انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر 2 - ايدىڭ 19 - كۇنى ۇرىمجىدەن حابارلايدى. 2 - ايدىڭ 16 - كۇنى شينجياڭ ءوندىرىس - قۇرىلىس بيڭتۋانىنىڭ 1920 كەلەلى نىسانىندا جۇمىس شوعىرلى باستالدى، قالپىنا كەلتىرىلدى، بۇعان جالپى 644 ميلليارد 500 ميلليون يۋان قارجى قوسىلادى، وسى جىلى 127 ميلليارد يۋان قارجى قوسۋ جوسپارلانعان. مۇنىڭ ىشىندە ءبىر ميلليارد يۋاننان جوعارى قارجى قوسىلعان نىسان 127، بۇعان جالپى قوسىلاتىن قارجى 432 ميلليارد 200 ميلليون يۋان، وسى جىلى 54 ميلليارد 300 ميلليون يۋان قارجى قوسۋ جوسپارلانعان. نىسان قوعامدىق حالىق تۇرمىسى، ەكولوگيالىق ورتانى قورعاۋ، ساۋدا - ساتتىق زات اينالىمى، نەگىزدىك قۇرىلعى، كاسىپ سالالارىنىڭ دامۋى سياقتى ءتۇيىندى سالالاردى قامتيدى.
بيڭتۋان 3 - شى تۇمسىق قالاسى دابانشان ونەركاسىپ كاسىپ باقشاسىنا ورنالاسقان شينجياڭ تاڭفاڭ توقىماشىلىق عىلىم - تەحنيكا شەكتى سەرىكتەستىگىنىڭ 700 مىڭ ۇرشىق، 600 توقۋ ماشيناسى نىسانىنىڭ نەگىزدىك قۇرىلىسى جاپپاي جۇمىس باستادى. ”بۇل نىسانعا جالپى 2 ميلليارد 300 ميلليون يۋان قارجى قوسىلدى، قازىر 1 - مەرزىمدىك قۇرىلىسى جۇرگىزىلۋدە، 300 مىڭ ۇرشىق ساقينا ۇرشىقپەن ءيىرۋ نىسانىنىڭ ءوندىرىس قاجەتىن قاناعاتتاندىرۋدا“. اتالعان سەرىكتەستىكتىڭ القا باستىعى لياۋ شياڭ مىنالاردى ءبىلدىردى: نىساننىڭ قارجى قوسىلىپ، قۇرىلىس باستاعان العاشقى مەرزىمىندە بيڭتۋاننىڭ شى، قالا دارەجەلى ءارقايسى تاراۋلارى زور قولداۋ كورسەتىپ، نىسانعا ارناۋلى قىزمەتكەرلەردى جەتەكشىلىك ەتۋگە ورنالاستىردى ءارى ءتۇرلى راسميات سياقتىلاردى بىتىرۋگە كومەكتەسىپ، كاسىپورىندارعا نىسانداردىڭ تياناقتاندىرۋداعى بوگەت تۇيىندەرىن، قيىن تۇيىندەرىن شەشىپ بەردى، نىسانداردىڭ ەرتە قۇرىلىس جۇرگىزىپ، ەرتە وندىرىسكە قوسىلىپ، ەرتە ونىمدىلىك كورسەتۋىنە تولىق سەنىمدەمىن.
بيىل جىل باسىنان بەرى، بيڭتۋان پارتكومى نىسان قۇرىلىسىن اناعۇرلىم كورنەكتى ورىنعا قويىپ، باسقارۋ مەحانيزمى، شارالار مەن ادىستەر، تەكسەرۋ جۇيەسى سياقتى جاقتاردا قىزمەت سەرپىنىن كۇشەيتىپ، ءارقايسى شىلاردىڭ، قالالاردىڭ اناعۇرلىم زور قاجىر - قايراتىن نىسان قۇرىلىسىنا جۇمساۋدى ىلگەرىلەتۋگە جەتەكشىلىك ەتىپ، ”بارلىعىندا نىساندى قاداعالاۋدىڭ، بارلىعىندا نىساندى ارقاۋ ەتۋدىڭ، بارلىعىندا نىساندى مىقتاپ يگەرۋدىڭ“ قويۋ رايىن قالىپتاستىردى. ءارقايسى شى، قالالار ”14 - بەسجىلدىق“ جوبانى دالمە - ءدال جوسپارلاۋمەن ۇشتاستىرىپ نىسانداردى ىلگەرىلەتىپ، نەگىزدىك قۇرىلعىلاردىڭ ولقىلىقتارىن تولىقتاۋ سياقتى مەملەكەتتىڭ كەلەلى ساياساتتىق بەتالىسىن مىقتاپ يگەرىپ، ءىرى نىسانداردى بەلسەنە تياناقتاندىرىپ، نىسان قۇرىلىستارىن جاقسى جۇرگىزدى.
2 - ايدىڭ 16 - كۇنى بيڭتۋان 12 - شى 1 - مامىر ەگىس الاڭىنىڭ ”جىلىنا 200 مىڭ توننا ءسۇت ونىمدەرىن مانەرلەۋ نىسانى“ قۇرىلىسىنىڭ جۇمىس باسىندا ماشينالار گۇرىلدەپ، اۆتوكولىكتەر قايشالىستى. سول كۇنى بيڭتۋان 12 - شىنىڭ جالپى 62 ميلليارد 858 ميلليون يۋان قارجى قوسىلعان 138 كەلەلى نىسانى جۇمىستارىن جاپپاي قالپىنا كەلتىردى، 2023 - جىلى جىلدىق قوسىلاتىن قارجى 8 ميلليارد 544 ميلليون يۋان بولادى دەپ جوسپارلانعان. ”ءبىز شى باسشىلارىنا ءتۇيىندى نىسانداردى، ءتۇيىندى كاسىپورىنداردى كوتەرمەگە بەرۋ جاۋاپكەرشىلىگىن قاتايتامىز، ناقتىلاندىرامىز، اي سايىن جۇمىس باسىندا باقىلاۋ جۇرگىزىپ، جەتەكشىلىك ەتىپ، شوعىرلى ’بىرىگىپ تەكسەرىپ‘، جوبا بەلگىلەپ، شايقاس جۇرگىزىپ، تۇرگە ءبولىپ ورنالاستىرىپ، تاسقىنداعان رۋحي كۇيمەن نىسان قۇرىلىسىن جاپپاي مىقتى يگەرەمىز“، - دەدى بيڭتۋان 12 - شى پارتكومىنىڭ شۋجيى، جىڭۋيى لي بين.
