□ گازەتىمىزدىڭ شولۋشىسى
”ءبىز جاڭا داۋىردەگى مەملەكەتتىڭ ’ءۇش بازا، ءبىر ارنا‘ قۇرىلىسىن قامتاماسىز ەتۋگە جاپپاي قىزمەت وتەيمىز“، ”شينجياڭنىڭ جاڭا ەنەرگيا، جاڭا ماتەريال كاسىپ سالاسى شوعىرىنىڭ دامۋىن ىلگەرىلەتۋگە تيەسىلى ۇلەس قوسامىز“، ”ءبىلىم مەنشىك ۇقىعى سياقتى ءپىشىنسىز مال - مۇلىكتى كەپىلگە قويىپ قارجى قۇراۋ ساياساتىنان يگىلىكتەنۋدى ءۇمىت ەتەمىز“... 2 - ايدىڭ 24 - كۇنى تۇستەن كەيىن وتكىزىلگەن اۆتونوميالى رايوننىڭ كاسىپورىنشىلار اڭگىمە ماجىلىسىندە ءار سالا، ءار كاسىپتەن كەلگەن كاسىپورىنشىلار اقتارىلا اڭگىمەلەسىپ، امال قاراستىرىپ، كۇش شىعارىپ، جوبانى اڭگىمەلەپ، ماسەلەنى ايتىپ، ۇسىنىس قويىپ، دامۋ ورايىن مىقتى يگەرۋ، دامۋ اياق الىسىن جەدەلدەتۋ كۇشتى تىلەكتەرىن ءبىلدىردى. جاپپاي سوتسياليستىك وسىزاماندانعان مەملەكەت قۇرۋدىڭ باستاماسى باستالعان كەزدە، وسى كوكتەمدەگى اڭگىمە ءماجىلىس يدەيانى بىرلىككە كەلتىردى، كۇش - قۋاتتى ۇيىستىردى، كاسىپورىنشىلار رۋحىن اناعۇرلىم ويداعىداي اسقاقتاتۋ، كاسىپورىنشىلاردىڭ رولىن ساۋلەلەندىرۋ، جوعارى ساپالى دامۋدى ىلگەرىلەتۋ جونىنەن ماڭىزدى ءمان الادى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەدى، جاڭا جورىقتا ەكپىندەي ىلگەرىلەۋدىڭ ءداۋىر دابىلىن قاقتى. جۇڭگو ۇلگىسىندەگى وسىزامانداندىرۋدى ىلگەرىلەتۋ جولىندا شينجياڭ وزىندىك وڭىرلىك ورىن باسىمدىعىنا، بايلىق باسىمدىعىنا، ساياسات باسىمدىعىنا يە، ال، وسى باسىمدىقتاردى ساۋلەلەندىرۋ ءتۇرلى مەنشىكتەگى كاسىپورىنداردىڭ رولىن ساۋلەلەندىرۋدەن قول ۇزە المايدى، كاسىپورىنشىلاردىڭ يدەيانى ازات ەتىپ، رەفورما جاساپ، جاڭالىق اشىپ، كاسىپورىن ورنىن ءدال تاۋىپ، دامۋ ورايىن يگەرىپ، كاسىپورىندى جاڭا داۋىردە اناعۇرلىم زور ىسكەرلىك كورسەتۋگە باستاۋىن قاجەت ەتەدى. شينجياڭنىڭ ءتۇرلى بازار تۇلعالارىنىڭ ومىرشەڭدىك كۇشىن ۇزدىكسىز جارىققا شىعارۋ − جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋگە ۇلەس قوسۋ ءۇشىن، جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋگە ۇلەس قوسۋ ءۇشىن.
جاڭا داۋىردەگى جاڭا جورىقتا قالىڭ كاسىپورىنشىلاردىڭ جوعارى ساپالى دامۋدىڭ ساحناسىندا بار ونەرىن اناعۇرلىم ويداعىداي كورسەتۋىنە مۇمكىندىك جاساۋدا، ءسوز جوق، ماسەلەنى باعدار ەتۋگە تاباندى بولىپ، كاسىپورىنشىلاردىڭ رولىن ساۋلەلەندىرۋىنە تۇساۋ بولىپ وتىرعان، كاسىپورىنداردىڭ دامۋىنا، زورايۋىنا ىقپال كورسەتىپ وتىرعان كەدەرگىلەردى، بوگەتتەردى باتىل الاستاۋى كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، ءوندىرىس فاكتورلارىن بازارلاندىرىپ جايعاستىرۋعا جانە تاۋارلىق قىزمەت وتەۋ اينالىمىنا ورالعى بولاتىن تۇزىلىستىك، مەحانيزمدىك بوگەتتەردى جويىپ، كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قورعايتىن زاڭمەن باسقارۋ ورتاسىن، كاسىپورىنشىلاردىڭ ءادىل باسەكەلەسۋىن، سەنىمدىلىكپەن تيجارات جۇرگىزۋىن جەبەيتىن بازار ورتاسىن، كاسىپورىنشىلاردىڭ ءىس تىندىرىپ، شارۋاشىلىق قۇرۋىنا قۇرمەت ەتەتىن جانە شابىتتاندىراتىن قوعامدىق ورتانى تۇلعالاۋ؛ ەتەنەلىك پەن كىرشىكسىزدىك بىركەلكىلەنگەن جاڭاشا ۇكىمەت - ساۋداگەرلەر قاتىناسىن كۇش سالا قۇرىپ، ۇكىمەت پەن كاسىپورىن اراسىنداعى كەڭەسۋ ارناسىن ىركىلىسسىزدەندىرىپ، تۇزىمدەنگەن، ۇدايىلانعان ۇكىمەت - ساۋداگەرلەر كەڭەسۋ مەحانيزمىن اقاۋسىزداندىرىپ، ءار دارەجەلى باسشى كادرلاردىڭ كاسىپورىندارمەن اشىق اۋىس - كۇيىسىن ىلگەرىلەتىپ، ىرىقتىلىقپەن ىسكەرلىك كورسەتىپ، الدا تۇرىپ قىزمەت وتەپ، كاسىپورىندار ءۇشىن قيىن ماسەلەلەردى شەشىپ، ناقتى ءىس ىستەپ، ۇقىق - اقشا ساۋداسى، ساۋدالىق پارا بەرۋ سياقتى ماسەلەلەردىڭ ۇكىمەت - ساۋداگەرلەر قاتىناسىنا جانە شارۋاشىلىق - ساۋدا ورتاسىنا زيان جەتكىزۋىنەن باتىل ساقتانۋ؛ ەكونوميكالىق قىزمەتكە باسشىلىق ەتۋدەگى كاسىپتىك قابىلەتىن جوعارىلاتىپ، جۇيەلى كوزقاراستى كۇشەيتىپ، ءبىر تۇتاس جوسپارلاۋ قابىلەتىن جوعارىلاتىپ، مەملەكەت مەنشىگىندەگى كاسىپورىنداردىڭ باتىلدىقپەن ىستەۋىن، حالىقتىق كاسىپورىنداردىڭ باتىلدىقپەن اتويلاۋىن، شەتەل كاسىپورىندارىنىڭ باتىلدىقپەن قارجى قوسۋىن كۇش سالا ىلگەرىلەتىپ، ءتۇرلى بازار تۇلعالارىنىڭ ومىرشەڭدىك كۇشىنىڭ جارىسا تۋىنداۋىنا، تولىق جارىققا شىعۋىنا مۇمكىندىك جاساۋ كەرەك.
كاسىپورىنشىلار رۋحى − كاسىپورىنداردىڭ تولىسۋداعى قاينار كۇشى ءارى قازىرگى قوعامداعى ەرەكشە تاپشى بايلىق جانە ەڭ ءتۇبىرلى باسەكەلىك كۇش. قالىڭ كاسىپورىنشىلار كاسىپورىنشىلار رۋحىن بار كۇشپەن اسقاقتاتىپ، سەنىمدىلىككە، زاڭعا بويسۇنۋعا تاباندى بولىپ، زاڭمەن باسقارۋ تانىمىن، كەلىسىم رۋحىن، كەلىسىمگە بويسۇنۋ كوزقاراسىن بەرىك ورناتىپ، زاڭ، بەلگىلەمە بويىنشا تيجارات جۇرگىزىپ، سەنىمدىلىك ارقىلى شارۋاشىلىق قۇرۋدى ورىنداۋى؛ تيجارات جۇرگىزۋ دەڭگەيىن جوعارىلاتىپ، وسى زامانعى كاسىپورىن باسقارۋ ءتۇزىمىن ورناتىپ، تاڭداۋلى كاسىپورىن مادەنيەتىن جەتىلدىرىپ، كاسىپورىنداردىڭ ساپاسىنىڭ اناعۇرلىم جوعارى، ونىمدىلىگىنىڭ اناعۇرلىم جوعارى، باسەكەلىك قۋاتىنىڭ اناعۇرلىم كۇشتى، ىقپال قۋاتىنىڭ اناعۇرلىم زور دامۋىن جۇزەگە اسىرۋى؛ قوعامدىق جاۋاپكەرشىلىكتى بەلسەنە ارقالاپ، اناعۇرلىم كوپ جۇمىستانۋ ورنىن ازىرلەپ، قىزمەتشىلەردىڭ زاڭدى ۇقىق - مۇددەسىن قامتاماسىز ەتىپ، ەكولوگيالىق ورتاعا اناعۇرلىم باسا ءمان بەرىپ، جاسىل دامۋدى ىلگەرىلەتىپ، ءىس جۇزىندىك ارەكەتتەرىمەن كورىكتى شينجياڭ قۇرۋى كەرەك.
كاسىپورىنشىلار − شينجياڭنىڭ جوعارى ساپالى دامۋىنداعى تىرەكتى كۇش. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتىندا سوتسياليستىك وسىزاماندانعان قۇدىرەتتى مەملەكەت قۇرۋ بارىسىنداعى شينجياڭنىڭ ستراتەگيالىق ورنىمەن تىعىز بايلانىستىرىپ، ”ەكىدەن استە اۋىتقىماۋعا“ تاباندى بولىپ، كاسىپورىنشىلار رۋحىن بار كۇشپەن اسقاقتاتىپ، قالىڭ كاسىپورىنشىلاردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىراتىن بولساق، ءبىز، ءسوز جوق، جوعارى ساپالى دامۋدىڭ جاڭا تابىستارعا ۇزدىكسىز قول جەتكىزۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن قۇلشىنا ويداعىداي جازا الامىز.
