A تيپتى تارالعىش تۇماۋدان ساقتانۋ جونىندە ٴۇرىمجى قالالىق اۋرۋدان ساقتانۋ-تىزگىندەۋ ورتالىعى جۇقپالى اۋرۋدان ساقتانۋ ٴبولىمىنىڭ اعا شيپاگەرى چىن ۋي كەڭەس بەردى. تومەندەگى الدىن الۋ شارالارىن جاقسى قولدانىڭىز.
تارالعىش تۇماۋ ۆاكسيناسىن ەكتىرۋ
تارالعىش تۇماۋ ۆاكسيناسىن ەكتىرۋ ساقتانۋدىڭ ەڭ ٴونىمدى ٴتاسىلى، ەكتىرۋشىلەردىڭ تارالعىش تۇماۋمەن جۇعىمدالۋىن جانە سالماقتى قوسانجار اۋرۋلاردىڭ تۋىلۋ قاتەرىن كورنەكتى تۇردە تومەندەتەدى. تارالعىش تۇماۋ ۆاكسيناسىن ەكتىرۋ ەرىكتى، 60 جاستان جوعارى قارتتار، 6 ايدان 5 جاسقا دەيىنگى بالالار، جۇكتى ايەلدەر، سوزىلمالى اۋرۋعا شالدىققاندار مەن ەمدەۋ قىزمەتكەرلەرى قاتارلى ءتۇيىندى ادامدار، ٴار جىلى 10 - ايدىڭ سوڭىنان بۇرىن جۇقپالى تۇماۋ ۆاكسيناسىن ەكتىرگەنى ءجون.
تاماشا تازالىق ادەتىن ساقتاۋ
قولدى ۇنەمى جۋۋعا تاباندى بولۋ، قولدى ۇنەمى جۋۋ تارالعىش تۇماۋدىڭ تارالۋىنىڭ الدىن الۋداعى ەڭ قاراپايىم، ەڭ ماڭىزدى شارالاردىڭ ٴبىرى. سىرتتان ۇيگە قايتقاننان كەيىن، الەۋمەتتىك بۇيىمدارىمەن جاناسقاننان كەيىن، تۇشكىرگەن، سىڭبىرگەننەن كەيىن، اۋىزدى، مۇرىندى، كوزدى ۇستاعاننان بۇرىن، ۇستاعاننان كەيىن، تاماقتان بۇرىن، دارەتكە وتىرعاننان كەيىن دەر كەزىندە قول جۋۋ. سونىمەن بىرگە بولمە تازالىعىنا كوڭىل ٴبولىپ، بولمە ىشىندە اۋا الماستىرىپ، جەل قاقتىرۋ.
تارالعىش تۇماۋدىڭ اۋرۋ بەلگىسى بار ادامدارعا جاناسۋدان ساقتانۋ كەرەك
تارالعىش تۇماۋمەن جۇعىمدالعان ناۋقاستار ەڭ نەگىزگى جۇعۋ قاينارى ەسەپتەلەدى، وتباسىنداعىلاردا تارالعىش تۇماۋمەن جۇعىمدالعاندار بولسا، اۋاشالانۋى، اسىرەسە بالالارمەن، قارتتارمەن جاناسۋدى ازايتۋىن ۇسىنىس ەتەمىز، جاناسۋعا تۇرا كەلسە، ماسكى تاعۋ ارقىلى جۇعىمدالۋ قاتەرىن تومەندەتۋگە بولادى.
ادامداردىڭ توپتالۋىن ازايتۋ
تارالعىش تۇماۋ قاپتاعان مەزگىلدە، مۇمكىندىكتىڭ بارىنشا ادام كوپ، شوعىرلى جەرلەرگە بارماۋ، قاجەت بولعاندا مەديتسينادا ىستەتىلەتىن ماسكى تاققان ەڭ ابزال.
ءبىلىم ءتۇيىنى:
A تيپتى تارالعىش تۇماۋ A تيپتى تارالعىش تۇماۋ ۆيرۋسى تۋىنداتاتىن تىنىس جولىنداعى ءبىر ٴتۇرلى شۇعىل جۇعىمتال اۋرۋ، نەگىزىنەن شاشىراۋ ارقىلى جۇعادى، جۇعىمتالدىعى جوعارى، تارالۋ جىلدامدىعى تەز.
A تيپتى تارالعىش تۇماۋدىڭ باستى بەلگىلەرى: قاتتى قىزادى، دەنە تەمپەراتۋراسى ℃ 40-39 قا دەيىن بارادى، تاعى باس اۋرادى، بۇكىل دەنەدەگى بۇلشىق ەتتەر سىزداپ اۋىرادى، دارمەنسىزدەنۋ، تاماققا تابەتى تارتپاۋ قاتارلى اۋرۋ بەلگىلەرى بايقالادى.
