38 تۇردە سپورت جارىسىنىڭ رەكوردى جاراتىلدى
انار بۇلت \ شينجياڭ گازەتىنىڭ ءتىلشىسى دۇڭ لياڭ 2 - ايدىڭ 19 - كۇنى ۇرىمجىدەن حابارلايدى. 2 - ايدىڭ 19 - كۇنى تۇستەن كەيىن اۆتونوميالى رايوننىڭ 1 - كەزەكتى قىسقى سپورت جارىسى ءتۇرلى باسەكەلىك جارىس مىندەتتەرىن تابىسپەن ورىنداپ، ءۇرىمجى اۋدانىنا ورنالاسقان اۆتونوميالى رايوندىق دەنە تاربيە مەكەمەسى قىسقى سپورت جارىسىن باسقارۋ ورتالىعىنىڭ قىسقا ارالىقتا تەز سىرعاناۋ سارايىندا جابىلدى.
وسى كەزەكتى قىسقى سپورت جارىسى باستالعاننان بەرى، 2 كەزەڭدە 15 باسەكەلىك جارىس كۇنىندە، ىلگەرىندى - كەيىندى التاي قالاسى، ءۇرىمجى قالاسى جانە قارامايلى قالاسى سىندى 3 جارىس رايونىندا مۇزدا تەز سىرعاناۋ، تاۋ شاڭعى، دالالىق قار شاڭعى سياقتى 10 باسەكەلىك جارىس ۇلكەن ءتۇرى، 104 شاعىن جارىس ءتۇرى وتكىزىلدى.
تۇتاس شينجياڭنىڭ 14 ايماق، وبلىس، قالاسىنان كەلگەن ۋاكىلدەر ۇيىرمەسىنىڭ 92 تارماق ۋاكىلدەر قۇراماسىنداعى 1029 جاس ءوسپىرىم قار - مۇز ساڭلاعى جارىسقا قاتىناستى، 104 التىن مەدالعا، 103 كۇمىس مەدالعا جانە 98 قولا مەدالعا شەشىم جاسالدى ءارى 38 تۇردە سپورت جارىسىنىڭ رەكوردى جاراتىلدى.
جابىلۋ سالتىندا وسى كەزەكتى قىسقى سپورت جارىسىن ۇيىمداستىرۋ كوميسسياسى مەدال تاقتاسىنىڭ، جالپىلىق قۋات تاقتاسىنىڭ الدىڭعى 8ىنە جانە دەنە تاربيە ءمورالدىق سالت سيلىعىنا يە بولعان ۋاكىلدەر ۇيىرمەسىنە سيلىق تاقتا تاراتتى.
وسى كەزەكتى قىسقى سپورت جارىسىنىڭ نەگىزگى جارىس رايونى داياشىسى رەتىندە التاي ايماعى سپورت جارىسىنىڭ اشىلۋ سالتىن جانە 7 باسەكەلىك جارىس ۇلكەن ءتۇرىن وتكىزۋ مىندەتىن تابىسپەن ورىنداۋ نەگىزىندە، بارلىق قاتىناسقان جارىس تۇرلەرىنەن 44 التىن، 33 كۇمىس، 25 قولا، جيىنى 102 مەدال ەنشىلەپ، جالپىلىق قۋاتى تۇتاس شينجياڭنىڭ ءارقايسى ايماق، وبلىس، قالالارىنىڭ الدىڭعى ورنىندا تۇردى.
وسى كەزەكتى قىسقى سپورت جارىسىندا تاعى حيلۇڭجياڭ، جيلين، لياۋنيڭ، جىجياڭ، شاندۇڭ، گۋاڭدۇڭ سياقتى شينجياڭعا كومەكتەسەتىن 6 ولكەنىڭ 101 قار - مۇز ساڭلاعى جارىسقا ۇسىنىسپەن قاتىناستى، ءارقايسى ولكەنىڭ سپورتشىلارى ءبىر الاڭدا باسەكەگە ءتۇسىپ، ءوزارا اۋىس - كۇيىس جاساپ، ۇيرەنىپ، ونەرلەرىن بىرگە ۇشتادى.
باسەكەلىك جارىسپەن بىرگە، تۇتاس شينجياڭنىڭ جەر - جەرى تاعى باي مازمۇندى بۇقارالىق دەنە تاربيە قيمىلدارىن وتكىزدى، بۇل بۇكىل ەلدىڭ بۇقارالىق قار - مۇز ماۋسىمىنداعى جەلىلەس قيمىلدارى، قىس ماۋسىمىنداعى الەۋمەتتىك اۋماق سپورت جارىسى، جاس وسپىرىمدەر قىسقى لاگەرى سياقتى جيىنى 428 جەلىلەس قيمىل ءتۇرىن قامتيدى، ات سالىسقان ادام 600 مىڭ ادام - رەتتەن استى.
”وسى كەزەكتى قىسقى سپورت جارىسىنىڭ وتكىزىلۋى شينجياڭنىڭ ايرىقشا دارا قار - مۇز سپورت بايلىعىن تولىق ايگىلەدى، 300 ميلليون ادامدى قار - مۇز سپورتىنا ات سالىسۋعا باستاۋدىڭ - تابىستارىن ونان ارى بەكەمدەدى جانە كەڭەيتتى، قار - مۇز تۇرلەرىنىڭ باسەكەلىك دەڭگەيىن ونان ارى جوعارىلاتتى، شينجياڭعا كومەكتەسەتىن ولكە، قالالار اراسىنداعى اۋىس - كۇيىس پەن سەلبەستىكتى ونان ارى كۇشەيتتى، شينجياڭداعى ۇلتتاردىڭ ارالاسۋىن، ىشتەسۋىن، توعىسۋىن جەبەدى“. اۆتونوميالى رايوندىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى ديڭ يوۋميڭ بىلاي دەدى: ”ءبىز قىسقى سپورت جارىسىنىڭ ءساتتى ءوتۋىن وراي ەتىپ، قىسقى سپورت جارىسىنىڭ جالپىلىق ونىمدىلىگىن جانە قۇن فۋنكتسياسىن تولىق ساۋلەلەندىرىپ، شينجياڭنىڭ قار - مۇز كاسىپ سالاسىن، قار - مۇز ساياحاتىن جانە قار - مۇز ەكونوميكاسىن زورايتۋعا، كۇشەيتۋگە باستاماشىلدىق ەتىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە تىڭ دا زور ۇلەس قوسامىز“.
ۇعىسۋعا قاراعاندا اۆتونوميالى رايوننىڭ 2 - كەزەكتى قىسقى سپورت جارىسى ءۇرىمجى قالاسىندا وتكىزىلەدى ەكەن.
