− تيانشان الابىنداعى نىسان قۇرىلىسىنىڭ الدىڭعى شەبىنەن كورگەن - بىلگەندەرىمىز
انار بۇلت \ شينجياڭ گازەتىنىڭ ءتىلشىسى جاڭ جىلي
2 - ايدىڭ 18 - كۇنى جاڭا جاۋعان ۇلپا قار ءۇشتۇرپان اۋدانى مەن ونسۋ اۋدانىنىڭ شەكارالاسقان جەرىندەگى شينجياڭ داشىشيا سۋ يگىلىگى تورابى ينجەنەريا قۇرىلىسىنىڭ جۇمىس ورنىن اق مامىق قارمەن ورادى. الايدا قۇرىلىس جۇرگىزىلگەن جول بولىگىندەگى قاسات قارلار تەز ارادا تازالانىپ، جۇزدەن استام توپىراق كۇرەۋ ماشيناسى، قازۋ ماشيناسى توقتاۋسىز گۇرىلدەپ، توسپا تەگىستەۋمەن، توسپانى تىندىرۋمەن ابىگەر بولىپ جاتتى.
”كوكتەمدە كۇنمەن، جازدا ۋاقىتپەن جارىسامىز. قازىر قۇرىلىس ورنىندا تەمپەراتۋرا تومەن، ونىڭ ۇستىنە قارلى بوران تىنباي بوراپ تۇر، الايدا كوكتەم مەرەكەسىنەن كەيىن قۇرىلىس جۇرگىزۋشىلەر تۇگەلدەي قىزمەت ورىندارىنا قايتقاننان كەيىن، ءبىز قايراتقا ءمىنىپ، ەكى سىمەناعا ءبولىنىپ ىستەۋ تاسىلىمەن ۋاقىتتى ۇتا قۇرىلىس جۇرگىزىپ، جەر قارايىپ، كۇن جىلىنعان تاماشا ساتتە بەتون قۇيۋ سياقتى ءتۇرلى قىزمەتتەرگە مىعىم دايىندالۋدامىز“، - دەدى جۇڭگو ەنەرگيا قۇرىلىسى گىجوۋبا توبى داشىشيا نىسان سەرىكتەستىگى عىلىم - تەحنيكا باسقارۋ ءبولىمىنىڭ باستىعى ۋاڭ فىڭبين.
شينجياڭ داشىشيا سۋ يگىلىگى تورابى ينجەنەرياسىندا دابىرالى جۇمىس جۇرگىزۋ كورىنىسىن شينجياڭنىڭ بايتاق دالاسىنداعى كوپتەگەن كەلەلى نىسانداردىڭ ءوندىرىستى قالپىنا كەلتىرىپ، جۇمىس باستاعاندىعىنىڭ شاعىن كارتيناسى دەۋگە بولادى. وسى الاپقا كوكتەم شۋاعىنىڭ اياعى باياۋ جەتىپ، شەكارا وڭىردە كوكتەم لەبى باياۋ ەسكەنىمەن، بۇكىل شينجياڭداعى ءارقايسى قاتىستى تاراۋلار جانە ءارقايسى ايماق، وبلىس، قالالار ەرتە جوسپار جاساپ، ەرتە دايىندالىپ، ىسكە ەرتە كىرىسكەندىكتەن، ءتۇيىندى قۇرىلىس نىساندارى، كەلەلى حالىق تۇرمىسى ينجەنەريالارى كوكتەمدەگى شىڭىلتىر سۋىقتا نەمەسە قار - مۇز قۇرسانعان وڭىرلەردە قيىنشىلىقتى جەڭىپ، ءوندىرىستى قالپىنا كەلتىرۋدىڭ، جۇمىس باستاۋدىڭ بەتاشارىن اشىپ ۇلگىردى.
2 - ايدىڭ 15 - كۇنى G217 جەلىسىنىڭ كۇشاردان شايارعا، G219 جەلىسىنىڭ اقسۋدان ءۇشتۇرپانعا دەيىنگى، ونان ارى قاراي اقشيگە دەيىنگى ەكى PPP نىساننىڭ جۇمىس باستاۋ سالتى وتكىزىلدى، بۇل قاتىناس - تاسىمال قارجى قوسۋ توبىنىڭ ”14 - بەسجىلدىق“ كەزىندە قارجى قوسۋعا ات سالىسقان ءتۇيىندى نىسانى، سونداي - اق قاتىناس - تاسىمال قارجى قوسۋ توبىنىڭ تۇڭعىش توپتا قوعامدىق كاپيتال سالاۋاتىمەن ايماق، وبلىستاردىڭ PPP نىسانىنا ات سالىسۋى.
S220 جەلىسىندەگى قۇلجا − بايتوعاي، G577 جەلىسىندەگى موڭعۇلكۇرە − مۇزارت سياقتى نىسانداردىڭ الدىڭعى مەرزىمدىك قىزمەتىن ورنىقتى ىلگەرىلەتۋ؛ G577 جەلىسىندەگى جىڭ − قۇلجا، G218 جەلىسىندەگى نارات − بالعىنتاي سياقتى جالعاستى سالىناتىن نىسانداردى جەدەل ىلگەرىلەتۋ؛ G218 جەلىسىندەگى قۇلجا شەكاراسىنان وتەتىن، S242 جەلىسىندەگى توعىزتاراۋ − نىلقى تاس جول نىساندارىنىڭ سالىنىپ ءبىتىپ، كولىك قاتىناۋىنا كۇش سالۋ... بيىل ىلە قازاق اۆتونوميالى وبلىسى ولقىلىقتاردى تولىقتايتىن، فۋنكتسيانى كۇشەيتەتىن، ۇزاق بولاشاققا پايدالى، حالىق تۇرمىسىنا تيىمدىلىك جاسايتىن جەدەل اتقارىپ وتىرعان ءبىر توپ كەلەلى نىساندار تىزىمدىگىندە جول قاتىناس نىساندارى ەرەكشە كوز تارتادى.
تاياۋدا جۇڭگو تەمىر جول 21 - مەكەمەسى ۇستىنە الىپ سالعان جىڭ − التاي تەمىر جولىنىڭ جاڭادان قوسىلعان 2 - جەلىسى نىسانىن باسقارۋشىلار، جۇمىس جۇرگىزۋشىلەر ىركەس - تىركەس جۇمىس ورىندارىنا قايتا باستادى، قازۋ ماشيناسى، تيەۋىش، جول تاپتاۋ ماشيناسى سياقتى ءىرى تۇرپاتتى ماشينالار جاپپاي جۇمىس ورنىنا اپارىلىپ، قاۋىرت قۇرىلىس جۇرگىزۋ قىزۋ ورلەۋى كوتەرىلدى.
2 - ايدىڭ 15 - كۇنى شيحۋ 750 كيلوۆولتتىق كەرنەۋ وزگەرتۋ پۋنكتىنىڭ 3 - مەرزىمدىك كەڭەيتىپ سالۋ ينجەنەرياسى جۇمىستى قالپىنا كەلتىردى، بۇل شينجياڭ ەلەكتر تورىنىڭ بيىل جۇمىستى قالپىنا كەلتىرگەننەن كەيىنگى تۇڭعىش اسقىن جوعارى كەرنەۋلى ەلەكتر تورى قۇرىلىسى ينجەنەرياسى. ينجەنەريا سالىنىپ بولعاننان كەيىن، سولتۇستىك شينجياڭنىڭ ىلەدەن ۇرىمجىگە دەيىنگى ەلەكتر جەلىسىنىڭ، تيانشان باتىس بولىك ەلەكتر اينالمالى تورىنىڭ تور جۇلگەسى قۇرىلىمىن ساپالىلاندىرىپ، ىلەدەن ءۇرىمجى − سانجىعا دەيىنگى ەلەكتر كوتەرىمدىلىگى ورتالىعىنىڭ ەلەكتر جەتكىزۋ قابىلەتىن ءونىمدى جوعارىلاتىپ، ەلەكتردى تۇراقتى جەتكىزۋگە كەپىلدىك ەتۋگە، ايماق، وبلىس اتتاعان ەنەرگيا بايلىعىن ساپالى سەپتەۋدى جۇزەگە اسىرۋعا، شينجياڭ ەلەكتر تورىنىڭ ورنىقتى اينالىمدا بولۋ دەڭگەيىن جوعارىلاتۋعا بولادى.
وسى ءبىر مەزگىلدە شينجياڭدا اسقىن جوعارى كەرنەۋلى ەلەكتر جەلىسى ينجەنەريا قۇرىلىسى ىركەس - تىركەس باستالادى، مەجەمەن 2 - ايدىڭ سوڭىنان بۇرىن وڭتۇستىك شينجياڭ اۋماعىندا ەلەكتر جەلىسى ينجەنەرياسى تۇگەلدەي قايتا جۇمىس باستاۋى مۇمكىن، 3 - ايدىڭ 15 - كۇنىنەن بۇرىن سولتۇستىك شينجياڭ اۋماقتارىندا ينجەنەريا تۇگەلدەي قايتا جۇمىس باستايدى.
نىساننىڭ دەر كەزىندە ءوندىرىستى قالپىنا كەلتىرىپ، جۇمىس باستاۋىن بۇكىل رايونداعى ءار دارەجەلى پارتكوم جانە ۇكىمەتتىڭ وسكەلەڭ ءمان بەرۋىنەن جانە بەلسەنە ورنالاستىرۋ جاساۋىنان بولە قاراۋعا بولمايدى، قاتىستى تاراۋلاردىڭ الدىن الا جەتكىلىكتى، ءتارتىپتى دايىندىق كورۋ قىزمەتىنەن بولە قاراۋعا بولمايدى. نىسان قۇرىلىسىن ىلگەرىلەتۋ بارىسىندا ”ەرتە بولۋدى“ جانە ”جەدەل بولۋدى“ جۇزەگە اسىرۋ ءۇشىن، كوكتەم مەرەكەسىنىڭ الدى - ارتىندا اۆتونوميالى رايوندىق دامۋ جانە رەفورما كوميتەتى نىسان قۇرىلىسىن باسقارۋ باسقارماسىنىڭ كادرلارى قىس ماۋسىمىنان پايدالانىپ، ءبىرىنشى ماۋسىمدا جاڭادان جۇمىس باستايتىن كەلەلى نىسانداردى تەكسەرىپ بەكىتۋ (تەكسەرىپ بەكىتۋ، ەستەلىككە الۋ)، جەردەن پايدالانۋ راسمياتىن ءبىتىرۋ، قۇرىلىستى بەكىتۋگە جولداۋ، مەردىگەرلىككە شاقىرۋ، مەردىگەر بولۋ سياقتى قىزمەتتەردى مىقتى يگەرىپ، ءبىرىنشى ماۋسىمداعى جۇمىستى قالپىنا كەلتىرۋ نىساندارىنداعى ءتۇرلى دايىندىق قىزمەتتەرىن ويداعىداي ىستەدى، تۇتاس جىلدىق نىسان قۇرىلىسى قىزمەتىن ويداعىداي ىستەۋ ءۇشىن ۋاقىتتى ۇتتى.
”جاڭا جىل باستالىسىمەن ىلە وبلىسىنا توتە قاراستى ورىندار جوعارى باستامادا، جوعارى ولشەمدە، جوعارى دەڭگەيدە ءبىر توپ نىساندى جاساپ، وڭدەپ، زاپاس ساقتاپ جانە ءوتىنىش ەتىپ، ءتۇيىندى نىسانداردىڭ الدىڭعى مەرزىمدىك راسمياتتارىن بىتىرۋگە قۋزاۋشىلىق ەتىپ، مەجەنى اناعۇرلىم كۇشەيتىپ، سەنىمدى سەرپىلتىپ، ءبىرىنشى ماۋسىمداعى نىسان قۇرىلىسى قىزمەتىن ويداعىداي ىستەۋ ءۇشىن ۋاقىت ۇتىپ، نەگىزدى بەكەمدەپ، ىرىقتىلىقتى قولعا كەلتىرىپ، وبلىسقا توتە قاراستى ورىندارداعى ءتۇيىندى نىسانداردىڭ ’باستالۋعا تيىستىلەرىن ەرتە باستاۋ، باستاۋعا ىڭعايلى بولعاندارىن جەدەل باستاۋدى‘ جەدەل ىلگەرىلەتتى“، - دەدى ىلە وبلىستىق دامۋ جانە رەفورما كوميتەتى سىرتقى قارجىدان پايدالانۋ جانە جوعارى تەحنيكالى كاسىپتەر باسقارماسىنىڭ باستىعى، نىسان قۇرىلىسى جانە قارجى قوسۋ، قارجى قۇراۋدى باسقارۋ باسقارماسىنىڭ جاۋاپتىسى جياڭ حۇڭيان.
جەر - جەردەگى ءوندىرىستى قايتا باستاعان، جۇمىس باستاعان كەلەلى نىسانداردا، كاسىپورىندار قارجى قوسقان قۇرىلىس نىساندارىندا جارقىن تۇيىندەر ىركەس - تىركەس جارىققا شىقتى.
2 - ايدىڭ 8 - كۇنى اراتۇرىك سۋتەگى ەنەرگيا قورشاعان ورتانى قورعاۋ عىلىم - تەحنيكا شەكتى سەرىكتەستىگىنىڭ جاسىل ەلەكترمەن ءتۇيىلىسۋ كوكس پەشى كومىر گازى بايلىعىن جان - جاقتى پايدالانۋ نىسانى قۇمىل قالاسىنىڭ اراتۇرىك ونەركاسىپ باقشا رايونىندا جۇمىس باستادى. نىساندى شينجياڭ جياڭنا ەنەرگيا عىلىم - تەحنيكا توبى قارجى قوسىپ سالعان، 2 ميلليارد يۋان قارجى قوسۋ جوسپارلانعان، بيىل جىل سوڭىندا سالىنىپ بولىپ، وندىرىسكە قوسىلادى دەپ جوسپارلانۋدا.
2 - ايدىڭ 10 - كۇنى بۇكىل ەلدەگى ەڭ ۇلكەن ەرەكشە تەرەڭ مۇناي الابى − فۋمان مۇناي الابىنىڭ 5 ميلليون توننالىق ءوندىرىس قۋاتى قۇرىلىسى شايار اۋدانى قادەءدوڭ قالاشىعىندا جۇمىس باستادى. سول كۇنى جۇڭگو مۇنايى تارىم مۇناي الابى سەرىكتەستىگى 2023 - جىلعى ”شينجياڭ داچيڭىن قۇرۋ“ ەڭبەك باسەكەسىن تەڭ وزدىرىپ، 10 - ايدىڭ سوڭىندا قۇرىلىس اياقتاعانعا دەيىن جالعاستىرىپ، ”تىنىش، ساپالى، جوعارى ءونىمدى، ءتيىمدى، شۇعىلالى“ ينجەنەرياسىن كۇش سالا قالىپتاستىرىپ، 2025 - جىلى 5 ميلليون توننالىق ەلىمىزدەگى ەڭ ۇلكەن، ەرەكشە تەرەڭ شيكى مۇناي ءوندىرىس بازاسىن قۇرۋعا كەپىلدىك ەتۋگە بەرىك نەگىز قالادى.
2 - ايدىڭ 15 - كۇنى شينجياڭ شينحاۋدا كەن كاسىبى شەكتى جاۋاپكەرشىلىك سەرىكتەستىگىنىڭ 2 ميلليون 400 مىڭ توننالىق شىنجىرلى سۇزگى اپپاراتىن قۇمدان توتىقتاندىرعىش تۇيىرشىك كەنىنە قايتارۋ نىسانى جۇمىس باستادى. بۇل نىسانعا 590 ميلليون يۋان قارجى قوسىلىپ، بيىل جىل سوڭىندا قۇرىلىس جابدىقتارىن ورناتۋعا جانە سىناقتان وتكىزۋگە كۇش سالىنۋدا، كەلەر جىلى 3 - ايدان باستاپ ماشينالاردىڭ جىلۋ كوتەرىمدىلىگىن تەڭشەۋ سىناعى جۇرگىزىلەدى.
…
ءبىرىنشى ماۋسىمنىڭ سوڭعى جارتى كەزەڭگە وتۋىنە ساي، جاۋىن - شاشىننان كەيىن اۋا تەمپەراتۋراسى بىرتىندەپ قايتا جوعارىلاپ، تيانشان الابىندا جۇمىس باستاۋ، ءوندىرىستى قالپىنا كەلتىرۋ نىسان ينجەنەرياسىنىڭ قۇرىلىستارى اناعۇرلىم جيىلەي تۇسەدى. ءارقايسى نىسانعا قاتىناسقان قۇرىلىسشىلار كوكتەم شۋاعىنىڭ نۇرىنا بولەنىپ، شينجياڭنىڭ جوعارى ساپالى دامۋىنىڭ جاڭا جورىعىنا اتتانۋدا.
