تاياۋدا جۇڭگو مۇگەدەكتەر بىرلەستىگى، وقۋ – اعارتۋ مينيسترلىگى كەڭسەسى «ادەتتەگى جوعارى مەكتەپتەردىڭ جەكە ەمتيحان الىپ مۇگەدەك وقۋشىلاردى قابىلداۋ قىزمەتىن اناعۇرلىم ويداعىداي ىستەۋ جونىندەگى ۇقتىرۋدى» باسىپ تاراتتى.
«ۇقتىرۋ» ولكە دارەجەلى مۇگەدەكتەر بىرلەستىگىنىڭ، وقۋ - اعارتۋ اكىمشىلىك تاراۋلارىنىڭ، وقۋ - اعارتۋ، وقۋشى قابىلداۋ ەمتيحان قۇرىلىمدارىنىڭ، سونداي - اق قاتىستى جوعارى مەكتەپتەردىڭ قىزمەت جاۋاپكەرشىلىگىن ايقىنداپ، جوعارى مەكتەپتەردىڭ ەمتيحان الۋ، وقۋشى قابىلداۋ قىزمەتىنە قاتىستى بەلگىلەمەلەرگە قاتاڭ بويسۇنىپ، ۇيىمدىق باسشىلىقتى اناعۇرلىم كۇشەيتىپ، جۇيەلى باسقارۋدى قاتايتىپ، ەمتيحان الۋ، وقۋشى قابىلداۋ قىزمەتىنىڭ ٴادىل، تۋرا جانە ورنىقتى، ٴتارتىپتى بولۋىنا كەپىلدىك ەتۋدى تالاپ ەتتى.
«ۇقتىرۋ» ءارقايسى قاتىستى جوعارى مەكتەپتەردىڭ مۇگەدەك وقۋشىلاردىڭ ٴىس جۇزىندىك جاعدايىمەن ۇشتاستىرىپ، ءار ءتۇرلى مۇگەدەك وقۋشىلاردىڭ ەمتيحانعا قاتىناسۋىنا ۇيلەسىمدى قولايلىلىق جاراتۋىن تالاپ ەتتى. شارت – جاعدايى بار جوعارى مەكتەپتەر مۇگەدەك وقۋشىلاردىڭ قاتىستى كاسىپتىك ەمتيحان ناتيجەسىن ءوزارا تانۋ مۇمكىندىگىن قاراستىرۋىنا بولادى.
«ۇقتىرۋدا» مىنالار اتاپ كورسەتىلدى: قىزمەت جاۋاپكەرشىلىگىن مۇقيات تياناقتاندىرىپ، قىزمەت جوباسىن عىلمي جاساپ، ەمتيحان الۋ، وقۋشى قابىلداۋدى باسقارۋدى قاتايتىپ، بەلگىلەمەگە قايشىلىق جاساعانداردى تەكسەرىپ ٴبىر جاقتى ەتۋ تەبىنىن ارتتىرۋ كەرەك. ەمتيحان تۇرلەرىن بەتالدى ازايتۋ، ەمتيحان ۋاقىتىن قىسقارتۋ، ەمتيحان فورماسىن وزگەرتۋ سياقتى بەلگىلەمەگە قايشى ارەكەتتەرگە قاتاڭ تيىم سالىنادى. ەمتيحان ارقىلى وقۋشى قابىلداۋ بارىسىنداعى كوز بوياۋشىلىق ىستەۋ، كوڭىلگە قاراپ، قارالىق ىستەۋ سياقتى بەلگىلەمەگە، تارتىپكە قايشى ارەكەتتەردى ٴتارتىپ بويىنشا قاتاڭ ءبىر جاقتى ەتۋ ٴارى جاۋاپكەرشىلىگىن قۋزاستىرۋ كەرەك. جۇڭگو مۇگەدەكتەر بىرلەستىگى، وقۋ – اعارتۋ مينيسترلىگى قاتىستى جوعارى مەكتەپتەردىڭ جەكە ەمتيحان الۋ، جەكە قابىلداۋ قىزمەتىنە دەر كەزىندە تەكسەرۋ جۇرگىزەدى.
مۇگەدەك وقۋشىلاردىڭ جەكە ەمتيحان الۋ قىزمەتى 20 - عاسىردىڭ 80 - جىلدارىنىڭ سوڭىندا باستالىپ، 20 مىڭنان استام مۇگەدەكتىڭ جەكە ەمتيحان الۋ ارقىلى جوعارى دارەجەلى وقۋ - اعارتۋدى قابىلداۋىنا كومەكتەستى، بۇل ٴتۇزىم مۇگەدەكتەردىڭ وقۋ - اعارتۋ ۇقىعىن قامتاماسىزداندىرۋ، مۇگەدەكتەردىڭ ٴبىلىم الۋ ورەسىن جوعارىلاتۋ جاعىندا ماڭىزدى رول اتقاردى.
