وسى رەتكى جارىستا كوپتەگەن جاس تالاپكەرلەر كوزگە ءتۇستى. سۋرەتتى شينجياڭ جەڭىل اتلەتيكا كومانداسى قامداعان
انار بۇلت \ شينجياڭ گازەتىنىڭ حابارى (ءتىلشى حۋاڭ شيڭ حابارلايدى). 2023 – جىلعى بولمە ءىشى جەڭىل اتلەتيكا ۇسىنىس جارىسى 2 - ايدىڭ 16 - كۇنى شاندۇڭنىڭ جينانىندا اياقتادى، شينجياڭ كومانداسى 31 سپورتشىنى 12 شاعىن ٴتۇر بويىنشا جارىسقا قاتىناستىردى، سوڭىندا ءۇش ٴۇشىنشى، ٴبىر ٴتورتىنشى، ەكى بەسىنشى ورىنعا يە بولدى. مۇنىڭ ىشىندە ٴدىلحۇمار شينجياڭ ايەلدەرىنىڭ 400 مەترلىك بولمە ىشىندەگى جارىس رەكوردىن، قادىلەت اكىمبەك پەن ەركەبۇلان تىنسبەك ۇلى ەرلەردىڭ اۆتونوميالى رايوندىق جاس وسپىرىمدەر بولمە ءىشى 1500 مەترلىك جارىسىنىڭ رەكوردىن جاڭالادى.
وسى رەتكى جارىستا شينجياڭ ايەلدەر بيىككە سەكىرۋ شەبەرى دينا نۇرلان 1.75 مەترلىك ناتيجەمەن ٴۇشىنشى بولدى. ايەلدەردىڭ 400 مەترگە جۇگىرۋ جارىسىندا ٴدىلحۇمار يمام 56 سەكۋند 29 تاقىلدىق ناتيجەمەن ٴۇشىنشى بولدى. ەرلەردىڭ 1500 مەترلىك جارىسىندا ەدىل نۇربولات 3 مينۋت 55 سەكۋند 94 تاقىلدىق ناتيجەمەن ٴۇشىنشى بولدى ، اكبار اكىرام 3 مينۋت 56 سەكۋند 74 تاقىلدىق ناتيجەمەن بەسىنشى بولدى. ايەلدەردىڭ 3000 مەترگە جۇگىرۋ جارىسىندا، بۇرلەن مۇراتبەك ۇلى 9 مينۋت 51 سەكۋند 50 تاقىلدىق ناتيجەمەن ٴتورتىنشى بولدى. ەرلەردىڭ 3000 مەترلىك جارىسىندا ەدىل 8 مينۋت 24 سەكۋند 18 تاقىلدىق ناتيجەمەن بەسىنشى بولدى. ايەلدەردىڭ 1500 مەترلىك جارىسىندا بۇرلەن مۇراتبەك ۇلى 4 مينۋت 40 سەكۋند 28 تاقىلدىق ناتيجەمەن جەتىنشى بولدى.
شينجياڭ جەڭىل اتلەتيكا كومانداسىنىڭ كومەسكى كۇشى ساقاداي ساي تۇردى. سۋرەتتى شينجياڭ جەڭىل اتلەتيكا كومانداسى قامداعان
ٴدىلحۇمار تۇتاس شينجياڭ داشۋە وقۋشىلارىنىڭ جەڭىل اتلەتيكا جارىسىندا شينجياڭ كومانداسىنىڭ ۇزاققا جۇگىرەتىن جاتتىقتىرۋشىسىنىڭ نازارىنا ٴىلىنىپ، اۆتونوميالى رايوندىق دەنە تاربيە مەكەمەسى دەنە تاربيە جاتتىقتىرۋ 1 - ۇلكەن اترەتىنىڭ جەڭىل اتلەتيكا جۇلدىزىن سارالاۋ جوسپارلى جاتتىعۋ لاگەرىنىڭ شوعىرلى جاتتىعۋىنا قاتىناستى. جاتتىعۋ لاگەرىندەگى بىرنەشە ورتا، ۇزاق ارالىققا جۇگىرۋ جاتتىقتىرۋشىسى مەن قىسقا ارالىققا جۇگىرەتىن جاتتىقتىرۋشىنىڭ سەلبەسىپ جاتتىقتىرۋىندا، ونىڭ ناتيجەسى تەز جوعارىلادى.
نەبارى جارىم جىلدان استام ۋاقىتتا، تۇڭعىش رەت مەملەكەتتىك جارىسقا قاتىناسقان ٴدىلحۇمار وسى رەتكى بولمە ءىشى جارىسى ايەلدەر 400 مەترلىك دايىندىق جارىسىندا 56 سەكۋند 28 تاقىلدىق جەكەلىك ەڭ جاقسى ناتيجەسىن جاراتتى، ٴارى شينجياڭ ايەلدەر 400 مەترلىك بولمە ٴىشى جارىسىنىڭ رەكوردىن ٴساتتى بۇزدى.
”بۇل جولعى جارىستا ەرەكشە كوزگە تۇسەرلىك ناتيجە بولماعانىمەن، شينجياڭ جەڭىل اتلەتيكا كومانداسىنىڭ جالپى تۇلعالىق ورەسى كورنەكتى جوعارىلادى، كوپتەگەن كوماندا مۇشەلەرى جاستار مەن ورەندەر، ولار بىلتىرعى داشينزاڭ دارىندىلاردى سۇرىپتاۋ جوسپارىنان تاڭداپ الىنعان. كوپتەگەن بالالار ەرەسەكتەرمەن جارىسقاندا وزدەرىنىڭ ەڭ تاماشا ناتيجەلەرىن جاراتتى“، - دەدى اۆتونوميالى رايوندىق دەنە تاربيە مەكەمەسى دەنە تاربيە جاتتىعۋ 1 - ۇلكەن اترەتىنىڭ ورىنباسار شۋجيى، ۇلكەن اترەت باستىعى چىن جۇن تىلشىگە.
”انار بۇلتتان“ اۋدارىلدى
