− بەيجيڭ قىسقى وليمپيادا سپورت جارىسى اياقتاۋىنىڭ ءبىر جىلدىعى بايلانىسىمەن
شينحۋا اگەنتتىگىنىڭ تىلشىلەرى
مۇزدى القاپ، قارلى دالادا دەنە شىنىقتىرۋ ورلەۋى ءۇرتىس كوتەرىلدى. ادامداردىڭ تاماشا تۇرمىس تالپىنىسىن ارقالاعان قار - مۇز سپورتى حۋاشيانىڭ بايتاق دالاسىندا جاندانا ءتۇستى.
”300 ميلليون ادامدى قار - مۇز سپورتىنا قاتىناسۋعا باستاۋ“ − جۇڭگونىڭ حالىقارالىق قوعام الدىندا ورىنداعان سالتاناتتى ۋادەسى، بەيجيڭ قىسقى وليمپيادا سپورت جارىسى باستالۋدان بۇرىن جۇڭگو مۇنى تابىستى ورىندادى. بەيجيڭ قىسقى وليمپيادا سپورت جارىسى اياقتالعاننان كەيىنگى ءبىر جىل ارالىعىندا قىسقى وليمپيادا الاڭ - سارايلارى بۇقاراعا ىركەس - تىركەس اشىق ۇستالدى، قار - مۇز جارىس ىستەرىنىڭ تارتىمدىلىعى ارت - ارتىنان ايگىلەنىپ، قار - مۇز كاسىپ سالاسى ورنىقتى دامىپ، جالپى حالىقتىڭ قار - مۇز ىنتاسى ءۇرتىس تاسقىندادى.
باس شۋجي شي جينپيڭ بىلاي دەپ اتاپ كورسەتتى: ”300 ميلليون ادامنىڭ قار - مۇز سپورتىنا قاتىناسۋى“ رەالدىققا اينالىپ، حالىق بۇقاراسىنىڭ تابىس سەزىمى كورنەكتى كۇشەيدى. بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن ۇيىمداستىرۋ، وتكىزۋ ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتتى، قار - مۇز سپورتى شانحايگۋاننان ەندەي ءوتىپ، بۇكىل ەلدىڭ جەر - جەرىنە جەتىپ، جۇڭگونىڭ، اۋەلى، بۇكىل الەمنىڭ قار - مۇز سپورتىنىڭ جاڭا ءداۋىرىن اشتى.
جاڭا ءداۋىر، جاڭا جورىق. تالاي - تالاي جارىستار، جايدارى جۇزدەر، وسىناۋ ورلەۋدە قارىشتاعان قار - مۇز سپورتى ادامداردىڭ دەنە ساپاسىن كوتەرىپ، دەنە تاربيەدە قۋاتتى ەل بولۋعا، سالاماتتى جۇڭگو قۇرىلىسىنا كۇش ۇستەدى، وڭىرلەردىڭ سايكەسە دامۋىنا دەم بەردى، ۇلتتىڭ سەنىمى مەن ماقتانىش سەزىمىن سەرپىلتتى، دۇنيە ءجۇزى وليمپيادا سپورتىنىڭ كارتاسىن وزگەرتتى.
قىسقى وليمپيادا مۇراسى سان مىڭداعان وتباسىن يگىلىككە كەنەلتتى
قويان جىلى باستالىسىمەن، 11 جاستاعى جاڭ چيانيۇي ءوزىنىڭ ەسىمىن مەملەكەتتىك تەز سىرعاناۋ سارايىنداعى ”مۇز جىبەك باۋدىڭ“ ەستەلىك قابىرعاسىنا جازدى. ىلگەرى بەيجيڭ قىسقى وليمپيادا سپورت جارىسىنىڭ تەز سىرعاناۋدان رەكورد جاڭالاعان ساڭلاقتارىنا جارىس كەزىندە وسىلاي سي - قۇرمەت كورسەتىلەتىن، ال ءبىر جىلدان كەيىن بۇل داڭق قاراپايىم كونكي اۋەسكەرلەرىنە تاۋەلدى بولدى.
جاڭ چيانيۇي − ”مۇز جىبەك باۋ“ قالا تۇرعىندارىنىڭ تەز سىرعاناۋ جەلىلەس جارىسى جاستار مەن ورەندەر ايەلدەر В گرۋپپاسىنىڭ جەڭىمپازى، ول باسقا دا 9 قالا تۇرعىنىمەن ”قابىرعاعا“ ەستەلىك قالدىرۋ داڭقىنا يە بولدى. ”بۇقارالاردى قىسقى وليمپيادا جارىس الاڭدارىندا ناتيجە سەزىمىنە، تابىس سەزىمىنە بولەندىرۋ، ولاردى جارىس جولىنداعى نەگىزگى كەيىپكەرگە اينالدىرۋ − بەيجيڭ قىسقى وليمپيادا سپورت جارىسىنىڭ قالدىرعان قىمباتتى بايلىعى“، - دەدى بەيجيڭ مەملەكەتتىك تەز سىرعاناۋ سارايىن باسقارۋ شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى چىڭ شۋجيە تەرەڭ تەبىرەنىسپەن.
باس شۋجي شي جينپيڭ بىلاي دەپ اتاپ كورسەتتى: 7 جىلدىق شىڭدالۋ ارقىلى قايراتتانا تاعى اتتاندىق. بەيجيڭ قىسقى وليمپيادا سپورت جارىسى، قىسقى مۇگەدەكتەر وليمپيادا سپورت جارىسى − بۇكىل پارتيا، بۇكىل ەلدەگى ءار ۇلت حالقى ەكىنشى 100 جىلدىق كۇرەس نىساناسىنا قاراي ارشىنداي ىلگەرىلەگەن شەشۋشى مەزگىلدە وتكىزىلگەن كەلەلى بەلگى سيپاتتى قيمىل. ءبىز بەلسەنە جوسپارلاپ، ۇزدىكسىز كۇرەس جاساپ، بەيجيڭ قىسقى وليمپيادا مۇرالارىن ويداعىداي باسقارۋىمىز، ويداعىداي پايدالانۋىمىز كەرەك.
بەيجيڭ قىسقى وليمپيادا سپورت جارىسىنان كەيىن، قىسقى وليمپيادا الاڭ - سارايلارى تۇگەلدەي بۇقاراعا اشىق ۇستالدى، وليمپيادا سپورتىنىڭ كوپتەگەن كەرەمەتى تۋىلعان وسى جەردە قار - مۇز سپورتى اۋەسكەرلەرى ەمىن - ەركىن جۇيتكىپ، وزدەرىنە ءتان حيكايالاردى جازۋدا.
شوۋگاڭ شاڭعىمەن سىرعاناۋ ۇلكەن تۇعىرىندا ساياحاتشىلار قايشالىسادى. ادامدار ”سىرعاناۋ دوڭگەلەگىنە“ وتىرىپ، ۇلكەن سەكىرۋ تۇعىرىنان تومەنگە قاراي قۇلديلاپ، سۋ يميڭنىڭ، گۋ ايليڭنىڭ اعا جۇلدەگەرلىكتى العانداعى كوز اياسىن سەزىندى.
مەملەكەتتىك مالتاۋ ورتالىعى ”سۋ تەكشەدە“ ”مۇز بەن سۋدى بىردەي ىسكە قوسۋ“ رەالدىققا اينالدى، مۇز شاۋگىم الاڭى بيىل 1 - ايدا بۇقاراعا اشىق ۇستالدى، نەگىزگى الاڭ - سارايى مالتاۋ قىزمەت وتەۋىمەن ۇزدىكسىز قامدادى.
مەملەكەتتىك دەنە تاربيە الاڭى قوسىمشا الاڭىنىڭ 34 مىڭ تەكشەمەترلىك قار - مۇز باقشاسىندا تۇعىردان سىرعاناۋ، قار موتوسى، قار ءۇستى ۇشپا تالەڭكەسى سياقتى 20 نەشە ءتۇرلى قيمىل تارتىمدىلىعىن ايگىلەدى.
يانچيڭدە، ”قار ايداعارعا“ بارىپ بولات شانانى سەزىنىپ، ”قار قارلىعاشقا“ بارىپ شياۋحاي توشان تاۋىن تاماشالاپ، قىسقى وليمپيادا قىستاعىنا بارىپ ”اعا جۇلدەگەرلەردىڭ جاتاعىنا“ قونۋ ساياحاتشىلاردىڭ ورتاق تانىمىنا اينالدى.
بيىل كوكتەم مەركەسى دەمالىسىندا، يانچيڭ رايونى جالپى 758 مىڭ ادام - رەت ساياحاتشى قابىلداپ، بەيجيڭ قالاسى اۋىل - قىستاق ساياحاتىنىڭ ساياحاتشىلاردى قابىلداۋ جالپى سانىنىڭ ％57ىن يەلەپ، ”قىسقى وليمپيادا جارىس رايونىنىڭ“ ماركا ىقپالىن كورنەكتىلەندىردى. ”يانچيڭ قار - مۇز سەيىل - سەرۋەن ساياحاتىن، دالالىق سپورت ساياحاتىن، اۋىل - قىستاق دەمالىس ساياحاتىن اناعۇرلىم دامىتىپ، ’ەڭ كورىكتى قىسقى وليمپيادا قالاسىن‘ قۇرادى“، - دەدى يانچيڭ رايونىنىڭ ورىنباسار باستىعى رىن جياڭحاۋ نىق سەنىممەن.
حىبەيدىڭ چۇڭليىندە، بۇلتتىق شاڭعى باقشاسى پارەللەل ۇلكەن بۇرىلۋ، كەدەرگىدەن اتتاپ قۋۋ سياقتى 4 جارىس جولىنىڭ قيىندىق دەڭگەيىن تومەندەتىپ، بۇقارانىڭ ”اعا جۇلدەگەرلەردىڭ جارىس جولىن“ سەزىنۋىنە وراي تۋدىردى؛ مەملەكەتتىك تۇعىردان سەكىرۋ شاڭعى ورتالىعىنىڭ ”قار نىشانى“ كوكتەم مەرەكەسىنىڭ الدىندا اقىسىز ەكسكۋرسيالاۋعا اشىلدى، ءار كۇنگى كەشكى شىراق سالتاناتى، تەمىر بالقىماسىن شاشىراتۋ ويىنى ەرەكشە كوز تارتتى.
جالپى قاۋىمنىڭ دەنە شىنىقتىرۋ قاجەتىن قاناتتاندىرۋمەن بىرگە، ءارقايسى قىسقى وليمپادا الاڭ - سارايلارى تاعى كوپ ءتۇرلى بىرەگەي جارىستاردى ۇستىنە الدى، ”كوتەرىمدىلىك، پايدا تابۋ، باياندىلىق“ سىندى دامۋ ۇلگىسى ايشىقتالدى.
بەيجيڭ قالالىق دەنە تاربيە مەكەمەسىنىڭ باستىعى جاۋ ۋىن بىلاي دەدى: بەيجيڭدە قازىر 80نەن استام مۇز الاڭى، 30 نەشە شاڭعى الاڭى، سونداي - اق مول قىسقى وليمپيادا مۇرالارى بار، بولاشاقتا كاسىپتىك جارىس، بۇقارالىق دەنە تاربيە قيمىلدارى، دەنە تاربيە مەن ساياحاتتىڭ توعىسۋى سياقتى بايلىقتاردى ءبىر تۇتاس جوسپارلاپ، قىسقى وليمپيادا الاڭ - سارايلارىنىڭ ءتورت ماۋسىمدا دا تيجارات جۇرگىزۋىن جانە اقاۋسىز دامۋىن قولداپ، دەنە تاربيە كاسىپ سالاسىنىڭ جاڭا ارتۋ ءتۇيىنىن قالىپتاستىرامىز.
حىبەي ولكەلىك دەنە تاربيە مەكەمەسىنىڭ باستىعى ۋاڭ بياۋ مىنالاردى ءبىلدىردى: حىبەي ءتۇرلى بايلىقتاردى ۇزدىكسىز ىشكەرىلەي اشىپ، باستىسى، جارىس، جاتتىعۋ، باۋلۋ، قيمىل سىندى 4 جاقتان جاڭجياكوۋدىڭ قىسقى وليمپيادا الاڭ - سارايلارىنان ويداعىداي پايدالانۋىن جان - جاقتى قولداپ، جاڭجياكوۋ جارىس رايونىن جوعارى دەڭگەيدەگى جارىس، كاسىپتىك جاتتىعۋ، عىلمي زەرتتەۋ كۋرسى، قاۋىمدىق قيمىل شوعىرلى ءبىر تۇلعالاندىرىلعان دۇنيە جۇزىلىك دەڭگەيدەگى قار شاڭعى مەكەنى ەتىپ تۇلعالاۋعا، قىسقى وليمپيادا الاڭ - سارايلارىن جارىستان كەيىن پايدالانۋدىڭ حالىقارالىق ونەگەسى ەتىپ تۇلعالاۋعا قۇلشىنادى.
بۇقارالىق قار - مۇز ويىنى تەرەڭدەي دامىدى
باس شۋجي شي جينپيڭ بىلاي دەپ اتاپ كورسەتتى: ءبىز قىسقى وليمپيادا سپورت جارىسىنىڭ جەتىستىكتەرىنەن حالىقپەن ورتاق يگىلىكتەنۋگە تاباندى بولىپ، قار - مۇز سپورتىن تانىستىرۋ، جالپىلاستىرۋ ارقىلى جالپى حالىقتىڭ دەنە شىنىقتىرۋىن تەرەڭدەتۋگە جەتەكشىلىك ەتتىك، كاسىپ سالاسىن دامىتۋ ارقىلى كەدەيلىكتەن ارىلتۋدان قامال الۋعا دەم بەردىك، الەۋمەتتىك قىزمەت وتەۋ دەڭگەيىن جوعارىلاتۋ ارقىلى حالىقتىڭ تۇرمىس ساپاسىن جاقسارتىپ، حالىقتىڭ دەنساۋلىعىنىڭ، پسيحيكالىق اقاۋسىزدىعىنىڭ اناعۇرلىم سالاماتتى بولۋىنا، جۇمىستانۋىنىڭ اناعۇرلىم جەتكىلىكتى بولۋىنا، تۇرمىسىنىڭ اناعۇرلىم تاماشا بولۋىنا مۇمكىندىك جاساپ، بىرگە ات سالىسۋدى، بىرگە كۇش سالۋدى، بىرگە يگىلىكتەنۋدى جۇزەگە اسىردىق.
− قىسقى وليمپيادا سپورت جارىسىنان كەيىنگى وسى ءبىر جىلدا، قار - مۇز سپورتى ۇزدىكسىز دابىرالى بولىپ، ءالى دە ادامداردى قىزىقتىرىپ كەلەدى.
مەملەكەت بويىنشا بۇقارالىق قار - مۇز ماۋسىمىنىڭ 9 - كەزەگى دە باستالدى، قيمىل بىلتىر جىل سوڭىنان بيىل 4 - ايعا دەيىن جالعاسادى. وسى بارىستا جەر - جەر تۇرلىشە وڭىرگە، تۇرلىشە ادامدار شوعىرىنا قاراي ءتۇرلى ۇلگىدەگى جارىس قيمىلدارىنان 1499ىن ۇيىمداستىرادى.
حيلۇڭجياڭنىڭ حاربينىندە، سىرتتىڭ تەمپەراتۋراسى نولدەن تومەن 10 نەشە سەلتسي گرادۋس بولسا دا، ادامداردىڭ مۇز قۇرسانعان سۇڭحۋاجياڭ وزەنىندە قار ءۇستى باتبىراۋىعى، مۇز دوپ، قار ۆەلوسيپەدى، قار - مۇز سىرعاناق شاناسى سياقتى تۇرلەردى ويناۋىنا تۇساۋ بولا المادى.
وسى كوكتەمدە جيلين قار - مۇز بازارىنىڭ بەينەسى كوز تارتتى − ۋاندا چاڭبايشان حالىقارالىق دەمالىس اۋماعىنىڭ تيجارات كىرىسى ءۇرتىس 3 كۇن 10 ميلليون يۋاننان استى؛ جيلين قالاسى بەيداحۋ كولىنىڭ توڭىرەگىندەگى حالىقتىق تۇسەلحانالار قابىلداعان تاپسىرىس 2019 - جىلداعىمەن سالىستىرعاندا ارتۋ مولشەرى 16 ەسەگە جەتتى؛ باسقا ولكەلەردەن كەلگەن ％1. 18 ساياحاتشى ％9. 68 ساياحات تۇتىنۋىن جاراتتى.
ىشكى موڭعۇلدىڭ حۇلۇنبەرىندە، وڭتۇستىكتەن كەلگەن كوپتەگەن ساياحاتشى قار - مۇز نادامى جانە حۇلۇنبەر قىسقى باتىرلار جينالىسىن ۇناتىپ قالىپ، ”قار - مۇز + سالت - سانا“ قىزىعىن سەزىندى.
مۇگەدەكتەر شوعىرى دا قار - مۇزدىڭ قىزىعىن، تۇرمىستىڭ ءلاززاتىن سەزىندى. وسى ايدا 7 - كەزەكتى جۇڭگو مۇگەدەكتەر قار - مۇز سپورت ماۋسىمى حاربين، ناننيڭ، جيلين سياقتى جەرلەردە ورىستەتىلدى. ”كوزىم كورمەگەنىمەن، قارلى دالادا كوپشىلىكپەن بىرگە ارقان تارتتىم، وتە كەرەمەت بولدى“، - دەدى كوزىندە اقاۋ بار ءبىر ساڭلاق تەبىرەنە. ”بۇل مەن بۇرىن قاتىناسقان قيمىلدارمەن ۇقسامايدى ەكەن، شاڭعى تەبۋدى سەزىندىم، شىنىمەن، تاماشا ەكەن، - دەدى گۋاڭشيدىڭ مۇگەدەكتەر ۋاكىلى شىن لينلي كۇلىمسىرەي.
− قىسقى وليمپيادا سپورت جارىسىنان كەيىنگى وسى ءبىر جىلدا، قار - مۇز سپورتىنىڭ ”وڭتۇستىككە قانات جايىپ، باتىسقا كەڭەيىپ، شىعىسقا شەرۋ تارتۋى“ ۇزدىكسىز ىلگەرىلەتىلۋدە.
”بۇگىنگى كۇندە كۇنميڭدەگى اتا - انالاردىڭ اراسىندا بالالارىن كونكي تەبۋ ساباعىنا بەرەتىندەردىڭ قاتارى بارعان سايىن كوبەيدى، سەرىك بولىپ كەلەتىن اتا - انالار العاشىندا قاراپ تۇراتىن، كەيىن كەلە جاتتىعاتىن بولدى، وسىلايشا كوكتەم قالاسىندا كونكي تەبەتىندەردىڭ سانى بىردەن 11 مىڭ ادام - رەتتەن 196 مىڭ ادام - رەتكە ارتتى“، - دەدى يۇننان ولكەسى كۇنميڭ قالالىق مۇز ءۇستى سپورتى قوعامىنىڭ باستىعى لياڭ ۋي.
سىچۋان ابا وبلىسى جىگۋ تاۋى جاراتىلىستىق باقشاسى شاڭعى الاڭىندا سىچۋان ولكەلىك 5 - كەزەكتى جالپى حالىقتىق دەنە شىنىقتىرۋ قار - مۇز ماۋسىمى باستالدى. ىلە - شالا، داجوۋ، گۋاڭيۋان، چىڭدۋ جاپا - تارماعاي ءۇن قوسىپ، 3 ايعا سوزىلاتىن قيمىلدىڭ شىمىلدىعىن اشتى، باسەكەلىك جارىس، بالالارىمەن بىرگە سەزىنۋ ايرىقشا قارسى الىندى.
كوكتەم مەرەكەسى دەمالىسىندا، نيڭشيا ينچۋان قالاسى يۋەحاي شاڭعى الاڭىندا ”ورلەۋ“ كوتەرىلدى، ءبىر كۇندەگى ساياحاتشىلاردىڭ مولشەرى، ەڭ جوعارى بولعاندا، 7000 ادامعا تايادى، جاتتىقتىرۋشىلار ”مۇرنىنا سۋ جەتپەگەندەي“ بولدى. قازىرگە دەيىن شاڭعى الاڭى 170 مىڭ ادام - رەت قابىلداپ، تيجارات كىرىسى 9 ميلليون 770 مىڭ يۋانعا جەتىپ، توڭىرەكتەگى 200گە تارتا ادامدى جۇمىستاندىردى.
گۋاڭدۇڭدا، مۇز دوپ، مانەرلى سىرعاناۋ تۇڭعىش رەت ولكەلىك سپورت جارىسىنىڭ رەسمي جارىس تۇرىنە ەنگىزىلىپ، جيىنى 8 قالانىڭ 364 سپورتشىسى جارىسقا قاتىناستى، 7 قالانىڭ سپورتشىسى سيلىق تورىنەن ورىن الدى.
حۋبەيدىڭ يچاڭىندا، جياڭسۋدىڭ چاڭجوۋىندا، چۇڭچيڭنىڭ نانچۋانىندا، گۋاڭشيدىڭ ناننيڭىندە... قار - مۇز سپورتى جەر - جەردىڭ دەنە تاربيە مەن ساياحاتىنىڭ توعىسۋىنىڭ جاڭا تانىسقىسىن جارقىراتىپ، قىسقى ساياحاتتىڭ قايتا جاندانۋىنىڭ دابىلىن قاقتى.
− قىسقى وليمپيادا سپورت جارىسىنان كەيىنگى وسى ءبىر جىلدا، اناعۇرلىم كوپ ءوڭىر قار - مۇز كاسىپ سالاسىنىڭ بال ءدامىن تاتىپ، جاپا - تارماعاي مۇنى دامۋ جوباسىنا ەنگىزىپ، اناعۇرلىم كوپ جاي بۇقارا قار - مۇزدىڭ يگىلىگىن كوردى.
قار - مۇز سپورتىنىڭ جاندانۋىنا ساي، شانشي تايباي - اۋ شان شاڭعى دەمالىس ءوڭىرى كۇننەن - كۇنگە دۋماندى بولا ءتۇستى، شاڭعى الاڭىنان 6 كيلومەتر قاشىقتىقتاعى اۋدان ورتالىعى وسى سەبەپتى پايداعا كەنەلدى. ”توڭىرەگىمىزدە قازىر 400 نەشە اسحانا، 40 نەشە حالىقتىق تۇسەلحانا جانە 20 نەشە قوناق ءۇي بار. شاڭعى الاڭى جەرگىلىكتى ورىندا جۇمىستانۋدى جەبەدى، 500 نەشە قىزمەتكەردىڭ ％80ى جەرگىلىكتى ورىنداعى شارۋالار، كوپتەگەن ادام بۇرىن كەدەي بولاتىن“، - دەدى تايباي - اۋ شان شاڭعى دەمالىس ءوڭىرىنىڭ القا باستىعى جي ليجياڭ.
كوكتەم مەرەكەسى دەمالىسىنان بەرى حۋبەي ىنشى لۇيسۇڭپو شاڭعى الاڭىنىڭ كۇندىك ساياحاتشى مولشەرى 4000 ادامنان اسىپ، وسى قار ماۋسىمىنداعى ساياحاتشىلاردىڭ جالپى سانى 60 مىڭ ادامنان اسىپ، ساياحات جالپىلىق كىرىسىنىڭ 100 ميلليون يۋاننان اسۋىن جۇزەگە اسىردى.
بەيجيڭ قىسقى وليمپيادا سپورت جارىسىنىڭ جەتەكتەۋىندە، اناعۇرلىم كوپ شينيڭدىقتار شاڭعى تەبۋدى ۇناتىپ قالدى، سونىمەن اعاششى باۋ شيپىڭ كاسىبىن وزگەرتىپ شاڭعى رەمونتتاۋشى بولدى. كوكتەم مەرەكەسى وتىسىمەن، باۋ شيپىڭنىڭ تاپسىرىسى قاۋىرت كوبەيدى، ”كلۋب العاش قۇرىلعاندا نەبارى 60 ادام عانا بار بولاتىن، بيىلعى قار ماۋسىمىندا كوبەيىپ 1400 ادامعا جەتتى. شاڭعى تەبۋ اۋقىمى كۇشەيدى، شاڭعىشىلاردىڭ تەحنيكاسى جاقساردى، شاڭعىنى رەمونتتاۋ جۇمىسى دا كوبەيدى“، - دەدى باۋ شيپىڭ.
”300 ميلليون ادامدى قار - مۇز سپورتىنا قاتىناسۋعا باستاۋ“ رەالدىققا اينالىپ، قار - مۇز ەكونوميكاسىن اناعۇرلىم جانداندىردى. ”قارلى القاپ، مۇزدى دالا دا باعالى بايلىق“ ۇستانىمىنىڭ جەتەكشىلىگىندە، قار - مۇز ”سۋىق بايلىعى“ جەر - جەردىڭ دامۋىنداعى ”جىلى ەكونوميكاعا“ اينالدى، كوپتەگەن ولكە، رايون، قالا قار - مۇز سپورتىن جانە قار - مۇز كاسىپ سالاسىن جەبەۋ جاعىنداعى ارناۋلى ساياساتتاردى شىعاردى. 2022 - جىلى 11 - ايدا مەملەكەتتىك دەنە تاربيە باس مەكەمەسى، مەملەكەتتىك دامۋ جانە رەفورما كوميتەتى سياقتى كوپتەگەن تاراۋلار «دالالىق سپورت كاسىپ سالاسىن دامىتۋ جوباسىن (2022 − 2025 - جىلى)» بىرگە باسىپ تاراتىپ، شىعىس، باتىس، وڭتۇستىك، سولتۇستىك ءوزارا سايكەسەتىن، كوكتەمدە، جازدا، كۇزدە، قىستا وزىندىك ەرەكشەلىككە يە، مۇز ۇستىندە، قار ۇستىندە سايكەسە بىرگە ىلگەرىلەيتىن دامۋ ارناسىن قالىپتاستىرۋدى“ العا قويدى. سونىمەن بىرگە قار - مۇز بازارى نەگىزگى تۇلعالارى ۇزدىكسىز كوبەيىپ، قار - مۇز كاسىپ سالاسىنىڭ دامۋىن تىكەلەي ىلگەرىلەتەتىن ماڭىزدى كۇشكە اينالدى.
جۇڭگو ساۋدا - ساتتىقتى جەبەۋ قوعامىنىڭ باستىعى رىن حۇڭبين مىنالاردى ءبىلدىردى: بەيجيڭ قىسقى وليمپيادا سپورت جارىسى اكەلگەن دامۋ ورايىنان پايدالانىپ، جۇڭگونىڭ قار - مۇز كاسىپ سالاسى اۋقىمعا قاراي دامىپ، سيفرلى قابىلەت ۇستەۋدى، عىلىم - تەحنيكالىق قابىلەت ۇستەۋدى، مادەنيەت قابىلەتىن ۇستەۋدى ۇزدىكسىز كۇشەيتىپ، جارمەڭكە، ساياحات، جابدىق، جارىس ىستەرى سياقتى قار - مۇز كاسىپ سالاسىنىڭ تۇتاس كاسىپ كۇيىن جانداندىردى، بولاشاقتا ”قار - مۇز+“ جۇمىستارىن ويداعىداي ىستەۋگە قۇلشىنىپ، وليمپيادا سپورت جارىسى اسەرىن ەكونوميكانىڭ جاڭا ارتۋ ۇيەگىنە اينالدىرامىز.
قىسقى وليمپيادا تابىستارى كەڭ كولەمدە القاۋعا يە بولدى
جۇڭگونىڭ قۇلشىنىسى مەن تابىسى جاپپاي مويىندالدى جانە ماداقتالدى.
2 - ايدىڭ 1 - كۇنى «باياندىلىق · بولاشاققا تالپىنۋ − بەيجيڭ قىسقى وليمپيادا سپورت جارىسىنىڭ باياندى دامۋ بايانداماسى (جارىستان كەيىن)» جانە «بەيجيڭ 2022 - جىلعى قىسقى وليمپيادا سپورت جارىسى مەن قىسقى مۇگەدەكتەر وليمپيادا سپورت جارىسىنىڭ مۇراسى بايانداماسى (جارىستان كەيىن)» جاريالاندى، حالىقارالىق وليمپيادا كوميتەتى جوعارى دەڭگەيدە تۇراقتاندىردى ءارى حالىقارالىق نۇسقاسىن سايكەستى جاريالادى. سول كۇنى حالىقارالىق وليمپيادا كوميتەتى رەسمي سايتىنىڭ باس بەتىندە ماقالا جاريالاپ، بەيجيڭ قىسقى وليمپيادا سپورت جارىسىنىڭ ءبىر جىلدان بەرى قولعا كەلتىرگەن ۇزدىك ناتيجەلەرىن القادى.
بۇل ناتيجە كورسەتكىشى − جۇڭگو قار - مۇز سپورتى دامۋىنىڭ جاندى تۇسىندىرمەسى.
ماقالادا بىلاي دەپ جازىلدى: ”بەيجيڭ تۇڭعىش قوس وليمپيادا سپورت جارىسى قالاسى رەتىندە، دۇنيە جۇزىنە ءبىر كەزەك تارتىمدى قىسقى وليمپيادا سپورت جارىسىن كورسەتتى، سونىمەن بىرگە 350 ميلليونعا جۋىق جۇڭگولىقتى قار - مۇز سپورتىنا قاتىناسۋعا ءساتتى باۋرادى“، ”بەيجيڭ قىسقى وليمپيادا سپورت جارىسىنىڭ مۇرا جەتىستىكتەرى جۇرتشىلىقتى يگىلىككە كەنەلتتى، وليمپيادا سپورت جارىسى الاڭ - سارايلارىنىڭ بارلىعى جۇرتشىلىققا اشىق ۇستالدى“، ”جۇڭگو قوعامىنىڭ، ەكونوميكاسىنىڭ ءار سالاسى وسى سەبەپتى پايداعا كەنەلدى، مىسالى، جارىس رايونىنداعى تۇرعىندار شامامەن 81 مىڭ قىزمەت ورايىنا يە بولدى“، ”بەيجيڭ الاڭ - سارايلاردىڭ پايدالانىلۋ مولشەرىن كۇش سالا جوعارىلاتىپ، سيىمدىلىعىن ارتتىرۋ، ساپاسىن جوعارىلاتۋ نىساناسىنا جەتتى. كەزىندەگى زاۆود ۇيلەرى، قامبالار جانە ساۋدا قۇرىلىستارى قار - مۇز سپورتى الاڭ - سارايلارىنا وزگەرتىلدى“، ت.ب.
ءىرى ەل جاۋاپكەرشىلىك ارقالاپ، ۇزاق بولاشاقتى كوزدەۋگە شەبەر بولدى. حالىقارالىق وليمپيادا كوميتەتى وليمپيادا سپورت جارىسى ءبولىمىنىڭ اتقارۋشى مەڭگەرۋشىسى كريستوف دۋبيدىڭ نازارىندا، بەيجيڭ قىسقى وليمپيادا سپورت جارىسىنىڭ شارپۋ رولى توتەنشە باعالى بولدى.
دۋبي مىنانى ءبىلدىردى: وسى ءبىر جىلدان بەرى بەيجيڭ قىسقى وليمپيادا سپورت جارىسىنىڭ ەڭ زور تابىسى جاي بۇقاراعا قىسقى سپورتتىڭ باۋراعىشتىعىن جانە تۇرمىستاعى وزگەرىستەردى سەزىندىردى.
حالىقارالىق قار - مۇز بىرلەستىگىنىڭ ءتوراعاسى جون يليش مىنالاردى ءبىلدىردى: جۇڭگو قىسقى وليمپيادا سپورت جارىسىنا دايىندالۋ، وتكىزۋ ارقىلى 300 ميلليون ادامدى قار - مۇز سپورتىنا قاتىناسۋعا ءساتتى باستاپ، قار - مۇز كاسىبىنىڭ قارىشتاپ دامۋىن ىلگەرىلەتىپ، قار - مۇز سپورتىنىڭ شاعىن قاۋىمنان قالىڭ قاۋىمعا ويىسۋىن، وڭىردەن بۇكىل مەملەكەتكە جالپىلاسۋىن، قىس ماۋسىمىنان تۇتاس جىلعا كەڭەيۋىن ىلگەرىلەتتى. ”ءبىزدىڭ نىسانامىز شاڭعى تەبۋدى دۇنيە جۇزىندەگى ەڭ باياندى، ەڭ تەبىرەنتەرلىك سپورتقا اينالدىرۋ. ءبىز جۇڭگونىڭ ورايى وراسان زور ەكەنىن بايقادىق“، - دەدى ول.
انگليانىڭ ”جارىس الاڭىنىڭ سىرى“ سايتىندا بىلاي دەلىندى: بەيجيڭ قىسقى وليمپيادا سپورت جارىسىنىڭ جارىستان كەيىنگى مۇراسىنىڭ باياندى دامۋى جۇرتتىڭ القاۋىنا بولەندى. جاپونيا كيودا اگەنتتىگى قىسقى وليمپيادا ەرىكتىلەرىنىڭ ”قۇس ۇياسىنا“ قايتا ورالعاندىعىن، قالا تۇرعىندارىنىڭ بيىك تاۋ شاڭعى تەبۋ جارىس الاڭىنان ءلاززاتتانعاندىعىن جازدى.
حيلۇڭجياڭ قار - مۇز كاسىپ سالاسىن زەرتتەۋ ورنىنىڭ باستىعى جاڭ گۇيحاي بىلاي دەپ قارادى: قىسقى وليمپيادا سپورت جارىسى جۇڭگونىڭ قار - مۇز سپورتى جونىنەن ءبىر رەتكى سەرپىلتۋ جانە دەڭگەيىن جوعارىلاتۋ بولدى، ونىڭ ۇلگى كورسەتۋ اسەرى ادامداردىڭ قار - مۇز سپورتىن اۋەسكە اينالدىرۋمەن بىرگە، ونى كاسىپ رەتىندە قاراۋىنا مۇمكىندىك جاسادى.
”جۇڭگونىڭ وليمپيادا سپورت جارىسىنا جالعاستى جاڭا ۇلەستەردى قوساتىندىعىن كورۋگە بولادى“. يۇننان داشۋەسى دەنە تاربيە شۋەيۋانىنىڭ باستىعى ۋاڭ زۇڭپيڭ بىلاي دەدى: جۇڭگودا ءتىپتى دە كوپتەپ جاستار مەن ورەندەردىڭ قاردا، مۇزدا سىرعاناۋى جۇڭحۋا ۇلتىنىڭ ۇزدىكسىز ەسەيۋىنىڭ قاجەتى عانا ەمەس، ونان دا ماڭىزدىسى، دۇنيە ءجۇزى قار - مۇز سپورتىنا قوسقان وراسان زور ۇلەسى بولماق.
بەيجيڭ قىسقى وليمپيادا سپورت جارىسى كەزىندە، حالىقارالىق وليمپيادا كوميتەتىنىڭ ءتوراعاسى باح تەبىرەنە بىلاي دەگەن بولاتىن: ”بۇگىن ءبىز جۇڭگونى قار - مۇز سپورتى مەملەكەتى دەۋىمىزگە ابدەن بولادى. وسى كەرەمەت تابىس دۇنيە ءجۇزىنىڭ جەر - جەرىندەگى قار - مۇز سپورتىنىڭ جاعدايىن ماڭگى وزگەرتەدى“.
بەيجيڭ قىسقى وليمپيادا سپورت جارىسى وتكىزىلگەندىگىنىڭ ءبىر جىلدىعى قارساڭىندا، باح بەينە ەكران ارقىلى ءسوز سويلەپ، بەيجيڭ قىسقى وليمپيادا سپورت جارىسىنىڭ قىسقى سپورتتىڭ دۇنيە جۇزىلىك كارتاسىن اشقاندىعىنان تاعى دا اسەرلەندى ءارى بەيجيڭ قىسقى وليمپيادا سپورت جارىسىنىڭ ”300 ميلليون ادامدى قار - مۇز سپورتىنا قاتىناسۋعا باستادى“، ”بۇكىل الەمدەگى 2 ميللياردتان استام ادام تاماشالاعان جارىس“، ”الاڭ - سارايلار بۇقاراعا جاپپاي اشىلدى“، ”وليمپيادا تاريحىندا سيفرلى ات سالىسۋ دەڭگەيى ەڭ جوعارى ءبىر كەزەكتى قىسقى وليمپيادا سپورت جارىسى“ سياقتى شۇعىلالى تابىستارعا قول جەتكىزگەندىگىن، قىسقى وليمپيادا سپورت جارىسىنىڭ مول مۇراسىن قالدىرىپ، قالىڭ بۇقارانى يگىلىككە كەنەلتىپ، كوپتەگەن جاقتاردان قىسقى وليمپيادا سپورت جارىسىنىڭ جاڭا ۇلگىسىن جاراتقاندىعىن اتاپ كورسەتتى.
تاۋ قانشا بيىك بولعان سايىن ورشەلەنە العا ۇمتىلۋ، ارمان قانشا اسقاق بولعان سايىن ۇلى جوبامەن باستاۋ كەرەك.
باس شۋجي شي جينپيڭ بىلاي دەپ اتاپ كورسەتتى: ءبىز حالىقتىڭ دەنە ساپاسىن كۇشەيتۋگە، جالپى ۇلتتىڭ دەنە ساپاسىن جانە تۇرمىس ساپاسىن جوعارىلاتۋعا تاباندى بولۋدى نىسانا ەتىپ، دەنە تاربيەنىڭ ادامنىڭ جان - جاقتى دامۋىن جەبەۋدەگى ماڭىزدى رولىنا ايرىقشا ءمان بەرىپ ءارى ونى تولىق ساۋلەلەندىرىپ، دەنە تاربيە رەفورماسىندا جاڭالىق اشۋدى ۇزدىكسىز ىلگەرىلەتىپ، دەنە تاربيە عىلىم - تەحنيكاسىن زەرتتەپ اشۋدى كۇشەيتىپ، جالپى حالىقتىڭ دەنە شىنىقتىرۋ جۇيەسىن كەمەلدەندىرىپ، قالىڭ حالىق بۇقاراسىنىڭ، اسىرەسە، جاستار مەن ورەندەردىڭ دەنە تاربيە، دەنە شىنىقتىرۋ تانىمىن كۇشەيتىپ، ەلىمىزدىڭ باسەكەلىك دەنە تاربيەسىنىڭ جالپىلىق ناقتى قۋاتى مەن حالىقارالىق باسەكەلىك قۋاتىن ارتتىرىپ، دەنە تاربيەدە قۋاتتى ەل قۇرۋ اياق الىسىن جەدەلدەتۋىمىز كەرەك.
قىسقى وليمپيادا سپورت جارىسى جابىلعاننان كەيىنگى وسى ءبىر جىلدا، جۇڭگونىڭ قار - مۇز سپورتىنىڭ العا باسۋ قادامى اناعۇرلىم بەكەمدەلدى، قار - مۇز سپورتى حالىقتىڭ باقىت سەزىمى مەن تابىس سەزىمىن كۇشەيتۋدە، سالاماتتى جۇڭگو جانە دەنە تاربيەدە قۋاتتى ەل قۇرۋ تۇرعىسىنان بارعان سايىن ماڭىزدى بولا ءتۇستى.
”وتكەندى ەسكە الساق، جۇڭگو شەكسىز ماقتانىش سەزىمگە بولەنۋى كەرەك؛ بولاشاققا كوز جىبەرسەك، جۇڭگو سەنىمدى ءتىپتى دە بەكەمدەي ءتۇسۋى كەرەك“! بۇل باحتىڭ قۇرمەتى ءارى جۇڭگودان كۇتكەن ءۇمىتى.
قىسقى وليمپيادا سپورت جارىسىنىڭ تابىستارىنان بىرگە يگىلىكتەنىپ، تاماشا داستاندى ۇزدىكسىز جازايىق. قار - مۇز سپورتىنىڭ كوكتەم تولقىنى كوتەرىلىپ، العا ۇمتىلۋدا.
(قالام تەربەۋشى تىلشىلەر: يۋە رانران، لين دىرىن؛ قاتىناسقان تىلشىلەر: لي چۇنيۇي، ياڭ فان، ۋاڭ جۇنباۋ، ياۋ يوۋميڭ، جاڭ يفي، لي ديان، ما سىجيا)
(شينحۋا اگەنتتىگىنىڭ 2 - ايدىڭ 19 - كۇنى بەيجيڭنەن بەرگەن حابارى)
