شينحۋا اگەنتتىگى كولەمدى ادەبي حابار تاراتتى
«پارتيا تۋىن اسقاق جەلبىرەتتى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىق پارتيا مەكتەبىنە جانە پارتيا مەكتەب-ى قىزمەتىنە كوڭىل بولگەندىگى جونىندە ەستەلىك»
شينحۋا اگەنتتىگىنىڭ 2 - ايدىڭ 27 - كۇنى بەيجيڭنەن بەرگەن حابارى. شينحۋا اگەنتتىگى 2 - ايدىڭ 27 - كۇنى «پارتيا تۋىن اسقاق جەلبىرەتەيىك − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىق پارتيا مەكتەبىنە جانە پارتيا مەكتەبى قىزمەتىنە كوڭىل بولگەندىگى جونىندە ەستەلىك» اتتى كولەمدى ادەبي حابار تاراتتى.
ماقالادا بىلاي دەلىنگەن: 90 جىل، تاريحتىڭ سالقار كوشىندە جالت ەتكەن ءبىر ءسات قانا.
الايدا ءبىر مەكتەپ جونىنەن ايتقاندا، 90 جىلدا شۇعىلالى پاراق جازۋعا ابدەن بولادى.
2023 - جىلى 3 - ايدا جۇڭگو كوممۋنيستىك پارتياسىنىڭ ەڭ جوعارى ءبىلىم ورداسى سانالاتىن ورتالىق پارتيا مەكتەبى ءوزىنىڭ 90 جاسقا تولعان تۋعان كۇنىن قارسى الادى.
پارتيا ءۇشىن قۇرىلىپ، پارتيا ءۇشىن گۇلدەنىپ، پارتيا ءۇشىن قۇدىرەتتەندى. 90 جىلدان بەرى، ورتالىق پارتيا مەكتەبى ەلىمىزدىڭ توڭكەرىس، قۇرىلىس، رەفورما ىستەرىنە زور توپتاعى باسشىلىق تىرەكتەرىن جەتىلدىرىپ بەرىپ، ماڭىزدى رول اتقاردى.
ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق پارتيا مەكتەبى مەن جەرگىلىكتى ءار دارەجەلى پارتيا مەكتەپتەرى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”پارتيا مەكتەبىنىڭ پارتيالىلىق سيپاتى“ سىندى مەكتەپ قۇرۋ، مەكتەپ باسقارۋ نەگىزىن ەستە بەرىك ساقتاپ، مەكتەپ باسقارۋ ساپاسى مەن دەڭگەيىن ۇزدىكسىز جوعارىلاتىپ، پارتيانىڭ تۋىن ءار دارەجەلى پارتيا مەكتەپتەرىندە اسقاق جەلبىرەتتى.
ماقالا مىناداي 3 بولىمگە ءبولىندى: تۋ ۇستاپ، باعدار بەلگىلەيتىن، ستراتەگيالىق جوبا − ”پارتيا مەكتەبى ىستەرى − پارتيا ىستەرىنىڭ ماڭىزدى قۇرامداس بولىگى، پارتيا مەكتەبى − پارتيامىزدىڭ پارتيالى باسشى كادرلاردى تاربيەلەيتىن، باۋليتىن باستى ارناسى“؛ ىجداعاتپەن ايرىقشا كوڭىل ءبولۋ، قامقورلىق جاساۋ − ”پارتيا مەكتەبىنىڭ قىزمەتىن تەك كۇشەيتۋ كەرەك، السىرەتۋگە بولمايدى“؛ ۇلى ارمان - مۇراتتىڭ شىت جاڭا تاراۋى − ”پارتيا مەكتەبى قىزمەتىنىڭ جاڭا جاعدايىن قۇلشىنا اشۋ“.
90 جىل ۋاقىت زىمىراپ ءوتىپ كەتتى، 90 جىلدا مول ناتيجەلەرگە قول جەتتى.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق پارتيا مەكتەبى (مەملەكەتتىك اكىمشىلىك شۋەيۋانى) مەن جەرگىلىكتى ءار دارەجەلى پارتيا مەكتەپتەرى (اكىمشىلىك شۋەيۋاندارىنىڭ) پارتيا مەكتەبىنىڭ داڭقتى ءداستۇرىن ساۋلەلەندىرىپ، كادرلاردى تاربيەلەۋدى، باۋلۋدى كۇشەيتۋ، پارتيانىڭ نازاريالىق قۇرىلىسىن ىلگەرىلەتۋ جولىندا جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا جاڭا ءارى اناعۇرلىم كەسەك ۇلەس قوسارى داۋسىز.
