ءارقايسى دەموكراتيالىق پارتيا - توپتاردىڭ ورتالىق كوميتەتتەرىن، مەملەكەتتىك ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەر ۋاكىلدەرىن جاعدايدان حابارلاندىرىپ، پىكىر تىڭدادى
جۇڭگو كوممۋنيستىك پارتياسى ورتالىق كوميتەتى دەموكراتيالىق كەڭەس ءماجىلىسىن وتكىزدى
شي جينپيڭ باسقاردى ءارى ماڭىزدى ءسوز سويلەدى
لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتىناستى
شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى 2 - ايدىڭ 28 - كۇنى جۇڭنانحايدا دەموكراتيالىق كەڭەس ءماجىلىسىن وتكىزىپ، پارتيا مەن مەملەكەت قۇرىلىمدارىنىڭ رەفورما جوباسى، جۇڭگو كوممۋنيستىك پارتياسى ورتالىق كوميتەتىنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارى كانديداتتارىنىڭ ۇسىنىستىق ەسىمدىگى مەن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارى كانديداتتارىنىڭ ۇسىنىستىق ەسىمدىگى جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىن، مەملەكەتتىك ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەر ۋاكىلدەرىن جاعدايدان حابارلاندىرىپ، پىكىر تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ماجىلىسكە قاتىناستى.
شي جينپيڭ سوزىندە بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ 20 - قۇرىلتايىندا پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋ جونىندە ماڭىزدى ورنالاستىرۋ جاسالدى، فينانس ءتۇزىلىسى رەفورماسىن تەرەڭدەتۋ، پارتيا ورتالىق كوميتەتىنىڭ عىلىم - تەحنيكا قىزمەتىنە ءبىر تۇتاس باسشىلىق ەتۋ ءتۇزىلىسىن كەمەلدەندىرۋ، ۇكىمەتتىڭ قىزمەت جاۋاپكەرشىلىگى جۇيەسى مەن ۇيىمدىق قۇرىلىمىن ساپالىلاندىرۋ، پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمىن كەمەلدەندىرۋ، قۇرىلىم، شتات بايلىعىن جايعاستىرۋدى ساپالىلاندىرۋ، پارتيا قۇرىلىسىمەن نەگىزگى ساتىنى باسقارۋعا جەتەكشىلىك ەتۋدى ىلگەرىلەتۋ، ارالاس مەنشىكتەگى كاسىپورىنداردىڭ، جالپىلىق مەنشىككە جاتپايتىن كاسىپورىنداردىڭ پارتيا قۇرىلىسى قىزمەتىن كۇشەيتۋ، كاسىپتىك بىرلەستىكتەردىڭ، عىلمي قوعامداردىڭ، ساۋدا قوعامدارىنىڭ پارتيا قۇرىلىسى قىزمەتىن باسقارۋ ءتۇزىلىسىن رەتكە سالۋ سياقتى جاقتاردا ايقىن تالاپ قويىلدى. جۇڭگو كوممۋنيستىك پارتياسى 20 - قۇرىلتايىنىڭ ورنالاستىرۋىن تياناقتاندىرۋ ءۇشىن جۇڭگو كوممۋنيستىك پارتياسى ورتالىق كوميتەتى ىشكەرىلەي زەرتتەۋ، دالەلدەۋ، كەڭ كولەمدە پىكىر الۋ نەگىزىندە «پارتيا مەن مەملەكەت قۇرىلىمدارىنىڭ رەفورما جوباسىن (جوبا نۇسقا)» قالىپتاستىردى. جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى قاراپ ماقۇلداعاننان كەيىن، مەملەكەت قۇرىلىمدارى رەفورماسىنداعى ءىشىنارا مازمۇنداردى زاڭدا بەلگىلەنگەن ءتارتىپ بويىنشا 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە قاراۋعا تاپسىرىلادى. جالپى جاقتان العاندا، بۇل رەتكى پارتيا مەن مەملەكەت قۇرىلىمدارىنىڭ رەفورماسى ءتۇيىندى كاسىپتەر مەن سالالاردى كورنەكتىلەندىرگەن، باعىتتامالىلىق سيپاتى ءبىرشاما كۇشتى، تەبىنى ءبىرشاما زور، قامتۋ كولەمى ءبىرشاما كەڭ، شارپيتىن مۇددەلەرى ءبىرشاما تەرەڭ، ماڭىزدى ىستەرگە ساياتىن، قوعام نازار اۋدارىپ وتىرعان ءىشىنارا قيىن ماسەلەلەردى كۇش سالا شەشىپ، ەكونوميكالىق، قوعامدىق دامۋعا ماڭىزدى ىقپال كورسەتەتىن بولادى.
شي جينپيڭ بىلاي دەپ باسا دارىپتەدى: 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جانە مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى تاياۋدا اشىلادى. جاڭا كەزەكتى مەملەكەت قۇرىلىمدارى مەن مەملەكەتتىك ساياسي كەڭەستىڭ باسشىلارىن سايلاۋ وسى رەتكى مەملەكەتتىك ەكى ءماجىلىستىڭ ماڭىزدى مىندەتى ءارى جالپى جاعدايعا قاتىستى ءىرى ءىس. جۇڭگو كوممۋنيستىك پارتياسى ورتالىق كوميتەتى مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ كەزەك اۋىستىرۋ، كادرلاردى ورنالاستىرۋ قىزمەتىنە ايرىقشا ءمان بەرىپ، زەرتتەۋ جۇرگىزىپ، ورنالاستىرۋ جاسادى، بەلگىلى كولەم ىشىندە اقىلداسىپ، پىكىر تىڭدادى. اقىلداسۋ بارىسىندا كوپشىلىك بىلاي دەپ قارادى: جاڭا كەزەكتى مەملەكەت قۇرىلىمدارى مەن مەملەكەتتىك ساياسي كەڭەس باسشىلارىنىڭ كانديداتتارىن جارىققا شىعارۋ جاڭا داۋىردەگى جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ؛ جۇڭگوشا سوتسياليستىك ساياسي دامۋ جولىمەن بۇلجىماي ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىنە تاباندى بولىپ، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ قىزمەتىن كۇشەيتىپ، ءار جاقتاعى كۇشتەردى ىنتىماقتاستىرۋ، ۇيىستىرۋ؛ پارتيانىڭ كادرلاردى باسقارۋ پرينسيبىنە تاباندى بولىپ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، توڭىرەكتىڭ ءتورت بۇرىشىنان دارىندى باۋراۋعا، قابىلەتتىلەردى عانا مىندەتكە تاعايىنداۋعا تاباندى بولىپ، جاڭا داۋىردەگى جاقسى كادر ولشەمىن جانە ادال، كىرشىكىسىز بولۋ، جاۋاپكەرشىلىك ارقالاۋ تالابىن تياناقتاندىرىپ، كانديداتتاردىڭ ساياسي وتكەلىن، پاكتىك وتكەلىن، وبراز وتكەلىن قاتاڭ يگەرۋ كەرەك. پىكىرلەردى تولىق تىڭداۋ نەگىزىندە جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى كانديداتتاردىڭ شارت - جاعدايىن، ءار جاقتى قۇرىلىمدىق تالاپتاردى جانە قىزمەت قاجەتىن جان - جاقتى ويلاسىپ، ۇسىنىستىق ەسىمدىكتەردى العا قويدى ءارى جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە قاراۋعا ۇسىندى.
شي جينپيڭ ءارقايسى دەموكراتيالىق پارتيا - توپتاردان، ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن وسى رەتكى پارتيا مەن مەملەكەت قۇرىلىمدارى رەفورماسىنىڭ كەلەلى ءمانىن تەرەڭ ءتۇسىنىپ، يدەيا مەن ارەكەتتى رەفورما جوباسىمەن بىرلىككە كەلتىرىپ، رەفورمانى كۇش سالا قولداپ، ءماجىلىستىڭ ءتۇرلى مىندەتتەرىن ءساتتى ورىنداۋعا شىنايى كەپىلدىك ەتىپ، ەكى ءماجىلىستى دەموكراتيالى، ىنتىماقتى، زەيىن - زەردە مەن كۇش - قۋاتتى ۇيىستىرعان، ستيلى پاك، سالتى دۇرىس ءماجىلىس ەتىپ اشۋدى ءۇمىت ەتتى. ءارقايسى دەموكراتيالىق پارتيا - توپتاردىڭ ورتالىق كوميتەتتەرىنەن، مەملەكەتتىك ساۋدا - ونەركاسىپشىلەر بىرلەستىگىنەن جانە پارتيادا، توپتا جوق قايراتكەرلەردەن جاعدايدى جىعا تانىپ، سەنىم جەتكىزىپ، قالىڭ مۇشەلەردى جانە بايلانىس جاساعان بۇقارانى يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتى جاساعان شەشىمدەرمەن، ورنالاستىرۋلارمەن بىرلىككە كەلتىرىپ، بەلسەنە اقىل - كەڭەس بەرىپ، ورتاق تانىمدى كەڭىنەن ۇيىستىرۋعا ىنتىماقتاستىرىپ جانە باستاپ، ماسەلەلەردى شەشۋدى جانە تاربيەلەۋدى، جەتەكتەۋدى باعىتتامالى تۇردە ويداعىداي ىستەپ، تۇتاس جىلدىق نىسانا - مىندەتتەردى ورىنداۋ جولىندا زەيىن - زەردە مەن كۇش - قۋاتتى ۇيىستىرىپ، ىنتىماقتاسا كۇرەس جاساۋدى ءۇمىت ەتتى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەر ۋاكىلى لي ۋي قاتارلىلار ءسوز سويلەدى. ولار بىلاي دەپ قارادى: پارتيا مەن مەملەكەت قۇرىلىمدارىنىڭ رەفورما جوباسى، جاڭا كەزەكتى مەملەكەت قۇرىلىمدارى جانە مەملەكەتتىك ساياسي كەڭەس باسشىلارى كانديداتتارىنىڭ ۇسىنىستىق ەسىمدىگى تۇگەلدەي كەڭ كولەمدە پىكىر الۋ، جان - جاقتى اقىلداسۋ، كەڭەسۋ نەگىزىندە قالىپتاسقان، جۇڭگو كوممۋنيستىك پارتياسى 20 - قۇرىلتايىنىڭ رۋحىن ايگىلەيدى، جاڭا داۋىردەگى جاڭا جورىقتا پارتيا مەن مەملەكەت ىستەرىنىڭ دامۋىنا قاتىستى، باتىل قولدايمىز ءارى پارتيا مەن مەملەكەت قۇرىلىمدارى رەفورماسىن تەرەڭدەتۋ، دەموكراتيالىق پارتيا - توپتاردىڭ وزىندىك قۇرىلىسىن كۇشەيتۋىن قولداۋ سياقتىلار جونىندە پىكىر جانە ۇسىنىس قويىلدى.
ۋاڭ چىن، شى تايفىڭ، لي گانجيە، حى ليفىڭ، جاڭ چيڭلي جانە چىن شي، ورتالىقتىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
ماجىلىسكە قاتىناسقان پارتيا سىرتىنداعى قايراتكەرلەردەن تاعى چىن جۋ، ۋان گاڭ، چىن شياۋگۋاڭ، گۋ شىڭزۋ، ليۋ شينچىڭ، شاۋ حۇڭ جانە حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن، جاڭ ىندي، لي يۋەفىڭ، جوۋ جۇڭحى قاتارلىلار بار.
