اۆتونوميالى رايوندىق پارتكوم تۇراقتى كوميتەتى ءماجىلىس اشتى
باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن جەتكىزدى، ۇيرەندى، دايەكتىلەندىردى
ىندەتتەن ساقتانۋ - تىزگىندەۋ جانە ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن پىكىرلەرگە ساي رەتتەۋ - تۇزەتۋ قاتارلى قىزمەتتەردى اقىلداستى، ورنالاستىردى
ما شيڭرۇي ءماجىلىستى باسقاردى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ تۇراقتى كوميتەتى 2 - ايدىڭ 23 - كۇنى تۇستەن كەيىن ءماجىلىس اشىپ، باس شۋجي شي جينپيڭنىڭ 2 - ايدىڭ 16 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىنىڭ رۋحىن جانە 2 - ايدىڭ 21 - كۇنگى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، باس شۋجيدىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 3 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن، ىشكى موڭعۇلدىڭ الشا سول حوشۇنىنداعى اشىق كومىر كەننىڭ وپىرىلۋ شىرعالاڭى جونىندەگى ماڭىزدى نۇسقاۋىنىڭ رۋحىن جانە جاقىنعى مەزگىلدەگى قۇتتىقتاۋ حاتىنىڭ، قۇتتىقتاۋ تەلەگرامماسىنىڭ، جاۋاپ حاتىنىڭ رۋحىن جەتكىزدى، ۇيرەندى، دايەكتىلەندىردى، 36 - رەتكى مەملەكەتتىك ”سارى، زاڭسىز باسىلىمداردى الاستاۋ“ قىزمەتى جونىندەگى تەلەۆيزور - تەلەفون ءماجىلىسىنىڭ تالاپتارىن اقىلداسىپ، دايەكتىلەندىرىپ، اۆتونوميالى رايوننىڭ ىندەتتەن ساقتانۋ - تىزگىندەۋ، لاستانۋدان ساقتانۋ - وڭاۋ جانە ورتالىقتىڭ ەكولوگيالىق قورشاعان ورتانى قورعاۋ بويىنشا قۋزاۋ - تەكسەرۋدە اڭىس ەتىلگەن پىكىرلەرگە ساي رەتتەۋ - تۇزەتۋ سياقتى قىزمەتتەردى اقىلداسىپ ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ءماجىلىستى باسقاردى.
ءماجىلىس مىنالاردى اتاپ كورسەتتى: باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزى ءبىزدىڭ ىندەتتەن ساقتانۋ - تىزگىندەۋ قىزمەتىن اناعۇرلىم ويداعىداي ىستەۋىمىزگە العا باسۋ بەتالىسىن ايقىن كورسەتىپ، ءتۇبىرلى بويسۇنۋ ولشەمىن ازىرلەدى. يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، ەلىمىزدىڭ ىندەتكە قارسى اتتانۋدا، ىندەتتەن ساقتانۋدا قول جەتكىزگەن كەلەلى جەتىستىكتەرىن، ىندەتكە قارسى اتتانۋ امالياتىندا قالىپتاسقان قىمباتتى تاجىريبەلەردى جانە جاڭا كەزەڭدەگى ىندەتتەن ساقتانۋ - تىزگىندەۋ قىزمەتىنىڭ تالاپتارىن ءداپ باسىپ يگەرىپ، ”ءتورت جاقتىڭ جاۋاپكەرشىلىگىن“ قاتايتىپ، شەشۋشى بۋىنداردى ءجىتى قاداعالاپ، ىندەتتى باقىلاۋ - تەكسەرۋ جانە ۇدايىلانعان الدىن الا ساقتاندىرۋ قۋاتى قۇرىلىسىن كۇشەيتىپ، جاڭا كەزەڭدەگى ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرىپ، قول جەتۋ وڭايعا تۇسپەگەن ىندەتتەن ساقتانۋ - تىزگىندەۋ جەتىستىكتەرىن باتىل بەكەمدەۋ كەرەك.
ءماجىلىس مىنالاردى باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەتى ءماجىلىسىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. بۇكىل رايونداعى ءتۇيىندى سالالار مەن شەشۋشى بۋىندارداعى رەفورمانى تىڭعىلىقتى ىلگەرىلەتىپ، رەفورمانىڭ قامال الۋ جانە جەتەكشى رولىن اناعۇرلىم ويداعىداي ساۋلەلەندىرىپ، ەكونوميكانىڭ، قوعامنىڭ جوعارى ساپالى دامۋىنا قىزمەت ەتۋ كەرەك. بورىش پەن جاۋاپكەرشىلىكتى كۇش سالا كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتىپ، ءىس جۇزىندىك ارەكەتپەن پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى مەن مەملەكەتتىك ەكى ءماجىلىستىڭ جەڭىسپەن اشىلۋىن قارسى الۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ توپتىق ۇيرەنۋىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ءتۇسىنىپ، نەگىزدىك زەرتتەۋدى كۇشەيتۋدىڭ ماڭىزدى ءمانىن جەتە تانىپ، اۆتونوميالى رايوننىڭ نەگىزدىك زەرتتەۋدەگى 10 جىلدىق ارەكەتىن ىشكەرىلەي اتقارىپ، نازاردى ”8 ءىرى كاسىپ سالاسى شوعىرى“ قۇرىلىسى سياقتى ءتۇيىندى مىندەتتەرگە شوعىرلاندىرىپ، نەگىزدىك زەرتتەۋ ورنالاستىرۋىن كۇشەيتىپ، تۇعىر قۇرىلىسىن، دارىندىلاردى باۋلۋدى، تۇزىمدىك قامتاماسىزداندىرۋدى جانە ساياساتتىق جەتەكتەۋدى كۇشەيتىپ، نەگىزدىك زەرتتەۋدە جوعارى ساپالى دامۋدى جۇزەگە اسىرۋدى ىلگەرىلەتۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ىشكى موڭعۇلدىڭ الشا سول حوشۇنىنداعى اشىق كومىر كەننىڭ وپىرىلۋ شىرعالاڭى جونىندەگى ماڭىزدى نۇسقاۋى باس شۋجيدىڭ، پارتيا ورتالىق كوميتەتىنىڭ حالىقتى بارىنەن جوعارى قوياتىن، ءومىردى بارىنەن جوعارى قوياتىن بيلىك جۇرگىزۋ ۇستانىمى مەن حالىقتىق سۇيىسپەنشىلىگىن تولىق ايگىلەدى. ءبىز باس شۋجيدىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، حاۋىپسىزدىك جاعىنداعى ەلەۋلى حاۋىپ - قاتەرلەردەن ساقتانۋ جانە ونى جويۋدىڭ توتەنشە ماڭىزدىلىعىن جانە ناقتى كوكەي تەستىلىگىن جەتە تانىپ، بىرەۋى ارقىلى وزگەسىن تۇسپالداپ، ساقتىق دابىلىن ۇزبەي قاعىپ، حاۋىپسىزدىك جاعىنداعى ەلەۋلى حاۋىپ - قاتەرلەردى جانە ءالسىز بۋىنداردى ءجىتى قاداعالاپ، ءوندىرىس حاۋىپسىزدىگى، وتە - موتە، كەن تاۋى سالاسىنداعى ەلەۋلى كومەسكى قاتەرلەردى ارناۋلى رەتتەۋ - وڭاۋدى ىشكەرىلەي ىلگەرىلەتىپ، ءوندىرىس حاۋىپسىزدىگى جاعىندا اۋىر، ەرەكشە اۋىر شىرعالاڭنىڭ تۋىلۋىنان باتىل ساقتانۋىمىز جانە ونى باتىل تەجەۋىمىز كەرەك.
ءماجىلىس مىنالاردى باسا دارىپتەدى: شي جينپيڭنىڭ ديپلوماتيا يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ ”جۇڭگو+ ورتا ازياداعى بەس ەل“ كاسىپ سالاسى جانە قارجى قوسۋ سەلبەستىگى تالقى مىنبەرىنە جولداعان قۇتتىقتاۋ حاتىنىڭ، 36 - كەزەكتى افريكا وداعى باسشىلار ماجىلىسىنە جولداعان قۇتتىقتاۋ تەلەگرامماسىنىڭ، گرەتسيا وقىمىستىلارىنا جولداعان جاۋاپ حاتىنىڭ رۋحىن مۇقيات ۇيرەنىپ، دايەكتىلەندىرىپ، ”شاقىرىپ اكەلۋ“، ”سىرتقا شىعارۋ“ قىزمەتىن ۇزدىكسىز ويداعىداي ىستەپ، ورتا ازيامەن، افريكامەن، اراب ەلدەرىمەن ءار سالاداعى پىكىر اۋىستىرۋدى، سەلبەسۋدى كۇشەيتىپ، ”ءبىر بەلدەۋ، ءبىر جولدىڭ“ جوعارى ساپالى دامۋىنا بەلسەندى تۇردە شينجياڭ ۇلەسىن قوسۋ كەرەك.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، مەملەكەتتىك ”سارى، زاڭسىز باسىلىمداردى الاستاۋ“ قىزمەتى جونىندەگى تەلەۆيزور - تەلەفون ءماجىلىسىنىڭ ورنالاستىرۋى بويىنشا، جاڭا جاعدايداعى جاڭا تالاپتى ءداپ باسىپ يگەرىپ، زاڭمەن باسقارۋ رۋحىن بارىنشا اسقاقتاتىپ، يدەولوگيا قىزمەتى جاۋاپكەرشىلىك ءتۇزىمىن قاتاڭ تياناقتاندىرىپ، حالىق بۇقاراسىنىڭ اڭىسى كۇشتى بولعان سارى، زاڭسىز باسىلىمدارعا ساياتىن قولامتالى، قيىن ماسەلەلەردى مىقتاپ يگەرىپ، ”سارى، زاڭسىز باسىلىمداردى الاستاۋدىڭ“ ءتۇرلى شارالارىنىڭ ناقتاپ تياناقتانۋىنا شىنايى كەپىلدىك ەتىپ، قايراتى تاسقىنداعان، اقاۋسىز، ورگە ۇمتىلعان قوعامدىق مادەنيەت ورتاسىن شىن مانىندە قالىپتاستىرۋ كەرەك.
ءماجىلىس اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى جونىندەگى مالىمەتتى تىڭداپ، مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ ورنالاستىرۋ تالابىنا ساي، اۋرۋدان ساقتانۋ - تىزگىندەۋ، ەمدەۋ - قۇتقارۋ، ەمدەۋ زاتتىق ماتەريالدارىمەن قامداۋ سياقتى ىندەتتەن ساقتانۋ - تىزگىندەۋ قىزمەتى جۇيەسىن ۇزدىكسىز كەمەلدەندىرىپ، شينجياڭنىڭ ساقتانۋ - تىزگىندەۋ دەڭگەيىن جانە شۇعىل جاعدايعا توتەپ بەرۋ بويىنشا ءبىر جاقتى ەتۋ قابىلەتىن جاپپاي جوعارىلاتۋ؛ ىندەتتى باقىلاۋ - تەكسەرۋ جانە ساقتاندىرۋ جۇيەسىن ونان ارى اقاۋسىزداندىرىپ، ىندەتتى باقىلاۋ - تەكسەرۋ جانە ۇدايىلانعان ساقتاندىرۋ قابىلەتى دەڭگەيىن جوعارىلاتىپ، ىندەتتىڭ كولەمدى تارالۋىنان، ورشۋىنەن باتىل ساقتانۋ؛ شۇعىل جاعدايعا توتەپ بەرۋ بويىنشا ءدارى - دارمەك قورىن ساقتاۋ، قامداۋدى ۇزدىكسىز ويداعىداي ىستەپ، ىندەتتەن ساقتانۋ شارالارىن تياناقتاندىرۋ، جەتىستىكتەردى بەكەمدەۋ سياقتى ءتۇرلى قىزمەتتەرگە پارمەندى تىرەك بولۋ كەرەك.
ءماجىلىس اۆتونوميالى رايوننىڭ لاستانۋدان ساقتانۋ - جونگە سالۋ جانە ورتالىقتىڭ ەكولوگيالىق ورتانى قورعاۋ بويىنشا قۋزاۋ - تەكسەرۋىندە اڭىس ەتىلگەن پىكىرلەرگە ساي رەتتەۋ - تۇزەتۋ قىزمەتى جونىندەگى مالىمەتتى تىڭداپ، مىنالاردى باسا دارىپتەدى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، تۇنىق سۋ، جاسىل تاۋ − باعالى بايلىق دەگەن ۇستانىمدى بەرىك ورناتىپ، وسكەلەڭ ساياسي سانالىلىقپەن، يدەيالىق سانالىلىقپەن جانە ارەكەت سانالىلىعىمەن، قۋزاۋ - تەكسەرۋدە اڭىس ەتىلگەن پىكىرلەرگە ساي رەتتەۋ - تۇزەتۋدى تياناقتاندىرۋدى باتىل ويداعىداي يگەرىپ، ءاربىر ماسەلەنى سوڭىنا دەيىن يگەرۋگە، ءاربىر پىكىر - ۇسىنىستىڭ تۇگەل تياناقتانۋىنا شىنايى كەپىلدىك ەتۋ كەرەك. لاستانۋدى دالمە - ءدال جونگە سالۋدى، لاستانۋدى عىلمي جونگە سالۋدى، لاستانۋدى زاڭ بويىنشا جونگە سالۋدى كورنەكتىلەندىرىپ، اشىق اسپان، تۇنىق سۋ، تازا توپىراقتى قورعاۋ شايقاسىن بار كۇشپەن ويداعىداي جۇرگىزىپ، تاماشا اۋا رايى سالىستىرماسىن قۇلشىنا جوعارىلاتۋ كەرەك. ەكولوگيانى الدىمەن ويلاسۋعا، ۇنەمدى، شوعىرلى بولۋعا، جاسىل، تومەن كومىرتەكتى دامۋعا تاباندى بولىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن ءتارتىپتى ىلگەرىلەتىپ، جاسىل ءتۇستى شينجياڭنىڭ جوعارى ساپالى دامۋىنىڭ ايقىن توركىن رەڭىنە اينالدىرۋ كەرەك. ءار دارەجەلى پارتكومدار مەن ۇكىمەتتەر ”پارتيا مەن ۇكىمەت بىردەي جاۋاپكەرشىلىك ارقالاۋدى، ءبىر قىزمەت ورنىندا قوس جاۋاپكەرشىلىك ارقالاۋدى“ قاتاڭ تياناقتاندىرىپ، ەكولوگيالىق وركەنيەت قۇرىلىسىن جانە ەكولوگيالىق ورتانى قورعاۋدى كۇشەيتۋدى كورنەكتى ورىنعا قويىپ، ەگجەي - تەگجەيلى، ناقتى، ويداعىداي يگەرىپ، ادام مەن تابيعات جاراسىمدى قاتار ءومىر سۇرەتىن كورىكتى شينجياڭدى قۇلشىنا قۇرۋى كەرەك.
