جاڭ چۇنلين كەزدەسۋگە قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 2 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 2 - ايدىڭ 23 - كۇنى ۇرىمجىدە جۇڭگو ءىسلام ءدىنى قوعامىنىڭ باستىعى ياڭ فاميڭمەن جانە ونىڭ ساپارلاستارىمەن كەزدەستى، ەكى جاق شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ، شينجياڭدا ءىسلام ءدىنىن سوتسياليستىك قوعامعا اناعۇرلىم ويداعىداي ۇيلەسۋگە جەتەكتەۋ، ءدىننىڭ اقاۋسىز دامۋىن جەبەۋ سياقتىلار جونىندە ىشكەرىلەي پىكىرلەستى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ياڭ فاميڭنىڭ جانە ونىڭ ساپارلاستارىنىڭ كەلگەندىگىن قارسى الاتىندىعىن ءبىلدىردى. ول بىلاي دەدى: ۇلت، ءدىن قىزمەتى شينجياڭنىڭ قوعام ورنىقتىلىعى مەن باياندى تىنىشتىعىنا سايادى. شينجياڭ باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارىن، اسىرەسە، مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ءدىن قىزمەتىن باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەت رەتىندە قاراپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، تياناقتاندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا مىزعىماي تاباندى بولىپ، ءدىن ىستەرىن زاڭ بويىنشا باسقارۋعا تاباندى بولىپ، نەگىز قالايتىن ۇزاق بولاشاققا پايدالى قىزمەتتەرگە ۇزدىكسىز كۇش سالىپ، شينجياڭدا ءىسلام ءدىنىنىڭ سوتسياليستىك قوعامعا ۇيلەسۋىن بەلسەنە ىلگەرىلەتتى. جۇڭگو ءىسلام ءدىنى قوعامى − پارتيا مەن ۇكىمەتتىڭ ءىسلام ءدىنى سالاسىنداعى قايراتكەرلەردى جانە قالىڭ دىنگە سەنەتىن بۇقارانى ىنتىماقتاستىراتىن، ولارمەن بايلانىس جاسايتىن كوپىرى جانە دانەكەرى. قىزمەت سەرپىنىن ونان ارى ارتتىرىپ، ءىسلام ءدىنىن جۇڭگوشالاندىرۋ بويىنشا ءدىن تاعىلىمدارىن ءتۇسىندىرۋ، بايانداۋ، ءىسلام ءدىنى قوعامى مەن ءدىن شۋەيۋانى قۇرىلىسىن باسقارۋ، ءدىن ءىلىمى زەرتتەۋى، ءدىني قىزمەتكەرلەر مەن ءدىن قىزمەتى دارىندىلارىن جەتىلدىرۋ، باۋلۋ سياقتى جاقتاردا شينجياڭمەن قارىم - قاتىناستى، بايلانىستى تەرەڭدەتىپ، جەتەكشىلىكتى، كومەكتەسۋ - سۇيەمەلدەۋدى كۇشەيتىپ، شينجياڭدا ءىسلام ءدىنىنىڭ اقاۋسىز دامۋىن اناعۇرلىم ويداعىداي ىلگەرىلەتىپ، جاڭا داۋىردەگى شينجياڭنىڭ ءدىن قىزمەتىنىڭ جاڭا جاعدايىن اشۋدى ءۇمىت ەتەمىن.
ياڭ فاميڭ جۇڭگو ءىسلام ءدىنى قوعامىنىڭ قۇرىلىسىنا، دامۋىنا قاتىستى قىزمەت جاعدايىن تانىستىرىپ، مىنانى ءبىلدىردى: جۇڭگو ءىسلام ءدىنى قوعامى فۋنكتسيالىق رولىن ونان ارى ساۋلەلەندىرىپ، شينجياڭنىڭ ءىسلام ءدىنى ءدىن ىستەرى قيمىلدارىن ورىستەتۋ، ءدىني ۇيىمدار قۇرىلىسى، دارىندىلاردى باۋلۋ سياقتى قىزمەتتەرىنە بەلسەنە قولداۋ كورسەتىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋگە دەم بەرىپ، ءدىننىڭ ۇيلەسىمدى، قوعامنىڭ جاراسىمدى، ۇلتتاردىڭ تاتۋ بولۋىن اناعۇرلىم ويداعىداي جەبەيدى.
ەلزات احىمەتجان، قادەن كابەن، ابدۇرىقىپ ءتومۇرنياز قاتارلىلار كەزدەسۋگە قاتىناستى.
