انار بۇلت \ شينجياڭ گازەتىنىڭ ءتىلشىسى جاڭ رۇيلين
2 - ايدىڭ 22 - كۇنى چاڭشا مەتروسى 2 - ءنومىرلى جەلىسىنىڭ ”تۇرپان ءنومىرلى“ پويەزىن ىسكە قوسۋ سالتى چاڭشا قالاسىندا وتكىزىلدى. ”تۇرپان ءنومىرلى“ ارناۋلى پويەزىنىڭ 6 ۆاگونى بار، جولاۋشىلارعا شينجياڭدى 6 تاقىرىپتا تانىستىراتىن بولادى.
2 - ايدىڭ 22 - كۇنى چاڭشا مەتروسى 2 - ءنومىرلى جەلىسىنىڭ ”تۇرپان ءنومىرلى“ پويەزىنىڭ سىرتقى كورىنىسى. سۋرەتتى ياڭ ۋىنحاۋ تۇسىرگەن
6 ءتۇرلى تاقىرىپتىڭ ىشىندە، ” اڭعارىڭىز — تيانشاننىڭ وڭتۇستىگى مەن سولتۇستىگىندەگى كورىكتى شينجياڭ“ تاقىرىبى سايرام كولى، قاشقار بايىرعى قالاسى، جانبۇلاق، قاناس، بوعدا شىڭى، كەڭساي ۇلكەن كوپىرى، بايىنبۇلاق سياقتى شينجياڭنىڭ كوركەم كورىنىستەرىن كورمەلەيدى؛ ”نازار سالىڭىز — حۋناننىڭ شينجياڭعا باعىتتامالى كومەكتەسۋ حيكايالارى“ تاقىرىبى حۋناننىڭ شينجياڭعا حالىق تۇرمىسى جاعىنان كومەكتەسۋ، شينجياڭعا كاسىپ سالاسى بويىنشا كومەكتەسۋ، شينجياڭعا اقىل - پاراسات جاعىنان كومەكتەسۋ، شينجياڭدى مادەنيەتپەن نارلەندىرۋ جونىندەگى حيكايالارىن باياندايدى؛ ”سەزىنىڭىز — تۇرپاننىڭ ءدامدى - قۇجىرى، ەرەكشە ونىمدەرى“ تاقىرىبى كروران ءجۇزىم شارابى، مەيىز، توقسۇن لاعمانى، اسپا كاۋاپ، اسقان ەت، شينجياڭ تورە تاباق تاۋىق قۋىرماشى، كاۋاپ، نان، سامسا سياقتى تۇرپاننىڭ ەرەكشە ءدامدى - قۇجىرلارىن كورمەلەيدى؛ ”تاماشالاڭىز — تۇرپاننىڭ تابيعات كەلبەتى“ تاقىرىبى جالىنتاۋ، عاجايىپ تاس ورمانى، تۇيىق، بويلۇق، ايدىنكول، قۇمتاع ءشولى سياقتى تۇرپاننىڭ تابيعات كورىنىسىن كورمەلەيدى؛ ”اسەر الىڭىز — تۇرپاننىڭ تاريحي گۋمانيتارلىعى“ تاقىرىبى گاۋچاڭ بايىرعى قالاسى، سۋگۇڭتا، تۇرپان مۇراجايى، كارىز، يارعۇل بايىرعى قالاسى، بيزاكلىك مىڭ ءۇي، سوعدى جازۋىنداعى مانيحەي ءدىنى حات قاعازدارى، تاعدىرلاس قۇس كەستەسى سياقتى گۋمانتيارلىق تاريحتى كورمەلەيدى؛ ”ءتۇسىنىڭىز — تۇرپاننىڭ ەكونوميكالىق دامۋى“ تاقىرىبى تۇرپان جوعارى قارقىندى تەمىر جول ۆوكزالى، يارعۇل اۋەجايى، G30 جەلىسى تۇرپان بولىگى، تۇرپان ەكونوميكالىق اشۋ رايونى اۋەجاي ماڭى كاسىپ سالاسى باقشاسى، سونداي - اق تۇرپان كەلەلى نىساندار قۇرىلىسىنىڭ احۋالى، جۇڭگو قاتىناس توبى جالىنتاۋ اۆتوكولىك تەكسەرۋ ورتالىعىنىڭ دامۋ احۋالى سياقتىلاردى كورمەلەيدى.
چاڭشا مەتروسى 2 - ءنومىرلى جەلىسىنىڭ ”تۇرپان ءنومىرلى“ پويەزىنىڭ ىشكى كورىنىسى. سۋرەتتى تۇرپان توعىسپالى مەديا ورتالىعى قامداعان
ۆاگوننىڭ ىشىندە تۇرعان جولاۋشى توبەسىندەگى تۇرپاننىڭ ءجۇزىم سورەسىن، اياعىنداعى جالىنتاۋدىڭ بەينەسىن كورىپ، تۇرپاندا جۇرگەندەي سەزىنەتىن بولادى. ۇعىسۋعا قاراعاندا ۆاگوننىڭ ىشىندەگى جازىقتىق سىزبالاردان تىس، چاڭشا مەتروسى 2 - ءنومىرلى جەلىسىنىڭ تۇتاس لەنياسىنداعى 1152 ەكراندا جان - جاقتى، كوپ تۇرعىدان تۇرپاننىڭ كاسىپ سالاسى، ونەركاسىبى، مادەنيەت، كورىنىس، شينجياڭعا كومەكتەسۋ حيكاياسى سياقتى دىبىس - بەينە مازمۇندارى قويىلاتىن بولادى.
”چاڭشا مەتروسى 2 - ءنومىرلى جەلىسىمەن قاتىنايتىن ادام مول، ىقپالى كەڭ، وسىنداي ءتاسىل ارقىلى ءتىپتى دە كوپ ادامنىڭ تۇرپانمەن تانىسۋىنا، تۇرپاندى تۇسىنۋىنە، تۇرپانعا سۇيىسپەنشىلىك ورناتۋىنا مۇمكىندىك جاراتساق دەيمىز“،- دەدى حۋنان ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى اقپارات - ۇگىت گرۋپپاسىنىڭ باستىعى، تۇرپان قالاىق پارتكوم ۇگىت ءبولىمىنىڭ ورىنباسار باستىعى شيە چيڭ.
”انار بۇلتتان“ اۋدارىلدى
