شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 3 - رەتكى توپتىق ۇيرەنۋىندە بىلاي دەپ باسا دارىپتەدى
نەگىزدىك زەرتتەۋدى شىن مانىندە كۇشەيتىپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ نەگىزىن بەكەمدەۋ كەرەك
شينحۋا اگەنتتىگىنىڭ 2 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 2 - ايدىڭ 21 - كۇنى تۇستەن كەيىن نەگىزدىك زەرتتەۋدى كۇشەيتۋ جونىندە 3 - رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: نەگىزدىك زەرتتەۋدى كۇشەيتۋ − جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدىڭ كوكەي تەستى تالابى، دۇنيە جۇزىلىك عىلىم - تەحنيكادا قۇدىرەتتى ەل قۇرۋدا، ءسوز جوق، باسىپ وتەتىن جول. ءار دارەجەلى پارتكومدار مەن ۇكىمەتتەر نەگىزدىك زەرتتەۋدى كۇشەيتۋدى عىلىم - تەحنيكا قىزمەتىنىڭ ماڭىزدى كۇن تارتىبىنە ەنگىزىپ، ءبىر تۇتاس سايكەستىرۋدى كۇشەيتىپ، ساياساتتىق قولداۋدى ارتتىرىپ، نەگىزدىك زەرتتەۋدە جوعارى ساپالى دامۋدى جۇزەگە اسىرۋدى ىلگەرىلەتۋى كەرەك.
بەيجيڭ داشۋەسىنىڭ باستىعى، جۇڭگو عىلىم اكادەمياسىنىڭ اكادەميگى گۇڭ چيحۋاڭ پروفەسسور وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.
شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا مەن مەملەكەت ەجەلدەن نەگىزدىك زەرتتەۋ قىزمەتىنە ءمان بەرىپ كەلەدى. جاڭا جۇڭگو قۇرىلعاننان كەيىن، اسىرەسە، رەفورما جاساعاننان، ەسىك اشقاننان بەرى، ەلىمىز نەگىزدىك زەرتتەۋدە كەلەلى تابىستارعا قول جەتكىزدى. قازىر جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسى قارىشتاي دامىپ، پاندەردىڭ ايقاسۋى، توعىسۋى ۇزدىكسىز دامىپ، عىلمي زەرتتەۋ ۇلگى فورماسىندا تەرەڭ وزگەرىستەر تۋىلىپ، عىلىم - تەحنيكا مەن ەكونوميكالىق، قوعامدىق دامۋ جەدەل ءسىڭىسىپ، توعىسىپ، نەگىزدىك زەرتتەۋدىڭ كادەگە جاراۋ پەريودى كورنەكتى قىسقارىپ، حالىقارالىق عىلىم - تەحنيكا باسەكەسى نەگىزدىك الدىڭعى لەككە ويىستى. حالىقارالىق عىلىم - تەحنيكا باسەكەسىنە توتەپ بەرىپ، جوعارى دەڭگەيدە ءوز كۇشىنە سۇيەنىپ، ءوزىن الۋەتتەندىرۋدى جۇزەگە اسىرىپ، جاڭا دامۋ ارناسىن قالىپتاستىرۋدى ىلگەرىلەتىپ، جوعارى ساپالى دامۋدى جۇزەگە اسىرۋ ءبىزدىڭ نەگىزدىك زەرتتەۋدى كۇشەيتىپ، شەشۋشى تەحنيكا ماسەلەسىن تۋ باستان جانە تومەنگى ساتىدان شەشۋىمىزدى شۇعىل قاجەت ەتەدى.
شي جينپيڭ بىلاي دەپ باسا دارىپتەدى: نەگىزدىك زەرتتەۋدىڭ كورەگەندىك، ستراتەگيالىق، جۇيەلىك ورنالاسىمىن كۇشەيتۋ كەرەك. نەگىزدىك زەرتتەۋ زەرتتەۋدەن قولدانۋعا، ونان وندىرىسكە دەيىنگى عىلمي زەرتتەۋ تىزبەگىنىڭ باسىندا تۇرادى، تاعان بەرىك بولعاندا عانا، عىلىم - تەحنيكا ىستەرىنىڭ عيماراتى ءزاۋلىم بيىك بولادى. ”ءتورتتى بەتكە الۋعا“ تاباندى بولىپ، نىسانانى باعدار ەتۋ جانە ەركىن ىزدەنىس جاساۋ سىندى ەكى جاعىن دا مىقتى يگەرۋگە تاباندى بولىپ، دۇنيە جۇزىلىك عىلىم - تەحنيكانىڭ الدىڭعى لەگىن مەملەكەتتىڭ كەلەلى ستراتەگيالىق قاجەتىمەن جانە ەكونوميكالىق، قوعامدىق دامۋ نىساناسىمەن ۇشتاستىرىپ، عىلمي دامۋ قاعيداسىن بويسۇنۋ ولشەمى ەتىپ العا قويىلعان الدىڭعى لەك ماسەلەلەرى مەن كەلەلى قولدانىلىمدى زەرتتەۋلەر بارىسىنداعى ابستراكت نازاريالىق ماسەلەلەردى ءبىر تۇتاس جوسپارلاپ، نەگىزدىك زەرتتەۋدىڭ شەشۋشى عىلمي ماسەلەلەرىن جيناقتاۋ كەرەك. عىلىم - تەحنيكانىڭ دامۋ بەتالىسى مەن مەملەكەتتىڭ ستراتەگيالىق قاجەتىن يگەرىپ، نەگىزدىك زەرتتەۋدەگى كەلەلى نىسانداردىڭ جارامدىلىعىن دالەلدەۋدى جانە سارالاپ باعالاۋدى كۇشەيتىپ، عالىمداردىڭ پىكىرىنە تولىق قۇرمەت ەتىپ، ۇلكەن بەتالىستى يگەرىپ، ”العاشقى قادامدى“ جاقسى باسۋ كەرەك. مەملەكەتتىڭ ستراتەگيالىق عىلىم - تەحنيكا قۋاتىن كۇشەيتىپ، ستراتەگيالىق باعدارداعى جۇيەلىلەنگەن نەگىزدىك زەرتتەۋدى، الدىڭعى لەكتىك باعدارداعى ىزدەنىس سيپاتتى نەگىزدىك زەرتتەۋدى، بازار باعدارىنداعى قولدانىلمالى سيپاتتى نەگىزدىك زەرتتەۋدى ۇيىمدى تۇردە ىلگەرىلەتىپ، مەملەكەتتىك تاجىريبەحانالاردىڭ جەتەكشىلىك رولىن، مەملەكەتتىك عىلمي زەرتتەۋ قۇرىلىمدارىنىڭ قۇرىلىمدانعان ۇيىمدىق رولىن، جوعارى دەڭگەيلى زەرتتەۋ تۇرىندەگى داشۋەلەردىڭ نەگىزگى قوسىندىق رولىن جانە عىلىم - تەحنيكاداعى جەتەكشى كاسىپورىنداردىڭ ”سۇراق شىعارۋشى“، ”جاۋاپ بەرۋشى“، ”ەمتيحان تەكسەرۋشى“ رولىن ساۋلەلەندىرۋگە باسا ءمان بەرۋ كەرەك. نەگىزدىك پاندەر قۇرىلىسىنىڭ ورنالاسۋىن ساپالىلاندىرىپ، ءتۇيىندى پاندەردىڭ، جاڭادان گۇلدەنگەن پاندەردىڭ، نازارعا ىلىنە بەرمەيتىن پاندەر مەن ءالسىز پاندەردىڭ دامۋىنا قولداۋ كورسەتىپ، پاندەردىڭ ايقاسۋى، توعىسۋى مەن ءپان ارالىق زەرتتەۋدى ىلگەرىلەتىپ، جاپپاي بىركەلكى داميتىن جوعارى ساپالى پاندەر جۇيەسىن ورناتۋ كەرەك.
شي جينپيڭ بىلاي دەپ اتاپ كورسەتتى: دۇنيە ءجۇزى ۇلكەن عىلىم داۋىرىنە قادام تاستادى، نەگىزدىك زەرتتەۋدىڭ ۇيىمدىق دەڭگەيى بارعان سايىن جوعارىلاپ، تۇزىمدىك قامتاماسىزداندىرۋ مەن ساياساتتىق جەتەكتەۋدىڭ نەگىزدىك زەرتتەۋ ونىمىنە جاسايتىن ىقپالى بارعان سايىن زورايۋدا. نەگىزدىك زەرتتەۋ ءتۇزىلىس - مەحانيزمى رەفورماسىن، ءسوز جوق، تەرەڭدەتىپ، ءتۇزىمنىڭ، ساياساتتىڭ قۇن جاعىنان دەم بەرۋى مەن ستراتەگيالىق جەتەكتەۋ رولىن ويداعىداي ساۋلەلەندىرۋ كەرەك. نەگىزدىك زەرتتەۋگە قازىنالىق ۇسىنىلىمدى ورنىقتى ارتتىرىپ، سالىق جيناۋدا جەڭىلدىك جاساۋ سياقتى كوپ ءتۇرلى تاسىلدەر ارقىلى كاسىپورىنداردى ۇسىنىلىمدى ارتتىرۋعا ىنتالاندىرىپ، قوعامدىق كۇشتەردى عىلىم - تەحنيكا قورىن قۇرۋ، عىلىم - تەحنيكاعا جىلۋ اتاۋ سياقتى كوپ نەگىزدى ۇسىنىلىم قوسۋعا شابىتتاندىرىپ، مەملەكەتتىڭ جاراتىلىستىق عىلىم قورى مەن ونىڭ بىرلەسكەن قورىنىڭ قارجىلىق دەمەۋ ونىمدىلىگىن جوعارىلاتىپ، باسەكەلىك قولداۋ مەن ورنىقتى قولداۋ ءوزارا ۇشتاستىرىلعان نەگىزدىك زەرتتەۋگە ۇسىنىلىم قوسۋ مەحانيزمىن ورناتۋ جانە كەمەلدەندىرۋ كەرەك. مەملەكەتتىڭ عىلىم - تەحنيكا جوسپارىنداعى نەگىزدىك زەرتتەۋدى قولداۋ جۇيەسىن ساپالىلاندىرىپ، نەگىزدىك زەرتتەۋ نىساندارىن ۇيىمداستىرۋ، ءوتىنىش جولداۋ، باعالاۋ جانە شەشىم جاساۋ مەحانيزمىن كەمەلدەندىرىپ، پارىقتى تۇرگە ءبولىپ باسقارۋدى جانە حالىقاراداعى، ەل ىشىندەگى كاسىپتەستەردىڭ باعالاۋىن اتقارىپ، كەلەلى عىلمي ماسەلەلەرگە باعىتتالعان سەلبەسىپ قامال الۋدى ۇيىمداستىرىپ، ورىستەتىپ، ەركىن ىزدەنىس جاساۋ فورماسىنداعى زەرتتەۋ مەن ورتاق تانىمعا جاتپايتىن جاڭالىق اشۋ زەرتتەۋىنە دەم بەرۋ كەرەك. بۇكىل مەملەكەت بويىنشا جۇمىلاتىن جاڭاشا ءتۇزىلىس پەن بازار مەحانيزمىنىڭ قارىم - قاتىناسىن ويداعىداي ءبىر جاقتى ەتىپ، نەگىزدىك زەرتتەۋدىڭ ۇزاق پەريودىنا سايكەسەتىن عىلىم - تەحنيكالىق باعالاۋ، شابىتتاندىرۋ، جەتىستىكتەردى قولدانىپ كادەگە جاراتۋ، عىلىم - تەحنيكا قىزمەتكەرلەرىنىڭ ەڭبەكاقىسى سياقتى تۇزىمدەردى اقاۋسىزداندىرىپ، ءبىر توپ نەگىزدىك زەرتتەۋ بويىنشا جاڭالىق اشۋ بازاسىن، باسىمدىققا يە ۇجىمداردى جانە ءتۇيىندى بەتالىستى ۇزاق ۋاقىت ورنىقتى قولداپ، ءتول جاسامپازدىق وشاعى مەن نەگىزدىك زەرتتەۋدىڭ اۆانگارد كۇشىن قالىپتاستىرۋ كەرەك.
شي جينپيڭ بىلاي دەپ باسا دارىپتەدى: جۇڭگوشا مەملەكەتتىك تاجىريبەحانا جۇيەسىن سايكەستىرە قۇرىپ، نەگىزدىك پاندەردى زەرتتەۋ ورتالىعىن ورنالاستىرىپ، قۇرىپ، جاڭاشا عىلمي زەرتتەۋدىڭ ينفورماتسيالاندىرۋ نەگىزدىك تۇعىرىن الدىن الا ورنالاستىرىپ، قۋاتتى نەگىزدىك زەرتتەۋ تىرەكتىلەر تورىن قالىپتاستىرۋ كەرەك. كورەگەندىكپەن جەتەكشىلىك ەتۋ تۇرىندەگى، ستراتەگيالىق باعدار كورسەتۋ تۇرىندەگى، قولدانىلمالى تىرەكتىك تۇردەگى كەلەلى عىلىم - تەحنيكا نەگىزدىك قۇرىلعىلارىن عىلمي جوبالاپ، ورنالاستىرىپ، قۇرىلعى قۇرىلىسى جۇمىسى بارىسىنداعى، جۇمىستان كەيىنگى باقىلاۋ - باسقارۋدى كۇشەيتىپ، تۇتاس پەريودتىق باسقارۋدى كەمەلدەندىرىپ، اشىق بولۋ، بىرگە يگىلىكتەنۋ دەڭگەيى مەن اينالىم ونىمدىلىگىن جاپپاي جوعارىلاتۋ كەرەك. عىلىم - تەحنيكا اسپاپ - جابدىقتارىن، مەڭگەرۋ جۇيەسىن جانە نەگىزدىك جۇمساق بولشەكتەردى ەلىمىزدە وندىرۋدەن قامال الۋ شايقاسىن ويداعىداي جۇرگىزىپ، عىلمي زەرتتەۋ قۇرىلىمدارىن، جوعارى مەكتەپتەردى كاسىپورىندارمەن بىرلەسىپ قامال الۋعا شابىتتاندىرىپ، ەلىمىزدە وندىرىلگەن ونىمدەردىڭ ورىن باسۋ ورەسى مەن قولدانىلۋ كولەمىن جوعارىلاتىپ، ەلىمىزدىڭ دەربەس زەرتتەۋ تۇعىرىنان، اسپاپ - جابدىقتارىنان پايدالانىپ، كەلەلى نەگىزدىك زەرتتەۋ ماسەلەسىن شەشۋدى ەرتەرەك جۇزەگە اسىرۋعا قۇلشىنۋ كەرەك.
شي جينپيڭ بىلاي دەپ اتاپ كورسەتتى: نەگىزدىك زەرتتەۋدى كۇشەيتۋدە، تۇپتەپ كەلگەندە، جوعارى دەڭگەيلى دارىندىلارعا سۇيەنۋ كەرەك. ءسوز جوق، جۇيەلىلەنگەن، جوعارى دەڭگەيلى نەگىزدىك زەرتتەۋ دارىندىلارىن جەتىلدىرۋ تۇعىرىن كۇش سالا قۇرىپ، اناعۇرلىم كوپ نەگىزدىك زەرتتەۋ دارىندىلارىنىڭ جارىسا جارىققا شىعۋىنا مۇمكىندىك جاساۋ كەرەك. ءتۇرلى دارىندىلار جوسپارىنىڭ نەگىزدىك زەرتتەۋ دارىندىلارىنا قولداۋ كورسەتۋ سەرپىنىن ارتتىرىپ، ستراتەگيالىق عالىمداردى باۋلىپ، پايدالانىپ، جاس عىلىم - تەحنيكا دارىندىلارىنىڭ جۇكتىڭ اۋىرىن كوتەرۋىنە، اۋىر مىندەت ارقالاۋىنا قولداۋ كورسەتىپ، عىلىم - تەحنيكالىق كوشباسشى دارىندىلار قوسىنىن جانە بىرەگەي جاڭالىق اشۋ قوسىنىن ۇزدىكسىز زورايتۋ كەرەك. نەگىزدىك زەرتتەۋ دارىندىلارىن پارىقتى باعالاۋ جانە ۇزاق پەريودتى قولداۋ مەحانيزمىن كەمەلدەندىرىپ، عىلىم - تەحنيكالىق كوشباسشى دارىندىلارعا اناعۇرلىم زور ادام كۇشى، قازىنا، زاتتىق جاقتان ورنالاستىرۋ ۇقىعى مەن تەحنيكالىق باعىت تاڭداۋ ۇقىعىن بەرىپ، نەگىزدىك زەرتتەۋ زاڭدىلىعى مەن دارىندىلاردىڭ ءوسىپ - جەتىلۋ زاڭدىلىعىنا ۇيلەسەتىن باعالاۋ جۇيەسىن ورناتۋ كەرەك. عىلمي زەرتتەۋدە عىلمي ستيلىن، ستيل قۇرىلىسىن كۇشەيتىپ، عىلىم - تەحنيكا قىزمەتكەرلەرىن كوپىرمەلىكتەن اۋلاق بولۋعا، ۇشقالاقتىقتان ارىلۋعا، ”سۋىق ورىندىقتا“ وتىرا الۋعا، ورنىعىپ وتىرۋعا جەتەكتەۋ كەرەك. نەگىزدىك زەرتتەۋ دارىندىلارىن دەربەس تاربيەلەۋ جولىمەن جۇرۋگە تاباندى بولىپ، ”ورتا مەكتەپ وقۋشىلارى دارىندىلارى جوسپارىن“، ”نەگىز قالاۋ جوسپارىن“، ”نەگىزدىك پاندەگى ۇزدىك وقۋشىلاردى تاربيەلەۋ جوسپارىن“ ىشكەرىلەي اتقارىپ، نەگىزدىك پاندەر وقۋ - اعارتۋ جۇيەسىن ساپالىلاندىرىپ، جوعارى مەكتەپتەردىڭ، اسىرەسە، ”قوس بىرەگەي“ جوعارى مەكتەپتەردىڭ نەگىزدىك زەرتتەۋ دارىندىلارىن باۋلۋداعى نەگىزگى قوسىندىق رولىن ساۋلەلەندىرىپ، مەملەكەت شۇعىل قاجەت ەتىپ وتىرعان جوعارى دەڭگەيلى دارىندىلاردى باۋلۋىن كۇشەيتىپ، كولەمى زور نەگىزدىك زەرتتەۋدىڭ زاپاس كۇشتەرىن تولاسسىز ازىرلەۋ كەرەك.
شي جينپيڭ بىلاي دەپ باسا دارىپتەدى: ادامزاتتىڭ بىرگە دامۋداعى قيىن ماسەلەلەردى شەشۋى حالىقارالىق سەلبەستىك پەن ەسىك اشۋدان بىرگە يگىلىكتەنۋدى بۇرىنعى ءارقانداي كەزدەگىدەن دە اناعۇرلىم قاجەت ەتەدى. حالىقارالىق نەگىزدىك زەرتتەۋ سەلبەستىك تۇعىرىن سومداپ، بۇكىل دۇنيەگە باعىتتالعان عىلمي زەرتتەۋ قورىن قۇرىپ، مەملەكەتتىڭ عىلىم - تەحنيكا جوسپارىن سىرتقا اشىق ۇستاۋ سەرپىنىن ارتتىرىپ، كليمات وزگەرىسى، ەنەرگيا حاۋىپسىزدىگى، بيولوگيالىق حاۋىپسىزدىك، سىرتقى كەڭىستىكتەن پايدالانۋ سياقتى الەمدىك ماسەلەلەردى ارقاۋ ەتىپ، جۇڭگو مەن شەتەلدىڭ بىرلەسكەن عىلمي زەرتتەۋىن كەڭەيتۋ جانە تەرەڭدەتۋ كەرەك. الەمدىك عىلىم - تەحنيكانى باسقارۋدى كورەگەندىكپەن جوسپارلاپ جانە وعان ىشكەرىلەي ات سالىسىپ، حالىقارالىق عىلىم - تەحنيكا ۇيىمدارىنا قاتىناسىپ نەمەسە قۇرۋ جونىندە باستاما كوتەرىپ، ەل ىشىندەگى جوعارى مەكتەپتەردىڭ، عىلمي زەرتتەۋ ورىندارىنىڭ، عىلىم - تەحنيكا ۇيىمدارىنىڭ حالىقارامەن ۇشتاسۋىن قولداۋ كەرەك. حالىقارالىق عىلىم - تەحنيكا سالاسىنداعى ەسىك اشۋدى، سەنىمدىلىكتى، سەلبەستىكتى كۇش سالا ىلگەرىلەتىپ، اناعۇرلىم كوپ كەلەلى ءتول جاسامپازدىق جانە شەشۋشى وزەكتى تەحنيكالاردان قامال الۋ ارقىلى ادامزات وركەنيەتىنىڭ العا باسۋىنا تىڭ دا اناعۇرلىم زور ۇلەس قوسۋ ءارى ەلىمىزدىڭ عىلىم - تەحنيكا حاۋىپسىزدىگىن، مۇددەسىن ءونىمدى قورعاۋ كەرەك.
شي جينپيڭ بىلاي دەپ اتاپ كورسەتتى: ەلىمىزدەگى نەشە ۇرپاق عىلىم - تەحنيكا قىزمەتكەرلەرى ۇزدىكسىز كۇرەس جۇرگىزۋ ارقىلى سومداعان ”ەكى بومبى، ءبىر جاساندى سەرىك“ رۋحى، شي - انعا قونىس اۋدارۋ رۋحى، عارىشقا ادام الىپ ۇشۋ رۋحى، عالىمدار رۋحى، ايدى بارلاۋ رۋحى، جاڭا داۋىردەگى بەيدوۋ رۋحى سياقتىلار جۇڭگوشا جاڭالىق اشۋ ەكولوگياسىن بىرگە سومداپ، نەگىزدىك زەرتتەۋدىڭ دامۋىنا تىرەك بولاتىن سارقىلماس قوزعاۋشى كۇشكە اينالدى. تۇتاس قوعامدا اقيقاتقا تالپىناتىن، ەرلىكپەن شىڭعا شىعاتىن عىلىم رۋحىن بارىنشا ساۋلەلەندىرىپ، نەگىزدىك زەرتتەۋ سياقتى عىلىم - تەحنيكا سالاسىندا جارىققا شىققان وزات تيپتەر مەن ىزگى ىستەردى كەڭ كولەمدە ۇگىتتەپ، قالىڭ عىلىم - تەحنيكا قىزمەتكەرلەرىن اعا بۋىن عالىمداردىڭ ءوزىن وتانعا ارنايتىن، حالىقپەن تىلەكتەس بولاتىن داڭقتى داستۇرىنە مۇراگەرلىك ەتۋگە، ديسسەرتاتسيانى وتاننىڭ بايتاق دالاسىنا جازۋعا تاربيەلەۋ، جەتەكتەۋ كەرەك. مەملەكەتتىڭ عىلىم جالپىلاستىرۋ قابىلەتى قۇرىلىسىن كۇشەيتىپ، جالپى حالىقتىڭ عىلىم ساپاسىن جوعارىلاتۋ ارەكەتىن ىشكەرىلەي اتقارىپ، ينتەرنەت جەلىسىندە، ينتەرنەت جەلىسىنەن تىسقارىدا كوپ ارنامەن عىلمي بىلىمدەردى تاراتىپ، عىلىم - تەحنيكا تابىستارىن ايگىلەپ، عىلىمدى قىزۋ سۇيەتىن، عىلىمدى قاستەرلەيتىن قوعامدىق سالت ورناتۋ كەرەك. وقۋ - اعارتۋداعى ”قوس جەڭىلدەتۋ“ بارىسىندا عىلمي تاربيەنىڭ قوسۋ امالىن جاقسى ىستەپ، جاستار مەن ورەندەردىڭ اۋەسىن، ويلاۋ قابىلەتىن، ىزدەنۋ ىنتاسىن قوزعاپ، عالىمداردىڭ كومەسكى قاسيەتىن ازىرلەگەن، عىلمي زەرتتەۋ ىستەرىنە ءوزىن ارناۋدى قالايتىن جاستار مەن ورەندەر قاۋىمىن جەتىلدىرۋ كەرەك.
شي جينپيڭ سوڭىندا بىلاي دەپ باسا دارىپتەدى: ءار دارەجەلى باسشى كادرلار عىلىم - تەحنيكا بىلىمدەرىن ۇيرەنىپ، عىلىم رۋحىن اسقاقتاتىپ، ىرىقتىلىقپەن الدا تۇرىپ عىلىم - تەحنيكا قىزمەتكەرلەرىن ۋايىمنان ارىلتىپ، قيىنشىلىقتارىن شەشىپ، ىرىق بەرىپ، اۋىرتپالىقتارىن جەڭىلدەتىپ، دەم بەرىپ، شابىتتاندىرىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشۋ جونىندەگى ءبىر قىدىرۋ ستراتەگيالىق ورنالاستىرۋلارىن ناقتاپ تياناقتاندىرۋى كەرەك.
