انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 2 - ايدىڭ 19 - كۇنى ۇرىمجىدەن حابارلايدى. اۆتونوميالى رايوننىڭ شەكارا وتكەلى قىزمەتى باسشىلىق گرۋپپاسى كەڭسەسىنەن ۇعىسۋىمىزشا، 2 - ايدىڭ 20 - كۇنىنەن باستاپ شينجياڭ الاتاۋ ساعاسى، باقتى، تورعات سىندى 3 تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋ قالپىنا كەلەدى ەكەن.
بيىل 1 - ايدىڭ 8 - كۇنى شينجياڭ قورعاس، ەركەشتام، قاراسۋ، تايكەشكەن سىندى 4 تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋدى الدىمەن قالپىنا كەلتىردى. شينجياڭنىڭ وڭىرلىك ورىن باسىمدىعى كورنەكتى بولىپ، 8 مەملەكەتپەن شەكارالاسادى، ەلىمىزدىڭ باتىسقا ەسىك اشۋىنىڭ الدىڭعى شەبى. مەملەكەتتىك كەڭەس بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ «جۇڭگولىق - شەتەلدىك ادامداردىڭ بارىس - كەلىسى جونىندەگى ۋاقىتشا اتقارۋ شاراسى تۋرالى حابارلاندىرۋىنىڭ» رۋحىنا نەگىزدەلىپ، العاشقى توپتاعى شەكارادان ءوتۋدى قالپىنا كەلتىرۋدىڭ اتقارىلۋ ناتيجەسىن تولىق باعالاپ، شەكارا وتكەلىنىڭ جالپىلىق قامتاماسىزداندىرۋ قۋاتىن ءبىر تۇتاس ورنالاستىرىپ، شەكارا وتكەلىنىڭ شۇعىل جاعدايعا توتەپ بەرۋ دايىندىق جوباسىن جانە ءبىر جاقتى ەتۋ جوباسىن ونان ارى كەمەلدەندىرۋ نەگىزىندە، شينجياڭنىڭ 2 - توپتاعى تاس جول شەكارا وتكەلىندە جولاۋشى تاسىمالى بويىنشا كەدەننەن ءوتۋ قالپىنا كەلتىرىلدى. كەزەكتە اۆتونوميالى رايوننىڭ ءارقايسى قاتىستى مەكەمە - ورىندارى، شينجياڭدا تۇراتىن تەكسەرۋ مەكەمەلەرى قۇرىلعى جابدىقتاردى جانە مەحانيزم اينالىمى جاقتارىندا كەمەلدەندىرۋ، تولىقتىرۋ جۇرگىزىپ، جولاۋشى تاسىمالى بويىنشا كەدەننەن ءوتۋدىڭ قالپىنا كەلۋىن ويداعىداي قامتاماسىز ەتتى.
اۆتونوميالى رايوندىق شەكارا وتكەلى كەڭسەسىنىڭ ورىنباسار مەڭگەرۋشىسى ۋاڭ شوۋجۇن مىنالاردى ءبىلدىرى: شەكارا وتكەلىندە ادامداردىڭ بارىس - كەلىسىنىڭ قالپىنا كەلۋى شينجياڭداعى شەكارا وتكەلدەرىنىڭ سىرتقا ەسىك اشۋ دەڭگەيىن اناعۇرلىم جوعارىلاتۋعا پايدالى، حالىقارالىق قارىم - قاتىناس سەلبەستىگىن جەدەلدەتۋگە پايدالى، بۇل شينجياڭنىڭ باتىسقا ەسىك اشۋ ۇلكەن ارناسىنىڭ رولىن تولىق ساۋلەلەندىرەدى. بۇدان كەيىن رايونىمىز تاجىريبەلەردى جيناقتاپ جانە جالپىلىق باعالاۋ جاعدايىنا نەگىزدەلىپ باسقا دا شەكارا وتكەلدەرىنىڭ جولاۋشى تاسىمالى بويىنشا كەدەننەن ءوتۋىن تارتىپپەن قالپىنا كەلتىرەدى.
