تيانشان تورى
تيانشان تورى   ›   جاڭالىقتار   ›   سپورت الەمى

اۆتونوميالى رايوندىق قىسقى سپورت جارىسىنىڭ قىسقا ارالىقتا تەز سىرعاناۋ جارىسى باستالدى

  انار بۇلت \ شينجياڭ گازەتىنىڭ ءتىلشىسى دۇڭ لياڭ 2 - ايدىڭ 17 - كۇنى ۇرىمجىدەن حابارلايدى. 2 - ايدىڭ 17 - كۇنى اۆتونوميالى رايوندىق 1 - كەزەكتى قىسقى سپورت جارىسىنىڭ ەڭ سوڭعى ءبىر ءتۇرى − قىسقا ارالىقتا تەز سىرعاناۋ جارىسى اۆتونوميالى رايوندىق دەنە تاربيە مەكەمەسى قىسقى سپورتتى باسقارۋ ورتالىعىنىڭ قىسقا ارالىقتا تەز سىرعاناۋ سارايىندا باستالدى.

  وسى جولعى جارىستا ەرلەر A، B گرۋپپاسىنىڭ 500 مەتر، 1000 مەتر، 1500 مەتر، 5000 مەتر ارالىققا ۇتىلامالى جارىسى، ايەلدەر A، B گرۋپپاسىنىڭ 500 مەتر، 1000 مەتر، 1500 مەتر، 3000 مەتر ارالىققا ۇتىلامالى جارىسى، سونداي - اق A، B گرۋپپا ارالاس ۇتىلامالى جارىسى سىندى جالپى 18 شاعىن ءتۇر ورنالاستىرىلدى، ءۇرىمجى، ىلە، تارباعاتاي، التاي سياقتى 9 ايماق، وبلىس، قالانىڭ ۋاكىلدەر قۇراماسىنداعى 51 سپورتشى جارىسقا قاتىناستى.

  قىسقا ارالىقتا تەز سىرعاناۋ − ەلىمىزدىڭ قىسقى سپورتتاعى باسىمدىققا يە ءتۇرى، سونداي - اق قىسقى وليمپيادا سپورت جارىسىندا ءتۇيىندى تۇردە التىن مەدال الاتىن ءتۇرى. وسى تۇردە ىلگەرىندى - كەيىندى ياڭ ياڭ، ۋاڭ مىڭ، جوۋ ياڭ، ۋ داجيڭ سياقتى ءبىر توپ الەمدىك دەڭگەيدەگى ساڭلاقتار قارا ءۇزىپ شىققان. شينجياڭ قىسقا ارالىقتا تەز سىرعاناۋ قۇراماسى 1991 - جىلى مۇزدا تەز سىرعاناۋ نىسان تۇرىمەن بىرىكتىرىلگەننەن كەيىن، ءبىر مەزەت قاراسى كورىنبەدى، سوڭعى ەكى جىلدان بەرى قايتادان قۇراما بولىپ ۇيىمداستى.

  وسى جولعى قىسقا ارالىقتا تەز سىرعاناۋ جارىسىندا جارىسقا قاتىناسقان سپورتشىلاردىڭ دەنى وسى كەزەكتى قىسقى سپورت جارىسىنان ىلگەرى وتكىزىلگەن مۇزدا تەز سىرعاناۋ، دوڭگەلەكتى كونكيمەن تەز سىرعاناۋ سياقتى تۇرلەردەگى جارىسقا قاتىناسقاندار، سونداي - اق ۇزدىك ناتيجە العاندار. تارباعاتاي ايماعىنان دىڭ تيانشين، ۋاڭ زىبين؛ ءۇرىمجى قالاسىنان ما رۇييىڭ، گۋ حاۋچيان؛ سانجى حۇيزۋ اۆتونوميالى وبلىسىنان ما شياۋچۇن، لۋ جىن - ياڭ، چىن چىن؛ قۇمىل قالاسىنان شۇي دۇڭ، قايرات بولاتبەك؛ التاي ايماعىنان قىران تولەۋ، مارجان باقىت، سونداي - اق قارامايلى قالاسىنان لي موشۋان، تيان چياۋشۋ قاتارلىلار جارىسقا تۇگەل قاتىناستى.

  شينجياڭ قىسقا ارالىقتا تەز سىرعاناۋ قۇراماسىنىڭ جەتەكشىسى ليۋ يانفي تانىستىرىپ بىلاي دەدى: وسى قۇراماداعىلاردىڭ كوبى شينجياڭ قىسقا ارالىقتا تەز سىرعاناۋ قۇراماسىنىڭ مۇشەلەرى وسى جولى وزدەرىن جىبەرگەن ايماق، وبلىس، قالالارىنا ۋاكىل بولىپ، اۆتونوميالى رايوندىق قىسقى سپورت جارىسىنا قاتىناستى، شينجياڭنىڭ وسى قىسقا ارالىقتا تەز سىرعاناۋ قۇراماسى قۇرىلعان ءبىر جىلدان بەرى، مەملەكەتتىك جارىستارعا قاتىناسىپ اۋىس - كۇيىس جاساۋ ورايى وتە از، ۇلكەن جارىستارعا قاتىناسقان تاجىريبەسى كەمشىل بولعاندىقتان، حيلۇڭجياڭ، جيلين سياقتى ءداستۇرلى قار - مۇز سپورتىنداعى قۋاتتى ولكەلەر قۇراماسىمەن سالىستىرعاندا ءالى ءبىرشاما پارىق بار.

  ”وسى كەزەكتى قىسقى سپورت جارىسىنىڭ وتكىزىلۋى ارقىلى جەر - جەردىڭ قىسقا ارالىقتا تەز سىرعاناۋدى قامتىعان ءتۇرلى قار - مۇز سپورتىنا اناعۇرلىم ءمان بەرىپ، رايونىمىزدىڭ قار - مۇز سپورتىنىڭ ۇزدىكسىز جاڭالىق اشا دامۋىن جەبەۋىن ءۇمىت ەتەمىن“، - دەدى ليۋ يانفي.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.