباۋ، ىلە − بۇراتالا − شيحۋ − فىڭحۋاڭ Ⅱكونتۋر سياقتى 9 ءتۇرلى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىن ىسكە قوسۋ، شاۋەشەك − شيحۋ سياقتى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىن سالۋدى جالعاستىرۋ جوسپارلانعان.

  مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى قۇرىلىس بولىمشە سەرىكتەستىگى نىسان باسقارۋ 1 - ءبولىمىنىڭ ورىنباسار مەڭگەرۋشىسى لي ياڭ مىنالاردى ءبىلدىردى: شينجياڭ ەرەكشە جوعارى كەرنەۋلى ەلەكتر تورى ينجەنەريا قۇرىلىسى تاياۋدا ىركەس - تىركەس باستالادى، مەجەمەن 2 - ايدىڭ سوڭىنان بۇرىن وڭتۇستىك شينجياڭ اۋماعى ەلەكتر تورى ينجەنەرياسى جۇمىستى تۇگەلدەي قالپىنا كەلتىرەدى، 3 - ايدىڭ 15 - كۇنىنەن بۇرىن سولتۇستىك شينجياڭ اۋماعى ينجەنەرياسىنىڭ جۇمىسى تۇگەلدەي قالپىنا كەلتىرىلەدى.

  قازىر شينجياڭنىڭ ەلەكتر تورىندا ”ىشكى جاقتى قامدايتىن ءتورت اينالمالى توراپ، سىرتقا جەتكىزەتىن ءتورت ارنا“ سىندى نەگىزگى تور جۇلگەسى جۇيەسى قالىپتاستى. جوبا بويىنشا مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى 750 كيلوۆولتتىق نەگىزگى تور جۇلگەسىن ونان ارى كەمەلدەندىرىپ، ”14 - بەسجىلدىقتىڭ“ سوڭىندا ”ىشكى جاقتى قامدايتىن جەتى اينالمالى توراپ، سىرتقا جەتكىزەتىن التى ارنا“ سىندى نەگىزگى تور جۇلگەسى جۇيەسىن قالىپتاستىرادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.