اۆتونوميالى رايوننىڭ كاسىپورىنشىلار اڭگىمە ءماجىلىسى اشىلدى
شارۋاشىلىق - ساۋدا ورتاسىن ساپالىلاندىرىپ، بازاردىڭ ومىرشەڭدىك كۇشىن قاۋلاتىپ، كاسىپورىنداردىڭ دامۋىن جەبەپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتىنا قۋاتتى قوزعاۋشى كۇش ۇستەۋ كەرەك
ما شيڭرۇي قاتىناستى ءارى ءسوز سويلەدى
ەركىن تۇنياز باسقاردى، نۇرلان ءابىلماجىن، لي يفي، جاڭ چۇنلين قاتىناستى
2 - ايدىڭ 24 - كۇنى، اۆتونوميالى رايوننىڭ كاسىپورىنشىلار اڭگىمە ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 2 - ايدىڭ 24 - كۇنى ۇرىمجىدەن حابارلايدى. اۆتونوميالى رايوننىڭ كاسىپورىنشىلار اڭگىمە ءماجىلىسى 2 - ايدىڭ 24 - كۇنى ۇرىمجىدە اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى، شينجياڭدا تۇراتىن ورتالىق كاسىپورىندارى، اۆتونوميالى رايونعا قاراستى مەملەكەت مەنشىگىندەگى كاسىپورىندار جانە اۆتونوميالى رايونداعى حالىقتىق كاسىپورىندار، شەتەل قارجىلاندىرعان كاسىپورىندار سياقتى 130 نەشە كاسىپورىننىڭ ۋاكىلدەرىمەن ءبىر ارادا باس قوسىپ، كاسىپورىنداردىڭ دامۋىنداعى قيىن ماسەلەلەردى شەشۋدىڭ وي جەلىسىن، شارالارىن بىرگە تالقىلاپ، يدەيالىق ورتاق تانىم ۇيىستىرىپ، دامۋ ۇلى جوسپارىن بىرگە اقىلداسىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋعا كۇش سالىپ، كاسىپورىنداردىڭ دامۋ سەنىمىن نىعايتىپ، بازار تۇلعالارىنىڭ ومىرشەڭدىك كۇشىن قاۋلاتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ شينجياڭ امالياتىنا قۋاتتى قوزعاۋشى كۇش ۇستەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين قاتارلىلار ماجىلىسكە قاتىناستى.
اڭگىمە ءماجىلىسى الاڭى دۋماندى بەينەگە شومىپ، كاسىپورىنشىلار اقتارىلا اڭگىمەلەستى. مەملەكەتتىك ەلەكتر قۋاتى قارجى قوسۋ توبى شينجياڭ ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگى، جۇڭگو تەمىر جولى قالا دامۋىنا قارجى قوسۋ توبى شەكتى سەرىكتەستىگى شينجياڭ بولىمشە سەرىكتەستىگى، شينجياڭ جاڭا ەنەرگيا (توبى) شەكتى سەرىكتەستىگى، شينجياڭ اۋىل - قىستاق امانات - قارىز كووپەراتيۆى بىرلەسكەن كووپەراتيۆى، مەيكى قارجى قوسۋ توبى شەكتى سەرىكتەستىگى، تايپيڭياڭ قۇرىلىس توبى، حۇيىر اۋىل شارۋاشىلىعى توبى، يىندولان ۇيعۇر ءدارى - دارمەكتەرى جارنا شەكتى سەرىكتەستىگى، تيانشۇن قامداۋ تىزبەگى جارنا شەكتى سەرىكتەستىگى، شيليڭ ينفورماتسيا تەحنيكاسى شەكتى سەرىكتەستىگى، شياڭشىڭ جاڭا ماتەريالدار عىلىم - تەحنيكا شەكتى سەرىكتەستىگى، تاڭجين توقىماشىلىق شەكتى سەرىكتەستىگى، اۋىل شارۋاشىلىعى 6 - شىسى اليۋمين كاسىبى، جىحۇي مۇناي قارجى قوسۋ شەكتى سەرىكتەستىگى، مەيكى مەيوۋ حيميا بۇيىمدارى شەكتى جاۋاپكەرشىلىك سەرىكتەستىگى، تۇڭي كاسىپورىن قارجى قوسۋ شەكتى سەرىكتەستىگى، كىندىجي، ورتا ازيا تابيعي گاز قۇبىرى شەكتى سەرىكتەستىگى، تۇڭاۋ تەكسەرۋ - ولشەۋ توبى، تيانيۇن ورگانيكالى اۋىل شارۋاشىلىعى شەكتى سەرىكتەستىگى، جىجياڭ ساۋدا قوعامى، گۋاڭدۇڭ ساۋدا قوعامى سياقتى كاسىپورىندار مەن ساۋدا قوعامدارىنىڭ جاۋاپتىلارى ىلگەرىندى - كەيىندى ءسوز سويلەپ، مۇناي - تابيعي گاز جانە ەنەرگيا، حيميا ونەركاسىبى كاسىپ سالاسىنىڭ جوعارى ساپالى دامۋى، نەگىزدىك قۇرىلعى قۇرىلىستارى، زەردەلى اۋىل شارۋاشىلىعى، ۇلتتىق ءدارى - دارمەك سياقتى ەرەكشە كاسىپ سالالارىن جەتىلدىرۋ، زورايتۋ، سىرتقا ەسىك اشۋ دەڭگەيىن جوعارىلاتۋ، كاسىپورىنداردىڭ قارجى قۇراۋ ارناسىن كەڭەيتۋ، شەشۋشى تەحنيكالارداعى ”القىمداعان“ ماسەلەلەردى شەشۋ، كاسىپورىندارعا تيىمدىلىك جاساۋ ساياساتىن تياناقتاندىرۋ، فينانس حاۋىپ - قاتەرىن جويۋ سياقتى قىزمەتتەردى ارقاۋ ەتىپ، دامۋ بولاشاعىن اقتارىلا اڭگىمەلەپ، قيىن ماسەلەلەرگە تىكە قاراپ، پىكىر - ۇسىنىس قويدى. ما شيڭرۇي ولاردىڭ سوزدەرىن مۇقيات تىڭداپ، ءالسىن - ءالى اڭگىمەگە قاتىسىپ، كاسىپورىنشىلارمەن پىكىر اۋىستىرىپ، ولاردىڭ ورتاعا قويعان ماسەلەلەرىنە جاۋاپ بەرىپ، قاتىستى تاراۋلاردان كوپشىلىكتىڭ قويعان پىكىر - ۇسىنىستارىن مۇقيات اقىلداسىپ، قابىلداپ، ونى كاسىپورىنداردىڭ قوزعاۋشى كۇشىن، ومىرشەڭدىك كۇشىن قاۋلاتاتىن، جوعارى ساپالى دامۋدى ىلگەرىلەتەتىن ناقتى شاراعا اينالدىرۋدى تالاپ ەتتى.
ما شيڭرۇي سوزىندە بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى كاسىپورىنشىلار قاۋىمىنىڭ مەملەكەتتىڭ دامۋى بارىسىنداعى ماڭىزدى رولىنا ايرىقشا ءمان بەرىپ، باس شۋجي شي جينپيڭ بازار تۇلعالارىنىڭ ومىرشەڭدىك كۇشىن قاۋلاتۋ، كاسىپورىنشىلار رۋحىن اسقاقتاتۋ، دۇنيە جۇزىندەگى بىرەگەي كاسىپورىن قۇرۋ سياقتىلار جونىندە ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، بىزگە ءتۇبىرلى بويسۇنۋ ولشەمىن ازىرلەدى. پارتيا 20 - قۇرىلتايىنىڭ رۋحىن جانە باس شۋجيدىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدىڭ ستراتەگيالىق بيىگىنەن كاسىپورىنشىلار قوسىنى قۇرىلىسىنا باسا ءمان بەرىپ جانە ونى كۇشەيتىپ، سوتسياليستىك وسىزاماندانعان قۇدىرەتتى مەملەكەت قۇرۋ بارىسىنداعى شينجياڭنىڭ ستراتەگيالىق ورنىن تياناق ەتىپ، الەمدىك ستراتەگيالىق كوز اياعا، بازار اشۋ رۋحىنا، باسقارۋ، جاڭالىق اشۋ قابىلەتىنە جانە قوعامدىق جاۋاپكەرشىلىك سەزىمىنە يە تاڭداۋلى كاسىپورىنشىلاردى كۇش سالا جەتىلدىرىپ، ولاردى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا بەلسەنە اتسالىسىپ، جاڭا داۋىردەگى جاڭا دامۋ ارناسىن قالىپتاستىراتىن، وسىزاماندانعان ەكونوميكالىق جۇيە قۇراتىن، جوعارى ساپالى دامۋدى ىلگەرىلەتەتىن جالىندى كۇشكە اينالۋعا قۇلشىنۋعا جەتەكتەۋ كەرەك.
ما شيڭرۇي بىلاي دەپ باسا دارىپتەدى: جەر - جەر، تاراۋلار بازاردىڭ بايلىقتى جايعاستىرۋداعى شەشۋشى رولىن ساۋلەلەندىرۋدى ۇكىمەتتىڭ رولىن اناعۇرلىم ويداعىداي ساۋلەلەندىرۋمەن بىرلەستىرىپ، ”ەكىدەن استە اۋىتقىماۋ“ تالابىن بۇلجىتپاي ناقتى تياناقتاندىرىپ، ءتۇرلى مەنشىكتەگى شارۋاشىلىقتىڭ ءوندىرىس فاكتورلارىنان زاڭ بويىنشا تەپە - تەڭ پايدالانۋىنا، بازار باسەكەسىنە ءادىل قاتىناسۋىنا، زاڭنىڭ قورعاۋىنا بىردەي يە بولۋىنا كەپىلدىك ەتىپ، شارۋاشىلىق - ساۋدا ورتاسىن ساپالىلاندىرىپ، دارەجەسىن جوعارىلاتۋدىڭ 3 جىلدىق ارەكەتىن ىشكەرىلەي اتقارىپ، كاسىپورىنشىلاردىڭ زاڭدى ۇقىق - مۇددەسىن زاڭ بويىنشا قورعايتىن زاڭمەن باسقارىلاتىن ورتانى، كاسىپورىنشىلاردىڭ ءادىل باسەكەلەسۋىن، سەنىمدىلىكپەن تيجارات جۇرگىزۋىن جەبەيتىن بازار ورتاسىن، كاسىپورىنشىلاردىڭ ءىس تىندىرىپ، شارۋاشىلىق قۇرۋىنا قۇرمەت ەتەتىن جانە شابىتتاندىراتىن قوعامدىق ورتانى قالىپتاستىرىپ، مەملەكەت مەنشىگىندەگى كاسىپورىنداردىڭ باتىلدىقپەن ىستەۋىن، حالىقتىق كاسىپورىنداردىڭ باتىلدىقپەن اتويلاۋىن، شەتەل كاسىپورىندارىنىڭ باتىلدىقپەن قارجى قوسۋىن كۇش سالا ىلگەرىلەتىپ، شينجياڭنىڭ ءتۇرلى بازار تۇلعالارىنىڭ ومىرشەڭدىك كۇشىنىڭ جارىسا تۋىنداۋىنا، تولىق جارىققا شىعۋىنا مۇمكىندىك جاساۋ كەرەك. قالىڭ كاسىپورىنشىلار كەزەكتەگى شينجياڭنىڭ اسا تاماشا دامۋ ورايىن مىقتى يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شينجياڭنىڭ بايلىق ارتىقشىلىعى مەن وڭىرلىك ورىن باسىمدىعىن تياناق ەتىپ، ”سەگىز ءىرى كاسىپ سالاسى شوعىرى“ قۇرىلىسى، وسى زامانعى قىزمەت وتەۋ كاسىبى، مادەنيەت پەن ساياحاتتى توعىستىرۋ سياقتى جاقتاردى ارقاۋ ەتىپ، نازاردى شوعىرلاندىرا كۇش سالىپ، شينجياڭنىڭ وسى زامانعى كاسىپ سالاسى جۇيەسىن جەدەل قۇرۋىنا كۇش ۇستەپ، بۇكىل ەلدىڭ ەنەرگيا بايلىعى ستراتەگياسىن قامتاماسىز ەتۋ بازاسىن، بۇكىل ەلدىڭ ساپالى ەگىن، مال شارۋاشىلىعى ونىمدەرى جاعىنداعى ماڭىزدى قامداۋ بازاسىن قۇرۋىنا بەلسەنە ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ىشكەرىلەي ات سالىسىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنا اناعۇرلىم كوپ كاسىپورىندار ۇلەسىن قوسۋ كەرەك. پارتيانىڭ باسشىلىعىنا تاباندى بولىپ جانە ونى كۇشەيتىپ، كاسىپورىنشىلاردى ساياسي جاقتان جەتەكتەۋدى كۇشەيتىپ، مەملەكەت مەنشىگىندەگى كاسىپورىنداردىڭ پارتيا قۇرىلىسىن جاپپاي كۇشەيتىپ، حالىقتىق شارۋاشىلىقتىڭ اقاۋسىز دامۋىن، حالىقتىق شارۋاشىلىق قايراتكەرلەرىنىڭ اقاۋسىز تولىسۋىن جەبەپ، تۇزىمدەنگەن، ۇدايىلانعان ۇكىمەت - ساۋداگەرلەر قارىم - قاتىناس مەحانيزمىن اقاۋسىزداندىرىپ، ءار دارەجەلى باسشى كادرلاردىڭ ىرىقتىلىقپەن ىسكەرلىك كورسەتۋىن، الدا تۇرىپ قىزمەت وتەۋىن ىلگەرىلەتىپ، بەلسەندى تۇردە كاسىپورىندار ءۇشىن قيىن ماسەلەلەردى شەشىپ، ناقتى ءىس ىستەپ، ەتەنەلىك پەن كىرشىكسىزدىك ءبىر تۇلعالانعان ۇكىمەت - ساۋداگەرلەر قاتىناسىن كۇش سالا قۇرىپ، ۇكىمەت پەن ساۋداگەرلەر بەرەكەلى، كاسىپورىن دامىعان، كادرلار كىرشىكسىز بولعان تاماشا جاعداي قالىپتاستىرۋ كەرەك.
ما شيڭرۇي بىلاي دەدى: قالىڭ كاسىپورىندار مەن كاسىپورىنشىلار شينجياڭنىڭ جوعارى ساپالى دامۋىنداعى تىرەكتى كۇش، جۇڭگو ۇلگىسىندەگى وسىزامانداندىرۋ قۇرىلىسىن جاپپاي ىلگەرىلەتۋ جاڭا جورىعىندا ءىرى ىستەر تىندىرادى. كوپشىلىكتىڭ دامۋ سەنىمىن بەكەمدەپ، كاسىپورىنشىلار رۋحىن بار كۇشپەن اسقاقتاتىپ، كاسىپورىنداردىڭ دامۋىن مەملەكەتتىڭ كوركەيۋىمەن، ۇلتتىڭ گۇلدەنۋىمەن، حالىقتىڭ باقىتىمەن تىعىز بىرلەستىرىپ، وتباسى - وتان سۇيىسپەنشىلىگىن شىنايى بەكەمدەپ، قوعامدىق جاۋاپكەرشىلىكتى بەلسەنە ارقالاپ، باتىلدىقپەن ءورىس اشا جاڭالىق اشىپ، سەنىمدى بولۋعا، زاڭعا بويسۇنۋعا تاباندى بولىپ، شينجياڭ سىندى وسىناۋ قارجى قوسىپ، شارۋاشىلىقتى گۇلدەندىرەتىن قۇتتى مەكەندە ۇزدىكسىز دامىپ، زورايىپ، شينجياڭنىڭ جاڭا دامۋ ارناسىنا قىزمەت وتەۋىنە جانە توعىسۋىنا، جوعارى ساپالى دامۋدى جۇزەگە اسىرۋىنا اناعۇرلىم ويداعىداي دەم بەرۋىن ءۇمىت ەتەمىن.
چىن ۋيجۇن، ياڭ فاسىن، ءيۇسۇپجان مامەت، ەلزات احمەتجان، قادەن كابەن، قايسار ابدۇكەرىم، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ءارقايسى ايماق، وبلىس، قالالارداعى سالاعا جاۋاپتى جولداستار، كاسىپورىنشىلار ۋاكىلدەرى جانە شينجياڭدا تۇراتىن ءبىر ءبولىم ساۋدا قوعامدارىنداعى جاۋاپتىلار قاتارلىلار ماجىلىسكە قاتىناستى.
