جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
20 - كەزەكتى ورتالىق كوميتەتتىڭ ەكىنشى جالپى ءماجىلىسىن اشۋدى ۇيعاردى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 2 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 - ايدىڭ 21 - كۇنى ءماجىلىس اشىپ، بيىل 2 - ايدىڭ 26 - كۇنىنەن 28 - كۇنىنە دەيىن جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسىن بەيجيڭدە اشۋدى ۇيعاردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ورتالىق كوميتەتكە جاسايتىن قىزمەت بايانداماسىن تالقىلادى.
ءماجىلىس «پارتيا مەن مەملەكەتتىڭ قۇرىلىم رەفورماسى جوباسى» نۇسقاسىن تالقىلاپ، وسى رەتكى ماجىلىستە تالقىلانعان پىكىرگە ساي وزگەرىس ەنگىزگەننەن كەيىن، حۇجات نۇسقاسىن 20 - كەزەكتى ورتالىق كوميتەتتىڭ ەكىنشى جالپى ءماجىلىسىنىڭ قاراۋىنا ۇسىنۋدى ۇيعاردى.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەتتىڭ قۇرىلىم رەفورماسىن تەرەڭدەتۋدى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مىندەتى ەتىپ، پارتيانىڭ جاپپاي باسشىلىعىنا تاباندى بولۋ، حالىقتى وزەك ەتۋگە تاباندى بولۋ، ساپالىلاندىرۋعا، سايكەستىرۋگە، جوعارى ءونىمدى بولۋعا تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ پرينسيبى بويىنشا پارتيا مەن مەملەكەتتىڭ قۇرىلىم رەفورماسىن جاپپاي تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلىك، تۇتاس تۇلعالىق قايتا قۇرۋدى جۇزەگە اسىرىپ، پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىس تۋىلۋعا پارمەندى قامتاماسىزدىق ازىرلەدى ءارى پارتيا مەن مەملەكەتتىڭ قۇرىلىم رەفورماسىن ۇزدىكسىز تەرەڭدەتۋگە قۇندى تاجىريبە توپتادى.
ءماجىلىس مىنالاردى باسا دارىپتەدى: پارتيا 20 - قۇرىلتايى قۇرىلىم رەفورماسىن تەرەڭدەتۋ جونىندە ماڭىزدى ورنالاستىرۋ جاسادى، بۇل جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن كەلەلى ءارى تەرەڭ ماڭىز الادى. ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن ءبىر تۇتاس جەتەكشىلىككە الۋدى كۇشەيتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى باعدار ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ تالابىنا ۇيلەسىپ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ قاجەتىنە ۇيلەسىپ، ماسەلەنى باعدار ەتۋگە تاباندى بولىپ، پارتيا ورتالىق كوميتەتى قۇرىلىمىن، مەملەكەتتىك حالىق قۇرىلتايى قۇرىلىمىن، مەملەكەتتىك كەڭەس قۇرىلىمىن، مەملەكەتتىك ساياسي كەڭەس قۇرىلىمىن ءبىر تۇتاس جوسپارلاپ، ورتالىق پەن جەرگىلىكتى ورىندى ءبىر تۇتاس جوسپارلاپ، ءتۇيىندى سالالاردىڭ قۇرىلىم رەفورماسىن تەرەڭدەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىم ورنالاستىرۋ جاعىندا اناعۇرلىم عىلمي، قىزمەت فۋنكتسياسىن بەلگىلەۋ جاعىندا اناعۇرلىم ساپالى، ءتۇزىلىس - مەحانيزم جاعىندا اناعۇرلىم كەمەلدى، جۇمىس جۇرگىزۋدى باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ كەرەك.
ءماجىلىس 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارىنىڭ ۇسىنىستىق كانديداتتارى مەن ساياسي كەڭەس 14 - كەزەكتى مەملەكەتتىك كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارىنىڭ ۇسىنىستىق كانديداتتارىن تالقىلادى.
ءماجىلىس جوعارىداعى مازمۇنداردى 20 - كەزەكتى ورتالىق كوميتەت ەكىنشى جالپى ءماجىلىسىنىڭ كەڭەستىك تاقىرىبى ەتۋدى بەكىتتى.
ءماجىلىس مەملەكەتتىك كەڭەس 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا ۇسىناتىن «ۇكىمەت قىزمەتىنەن باياندامانىڭ» نۇسقاسىن تالقىلادى. ءماجىلىس بىلاي دەپ قارادى: وتكەن ءبىر جىل پارتيا مەن مەملەكەت تاريحىنداعى اسا ماڭىزدى ءبىر جىل بولدى. ءبىز پارتيانىڭ 20 - قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ ۇلى جوباسىن كەسكىندەدىك. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىققا قارسى اتتانىپ، ىندەتكە توسقاۋىل قويۋ، ەكونوميكانى ورنىقتىرۋ، دامۋ حاۋىپسىز بولۋ تالابىن جاپپاي تياناقتاندىرىپ، ماكرولىق رەتتەۋ - تىزگىندەۋ سەرپىنىن ارتتىرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتادى. وتكەن 5 جىل اسا وزگەشە، وتە ەرەكشە 5 جىل بولدى، ءبىز ءتۇرلى قيىنشىلىقتار مەن حاۋىپ - قاتەرلەرگە، سىن - سايىستارعا پارمەندى توتەپ بەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزدىك، ءدال ۋاعىندا جاپپاي دوڭگەلەك داۋلەتتى قوعام ورناتتىق، ەلىمىزدىڭ ەكونوميكالىق، قوعامدىق دامۋىندا بۇكىل دۇنيەنى جالت قاراتقان كەلەلى تابىستارعا قول جەتتى.
ءماجىلىس مىنالاردى باسا دارىپتەدى: بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، ۇكىمەت قىزمەتىن ويداعىداي ىستەۋ ءۇشىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارى بويىنشا، جۇڭگو ۇلگىسىندەگى وسىزامانداندىرۋدى تىڭعىلىقتى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، رەفورما جاساۋدى، ەسىك اشۋدى جاپپاي تەرەڭدەتىپ، بازار سەنىمىن زور كۇشپەن سەرپىلتىپ، ىشكى سۇرانىستى كەڭەيتۋ ستراتەگياسىن اتقارۋدى قامداۋ جاعىنداعى قۇرىلىمدىق رەفورمانى تەرەڭدەتۋمەن ورگانيكالى ۇشتاستىرىپ، ارتۋدى ورنىقتىرۋ، جۇمىستاندىرۋدى ورنىقتىرۋ، زات باعاسىن ورنىقتىرۋ قىزمەتىن كورنەكتى تۇردە ويداعىداي ىستەپ، ەلەۋلى حاۋىپ - قاتەرلەردەن ءونىمدى ساقتانىپ جانە ونى جويىپ، ەكونوميكالىق اينالىمنىڭ تۇتاس تۇلعالىق جاقسارۋىن ىلگەرىلەتىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋىن جۇزەگە اسىرىپ، حالىق تۇرمىسىن ۇزدىكسىز جاقسارتىپ، قوعامدىق كەلەلى جاعدايدىڭ ورنىقتىلىعىن ساقتاپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى اشۋ، قادامىن جاقسى باسۋ كەرەك.
ءماجىلىس مىنالاردى اتاپ كورسەتتى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، بەلسەندى قازىنا ساياساتى مەن ورنىقتى، اقاۋسىز اقشا ساياساتىن اتقارىپ، ءتۇرلى ساياساتتاردىڭ سايكەسۋىن، ۇشتاسۋىن كۇشەيتىپ، جوعارى ساپالى دامۋدى بىرگە جەبەيتىن بىرىككەن كۇش قالىپتاستىرۋ كەرەك. ەل ءىشى سۇرانىسىن كۇش سالا كەڭەيتىپ، وسىزاماندانعان كاسىپ سالاسى جۇيەسىن جەدەل قۇرىپ، ”ەكىدەن تيتتەي دە اۋىتقىماۋدى“ شىنايى تياناقتاندىرىپ، شەتەل قارجىسىن اناعۇرلىم زور سەرپىنمەن باۋراپ جانە ودان پايدالانىپ، ەلەۋلى ەكونوميكا، فينانس حاۋىپ - قاتەرلەرىنەن ءونىمدى ساقتانىپ جانە ونى جويىپ، استىق ءوندىرىسىن ورنىقتىرىپ جانە اۋىل - قىستاقتى گۇلدەندىرۋدى ىلگەرىلەتىپ، دامۋ تاسىلىندە جاسىلعا ويىسۋدى ىلگەرىلەتىپ، نەگىزگى حالىق تۇرمىسىن قامتاماسىز ەتىپ جانە قوعامدىق ىستەردى دامىتىپ، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن قۇلشىنا ورىنداۋ كەرەك. ۇكىمەتتىڭ ءوز قۇرىلىسىن كۇشەيتىپ، تەكسەرۋ - زەرتتەۋ ستيلىن جاپپاي ساۋلەلەندىرۋ كەرەك.
ءماجىلىس باسقا دا ىستەردى اقىلداستى.
