شي جينپيڭ لەي فىڭنان ۇيرەنۋ قيمىلىن ىشكەرىلەي ورىستەتۋ جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
لەي فىڭ رۋحىنىڭ داۋىرلىك ءمانىن تەرەڭ يگەرىپ، لەي فىڭ رۋحىن جاڭا داۋىردە اناعۇرلىم شۇعىلالى نۇر شاشتىرۋ كەرەك
ساي چي اڭگىمە ماجىلىسكە قاتىناستى ءارى ءسوز سويلەدى
شينحۋا اگەنتتىگىنىڭ 2 - ايدىڭ 23 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ماڭىزدى نۇسقاۋ بەرىپ، بىلاي دەپ اتاپ كورسەتتى: بيىل ماۋ زىدۇڭ قاتارلى اعا بۋىن توڭكەرىسشىلەردىڭ لەي فىڭ جولداسقا ارناۋ ءسوز جازعاندىعىنىڭ 60 جىلدىعى. 60 جىلدان بەرى، لەي فىڭنان ۇيرەنۋ قيمىلى بۇكىل ەلدە ۇزدىكسىز ىشكەرىلەي ورىستەتىلىپ، لەي فىڭنىڭ ەسىمى جالپاق جۇرتقا ايگىلى بولىپ، لەي فىڭنىڭ ىزگى ىستەرى جۇرت جۇرەگىنە تەرەڭ ۇيالاپ، لەي فىڭ رۋحى سان ۇرپاق جۇڭحۋا ۇلاندارىنىڭ جان دۇنيەسىن نارلەندىردى. اماليات مەيلى ءداۋىر قالاي وزگەرسە دە، لەي فىڭ رۋحىنىڭ ماڭگى ەسكىرمەيتىندىگىن دالەلدەدى.
شي جينپيڭ بىلاي دەپ باسا دارىپتەدى: جاڭا جورىقتا لەي فىڭ رۋحىنىڭ داۋىرلىك ءمانىن تەرەڭ يگەرىپ، پارتيا مۇشەلەرىنىڭ، كادرلاردىڭ ۇلگىلىك، باستاماشىلدىق رولىن اناعۇرلىم ويداعىداي ساۋلەلەندىرىپ، ەرىكتى قىزمەت وتەۋدى قامتاماسىزداندىرۋدى جانە قولداۋدى كۇشەيتىپ، لەي فىڭنان ۇيرەنۋ ەرىكتى قىزمەت وتەۋ قوسىنىن ۇزدىكسىز دامىتىپ، زورايتىپ، لەي فىڭنان ۇيرەنۋدى حالىق بۇقاراسى، اسىرەسە، جاستار مەن ورەندەر اراسىندا داعدىعا اينالدىرىپ، لەي فىڭنان ۇيرەنۋ قيمىلىن كۇندەلىكتى تۇرمىسپەن توعىستىرىپ، ۇنەمىلىك ىسكە اينالدىرىپ، لەي فىڭ رۋحىن جاڭا داۋىردە اناعۇرلىم شۇعىلالى نۇر شاشتىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن قۇدىرەتتى كۇش - قۋات ۇيىستىرۋ كەرەك.
”لەي فىڭ رۋحىن ۇرپاقتان - ۇرپاققا جالعاستىرايىق − ماۋ زىدۇڭ قاتارلى اعا بۋىن توڭكەرىسشىلەردىڭ لەي فىڭ جولداسقا ارناۋ ءسوز جازعاندىعىنىڭ 60 جىلدىعىن ەسكە ءتۇسىرۋ“ اڭگىمە ءماجىلىسى 2 - ايدىڭ 23 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋى 60 جىلدان بەرگى لەي فىڭنان ۇيرەنۋ قيمىلىنىڭ كورنەكتى ناتيجەلەرىن تولىق تۇراقتاندىرىپ، لەي فىڭ رۋحىنىڭ ماڭگىلىك قۇنىن تەرەڭ ۇعىندىرىپ، جاڭا جورىقتا لەي فىڭ رۋحىن اناعۇرلىم ويداعىداي اسقاقتاتۋ جونىندە ايقىن تالاپ قويدى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى ويداعىداي يگەرىپ، لەي فىڭنان ۇيرەنۋ قيمىلىن ونان ارى ويداعىداي ورىستەتىپ، لەي فىڭ رۋحىن ۇرپاقتان - ۇرپاققا جالعاستىرىپ، پارتيا مۇشەلەرىن، كادرلاردى، بۇقارانى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن اناعۇرلىم كوپ اقىل - پاراسات جانە كۇش - قۋات قوسۋعا باستاۋىمىز، جىگەرلەندىرۋىمىز كەرەك.
ساي چي مىنالاردى ءبىلدىردى: ماۋ زىدۇڭ جولداس ”لەي فىڭ جولداستان ۇيرەنەيىك“ ۇندەۋىن جاريالاعان 60 جىلدان بەرى، لەي فىڭنان ۇيرەنۋ قيمىلى دابىرالى ورىستەتىلىپ، ۇزدىكسىز ىشكەرىلەپ، لەي فىڭ رۋحى كەڭىنەن اسقاقتاتىلىپ، ۇزدىكسىز جالعاستىرىلىپ، سان ۇرپاق ادامدى پارتياعا ادال بولۋعا، وتانعا ءوزىن ارناۋعا، حالىققا قىزمەت ەتۋگە جىگەرلەندىردى. اسىرەسە، پارتيا 18 - قۇرىلتايىنان بەرى، باس شۋجي شي جينپيڭ لەي فىڭ رۋحىن اسقاقتاتۋ جونىندە ءبىر قىدىرۋ ماڭىزدى بايىمداۋ جاساپ، جاڭا داۋىردەگى لەي فىڭنان ۇيرەنۋ قيمىلىنىڭ مازمۇنىن ۇزدىكسىز كەڭەيتۋىن، تاسىلدە جاڭالىق اشۋىن، دانەكەرىن بايىتۋىن ىلگەرىلەتۋگە جەتەكشىلىك ەتىپ، لەي فىڭشىل وزات كوللەكتيۆتەر مەن ۇلگىلى جەكەلەر مولىنان جارىققا شىعىپ، جاڭا داۋىردەگى ۇلى وزگەرىسكە سارقىلماس رۋحاني قوزعاۋشى كۇش قوستى. جاڭا جورىقتا لەي فىڭنان ۇيرەنۋ قيمىلىن تەرەڭدەتۋ، كەڭەيتۋ ءۇشىن، باس شۋجي شي جينپيڭنىڭ لەي فىڭ رۋحىن اسقاقتاتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، لەي فىڭ رۋحىنىڭ داۋىرلىك ءمانى مەن امالياتتىق تالابىن تەرەڭ يگەرىپ، پارتيا مۇشەلەرىن، كادرلاردى، بۇقارانى اسقاق مۇرات پەن تالپىنىس ورناتۋعا باستاپ، سوتسياليستىك وزەكتى قۇن كوزقاراسىن امالياتتا ايگىلەپ، پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ وراسان زور ىنتاسىن قاۋلاتىپ، ”ەكىنى تۇراقتاندىرۋدى“ اناعۇرلىم باتىل قولداپ، ”ەكىنى قورعاۋدى“ اناعۇرلىم باتىل ورىنداپ، سانالىلىقپەن جەكە تالپىنىستى پارتيا مەن حالىق ىستەرى ءۇشىن كۇرەس جاساۋمەن توعىستىرىپ، جۇڭگو ۇلگىسىندەگى وسىزامانداندىرۋ قۇرىلىسىنا كەرپىش بولىپ قالانۋ كەرەك. لەي فىڭ رۋحىن زەرتتەۋدى، ءتۇسىندىرۋدى تەرەڭدەتۋ، يدەيا - ساياسي جاقتان جەتەكتەۋدى كۇشەيتۋ جاعىنا كۇش سالىپ، پارتيا مۇشەلەرىنىڭ، كادرلاردىڭ جانە وزات تيپتەردىڭ ۇلگى كورسەتۋ، باستاماشىلدىق رولىن ساۋلەلەندىرىپ، لەي فىڭنان ۇيرەنۋ قيمىلىنىڭ تۇعىرىن، دانەكەرىن بايىتىپ، كەڭەيتىپ، تەڭ يگەرىپ، بىرگە باسقارۋدىڭ باياندى مەحانيزمىن قالىپتاستىرۋدى ىلگەرىلەتىپ، لەي فىڭنان ۇيرەنۋ قيمىلىنىڭ اناعۇرلىم ءداۋىر سەزىمىنە، باۋراۋ قۋاتىنا يە بولىپ، ۇدايىلانۋىن، باياندى بولۋىن ورىنداۋ كەرەك.
لي شۋلەي اڭگىمە ءماجىلىسىن باسقاردى، سۇن شۇنلان مەن مياۋ حۋا قاتىناستى.
ورتالىق پەن مەملەكەت ورگاندارى قىزمەت كوميتەتىندەگى، وقۋ - اعارتۋ مينيسترلىگىندەگى، كوممۋنيستىك جاستار وداعى ورتالىق كوميتەتىندەگى، ورتالىق اسكەري ىستەر كوميتەتى ساياسي قىزمەت بولىمىندەگى، حۋنان ولكەسىنىڭ چاڭشا قالاسىنداعى، لياۋنيڭ ولكەسىنىڭ فۋشۇن قالاسىنداعى جانە لەي فىڭ كوزى تىرىسىندە تۇرعان اسكەري بولىمدەگى جاۋاپتى جولداستار، مامان - وقىمىستىلار ۋاكىلدەرى اڭگىمە ماجىلىستە سوزگە شىقتى. اڭگىمە ءماجىلىستى ورتالىق كوميتەت ۇگىت ءبولىمى، ورتالىق پەن مەملەكەت ورگاندارى قىزمەت كوميتەتى، ورتالىق كوميتەت وركەنيەت كەڭسەسى، وقۋ - اعارتۋ مينيسترلىگى، كوممۋنيستىك جاستار وداعى ورتالىق كوميتەتى، ورتالىق اسكەري ىستەر كوميتەتى ساياسي قىزمەت ءبولىمى بىرلەسىپ وتكىزدى.
