اۆتونوميالى رايوننىڭ ءار دارەجەلى پارتيا، ۇكىمەت نەگىزگى باسشىلارىن شۇعىل جاعدايعا توتەپ بەرۋ - باسقارۋ قىزمەتى بويىنشا ارناۋلى تاقىرىپتىق تاربيەلەۋ ءماجىلىسى اشىلدى
باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تومەنگى شەكتە ويلاۋدى بەكەمدەپ، جاۋاپكەرشىلىكتى قاتايتىپ، ناقتىلاندىرىپ، شينجياڭنىڭ ءوندىرىس حاۋىپسىزدىگى قىزمەتىن تىڭعىلىقتى ويداعىداي ىستەۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز باسقاردى، حۋاڭ يۇيجى ارناۋلى تاقىرىپتا بايانداما جاسادى، لي يفي، جاڭ چۇنلين قاتىناستى
2 - ايدىڭ 23 - كۇنى اۆتونوميالى رايوننىڭ ءار دارەجەلى پارتيا، ۇكىمەت ورىندارىنداعى نەگىزگى باسشىلاردىڭ شۇعىل جاعدايعا توتەپ بەرۋ - باسقارۋ قىزمەتى بويىنشا ارناۋلى تاقىرىپتىق تاربيەلەۋ ءماجىلىسى اشىلدى، شۇعىل جاعدايعا توتەپ بەرۋ - باسقارۋ مينيسترلىگىنىڭ ورىنباسار مينيسترى، مەملەكەتتىك كەن حاۋىپسىزدىگىن باقىلاۋ - تەكسەرۋ مەكەمەسىنىڭ باستىعى حۋاڭ يۇيجى ارناۋلى تاقىرىپتا بايانداما جاسادى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلىشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 23 - كۇنى ۇرىمجىدەن حابارلايدى. اۆتونوميالى رايوننىڭ ءار دارەجەلى پارتيا، ۇكىمەت ورىندارىنداعى نەگىزگى باسشىلاردىڭ شۇعىل جاعدايعا توتەپ بەرۋ - باسقارۋ قىزمەتى بويىنشا ارناۋلى تاقىرىپتىق تاربيەلەۋ ءماجىلىسى 2 - ايدىڭ 23 - كۇنى تۇستەن بۇرىن اشىلدى، شۇعىل جاعدايعا توتەپ بەرۋ - باسقارۋ مينيسترلىگىنىڭ ورىنباسار مينيسترى، مەملەكەتتىك كەن حاۋىپسىزدىگىن باقىلاۋ - تەكسەرۋ مەكەمەسىنىڭ باستىعى حۋاڭ يۇيجى ارناۋلى تاقىرىپتىق بايانداما جاساۋعا ۇسىنىس ەتىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتارلىلار ماجىلىسكە قاتىناستى.
حۋاڭ يۇيجى ارناۋلى تاقىرىپتىق بايانداماسىندا باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋلارىنىڭ رۋحاني ماڭىزىن، وزەكتى ءمانىن جانە امالياتتىق تالابىن ىشكەرىلەي ءتۇسىندىرىپ، پارتيا 20 - قۇرىلتايىنىڭ ءوندىرىس حاۋىپسىزدىگى جونىندەگى ماڭىزدى ورنالاستىرۋىن دايەكتىلەندىرۋدى، تياناقتاندىرۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا ءوندىرىس حاۋىپسىزدىگى قىزمەتىن تىڭعىلىقتى جاقسى ىستەۋدى ارقاۋ ەتىپ، شينجياڭنىڭ ءوندىرىس حاۋىپسىزدىگى ءىس جۇزىندىگىمەن ۇشتاستىرىپ، ءوندىرىس حاۋىپسىزدىگى جونىندەگى ءتۇيىندى مىسالداردان پايدالانىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋ، ءوندىرىس حاۋىپسىزدىگى جاۋاپكەرشىلىگىن جاپپاي تياناقتاندىرۋ، حاۋىپسىزدىك جاعىنداعى ەلەۋلى حاۋىپ - قاتەرلەردەن ساقتانۋ جانە ونى جويۋ، زاڭ بويىنشا قوعام اماندىعىن باسقارۋ دەڭگەيىن جاپپاي جوعارىلاتۋ، حاۋىپسىزدىك نەگىزدىك دەڭگەيىن كۇش سالا جوعارىلاتۋ، شۇعىل جاعدايعا توتەپ بەرۋ، توسىن جاعدايدى ءبىر جاقتى ەتۋ قابىلەتىن جوعارىلاتۋ سياقتى ءوندىرىس حاۋىپسىزدىگىنە قاتىستى كەلەلى ماسەلەلەر جونىندە جان - جاقتى، جۇيەلى، ەگجەي - تەگجەيلى تۇسىنىك جاساپ، تاربيەلەۋ جۇرگىزدى.
ما شيڭرۇي بىلاي دەپ اتاپ كورسەتتى: ءوندىرىس حاۋىپسىزدىگى حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە سايادى، رەفورما، دامۋ، ورنىقتىلىق كەلەلى جاعدايىنا سايادى. بۇكىل رايونداعى ءار دارەجەلى پارتكومدار، ۇكىمەتتەر جانە تاراۋلار، ورىندار باس شۋجي شي جينپيڭنىڭ شۇعىل جاعدايعا توتەپ بەرۋ - باسقارۋ، ءوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اسىرەسە، باس شۋجيدىڭ 2 - ايدىڭ 22 - كۇنى ىشكى موڭعۇلدىڭ الشا سول حوشۇنىنداعى اشىق كومىر كەننىڭ وپىرىلۋ شىرعالاڭى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، يدەيا مەن ارەكەتتى باس شۋجيدىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىمەن شىن مانىندە بىرلىككە كەلتىرىپ، وسىدان ساباق الىپ، بىرەۋى ارقىلى وزگەسىن تۇسپالداپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ ساياسي جاۋاپكەرشىلىگىن باتىل ارقالاپ، تىڭعىلىقتى، پارمەندى شارالار ارقىلى اۋىر، ەرەكشە اۋىر حاۋىپسىزدىك شىرعالاڭدارىنىڭ تۋىلۋىن باتىل تەجەپ، حاۋىپسىزدىك جاعدايىنىڭ ورنىقتى جاقسارۋىنا شىنايى كەپىلدىك ەتىپ، بۇكىل رايوننىڭ شۇعىل جاعدايعا توتەپ بەرۋ - باسقارۋ جۇيەسى مەن قابىلەتىنىڭ وسىزاماندانۋىن ىلگەرىلەتۋى كەرەك. وسى رەتكى ارناۋلى تاقىرىپتىق تاربيەلەۋدى وراي ەتىپ، ساياسي جاۋاپكەرشىلىكتى اناعۇرلىم كۇشەيتىپ، ماسەلەنى باعدار ەتۋدى كورنەكتىلەندىرىپ، تاۋقىمەت تانىمىن كۇشەيتىپ، تومەنگى شەكتە ويلاۋدى بەكەمدەپ، نازاردى بۇكىل رايوننىڭ ءوندىرىس حاۋىپسىزدىگى قىزمەتىندەگى ولقىلىقتارعا شوعىرلاندىرىپ، ماسەلەسى كورنەكتى، كومەسكى حاۋىپ - قاتەر شوعىرلانعان ءتۇيىندى كاسىپ سالالارىن، سونداي - اق ادامدار شوعىرلانعان ورىندار مەن شەشۋشى ورىنداردى ءجىتى قاداعالاپ، كومەسكى قاتەرلەردى ءبىر - بىرلەپ تەكسەرۋدى، رەتتەۋ - وڭاۋدى تىڭعىلىقتى ورىستەتىپ، شۇعىل جاعدايعا توتەپ بەرۋ - باسقارۋ قابىلەتىن جوعارىلاتۋ ارەكەتىن ىشكەرىلەي ورىستەتىپ، حاۋىپ - قاتەردى تۇجىرىمداۋ، ساقتاندىرۋ، توتەپ بەرۋ، ءبىر جاقتى ەتۋ قابىلەتى دەڭگەيىن جاپپاي جوعارىلاتىپ، زاڭ اتقارۋدى باقىلاۋ - باسقارۋ سەرپىنىن ۇزدىكسىز كۇشەيتىپ، مۇمكىندىكتىڭ بارىنشا ساقتالىمدى ازايتىپ، مولشەرىنىڭ ارتۋىن تىزگىندەپ، وزگەرۋىنەن ساقتانىپ، ەكونوميكالىق، قوعامدىق دامۋعا تاماشا حاۋىپسىز ءوندىرىس ورتاسىن ازىرلەۋ كەرەك. بۇكىل رايونداعى ءار دارەجەلى تاراۋلار ءوندىرىس حاۋىپسىزدىگى جاۋاپكەرشىلىك ءتۇزىمىن قاتاڭ تياناقتاندىرىپ، پارتيا، ۇكىمەت ورىندارىنداعى نەگىزگى جاۋاپتى جولداستاردىڭ ءبىرىنشى جاۋاپتى ادام بولۋ جاۋاپكەرشىلىگىن جانە كاسىپورىنداردىڭ تۇلعالىق جاۋاپكەرشىلىگىن، قاراستى جەردىڭ باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن قاتايتىپ، ناقتىلاندىرىپ، ءوندىرىس حاۋىپسىزدىگى بويىنشا ”ءبىر بەلەتپەن تەرىستەۋ“ جانە ءوندىرىس حاۋىپسىزدىگى شىرعالاڭدارىندا ”ءبىر دەلونى ەكى جاقتى تەكسەرۋ“ ءتۇزىمىن قاتاڭ تياناقتاندىرىپ، ”ءاردايىم قام جەپ تۇراتىن“ جاۋاپكەرشىلىك تانىمىمەن ءوندىرىس حاۋىپسىزدىگى قىزمەتى شارالارىنىڭ تياناقتانۋىن قاز - قالپىندا ويداعىداي يگەرىپ، حاۋىپسىزدىك قىزىل سىزىعىن، تومەنگى شەگىن ويداعىداي ساقتاپ، اناعۇرلىم جوعارى دەڭگەيدەگى تىنىش شينجياڭ قۇرۋعا پارمەندى كەپىلدىك ازىرلەۋى كەرەك.
تيان شياڭلي، چىن ۋيجۇن، ۋاڭ ميڭشان، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنداعى، ۇكىمەتتەگى، ساياسي كەڭەستەگى قاتىستى باسشى جولداستار، شينجياڭ اسكەري رايونىنداعى، قارۋلى ساقشى شينجياڭ باس اترەتىندەگى قاتىستى جاۋاپتى جولداستار، اۆتونوميالى رايونعا (ورتالىققا) توتە قاراستى قاتىستى ورىندارداعى جانە اۆتونوميالى رايوننىڭ ءوندىرىس حاۋىپسىزدىگىندەگى ءتۇيىندى كاسىپورىندارداعى جاۋاپتى جولداستار قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە ءارقايسى شى، قالالاردا، تۋان - الاڭداردا بولىمشە ءماجىلىس الاڭى ورنالاستىرىلدى.
ماجىلىستەن كەيىن شۇعىل جاعدايعا توتەپ بەرۋ - باسقارۋ مينيسترلىگى تاعى قاتىستى تاراۋلار مەن قۇرىلىمداردىڭ ءوندىرىس حاۋىپسىزدىگى ماماندارىن ۇيىمداستىرىپ، 2 توپقا ءبولىپ، بۇكىل رايونداعى ايماق، وبلىس، قالالاردىڭ، اۋدان، قالا، رايونداردىڭ سالاعا جاۋاپتى باسشىلارىن، قاتىستى تاراۋلارداعى جاۋاپتى جولداستاردى جانە كاسىپورىنداردىڭ جاۋاپتىلارىن، ت. ب جۇيەلى تاربيەلەيدى ءارى مامانداردى ۇيىمداستىرىپ، اۆتونوميالى رايوننىڭ كەن حاۋىپسىزدىگى قىزمەتىنە كومەكتەسۋ - سۇيەمەلدەۋ، جەتەكشىلىك ەتۋ قىزمەتىن ورىستەتەدى.
